Lajmet

​Vetëm 4 shtretër të lirë në Mjekimin Intensiv, gjendja e pacientëve shumë e rëndë

Published

on

Vetëm edhe 4 shtretër kanë mbetur të zbrazët në Mjekimin Intensiv Qendror në Qendrën Kliniken Universitare të Kosovës (QKUK), pasi që në 21 shtretërit tjerë janë të vendosur pacientë me gjendje shëndetësore shumë të rënduar si pasojë e infektimit me COVID-19. Prej këtyre pacientëve 8 persona janë të intubuar, 10 janë me maskë CPAP e 3 me maskë të thjeshtë të oksigjenit.

Kështu ka bërë të ditur për KosovaPress anesteziologu në Mjekimin Intensiv Qendror, Mentor Alimusa i cili thotë se në valën e fundit të COVID-19 e deri tani janë trajtuar 45 pacientë.

Alimusa thekson se krahas 17 shtretërve tek njësia MIQ për trajtim të pacientëve me COVID janë shtuar edhe 9 shtretër të Klinikës ORL.

“Derisa ne po flasim në Mjekimin Intensiv Qendror COVID janë të pranishëm 21 pacientë, prej tyre 8 janë të intubuar, 10 janë me maskë CPAP, ndërsa 3 janë me maskë të thjeshtë të oksigjenit. Gjendja e pacientëve në Mjekimin Intensiv vetë fjala intensiv nënkupton se janë pacientë më të rëndë në raport me të tjerët dhe janë pacientët më të rëndë që sillen nga e gjithë Kosova e kanë si qendër referent Mjekimin Intensiv Qendror. Gjendja e pacientëve me të vërtetë është e rënduar[…]Me rritjen e numrit të rasteve me COVID strukturat e ShSKUK-së dhe MIQ janë mobilizuar dhe shumë shpejtë kanë arritur t’i përgatisin 26 shtretër. 17 shtretër janë në Mjekimin Intensiv të vjetër që ka qenë me herët kur i kemi përgatitur ku mund të kyçen të gjithë respiratorët dhe 9 raste të tjera janë të njësisë ORL e cila është e bashkangjitur me Mjekimin Intensiv COVID, që në total janë 26 shtretër me mundësi të kyçjes dhe respiratorëve”, theksoi Alimusa.

Alimusa në një intervistë për KosovaPress thotë se për dallim nga variantet tjerë në këtë klinik tashmë po kërkojnë trajtim spitalor pacientë të moshave të mesme duke filluar nga 40 vjeç e tutje.

Sipas anesteziologut, Alimusa është shqetësuese se aktualisht pacientët e shtrirë në Mjekimin Intensiv Qendror kanë më pak sëmundje shoqëruese, krahasuar me pacientët e varianteve të tjera të koronavirusit.

“Tek varianti Delta kemi një dallim prej varianteve të mëhershme ku në këtë rast si moshë më e shpesh në Mjekimin Intensiv është mosha prej 40 deri në 60 vjeçare, përjashto rastet ku nga Klinika e Gjinekologjisë ku kemi transferuar disa raste që kanë qenë shtatzëna që kanë qenë në mosha më të reja se sa ato 40-vjeçare. Tek ky variant meqenëse edhe mosha është më e re sëmundjet shoqëruese janë më të pakta në raport me herën e kaluar disa prej tyre shoqërohen me hipertension, diabet janë dy sëmundjet më të shpeshta që i shoqërojnë këto raste”, theksoi Alimusa.

Në Mjekimin Intensiv Qendror nga gjithë pacientë e shtrirë vetëm dy pacientë kanë qenë të vaksinuar, njëri ishte e vaksinuar vetëm me dozën e parë, ndërsa aktualisht në këtë klinik është i shtrirë një pacientë që është imunizuar me dy dozat e vaksinës.

Sipas doktorë Mentor Alimusa, gjendja e këtyre pacientëve të vaksinuar ka qenë më stabile.

“Në Mjekimin Intensiv deri më tani të gjithë pacientët që kanë qenë të shtrirë në Mjekimin Intensiv prej hapjes e deri më tani 1 paciente ka qenë me një dozë vaksine, dhe tani për momentin kemi 1 pacientë i cili është me dy doza AstraZeneca, por gjendja e këtij pacienti është më e qetë në raport me pacientët tjerë, të gjithë pacientët tjerë të cilët kanë qenë të shtrirë në Mjekimin Intensiv Qendror kanë qenë të pavaksinuar”, theksoi anesteziologu i Mjekimit Intensiv Qendror.

Oksigjeni është terapi kryesore kryesisht për pacientët e shtrirë tek Mjekimi Intensiv, prandaj nga kjo Klinik thonë se gjendja me furnizim është stabile.

“24 orë monitorohet presioni i oksigjenit dhe deri më tani në këtë moment që po flasim nuk kemi pasur ndonjë problem të tillë. Në Mjekimin Intensiv Qendror jemi të furnizuar me të gjitha medikamentet të cilat ne i ordinojmë gjatë trajtimit të pacientëve duke filluar prej oksigjenimit është i rregullt, respiratorët po ashtu monitorimi”, theksoi Alimusa.

Situata pandemike me COVID-19 në vend vazhdon të jetë e rënduar, vetëm në 24 orët e fundit si pasojë e infektimit me këtë virus kanë vdekur 22 qytetar. Ndërsa, 1894 persona kanë rezultuar pozitiv me COVID-19.

Lajmet

Protestë e re kundër shtrenjtimit të rrymës në Prishtinë

Published

on

By

Grupi “Asnjë cent më shumë” ka njoftuar se do të organizojë një protestë të re më 19 prill, kundër rritjes së çmimit të energjisë elektrike. Protesta do të mbahet në sheshin “Skënderbeu” në orën 12:00, dhe organizatorët kanë ftuar qytetarët të marrin pjesë në masë.

Besnik Shabiu, organizatori i protestës, ka deklaruar se protesta është një reagim ndaj vendimit të ZRRE-së për rritjen e çmimit të energjisë elektrike, duke theksuar se, nëse autoritetet nuk reagojnë, grupi nuk përjashton mundësinë e përshkallëzimit të aksioneve. Ai paralajmëroi se mund të ndodhin bllokime të rrugëve dhe institucioneve, për të siguruar që zëri i qytetarëve të dëgjohet.

Shabiu ka shtuar se protesta e nesërme vjen në një moment të rëndësishëm, pasi të njëjtën orë mbahet edhe vazhdimi i seancës konstituive të Kuvendit të Kosovës. Ai bëri thirrje për deputetët e zgjedhur që, sapo Kuvendi të konstituohet, të thirret komisioni për energji dhe ZRRE-ja për të raportuar mbi çështjen e rritjes së çmimit të energjisë.

“Zëri i qytetarëve duhet të dëgjohet pa ndërprerë. Ne do të vazhdojmë të jemi të zëshëm, dhe nëse pas kësaj proteste nuk ka reagim, do të jemi të detyruar të përshkallëzojmë aksionet”, tha Shabiu.

Ai gjithashtu njoftoi se po shqyrtohen mundësitë e pezullimit të pagesave për energjinë elektrike për qytetarët si një masë për të mbrojtur interesat e tyre. “Ky është një kërkesë legjitime e qytetarëve. Kur institucionet nuk punojnë për qytetarët, pse duhet të funksionojnë?”, shtoi ai.

Në anën tjetër, Ardian Bajraktari, një nga përfaqësuesit e grupit, ka bërë të ditur se ekipi i tij po punon për hartimin e padisë për anulimin e vendimit të aktit administrativ nga ZRRE. Sipas tij, ky vendim është marrë në shpërputhje me autorizimet e këtij institucioni dhe ka dëme të mëdha për qytetarët. Ai ka njoftuar se janë duke përgatitur gjithashtu një propozim për një masë të përkohshme, për të shtyrë ekzekutimin e vendimit derisa të shqyrtohet nga gjykatat.

Ky zhvillim vjen pas njoftimit të ZRRE-së për një rritje të çmimit të energjisë elektrike për 16%, që do të hyjë në fuqi nga muaji maj. Ky vendim ka shkaktuar reagime të shumta nga qytetarët, bizneset dhe subjektet politike, që po kundërshtojnë një rritje të tillë. Protesta të ngjashme janë mbajtur tashmë dhe grupet e aktivistëve po kërkojnë anulimin e këtij vendimi.

Për më shumë, grupi “Asnjë cent më shumë” ka paralajmëruar se do të vazhdojnë aksionet deri në arritjen e kërkesave të tyre dhe kanë ftuar qytetarët të bashkohen në protestën e nesërme për të shprehur pakënaqësinë e tyre ndaj shtrenjtimit të rrymës.

Continue Reading

Lajmet

Osmani dekoron me medalje tre të mbijetuar të dhunës seksuale gjatë luftës

Published

on

By

Presidentja e Republikës së Kosovës, Vjosa Osmani, ka dekoruar me medaljen “Nderi i Republikës së Kosovës” tre të mbijetuar të dhunës seksuale gjatë luftës së fundit në Kosovë. Në një ceremoni të organizuar në Presidencë, medalja iu dorëzua Vasfije Krasniqi-Goodman, Shyrete Tahiri-Sylejmani dhe Ramadan Nishori, të cilët kanë folur publikisht për përvojat e tyre të dhunës nga forcat serbe gjatë luftës.

Në fjalimin e saj, Presidentja Osmani ka vlerësuar guximin e të mbijetuarve për të ndarë me publikun përvojat e tyre dhe ka theksuar rëndësinë e dëshmive të tyre për drejtësinë dhe të vërtetën historike të Kosovës. Ajo ka shtuar se këta individë janë dëshmi e gjallë e luftës për drejtësi dhe kanë kontribuar në ndriçimin e rrugës së drejtë të historisë së vendit.

“Ka momente ku fjalët nuk mjaftojnë për të shprehur mirënjohjen, siç ka edhe njerëz që me guximin e tyre të lënë pa fjalë. Sot jemi këtu për t’iu përulur me respektin më të thellë përballë tre individëve që janë më shumë se thjesht individë, sepse me dhimbjen e tyre kanë ndriçuar rrugën e drejtë së vërtetës, drejtësisë dhe shpresës. Ju jeni zëri që keni zgjedhur dinjitetin, jeni zëri i të mbijetuarve që kanë zgjedhur heshtjen. Ky është një premtim i gjallë se historia nuk do t’i harrojë,” tha Osmani.

Pas dekoratës, Ramadan Nishori shprehu mirënjohjen për përkrahjen nga populli, duke theksuar se ndihej mirë që kishte marrë mbështetje në këtë rrugëtim të vështirë. “E përshëndes gjithë popullin tonë që më ka përkrahur këto ditë,” tha ai shkurt.

Vasfije Krasniqi, një tjetër e dekoruar, bëri thirrje që viktimat e dhunës seksuale të flasin hapur dhe të kërkojnë drejtësi. “Dua të falënderoj për qasjen, angazhimin. Të dashura viktima, ju lutem, ku do që jeni, ka ardhur koha të kërkojmë drejtësi. Lirojeni shpirtin që të mos ia falim Serbisë krimin që ka kryer,” tha Krasniqi.

Shyrete Tahiri-Sylejmani, gjithashtu e dekoruar, theksoi rëndësinë e drejtësisë për arritjen e paqes. “Kur të kemi drejtësi, kemi paqe. Faleminderit për kurajën që na jepni,” përfundoi ajo.

Continue Reading

Lajmet

Prokuroria kërkon vazhdimin e paraburgimit për Selimin dhe Krasniqin

Published

on

By

Prokuroria në Hagë ka kërkuar vazhdimin e paraburgimit për Rexhep Selimin dhe Jakup Krasniqin edhe për dy muaj të tjerë.

Në kërkesën për Krasniqin e ngjashëm edhe për Selimin, Prokuroria thotë se përfundimi i paraqitjes së provave nga ana e tyre rrit rrezikun e pengimit të drejtësisë dhe kryerjes së krimeve të tjera.

Veç kësaj, ZPS ka thënë se kjo justifikon edhe rishqyrtimin e rrezikut të arratisjes në vendimet për vazhdimin e paraburgimit. E njëjta gjë është theksuat edhe tek vendimi për Rexhep Selimin.

Sipas tyre vazhdon të ekzistojnë dyshime të bazuara se Jakup Krasniqi ka kryer një ose më shumë prej krimeve që bien në jurisdiksiomin e DHSK-së. Madje, Prokuroria thotë se ky dyshim është përforcuar edhe nga provat e ZPS-së që tashme janë përfshirë në dosjen e gjykimit.

Ata thonë se, fakti që Krasniqi dhe Selimi tani kanë njohuri të veçantë mbi rastin dhe provat kundër tij e rrit rrezikun që ai mund të kryejë krime të tjera, përfshirë kundër dëshmitarëve që kanë dhënë ose mund të japin dëshmi në çështje dhe/ose që mund të paraqiten para këtij Paneli në faza të ardhshme të procedurave.

“Për më tepër, Selimi tashmë është në dijeni të identitetit të të gjithë dëshmitarëve të ZPS-së dhe të provave të tyre. Përfundimi i çështjes së ZPS-së nuk e zvogëlon rrezikun e pengimit, por e rrit atë, pasi i akuzuari tashmë ka njohuri të plotë për përmbajtjen e çështjes ndaj tij. Siç është theksuar nga Trupi Gjykues, ekziston rreziku që ndërhyrjet me qëllim për të siguruar tërheqje të dëshmive dhe/ose për të dekurajuar dëshmitarët e ardhshëm nga dhënia e dëshmive mund të pengojnë përparimin e procedurës. Më tej, ekziston mundësia që dëshmitarët të thirren sërish, duke i bërë ata të cenueshëm ndaj përpjekjeve për ndërhyrje”, thuhet në kërkesën e Prokurorisë për Selimin.

Përveç rrezikut të arratisjes dhe pengimit të procedurave, Prokuroria ka thënë se masat e vendosura ne objektet e paraburgimit kanë ofruar garanci kundër vizitave dhe komunikimeve të pa-monitoruara si masa për të minimizuar rreziqet përkatëse.

Ata thonë se paraburgimi mbetet proporcional dhe i arsyeshëm veçanërisht që procedurat tashmë kanë përparuar.

Ndryshe, Prokuroria më 15 prill 2025 ka njoftuar se ka përfunduar paraqitjen e provave në këtë rast.

Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /Betimi për Drejtësi/

Continue Reading

Lajmet

Rama: Vendimi për ndërprerjen e projektit në shesh nuk është i mbështetur ligjërisht

Published

on

By

Kryetari i Prishtinës, Përparim Rama, ka deklaruar se vendimi për ndalimin e punimeve në sheshin “Xhorxh Bush” është i paligjshëm dhe i pambështetur në argumente juridike. Ai tha se institucionet që morën këtë vendim po ndikohen nga qëllime politike, edhe pse duhet të veprojnë në mënyrë të pavarur.

“Për herë të dytë janë ndërprerë punimet në një projekt të planifikuar për transformimin e hapësirës publike. Arsyetimet për këtë ndërhyrje nuk qëndrojnë në bazë ligjore dhe nuk janë ngritur nga palët përkatëse,” tha Rama në një konferencë për media.

Ai theksoi se projekti ka për qëllim përmirësimin e hapësirës publike dhe integrimin e trashëgimisë kulturore në zhvillimin urban të qytetit.

“Ka munguar përgjigjja nga Ministri për një debat publik për këtë çështje, edhe pse kemi qenë të hapur për diskutim,” shtoi ai.

Rama njoftoi se Komuna e Prishtinës do të ndjekë rrugë ligjore ndaj veprimeve që, sipas tij, bien ndesh me ligjin.

“Kryeqyteti do të vazhdojë procedurat ligjore ndaj të gjithë atyre që shkelin ligjin,” përfundoi ai.

Continue Reading

Të kërkuara