Lajmet

Ura në Rugovë do të mbyllet

Shembja mund të ndodhë në çdo kohë.

Published

2 years ago

January 30, 2023

Betim Gashi

Ura e fshatit Rugovë tash e nëntë muaj vazhdon të jetë në gjendje të rëndë për kalimin e qytetarëve me vetura. Akoma më e rëndë është bërë pas vërshimeve të fundit që ishin në vend.

Të shqetësuar për këtë janë banorët e këtij fshati, të cilët thonë se janë harruar nga institucionet, derisa bëjnë sërish kërkesë që komuna të merr masa dhe të fillojë sa më shpejtë me rregullimin e urës.

Vesel Bytyqi, i cili kalon pothuajse çdo ditë në këtë rrugë, thotë se nuk po interesohet askush ta ndërtojë urën.

“Për vetura është rrezik, por nuk po e shikojnë punën e rrezikut, si po dëshirojnë vet. A ka rrezik për veti, po e lënë qysh të dëshirojnë vet. Rrezik është, mirëpo nuk po interesohet askush me ndreq”, thotë Bytyqi.

Edhe Beqir Shala i cili jeton në Rugovë, ndihet shumë i rrezikuar teksa kalon rrugën nga ura.

“Shumë është rrezik. Këtu po kemi frikë edhe në këmbë me dalë, nuk di si po guxojnë të kalojnë këta me makina të mëdha, qysh nuk po ia kanë frikën se mundet dikush me ra në urë e me u mbyt…1:22 Kemi kërkesë nga komuna me ndreq, urën se po kemi frikë”, tha Shala.

Blerim Avdyli, po ashtu thotë se komuna duhet të fillojë punën sa më shpejtë. Sipas tij, ekziston mundësia e shembjes nëse sërish do të ketë vërshime.

“Shumë e rrezikshme është prej që është dëmtuar, është hera parë që po kaloj, por qenka shumë rrezik… Besoj që duhet të fillojnë ta ndreqin brenda muajit, sepse edhe njëherë me pas vërshime prishet e gjitha”, thotë Avdyli.

Ndërkaq, Filloreta Hoti, kryetare e Këshillit Lokal në Rugovë, thotë për KosovaPress, se e kanë adresuar si problem në takimin me kryetarin e Gjakovës, Ardian Gjini. Ajo thotë se i njëjti ka lajmëruar se është në pritje të përgjigjes nga FSK, siç thotë ajo, nëse nuk ka zgjedhje për urë alternative, do të fillojë projekti për një urë të re.

“Gjatë takimit me kryetarin kemi biseduar për disa kërkesa dhe ankesa që i kanë kërkuar banorët e Rugovës. Një prej tyre ka qenë edhe Ura e Rugovës, që është një ankesë shumë e madhe për banorë, pasi po paraqet rrezik shumë të madh. Kryetari, Gjini na ka lajmëruar se fillimisht është duke prit përgjigje prej FSK-së, mandej për një urë alternative dhe nëse nuk ka urë të përshtatshme për Urën e Rugovës, atëherë do të fillojë projekti për një urë të re”, thotë Hoti.

Hoti po ashtu thotë se çdo i dyti banorë ka paraqitur ankesa lidhur me urën, derisa janë duke pritur ende përgjigje përfundimtare se çfarë tutje.

“Rrezikshmëria është jashtëzakonisht e madhe pasi që çdoherë e më shumë po shkon duke rënë ura dhe po paraqet rrezik të madh për banorët…Çdo i dyti banor e përmend urën dhe kërkojnë përgjigje për këtë çështje, sepse që nëntë vite gati kemi problem me urën”, tha mes tjerash Hoti.

Ndërkohë, lidhur me çështjen e kësaj ure, është deklaruar edhe kryetari i komunës së Gjakovës, Ardian Gjini.

“E kemi pas një takim me FSK-në për ndërtimin e një ure metalike e cila derisa të ndërtohet të paktën nuk e bllokon fshatin. Problemi i parë që ka dal është gjatësia maksimale e urës që e përdorë FSK-ja është 58 metra, gjerësia e lumit te ura është më e madhe, kemi kërkuar të shikohet mundësia të vendoset ura metalike deri te këmbët e urës së të cilat janë të mira, deri tash FSK ka thënë se nuk kanë bërë diçka të tillë por duhet të pyesin, në të njëjtën kohë është parë edhe një vend alternativë, shumë afër urës ku gjerësi e lumit është më pak se 50 metra, me u ndërtuar këmbët dhe me u ndërtuar ura. Të gjitha janë duke u shqyrtuar….te projekti, jemi duke e pritur edhe Ministria e Infrastrukturës të cilët na kanë thënë se janë në fazën e fundit të kalimit të projektime të cilit e kanë bërë. Po është e vërtet që qytetarët kalojnë me mjete të rënda, disa herë e kemi bllokuar urën me gypa, janë thyer dhe janë larguar gypat. Komuna e ka bërë një porosi për piramida të betonit për ta mbyllë. Unë i kuptoj qytetarët që duan ta shkurtojnë rrugë, por me na ndodh ndonjë fatkeqësi, atëherë nuk i paguajnë të gjitha orët e humbura, kështu që ne kemi me mbyll urën për shkak se kemi raport zyrtar që ura është e rrezikshme dhe shembja mundet me ndodhë në çdo kohë”, tha ai.

Gjini njoftoi se për këtë çështje ka diskutuar edhe me ministrin e Mbrojtjes.

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.