Lajmet

Vihet gurthemeli i objektit shtesë të shkollës “Vëllezërit Frashëri” në Lipjan

Published

4 years ago

March 3, 2021

Betim Gashi

Në Lipjan u vu gurthemeli i objektit shtesë të shkollës “Vëllezërit Frashëri” , ndërtimi i secilës pritet të përfundojë në shtatorin e këtij viti.

Nisja e ndërtimit të këtij objekti shkollor është mirëpritur nga nxënësit e mësimdhënësit pasi që aktualisht në këtë shkollë në një klasë mësojnë 40-42 nxënës.

Kryetari i komunës së Lipjanit, Imri Ahmeti, ka treguar se ndërtimi i shkollës bëhet me financim të komunës.

Ahmeti shton se ky objekt krijon mundësi të reja pasi shkolla e tanishme është e ngarkuar me numër të madh të nxënësve.

“Kemi filluar një objekt shtesë të shkollës fillore ‘Vëllezërit Frashëri’ pritjet janë që për 150 ditë pune, ne synojmë që më 1 shtator ta përfundojmë këtë objekt shkollor me qëllim të krimin të mundësive të reja sepse kjo shkollë është e ngarkuar me numër të madh të nxënësve, kështu që do të shtojmë intensitetin që më 1 shtator të përurohet kjo pjesë e objektit. Ekskluzivisht është financim i komunës, me mjete vetanake e kemi pas tepër të nevojshme këtë projekt dhe besoj që do ta finalizojmë me kohë”, tregoi Ahmeti.

Ahmeti pas vënies së gurthemelit ka treguar edhe se thuajse të gjitha shkollat janë rinovuar.

“Janë rinovuar gati të gjitha shkollat, kemi edhe pak punë të paraleleve të shkollave në disa lokalitete. Por vitin e kaluar janë rinovuar thuajse të gjitha, është investuar edhe në nxehje qendrore në shumicën e shkollave kështu që këtë viti kemi edhe 3-4 projekte të reja në renovim”, tha ai.

Drejtori i shkollës “Vëllezërit Frashëri”, Jakup Bahtiri tha ky objekt do të ndikojë drejtpërdrejtë në mësimdhënie dhe mësimnxënie.

“Fillimi i këtij aneksi është mirëpritur edhe nga nxënësit, prindërit, mësimdhënësit ku do të ndikoj drejtpërdrejt edhe në mësimdhënie dhe mësimnxënie prandaj do të ndikojë edhe në reduktimin e nxënësve në paralele ku deri më tani kemi pasur 40-42 nxënës, prandaj kjo do të ndikojë pozitivisht në zvogëlimin e numrit”, tha ai.

Lajmet

Osmani në Sofje, takoi presidentin bullgar dhe mbretin e Jordanisë

Published

5 hours ago

April 4, 2025

UBTNews

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Lajmet

Rivarrosen mbetjet mortore të 10 viktimave të luftës

Published

6 hours ago

April 4, 2025

UBT NEWS

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Bota

Shpërthejnë përleshjet në Sudanin e Jugut, 30 të vdekur

Published

7 hours ago

April 4, 2025

UBT NEWS

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

7 hours ago

April 4, 2025

UBT NEWS

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.