Kronikë e zezë

​Tentoi të vriste vëllain, prokuroria kërkon një muaj paraburgim për të dyshuarin

Kanosja ka ndodhur përmes telefonit duke iu thënë se ‘do iu vras të gjithëve’, përfshirë edhe fëmijët e motrës së tij.

Published

4 years ago

on

Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit V.V., për shkak të dyshimit të bazuar se ka kryer veprat penale “Kanosje”, “Vrasje e rëndë në tentativë”, si dhe, “Mbajtja në pronësi, kontroll ose posedim të paautorizuar të armëve”.

Prokuroria njofton se, të martën, me qëllim të frikësimit dhe shkaktimit të ankthit, i pandehuri, seriozisht i kanos se do t’i privojë nga jeta anëtarët e familjes, përkatësisht nënën, babain, si dhe, motrën e tij. Kanosja ka ndodhur përmes telefonit duke iu thënë se ‘do iu vras të gjithëve’, përfshirë edhe fëmijët e motrës së tij.

Gjithashtu, po të martën, në Gjakovë, me dashje ka tentuar ta privojë nga jeta vëllain e tij, të dëmtuarin B.V., për shkak të problemeve të mëparshme, në lidhje me ndarjen e pasurisë.

I pandehuri V.V., paraprakisht kishte kërkuar të takohet me të dëmtuarin në zyrën e tij, e më pas duke e kanosur me fjalë, me armë zjarri gjuan disa herë në drejtim të këmbëve të dëmtuarit e pastaj i drejton armën në fytyrë, ku deri sa i pandehuri tenton ta ndërrojë karikatorin, i dëmtuari arrin të largohet nga vendi i ngjarjes dhe njofton policinë.

Si dhe, nga data e pavërtetuar deri me 22 qershor 2022, pa autorizim, ka mbajtur armë dhe municion në kundërshtim me ligjin e zbatueshëm lidhur me armët, ku të njëjtat i janë konfiskuar nga ana e policisë.

Prokurori i rastit ndaj të pandehurit V.V., ka kërkuar masën e paraburgimit në afat prej 30 ditësh.

I pandehuri, me urdhër të prokurorit gjendet në ndalim nga e marta.

Related Topics:
Continue Reading

Lajmet

Prokuroria jep detaje për vrasjen e 14-vjeçarit në Prizren, i dyshuari dërgohet në mbajtje

Published

23 minutes ago

on

August 28, 2026

By

Prokuroria Themelore në Prizren ka dhënë detaje zyrtare lidhur me ngjarjen e ndodhur më 27 gusht 2026, rreth orës 23:41, ku ka humbur jetën një 14-vjeçar.

Sipas njoftimit zyrtar nga Departamenti për të Mitur, njësitet e Policisë, hetuesit, krim-teknika dhe Mjekësia Ligjore kanë dalë menjëherë në vendngjarje për ekzaminime dhe marrjen e provave materiale.

“Bazuar në të dhënat fillestare të hetimit, i mituri 17 vjeçar, dyshohet se ka privuar nga jeta të miturin 14 vjeçar, duke therur me thikë, i cili është hasur në vendin e ngjarjes dhe nga i njëjti është sekuestruar një thikë e cila dyshohet se është përdorur për ta kryer veprën penale”, thuhet në njoftimin e Prokurorisë.

Trupi i viktimës është dërguar për obduksion në IML, ndërsa ndaj të dyshuarit është caktuar masa e ndalimit prej 24 orësh.

“Me vendim të prokurorit të shtetit, i mituri 17 vjeçar, është ndaluar për 24 orë, për shkak të dyshimit të bazuar se ka kryer veprat penale ‘Vrasja e rëndë’ dhe ‘Mbajtja në pronësi, kontroll ose posedim të paautorizuar të armëve’. Brenda afatit ligjor, Prokuroria do të parashtrojë kërkesë për caktimin e masës për sigurimin e të miturit në procedurë”, njofton organit i ndjekjes.

Prokuroria Themelore në Prizren bëri të ditur se në bashkëpunim me Policinë e Kosovës po vazhdojnë hetimet intensive për zbardhjen e motiveve dhe rrethanave të plota të kësaj ngjarjeje. /E.A/

 

Continue Reading

Lajmet

Hajnat depërtojnë në një shtëpi në Vushtrri, vjedhin dy pushkë gjuetie dhe 82 fishekë

Published

34 minutes ago

on

August 28, 2026

By

Sipas raportit të Policisë së Kosovës, një person në Vushtrri ka raportuar se persona të panjohur kanë depërtuar në shtëpinë e tij përmes një dritareje dhe kanë vjedhur armë dhe municion.

Rasti ka ndodhur më 27 gusht 2026, rreth orës 14:00, në rrugën “Murat Rashica”.

Sipas Policisë, nga shtëpia janë vjedhur dy pushkë gjuetie me leje dhe 82 fishekë.

Njësitet përkatëse policore kanë dalë në vendin e ngjarjes, ndërsa rasti vazhdon të hetohet./A.K/

Continue Reading

Lajmet

Me thikë grabitet një market në Prishtinë, merren 375 euro

Published

37 minutes ago

on

August 28, 2026

By

Sipas raportit të Policisë së Kosovës, një punëtore e një marketi në rrugën “Ndue Përlleshi” në Prishtinë ka raportuar se është grabitur nën kërcënimin e thikës.

Rasti ka ndodhur më 27 gusht 2026, rreth orës 22:02, kur një person i panjohur dyshohet se, nën kërcënimin e një mjeti të mprehtë, i ka grabitur punëtores 375 euro.

Pas kryerjes së grabitjes, i dyshuari është larguar në drejtim të panjohur.

Policia ka nisur hetimet për identifikimin dhe kapjen e të dyshuarit, si dhe për zbardhjen e plotë të rastit./A.K/

Continue Reading

Lajmet

Kontrollohen katër lokacione në Podujevë për skema piramidale dhe bixhoz të paligjshëm

Published

39 minutes ago

on

August 28, 2026

By

Sipas raportit të Policisë së Kosovës, në lidhje me një rast të dyshuar për “Organizimi i skemave piramidale dhe bixhozit të paligjshëm”, më 27 gusht janë kontrolluar katër lokacione të ndryshme në Podujevë, me urdhër të prokurorit.

Gjatë kontrolleve, si prova materiale janë sekuestruar tre telefona, dy pajisje DVR, një revole, tre karikatorë të zbrazët dhe 12 fishekë të kalibrit 7.65 mm.

Në kuadër të rastit janë arrestuar tre meshkuj kosovarë. Pas intervistimit, me vendim të prokurorit, të tre janë liruar dhe rasti do të vazhdojë në procedurë të rregullt./A.K/

Continue Reading

Të kërkuara