Lajmet

​Vazhdohen edhe për 30 ditë masat emergjente për furnizim me energji elektrike

Kjo u bë me propozim të Ministrisë së Ekonomisë.

Published

4 years ago

on

Qeveria e Kosovës ka vazhduar afatin për masat emergjente në furnizimin e energjisë edhe për 30 ditët e ardhshme. Kjo u bë me propozim të Ministrisë së Ekonomisë me arsyetimin se gjendja e furnizimit me energji vazhdon të jetë e rëndë dhe se masat e Qeverisë kanë ndikuar pozitivisht në menaxhimin e situatës së krijuar. Në mbledhjen e Qeverisë gjithashtu është votuar edhe plotësimi i Pakos së Ringjalljes Ekonomike edhe me një masë shtesë në të cilën do të përfshihen rezervat shtetërore.

Qeveria e Kosovës ka vendosur t’i dërgojë Kuvendit të Kosovës propozimin me emrat e kandidatëve për anëtarë të Komisionit Rregullativ të Prokurimit Publik.

Avni Sahiti e Fidane Spahija-Gjikolli janë emrat që u bënë të ditur nga kryeministri i Kosovës, Albin Kurti, i cili ka thënë se të dy kandidatët kanë përgatitje akademike.

“Reformimi i prokurimit publik është ndër pikat më të rëndësishme në luftimin e korrupsionit dhe parandalimin e keqpërdorimit të parasë publike, të kthimit të besimit në institucione si dhe rritjes së perspektives socio-ekonomike dhe të mirëqenies qytetare”, ka thënë Kurti.

E me propozim të Ministrisë së Financave, Punës dhe Transfereve është votuar për plotësimin e Pakos së Ringjalljes Ekonomike me një masë shtesë, atë 3.8. Kjo është pasuar me miratimin e vendimit për ndarjen e mjeteve buxhetore në vlerë prej 10 milionë euro për masën 3.8.

“Në Ministrinë e Industrisë, Ndërmarrësisë dhe Tregtisë tashmë është programi për rezervat shtetërore mirëpo marrë parasysh ndryshimet e situatës dhe gjendjen në tregjet globale, sa i përket çmimeve të luhatjes së tyre, e kemi parë të nevojshëm që në kuadër të pakos së ringjalljes ekonomike të shtojmë edhe një masë, pra masën 3.8 që ka të bëjë me rritjen e rezervave shtetërore e për këtë pastaj do të kemi edhe pikën në të ndryshme për ndarjen e mjeteve, pra në shumë prej 10 milionë euro shtesë”, ka thënë Murati.

Ndërsa zëvendësministri i Ekonomisë, Mentor Arifaj ka thënë se masat e marra nga Qeveria e Kosovës në dhjetor të vitit të kaluar kanë ndikuar pozitivisht në sigurinë e furnizimit me energji elektrike dhe ka kërkuar që ato të vazhdohen edhe për 30 ditët në vazhdim.

“Arsyeshmëria është për shkak se masat e ndërmarra nga qeveria me vendimin 01/51 të datës 24 dhjetor 2021 dhe miratimin e tij nga Kuvendi i Republikës së Kosovës me datë 29 dhjetor 2021 patën ndikuar pozitivisht në ruajtjen e sigurisë së furnizimit me energji elektrike në rrethana të një krizë energjetike që patëm… Situata gjithashtu e krijuar rreth Ukrainës e shton edhe më tej paparashikueshmërinë e çmimeve të energjisë në tregun evropian të energjisë dhe kjo mund të reflektojë edhe në Kosovë, andaj konsiderojmë se është e nevojshme që të vazhdohet me masat emergjente të furnizimit me energji për një afat shtesë edhe prej 30 ditë”, ka thënë ai.

Related Topics:
Continue Reading

Lajmet

Ambasadori Hargreaves i shkon në zyrë Dimal Bashës

Published

11 hours ago

on

September 4, 2025

By

Kryeparlamentari Dimal Basha priti sot në takim ambasadorin britanik në Kosovë, Jonathan Hargreaves me të cilin ka biseduar mbi zhvillimet e fundit politike në vend, me theks të veçantë për procesin e seancës konstituive të Kuvendit.

Basha shprehu mirënjohjen e thellë të popullit të Kosovës ndaj Britanisë së Madhe për rolin e saj gjatë luftës, dhe mbështetjen e vazhdueshme në fuqizimin e shtetit, ekonomisë dhe institucioneve demokratike të vendit tonë.

Ai tha se Kosova mbetet e palëkundur në mbrojtjen e interesave dhe të drejtave të të gjithë qytetarëve të saj, si dhe qëndron e vendosur në avancimin e integrimit në familjen evropiane, dhe synimin e qartë për anëtarësim në NATO.

Ndërsa, ambasadori Hargreaves ri-konfirmoi gatishmërinë për bashkëpunim dhe intensifikim të raporteve të vendit të tij me Kuvendin dhe qytetarët e Kosovës, thuhet në njoftimin e Kuvendit të Kosovës./D.B/KP

Continue Reading

Bota

Numri i viktimave nga tërmeti i fuqishëm në Afganistan arrin në 2200

Published

12 hours ago

on

September 4, 2025

By

Operacionet e kërkim-shpëtimit nga tërmeti i fuqishëm i së dielës në Afganistanin lindor po vazhdojnë, me numrin e të vdekurve që tejkalon 2.200, sipas zyrtarëve.

Hamdullah Fitrat, zëvendës zëdhënës i administratës së përkohshme, tha në kompaninë amerikane të mediave sociale X se numri i të vdekurve u rrit në 2,205, ndërsa numri i të plagosurve arriti në 3.640, vetëm në provincën Kunar.

“Me shumë njerëz ende të bllokuar nën rrënoja, numri i të vdekurve mund të rritet më tej ndërsa operacionet e kërkimit për të mbijetuarit vazhdojnë“, tha më parë Rahimullah Hamzala, zëdhënës i forcave lokale të sigurisë në provincën Kunar.

Autoritetet në Kabul kanë frikë gjithashtu se numri i të vdekurve mund të rritet, ndërsa ndajnë të dhëna nga provincat Nangarhar, Laghman dhe Panjshir, të cilat u goditën gjithashtu. Të paktën 12 vdekje janë raportuar tashmë në Nangarhar.

Agjencitë humanitare paralajmërojnë se shkalla e shkatërrimit kërkon mbështetje urgjente ndërkombëtare për të parandaluar një krizë të përkeqësuar.

Turqia këtë javë dërgoi 25 ton ndihma në vend, duke përfshirë materiale strehimi, pako higjienike dhe kuti ushqimore.

Pakistani fqinj gjithashtu ka dërguar 105 ton ndihma, ndërsa Irani, Kina dhe India, si dhe vendet perëndimore, janë zotuar të dërgojnë ndihmë./D.B/KP

Continue Reading

Lajmet

Më 22 shtator shpallet konkursi për pranimin e 60 ushtarëve nga radhët e komuniteteve jo shumicë

Published

12 hours ago

on

September 4, 2025

By

Më 22 shtator do të shpallet konkursi për pranimin e gjashtëdhjetë (60) ushtarëve aktiv nga radhët e komuniteteve jo shumicë.

Kështu ka bërë të ditur përmes një njoftimi në Facebook, ministri në detyrë i Mbrojtjes, Ejup Maqedonci.

“Të gjithë të rinjët e të rejat e interesuara për t’iu bashkuar Forcës së Sigurisë së Kosovës mund të gjejnë kushtet e konkursit në web faqen https://mod.rks-gov.net/Page/16 / që do të bëhet publik me rastin e hapues së konkursit”, thuhet në njoftimin e tij.

 

Continue Reading

Bota

​Rutte thekson garanci të forta sigurie për Ukrainën, të mbështetura nga Evropa, Kanadaja e SHBA

Published

12 hours ago

on

September 4, 2025

By

Sekretari i Përgjithshëm i NATO-s, Mark Rutte, tha se presidenti amerikan Donald Trump e theu bllokimin me presidentin rus Vladimir Putin dhe “tani Evropa dhe Kanadaja me SHBA-në duhet të hartojnë garanci sigurie për të siguruar që Ukraina të ketë mbështetje të plotë në bisedime”.

Duke folur në konferencën e përbashkët për shtyp me kryeministrin çek Peter Fiala në Pragë, Rutte theksoi se bashkësia ndërkombëtare po koordinohet ngushtë për të përgatitur garanci sigurie që do të siguronin që Ukraina të ketë mbështetjen e plotë të anëtarëve dhe partnerëve të NATO-s jashtë aleancës, së bashku me një mbrojtje të fortë kombëtare, raporton KosovaPress.

Shefi i NATO-s tha se pas takimit të 15 gushtit në Alaska midis Trump dhe Putin, “tani është për ne të hartojmë garancitë e sigurisë si evropianë dhe Kanadaja me SHBA-në për t’u siguruar që kur të fillojnë bisedimet, presidenti ukrainas e di se ka mbështetjen e plotë të SHBA-së, të Kanadasë, evropianëve, të gjithë neve në NATO, por edhe të vendeve tona jashtë NATO-s”.

Ai shtoi se themeli i këtyre garancive duhet të jetë forcimi i forcave të armatosura të Ukrainës.

Fiala theksoi qëndrimin e unifikuar të aleatëve të NATO-s, duke vënë në dukje nevojën për të vazhduar mbështetjen për Ukrainën në mënyrë që ajo të mund të mbrohet dhe të mbajë presionin mbi Rusinë, duke krijuar njëkohësisht kushte për një paqe të qëndrueshme.

Duke iu referuar takimit të koalicionit të të vullnetshmëve në Paris, udhëheqësi çek tha se ekziston gjithashtu një konsensus i fortë se duhet të ketë garanci të forta sigurie, të cilat do ta dekurajonin Rusinë nga agresioni i mëtejshëm.

Continue Reading

Të kërkuara