Lajmet

Varhelyi: Qytetarët dhe bizneset do të përfitojnë nga marrëveshja roaming

Sipas tij, kjo marrëveshje është tregues që do të ketë një shtytje të rëndësishme në tregun e telekomunikacionit.

Published

3 years ago

December 6, 2022

Betim Gashi

Komisionari i Bashkimit Evropian për Zgjerimin dhe Fqinjësinë, Oliver Varhelyi ka thënë se me nënshkrimin e marrëveshjes për tarifat roaming do të përfitojnë qytetarët dhe bizneset. Ai ka shtuar se marrëveshja e nënshkruar në Tiranë, është tregues që do të ketë një shtytje të rëndësishme në tregun e telekomunikacionit.

Pas nënshkrimit të kësaj marrëveshje, para mediave ministrja e Infrastrukturës dhe Energjetikës, Belinda Balluku ka thënë se kjo e integron rajonin në sistemin e të drejtave themelore.

“Nënshkrimi nga një sërë operatorësh të telefonisë celulare të Bashkimit Evropian dhe të Ballkanit Perëndimor, të deklaratës së përbashkët për jetësimin e udhërrëfyesit të heqjes së tarifave të roamingut mes Bashkimit Evropian dhe Ballkanit Perëndimor, përbën një nga arritjet madhore të viteve të fundit. Emërtesa e këtij dokumenti mund të duket teknike në të vërtetë, por impakti i tij është sa konkret dhe real për jetën e qytetarëve tanë kudo që ata banojnë dhe sigurisht me një impact të jashtëzakonshëm sa i përket përshpejtimit të të gjitha hapave integruese”, ka thënë ajo.

Zgjerimi i tarifave të roamingut mes BE-së dhe Ballkanit Perëndimor, Balluku tha se bën të mundura dy dukuri.

“Së pari redukton frakturën digjitale mes evropianëve në të dy anët e Adriatikut dhe nga ana tjetër patjetër komplimenton aspektet më kyçe të ndërlidhjes, atë shoqërore dhe njerëzore dhe një përafrim jo thjesht të politikave dhe të normave por padyshim të shkëmbimeve sociale, ekonomike dhe njerëzore. Së dyti, falë përfshirjes se rajonit tonë në një bashkësi evropiane të përdoruesve fundor që përmes një lundrimi pa kosto shtesë në internet me shpejtësi të lartë dhe shumë të lartë përfitojnë njësoj nga mundësi të panumërta të shoqërisë digjitale duke bërë të mundur qarkullimin e ideve, projekteve, qarkullimin e çdo inovacioni që deri sot ka qenë e pamundur. Në këtë mënyrë marrëveshja e sotme e integron rajonin më shumë dhe më mire në sistemin e te drejtave themelore të çdo evropiani, atë të qarkullimit të lirë të personave, të mallrave, të ideve dhe ndërveprimeve ekonomike që padyshim janë shumë të rëndësishme”, tha ajo.

Edhe komisionari i Bashkimit Evropian për Zgjerimin dhe Fqinjësinë, Oliver Varhelyi e ka konsideruar hap të rëndësishëm nënshkrimin e kësaj marrëveshjeje.

“Duke bërë telefoninë mobile me shërbimet e tij të përballueshme dhe të arritshëm për të gjithë qytetarët, që është element themeltar i çdo tranzicioni digjital gjithëpërfshirës dhe të suksesshëm. Sot, dhe deklarata e sotme shënon një hap të rëndësishëm në këtë lloj drejtimi dhe kahje, dhe kjo duhet të jetë në të mirë të çdo njërit prej nesh. Mirëprita nënshkrimin e kësaj marrëveshje mes gjithë operatorit të Ballkanit Perëndimor, disa prej tyre pra që janë zotuar që do të punojnë drejt uljes së tarifave të roaming mes vendeve të Ballkanit Perëndimor dhe BE-së që qytetarët e Ballkanit Perëndimor do të vizitojnë BE-në dhe kur qytetarët e BE-së do të vizitojnë rajonin e Ballkanit Perëndimor ata pra të ndihen në shtëpinë e tyre”, ka thënë ai.

Ai ka shtuar se me marrëveshjen e tarifave roaming, më së shumti do të përfitojnë qytetarët dhe bizneset.

“Operatorët kanë nënshkruar këtë deklaratë të sotshme, janë ata që përbëjnë shumicën e trafikut të telekomunikacionit mes Bashkimit Evropian dhe Ballkanit Perëndimor. Jam më se i sigurt se nuk janë vetëm shumica, por do bëhen përmes kësaj marrëveshje, shumica dërrmuese. Sepse jam i bindur që ky zotim i nënshkruar sot, është tregues që ne do të kemi një shtytje të rëndësishme në tregun e telekomunikacionit. Qytetarët dhe bizneset do përfitojnë shumë prej tregjeve të arritura, duke quar përpara aktivitetet tregtare të atyre që marrin pjesë”, ka shtuar ai.

Operatorët telefonikë të Bashkimit Evropian dhe ata të Ballkanit Perëndimor kanë nënshkruar marrëveshje të reduktimit të tarifave të roaming-ut. Kjo marrëveshje do të nisë të zbatohet më 1 tetor të vitit të ardhshëm.

Lajmet

LVV propozon Glauk Konjufcën si mandatar të ri për kryeministër

Published

34 minutes ago

November 4, 2025

UBTnews

Kryetari i Lëvizjes Vetëvendosje, Albin Kurti, ka propozuar për mandatar për kryeministër Glauk Konjufcën.

Pas dështimit të Kurtit për ta formuar qeverinë, në mbledhjen e sotme të Këshillit të Përgjithshëm, LVV propozoi Konjucën për të parin e qeverisë.

Të mërkurën më 5 nëntor skadon afati kur presidentja Vjosa Osmani do të vendosë nëse do të mandatojë ndonjë mandatar për kryeministër apo do të shpërndajë Kuvendin për t’i hapë rrugë zgjedhjeve të reja./KP

Lajmet

Ancelotti nuk e fton Neymarin te Brazili

Published

36 minutes ago

November 4, 2025

UBT News

Pas disa javësh mungesë për shkak të një dëmtimi muskulor, Neymar u rikthye fundjavën e kaluar në fushë me fanellën e Santos, por rikthimi i tij në Kombëtaren braziliane do të duhet të presë edhe pak.

Trajneri i Brazilit, Carlo Ancelotti, ka publikuar listën e lojtarëve për miqësoret e këtij muaji, ku “Seleção” do të zhvillojë dy ndeshje në Evropë, më 15 nëntor ndaj Senegalit në Angli dhe më 18 nëntor ndaj Tunizisë në Francë.

Në këtë listë mungon emri i Neymarit, duke shtyrë sërish rikthimin e tij në fanellën e Brazilit. Ancelotti e justifikoi vendimin me gjendjen fizike të lojtarit, duke theksuar:

“Nuk kam folur sërish me Neymarin. Do të shohim kur të jetë gati për t’u rikthyer. Dua që ai të jetë 100% para se të bashkohet me ekipin.”, tha ai.

Ylli i Santos kishte pësuar një dëmtim në kofshën e djathtë në mes të shtatorit, që e mbajti jashtë për shtatë ndeshje. Ai u rikthye në fundjavë në ndeshjen ndaj Fortalezës, duke luajtur për 23 minuta, por duket se stafi teknik nuk dëshiron të rrezikojë.

Në mungesë të tij, Ancelotti ka zgjedhur të besojë tek brezi i ri i talenteve brazilianë, me emra si Vinicius Jr, Rodrygo, Richarlison, Matheus Cunha dhe João Pedro, ndërsa përfshihen gjithashtu edhe Estêvão i Chelseat, Luiz Henrique i Zenit dhe Vitor Roque, që po shkëlqen me Palmeiras.

Trajneri italian shtoi se lista për Botërorin 2026 është tashmë thuajse e përfunduar.

“Kemi 17 ose 18 lojtarë të sigurt në formacion. Në mars do të kemi një tjetër test të rëndësishëm dhe ajo listë do t’i ngjajë shumë asaj përfundimtare.”, shtoi ai.

Lista e Brazilit për ndeshjet e nëntorit vijon:

Portierë: Bento, Ederson, Hugo Souza

Mbrojtës: Alex Sandro, Caio Henrique, Danilo, Éder Militão, Fabricio Bruno, Gabriel Magalhães, Luciano Juba, Marquinhos, Paulo Henrique, Wesley

Mesfushorë: Andrey Santos, Bruno Guimarães, Casemiro, Fabinho, Lucas Paquetá

Sulmues: Estêvão, João Pedro, Luiz Henrique, Matheus Cunha, Richarlison, Rodrygo, Vinicius Jr, Vitor Roque. /S.K/KP/Tch/

Lajmet

Vdes punëtori i bllokuar nën rrënoja nga shembja e kullës në Romë

Published

2 hours ago

November 4, 2025

UBT News

Pas 11 orësh u nxor i gjallë nga rrënojat e kullës mesjetare që u shemb pjesërisht në Romë, por punëtori 66-vjeçar nuk i mbijetoi plagëve teksa transportohej në spital.

Siç bëri të ditur Ministria e Jashtme ai ishte shtetas rumun, ashtu si një tjetër punëtor që u shpëtua më herët nga rrënojat dhe u dërgua në spital.

Nxjerrja e gjallë e Stroicit u përshkrua fillimisht si një akt i jashtëzakonshëm nga zjarrfikësit që kishin punuar deri në orët e vona të së hënës. Ekipet e shpëtimit përdorën dronë dhe mjete për pastrimin e rrënojave për të arritur tek ai, pavarësisht rrezikut që kulla e dëmtuar rëndë të shembej më tej.

Siç pohojnë mediat, 66-vjeçari kishte qenë i vetëdijshëm dhe kishte folur me punonjësit e emergjencës gjatë gjithë operacionit por zemra ishte ndalur rrugës për në spital.

Zyra e kryeprokurorit në Romë ka nisur një hetim lidhur me ngjarjen. Një pjese e strukturës mesjetare, të Torre deri Conti u shemb në 11 e 20 minuta të së hënës teksa ndërtesa po i nënshtrohej punimeve restaruruese.

Përpjekjet për të shpëtuar punëtorin e bllokuar nën rrënoja u ndërprerën pasi një segment i dytë i kullës 29 metra të lartë, që gjendet mes Koloseut dhe Fori Romani, nisi të shembej rreth 90 minuta më vonë duke krijuar një re të madhe pluhuri.

Një zjarrfikës u shoqërua në spital për shkak të problemeve në sy, por pjesa tjetër nuk pësoi lëndime dhe kërkimet rinisën më vonë. Kulla e shekullit të 13 u ndërtua nga Papa Inoccenti i 3 si rezidencë për vëllain e tij.

Të gjitha rrugët rreth saj janë mbyllur si masë sigurie nga policia./S.K/KP/

Lajmet

Kryeministri Kurti takohet me Presidenten Osmani

Published

2 hours ago

November 4, 2025

UBT News

Kryeministri në detyrë i Kosovës, Albin Kurti është bërë e ditur se sot është takuar me Presidenten e vendit Vjosa Osmani.

Ky takim vjen pas disa ditësh nga një mbledhje e mëparshme e organizuar nga Presidentja, ku liderët e partive politike u takuan së bashku për të diskutuar ngërçin politik në vend.

Lëvizjes Vetëvendosje nga sot i ka mbetur edhe një ditë kohë për të vendosur nëse do të propozojë një kandidat tjetër për kryeministër apo do të lejojë që vendi të shkojë në zgjedhje të reja./S.K/EO/