Lajmet

​Themelohet shoqata e miqësisë Kosovë-Austri

Presidentja Vjosa Osmani tha se kjo shoqatë do të thellojë dhe forcojë raportet Kosovë-Austri.

Published

3 years ago

on

Është themeluar shoqata e re e miqësisë ndërmjet Kosovës dhe Austrisë. Pjesë e ceremonisë inauguruese të kësaj shoqate ishin edhe krerët e shtetit, të cilët vlerësuan miqësinë me Austrinë.

Presidentja Vjosa Osmani tha se kjo shoqatë do të thellojë dhe forcojë raportet Kosovë-Austri.

“Themelimi i kësaj shoqate do të forcojë edhe më shumë miqësinë tashmë speciale mes dy shteteve tona, e cila është edhe e hershme. Në një kohë kur kontinenti ynë po përballet me rreziqe të shumta nga sistemet autokratike dhe hegjemoniste është tejet me rëndësi që shtetet tona të forcojnë lidhjet që popujt tanë po ashtu të forcojnë këto lidhje. Fuqia e miqësisë ndërmjet këtyre dy vendeve është e pamatshme, ndërsa dobia e popujve është jashtëzakonisht e madhe. Ato ndërtohen mbi bazën e besimit të vlerave dhe dëshirës për të punuar së bashku për të mirën e përgjithshme”, tha ajo.

Ndërsa kryeministri Albin Kurti tha se Austria është një partner i palëkundur i Kosovës.

“Austria është një partner i palëkundur i Kosovës, si para ashtu edhe pas pavarësisë së vendit tonë, duke ofruar mbështetje dhe ndihmë në një sërë fushash. Nga zhvillimi ekonomik deri te bashkëpunimi në fushën e sigurisë. Këtë vit shënuam edhe 15-vjetorin e marrëdhënieve diplomatike të dy vendeve tona. Kompanitë austriake kanë investuar në Kosovë, duke krijuar vende pune dhe ndihmuar në ndërtimin e sektorit privat”, tha Kurti.

Në këtë ceremoni ishte edhe deputeti austriak në Parlamentin Evropian, Lukas Mandl, i cili tha se përmes shoqatës së re të miqësisë, do të thellohet edhe më tej bashkëpunimi ekonomik dhe diplomatik.

“Kur krijojmë rrjete të bashkëpunimit, skenar të përfitimit të dyfishtë krijohet edhe perspektiva për të gjithë njerëzit. Kjo është shumë e rëndësishme, jo vetëm për një sektor, apo për një pjesë të caktuar të shoqërisë, por për të gjithë. Ky ka qenë qëllimi i shoqatës së miqësisë Austri-Kosovë. E mirëpres që një qëllim i tillë të përbashkohet edhe në kuadër të shoqatës së miqësisë Kosovë-Austri, në fusha të ndryshme, ekonomi, diplomaci dhe të gjitha sferat e jetës”, deklaroi ai.

Pjesë e kësaj ngjarje ishin edhe përfaqësues të tjerë politik dhe institucional, të cilët e mirëpritën themelimin e shoqatës së re të miqësisë Kosovë-Austri.

Related Topics:
Continue Reading

Lajmet

Rasti “Banjska”, seanca e radhës më 16 janar

Published

1 hour ago

on

January 14, 2026

By

Seanca e radhës ndaj tre të akuzuarve, Blagoje Spasojeviq, Vladimir Toliq dhe Dushan Maksimoviq, në rastin “Banjska” do të mbahet më 16 janar.

Seanca do të zhvillohet nga ora 09:30.

“Ju njoftojmë se seanca gjyqësore në çështjen penale kundër të pandehurve B.S., V.T. dhe D.M., do të mbahet sipas planifikimit, me datë 16.01.2026, në ora 09:30”, thuhet në përgjigjen e Gashit.

Ndërkohë, Spasojeviq, Toliq e Maksimoviq, përballen me akuza të rënda për përfshirje në ngjarjet e 24 shtatorit 2023 në fshatin Banjskë të komunës së Zveçanit, ku një sulm i armatosur ndaj Policisë së Kosovës çoi në vdekjen e rreshterit Afrim Bunjaku dhe plagosjen e disa pjesëtarëve të tjerë të policisë.

Continue Reading

Lajmet

Prishtina pa rrymë e në zhurmën e gjeneratorëve – Pësojnë bizneset

Published

1 hour ago

on

January 14, 2026

By

Pa kaluar shumë orë nga njoftimi, vendi u përball me reduktime të energjisë elektrike, e nga kjo po pësojnë qytetarët.

Disa biznese, u detyruan të ndezin gjeneratorët, por disa të tjera nuk i posedojnë.

Rrobaqepësi, barnatore, furra, kafiteri, janë veç disa nga bizneset në Prishtinë të cilat që nga mëngjesi nuk kanë rrymë.

Ndërkohë që mbrëmjen e së martës Operatori i Sistemit, Transmisionit dhe Tregut të energjisë elektrike të Kosovës-KOSTT ka  njoftuar se do të ketë reduktime të rrymës për sot dhe nesër në vend. Në njoftimin e KOSTT thuhet se kjo do të bëhet “për të garantuar funksionimin e sigurt të sistemit elektroenergjetik dhe për të mbrojtur integritetin e rrjetit”.

Continue Reading

Lajmet

Ambasadorët takojnë Kurtin, Orav: Nënvizuam rëndësinë e formimit të shpejtë të Qeverisë

Published

1 hour ago

on

January 14, 2026

By

Ambasadori i Bashkimit Evropian në Kosovë, Aivo Orav, ka bërë të ditur se së bashku me ambasadorët dhe shefat e misioneve të BE-së në Kosovë janë takuar me kryeministrin në detyrë, Albin Kurti, për të diskutuar zhvillimet pas zgjedhjeve.

Orav ka thënë se gjatë takimit është vlerësuar procesi zgjedhor, duke e cilësuar atë si një dëshmi të angazhimit të fortë të Kosovës ndaj parimeve demokratike, derisa është nënvizuar edhe rëndësia e formimit të shpejtë të qeverisë së re.

“Përgëzuam procesin zgjedhor që pasqyron një angazhim të fortë ndaj parimeve demokratike dhe nënvizuam rëndësinë e formimit të shpejtë të qeverisë”, ka shkruar Orav në platformën “X”.

Ai ka bërë të ditur se ambasadorët e BE-së kanë kërkuar gjithashtu ratifikimin e shpejtë të marrëveshjeve që lidhen me Planin e Rritjes, me qëllim që përfitimet të arrijnë sa më shpejt te qytetarët e Kosovës.

Po ashtu, Orav ka theksuar se dialogu i lehtësuar nga Bashkimi Evropian për normalizimin e marrëdhënieve ndërmjet Kosovës dhe Serbisë mbetet thelbësor për përparimin e të dyja palëve në rrugën e tyre drejt integrimit evropian.

Continue Reading

Lajmet

​Arrestohet një person nën dyshimet për sulm ndaj KFOR-it dhe Policisë së Kosovës

Published

3 hours ago

on

January 14, 2026

By

Prokuroria Speciale e Kosovës ka arrestuar të dyshuarin S.R nën dyshimin për sulm ndaj pjesëtarëve të KFOR-it dhe Policisë së Kosovës në maj të vitit 2023.

Sipas Prokurorisë Speciale për veprimet e mëtutjeshme publiku do të njoftohet në kohë.

“Prokuroria Speciale e Republikës së Kosovës, në koordinim me hetuesit policorë nga Drejtoria për Krime të Rënda dhe Krim të Organizuar, ka arrestuar të dyshuarin S. R nën dyshimet për sulm ndaj pjesëtarëve të KFOR-it dhe të Policisë së Kosovës në maj të vitit 2023.Për veprimet e mëtutjeshme publiku do të njoftohet në kohë”, thuhet në njoftimin e PSRK së.

S.R është në mesin e të arrestuarve për trazirat në Zveçan para tri vjetësh.

Kujtojmw se, më shumë se 90 pjesëtarë të KFOR-it kishin pësuar lëndime, pas përleshjes me protestuesit serbë.

Dhuna në Zveçan shpërtheu pasi serbët lokalë kundërshtuan hyrjen e kryetarëve të rinj shqiptarë në ndërtesat komunale në Zveçan, Leposaviq dhe Zubin Potok – komuna në veri të Kosovës, të banuara me shumicë serbe, pas zgjedhjeve lokale të mbajtura më herët po atë vit, që u bojkotuan nga serbët.

Continue Reading

Të kërkuara