Në një kompleks pbanesor është përfshirë nga flakët mbrëmjen e djeshme në Tiranë. Sipas raportimeve paraprake, ngjarja ka ndodhur rreth orës 22:45, në rrugën “Pasho Hysa”.

Ndërkohë, shkaku kryesor i këtij zjarri dyshohet se ka qenë një shkëndijë elektrike e cila ka rënë në kabinën elektrike të kompleksit. Si pasojë janë shkaktuar vetëm dëme materiale.

Sakaq, grupi hetimor vijon punën për dokumentimin e plotë të rastit.

“Rreth orës 22:45, në rrugën “Pasho Hysa”, dyshohet se si pasojë e një shkëndije elektrike, ka rënë zjarr në kabinën elektrike të një kompleksi pallatesh. Si pasojë janë shkaktuar vetëm dëme materiale. Grupi hetimor vijon punën për dokumentimin e plotë të rastit”, thuhet në njoftimin e policisë./Euronews/

Aktorja italiane Monica Bellucci mori pjesë në premierën e filmit “Histoires De La Nuit” gjatë Festivalit të Filmit në Kanë, ku u shfaq me një fustan të zi të personalizuar nga Fendi.

Dizajni kombinonte lëkurën dhe dantellën, duke i dhënë paraqitjes së saj një stil modern dhe elegant. E njohur për zgjedhjet e saj klasike në tapetin e kuq, Bellucci këtë herë solli një pamje më bashkëkohore, pa humbur sofistikimin karakteristik.

Fustani me mëngë të gjata dhe detaje të punuara me kujdes u shoqërua me bizhuteri minimaliste dhe flokë të stiluar me onde të lehta.

Paraqitja e saj në Festivalin e Kanës tërhoqi vëmendje për elegancën dhe thjeshtësinë e rafinuar që e karakterizon aktoren.

Një rast i tentim vrasjes është raportuar mbrëmjen e së shtunës në Prizren, ku një person dyshohet se ka sulmuar me thikë një tjetër.

Sipas raportit të Policisë së Kosovës, ngjarja ka ndodhur rreth orës 20:30 në rrugën “Rexhep Kabashi”.

I dyshuari, burrë, është arrestuar nga policia pasi dyshohet se ka therur viktimën pas një konflikti.

Viktima ka marrë trajtim mjekësor në spital, ndërsa gjendja e tij nuk është bërë e ditur.

Me urdhër të prokurorit, i dyshuari është dërguar në mbajtje dhe rasti po hetohet si “vrasje në tentativë”.