

Shëndeti
Ushqimet që ndihmojnë në luftimin e hemorroideve
Disa ushqime ndihmojnë në lehtësimin e simptomave dhe parandalojnë zhvillimin e sëmundjes.
Published
3 years agoon
By
UBT newsHemorroidet janë një dukuri irrituese, por e zakonshme për shumë njerëz.
Megjithatë, disa ushqime mund të ndihmojnë në lehtësimin e simptomave dhe madje parandalojnë zhvillimin e hemorroideve.
1. Frutat
Frutat përmbajnë fibra dhe flavonoide që ndihmojnë në kontrollin e gjakderdhjes nga hemorroidet. Flavonoidi shpesh quhet vitaminë P dhe pjesa më e madhe e tij gjendet në manaferrat, si boronicat, mjedrat, madje edhe më shumë nga fibrat e nevojshme mund të merren duke ngrënë lëkurën e frutave – diçka që mund ta bëni me mollët, portokajtë, madje edhe kivi dhe mango.
2. Arra
Arrat kanë veti të forta antiinflamatore, të cilat mund të zvogëlojnë ënjtjen e indeve në vendet ku keni pasur hemorroide. Bajamet dhe arrat janë veçanërisht të pasura me fibra. Një porcion me 20 bajame ka rreth 3 gramë fibra. Përveçse kontribuon në shëndetin e mikroflorës së zorrëve, konsumimi i këtij ushqimi mund të zvogëlojë edhe kolesterolin e keq, i cili është një nga simptomat e lidhura në pleqëri, së bashku me hemorroidet.
3. Perimet
Patatet e ëmbla, panxhari dhe karotat janë të pasura me fibra dhe veçanërisht të shëndetshme për zorrët. Patatet janë një nga ushqimet më të mira për të hequr qafe hemorroidet e brendshme dhe të jashtme. Patatet e ziera përmbajnë niseshte që ka vetinë e rezistencës, vepron nëpërmjet fibrave të tretshme dhe në këtë mënyrë redukton kapsllëkun, gjë që lehtëson edhe simptomat e hemorroideve. Selino, trangujt dhe angjinaret mund të përdoren gjithashtu për të lehtësuar simptomat.
4. Farërat
Gjëja më e mirë për farat e pasura me fibra janë mënyrat e shumta që ato mund të përfshihen në dietën tuaj. Me 34,4 gramë fibra për 100 gramë të këtyre farave, chia konsiderohet si një nga burimet më të mira të fibrave në botë. Pasohet nga liri sepse deri në 27 gramë fibra në 100 gramë liri i bëjnë këto fara një zgjedhje kryesore për përmirësimin e marrjes së fibrave.
Farat janë një ushqim shumë i dobishëm sepse mund të përfshihen në çdo pjatë. Ato mund të spërkaten në një sallatë, në një smuthi apo edhe në kos.
5. Drithërat integrale
Drithërat integrale janë veçanërisht të pasura me fibra të patretshme, të cilat mund të ndihmojnë në uljen e dhimbjes dhe parehatisë. Përveç kësaj, ato përmbajnë edhe një sërë vitaminash dhe mineralesh, prandaj rekomandohet konsumimi i përditshëm.
Përveç miellit integral, që është padyshim një alternativë më e mirë se e bardha, në këtë kategori bëjnë pjesë edhe elbi, misri, tërshëra. Bollguri është një opsion veçanërisht i mirë kur përpiqeni të reduktoni simptomat e hemorroideve. Drithërat integrale që duhen shmangur janë makaronat dhe orizi.
Cilat ushqime duhet të shmangni nëse keni hemorroide?
Do të ishte më mirë të reduktoni ushqimet që përmbajnë pak fibra:
Produktet e qumështit
Miell i bardh
Mish i kuq
Ushqim i skuqur
Ushqim i kripur
Gjithashtu rekomandohet të shmangni ushqimet pikante. Edhe pse jo domosdo të ulëta në fibra, ushqimet pikante mund të rrisin dhimbjen dhe parehatinë që lidhen me hemorroidet. Lëngjet përfshijnë alkoolin dhe kafenë, pasi ato mund të ngurtësojnë më tej jashtëqitjen tuaj dhe të përkeqësojnë shqetësimin e hemorroideve.
Shëndeti
Dhimbjet e shpinës, shkaku kryesor i mungesave në punë: Si t’i parandaloni?
Published
3 hours agoon
September 9, 2025By
UBT News
Dhimbjet e shpinës janë bërë një nga problemet më të shpeshta shëndetësore në mbarë botën, duke prekur miliona njerëz çdo vit.
Sipas ekspertëve, ky shqetësim është arsyeja kryesore e mungesave në punë dhe ndikon drejtpërdrejt në cilësinë e jetës.
Shkaktarët kryesorë lidhen me qëndrimin e gjatë ulur para kompjuterit, mungesën e aktivitetit fizik, mbipeshën si dhe stresin e përditshëm.
Si ta parandaloni:
Mbani një qëndrim të drejtë trupor gjatë uljes dhe ecjes.
Bëni ushtrime të lehta për shpinën të paktën 15 minuta në ditë.
Shmangni ngritjen e peshave të rënda në mënyrë të gabuar.
Kujdesuni për peshën trupore dhe ushqehuni shëndetshëm.
Mjekët këshillojnë që dhimbjet e përsëritura të mos neglizhohen. Nëse simptomat zgjasin më shumë se disa javë, është e nevojshme të konsultoheni me një specialist për diagnozë dhe trajtim të duhur.
Kur duhet të shkoni te mjeku?
Nëse dhimbja vazhdon më shumë se dy javë, shoqërohet me mpirje të këmbëve, dobësi muskulore a vështirësi në ecje, kërkohet konsultim me mjekun. Në raste të caktuara, dhimbja mund të lidhet me hernie diskale ose probleme të tjera më serioze që kërkojnë trajtim të posaçëm.
Dhimbjet e shpinës nuk duhen neglizhuar. Duke bërë ndryshime të vogla në stilin e jetesës dhe duke u kujdesur për trupin çdo ditë, mund të shmangim pasoja serioze dhe të ruajmë shëndetin afatgjatë.
Përgatiti: A.Z. /UBT News/
Shëndeti
Ngushtimet e muskujve të këmbës: shkaqet dhe parandalimi
Published
5 hours agoon
September 9, 2025By
UBT News
Tkurrjet muskulore në pulpën e këmbës shkaktojnë shumë dhimbje të forta, veçanërisht kur shfaqen gjatë natës. Këto ngërçe prekin pjesën e pulpës së këmbës, shputën e këmbës madje edhe tendinët.
Ato janë më të shpeshta pas moshës 40-50 vjeçare. Deri më tani, shkencëtarët nuk kanë arritur ta përcaktojnë shkaktarin e tkurrjeve muskulore, por teoritë janë të shumta.
Shkaqet e mundshme të ngërçit të këmbës
Stili modern i jetesës është një nga shkaktarët e mundshëm të tkurrjeve të muskujve të këmbës. Nëse më parë, njerëzit kalonin shumë kohë duke ecur, duke u ulur dhe ngritur në këmbë, shtendosjes së tendinëve të këmbës i kushtohet më pak kohë. Gjatë gjumit, këmba është në pozicion të njëjtë për disa orë dhe çdo lëvizje e vogël shkakton kontraktim.
Ngërçet e këmbës shfaqen më shumë në verë se në dimër, Sipas të dhënave gjatë verës, rritja dhe riparimi i nervave është më intensiv.
Trupi prodhon vitaminë D nga ekspozimi i diellit, trupi përshpejton riparimin e nervave. Sipas teorive tjera, gjatë verës njerëzit ushtrohen dhe djersijnë më shumë duke u dehidratuar rregullisht. Dehidratimi është identifikuar si shkaktar i mundshëm i ngërçeve muskulore.
Këto të fundit shfaqen më shumë në rastet e shtatzënisë, depresionit, artritit dhe tensionit të lartë.
Si të parandaloni ngërçet e këmbës?
Ekspertët thonë se njerëzit që kryejnë shtendosje të rregullta të gjymtyrëve para gjumit pësojnë më pak kontraktime. Për më tepër, sipas informacioneve, konsumi i shumë ushqimeve me magnez është i këshillueshëm kundër ngërçeve.
Ushqime të pasura me magnez janë fasulet, arrorët, drithërat e plota dhe barishtet. Përpos ushqimeve, duhet të pini shumë ujë gjatë ditës dhe të merrni edhe vitamina B. Kur ngërçi kaplon këmbën, sigurohuni që ta shtendosni atë sa më shumë shtrirë ose në këmbë.
Shëndeti
Tre mënyra të thjeshta për të larguar dhimbjen e kokës më shpejt
Published
7 hours agoon
September 9, 2025By
UBT News
Ilaçet nuk janë e vetmja zgjidhje për të përballuar dhimbjen e kokës.
Nëse dhimbja nuk është shumë e fortë, por e lehtë, atëherë ka mënyra për të reduktuar dhe për ta bërë atë të largohet më shpejt.
Uji
Një dehidrim i lehtë mund të shkaktojë dhimbje koke. Pini një gotë të plotë me ujë dhe simptomat e lehta mund të zhduken menjëherë.
Koha jashtë
Nëse keni një shtrëngim në të dy tempujt, atëherë kjo mund të tregojë se jeni të stresuar. Bëni një pushim, merrni 5 frymë thellë, merrni frymë përmes hundës dhe nxirrni përmes gojës.
Asnjë celular
Nëse kur lundroni në internet ose dërgoni mesazhe me celularin tuaj, e shikoni ekranin shumë afër, atëherë kjo shkakton lodhje të syve dhe mund t’ju shkaktojë dhimbje koke.
Shëndeti
Ushqimet për mëngjes që do t’ju mbajnë të ngopur gjatë
Published
8 hours agoon
September 9, 2025By
UBT News
Shpesh ndodh që pas një mëngjesi të shpejtë, vetëm pak orë më vonë ndjejmë uri dhe kërkojmë diçka tjetër për të ngrënë.
Por sipas nutricionistëve, sekreti për një mëngjes të shëndetshëm dhe të ngopur që zgjat gjatë gjithë paradites, qëndron te kombinimi i proteinave, fibrave dhe yndyrave të shëndetshme.
Specialistët sugjerojnë vezët, të cilat janë të pasura me proteina, të kombinuara me perime të freskëta ose bukë integrale.
Një tjetër alternativë e shëndetshme është tërshëra me qumësht ose kos, e shoqëruar me fara chia apo arra, që ndihmojnë në ruajtjen e energjisë dhe ngopjes për një kohë më të gjatë.
Nëse zgjidhni mëngjes me vetëm karbohidrate të thjeshta, si biskota apo brumëra, ndjenja e urisë do të rikthehet shpejt.
Prandaj, ekspertët këshillojnë një vakt të ekuilibruar që jo vetëm ngop, por edhe përmirëson përqendrimin dhe performancën gjatë ditës.
Përgatiti: A.Z. /UBT News/

Arrestohet një person i dënuar për posedim të paautorizuar të armëve dhe narkotikëve

Njoftim për prindërit nga Lugina e Preshevës, Maqedonia e Veriut, Shqipëria dhe vendet tjera të banuara me shqiptarë

Bayrou niset t’ia dorëzojë dorëheqjen Macronit

Begaj takohet me Kamberin: S’do të heqi dorë nga përpjekjet për unifikimin e faktorit shqiptar

Si të shihni kush ju ka hequr në Instagram me ChatGPT

‘Mallkimi i Drake’ godet edhe Jannik Sinner: 300 mijë dollarë të humbura

Vdes një 29-vjeçare lehonë në QKUK, humbi edhe foshnjën disa ditë pas lindjes

Presidentja Osmani: Bllokimi i Kuvendit cenon themelet e shtetit

Italianët bëjnë dush më shpesh se çdokush tjetër në Evropë
Të kërkuara
-
Aktualitet2 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT2 months ago
UBT shpall konkurs për pranimin e studentëve të rinj për vitin akademik 2025/26