Kronikë e zezë

​Tentim vrasje, një muaj paraburgim ndaj të pandehurit me iniciale L.V

I pandehuri L.V, tentoi ta privojë nga jeta të dëmtuarin B.G.

Published

4 years ago

on

Gjykata Themelore në Prizren ka caktuar masën e paraburgimit në kohëzgjatje tridhjetë ditë, ndaj të pandehurit L.V., për shkak të dyshimit të bazuar se ka kryer vrasja në tentativë dhe veprës penale mbajtja në pronësi, kontroll ose posedim të paautorizuar të armëve.

Sipas gjykatës, me datë 10 janar, në orët e mesditës, në Prizren, i pandehuri L.V:, tenton ta privojë nga jeta të dëmtuarin B.G.

“Paraburgimi do të llogaritet prej kohës së arrestimit 10.01.2022 dhe mund të zgjasë deri më datën 10.02.2022, ndaj të pandehurit L.V., për shkak të dyshimit të bazuar se ka kryer vrasja në tentativë nga neni 172 e lidhur me nenin 28 par.2 të KPRK-së dhe veprës penale mbajtja në pronësi, kontroll ose posedim të paautorizuar të armëve nga neni 366 par.1 të Kodit Penal të Republikës së Kosovës. Gjykata me rastin e caktimit të masës së paraburgimit ndaj të pandehurve ka vlerësuar se ekzistojnë arsyet ligjore për caktimin e masës së paraburgimit, dhe nga provat e mbledhura deri në këtë fazë, rrjedh dyshimi i bazuar:- Me datë 10 janar, në orët e mesditës, në Prizren, i pandehuri L.V:, tenton ta privojë nga jeta të dëmtuarin B.G., në atë mënyrë që derisa viktima ishte në automjetin e tij së bashku me familjarë, si rezultat i ngarkesës së trafikut rrugor ishte krijuar kolonë e veturave, i dëmtuari pasi që ishte i rreshtuar pas veturës së të pandehurit i bie borisë disa herë për ta sinjalizuar të pandehurin që të lëvizë dhe ta lirojë rrugën dhe në atë moment në fjalosje e sipër, i pandehuri nga automjeti i tij, e merr një pistoletë në dorë dhe kthehet tek vetura e të dëmtuarit dhe pas shkëmbimit të serishëm të disa fjalëve, fillimisht me dorezën e pistoletës e godet të dëmtuarin B.G., në kokë, me ç ’rast i dëmtuari B.G., i vërsulet të pandehurit L.V., duke tentuar t’ia tërheq pistoletën nga dora dhe në atë moment i pandehuri shkrep një herë me pistoletë duke e plagosur viktimën në këmbën e tij të majtë, derisa viktima, ndonëse i plagosur, vazhdon t’ia mbajë duart të njëjtit për të mos shkrepur edhe më tej, derisa policia ka arritur në vendin e ngjarjes, me ç ’rast edhe e arrestojnë të pandehurin, ndërsa viktima si rezultat i armës së zjarrit ka pësuar lëndime trupore në kokë dhe në këmbën e tij të majtë. Me datë, kohë dhe vend te njëjtë të përshkruar si më lartë i pandehuri L.V., mban në pronësi, kontroll ose posedim të paautorizuar armën e zjarrit në kundërshtim me ligjin e zbatueshëm për armët e tilla, ashtu që me të arritur policia në vendin e ngjarjes të njëjtit ia gjejnë: një pistoletë me ngjyrë të zezë me mbishkrimin ‘’Astra UNCETA CIA S.A Gverina Spain Mod-A-80’’, me nr. serik: 70927 me një karikator dhe 11 fishekë të kalibrit 9mm, e cila edhe i është sekuestruar nga ana e policisë. Kurse a do të argumentohen këto fakte do të vlerësohet në fazat e mëtejme të procedurës penale”, thuhet në njofitm.

Me rastin e caktimit të paraburgimit, Gjykata ka marrë parasysh peshën e veprave penale të cilat janë të natyrës së rëndë, mënyrën dhe rrethanat e kryerjes së veprës penale ku i pandehuri L.V. gjuan me armë në vend publik, si dhe për shkak të dënimeve që parashikohen për këto vepra penale ka rrezik të ikjes së të pandehurit apo fshehjes së tij në ndonjë vend të panjohur nga organet e ndjekjes penale.

Nga të lartcekurat, Gjykata ka ardhur në përfundim se caktimi i paraburgimit në këtë fazë është i domosdoshëm dhe i arsyeshëm, pasi që Gjykata ka vlerësuar edhe karakteristikat personale të të pandehurit L.V., nga sjellja e mëparshme e tij i njëjti është i regjistruar edhe si kryerës i shumëfishtë i veprave tjera penale kryesisht vepra penale të dhunës, andaj caktimi i paraburgimit sipas kësaj baze është më i arsyeshëm dhe ka për qëllim parandalimin e përsëritjes së ndonjë vepre tjetër penale.

Related Topics:
Continue Reading

Lajmet

Kontrabanda me migrantë: Policia e Kosovës parandalon dy raste, në Hani të Elezit përdoret droni

Published

20 hours ago

on

May 14, 2026

By

Departamenti i Kufirit i Policisë së Kosovës ka parandaluar dy raste të ndryshme të kontrabandës me migrantë gjatë ditës së mërkurë, duke vënë në pranga katër shtetas kosovarë të përfshirë në këto rrjete ilegale. Aksionet janë zhvilluar në dy pika të ndryshme kufitare, në rajonin e Rugovës dhe në Hani të Elezit.

Në rastin e parë, zyrtarët policorë nga Stacioni për Mbikëqyrjen e Kufirit në Radavc ndaluan një automjet në zonën e Rugovës, i cili po lëvizte në drejtim të kufirit me Malin e Zi. Gjatë kontrollit, në automjet u gjetën 12 shtetas nga Sudani, të cilët posedonin dokumente azilkërkimi nga Greqia. Shoferi kosovar me inicialet B.K. është arrestuar menjëherë, ndërsa migrantët sudanezë janë dërguar në Qendrën e Mbajtjes në Magurë.

Rasti i dytë u zbulua në fshatin Seqishtë të Hanit të Elezit, ku policia përdori dronët për vëzhgimin e terrenit në kuadër të planit operativ “Migrimi ilegal”. Përmes dronit u diktuan dy persona duke kaluar në këmbë vijën kufitare nga fshati Bllacë i Maqedonisë së Veriut drejt Kosovës, ku po i priste një automjet me targa vendore. Ndërhyrja e shpejtë e njësive patrulluese rezultoi me arrestimin e tre kosovarëve (Q.C., P.L. dhe A.B.) dhe ndalimin e një shtetasi nga Bangladeshi.

Me urdhër të prokurorit, të katër të dyshuarit kosovarë nga të dyja rastet janë dërguar në mbajtje, ndërsa shtetasi nga Bangladeshi, i trajtuar si viktimë e kontrabandës, është strehuar në Qendrën për Migrantë në Vranidoll. Në cilësinë e provave materiale, policia ka sekuestruar një automjet dhe katër telefona celularë.

Continue Reading

Lajmet

Arrestohet një zyrtar në Kamenicë, dyshohet për keqpërdorim të pozitës zyrtare

Published

1 day ago

on

May 14, 2026

By

Një zyrtar i Agjencisë së Pyjeve është arrestuar në Kamenicë nën dyshimin për keqpërdorim të pozitës apo autoritetit zyrtar, bëhet e ditur në raportin e Policisë së Kosovës.

Sipas policisë, rasti është zbuluar më 13 maj 2026 në fshatin Shahiq të Kamenicës, gjatë patrullimit të njësive policore, të cilat kanë ndaluar një kamion të drejtuar nga një mashkull kosovar, i ngarkuar me dru, për të cilat dyshohet se po transportoheshin nga territori i Serbisë në Republikën e Kosovës.

Gjatë verifikimit të dokumentacionit përcjellës, policia ka dyshuar se një zyrtar i Agjencisë së Pyjeve kishte bërë në mënyrë të kundërligjshme damkosjen e druve dhe lëshimin e fletëpërcjelljes.

Me vendim të prokurorit, drutë janë sekuestruar, ndërsa i dyshuari është arrestuar dhe dërguar në mbajtje.

Rasti është duke u hetuar nga organet kompetente.

Continue Reading

Lajmet

Dy raste të dhunës në familje brenda 24 orëve në Kosovë, arrestohen të dyshuarit

Published

1 day ago

on

May 14, 2026

By

Policia e Kosovës ka raportuar për dy raste të ndara të dhunës në familje, të regjistruara gjatë 24 orëve të fundit në Prishtinë dhe Gjakovë.

Sipas raportit policor, rasti i parë ka ndodhur në Prishtinë më 13 maj, ku është arrestuar një i dyshuar mashkull kosovar, nën dyshimin se kishte ushtruar dhunë fizike ndaj gruas me të cilën bashkëjeton. Policia njofton se viktima kishte kërkuar ndihmë nga djali i saj, i cili fillimisht ishte munduar t’i ndajë palët gjatë përleshjes, por më pas ishte përfshirë edhe vetë në një rrahje me të dyshuarin, që raportohet të jetë njerku i tij.

Me vendim të prokurorit, i dyshuari është dërguar në mbajtje, ndërsa djali i viktimës, pas intervistimit, është liruar në procedurë të rregullt.

Ndërkaq, rasti i dytë është raportuar në Gjakovë më 12 maj, ku një tjetër i dyshuar mashkull kosovar është arrestuar për shkak të ushtrimit të dhunës psikike ndaj nënës së tij. Pas inicimit të rastit dhe procedurave të nevojshme, me vendim të prokurorit i dyshuari është liruar në procedurë të rregullt.

Policia vazhdon të bëjë thirrje për raportimin e rasteve të dhunës në familje dhe bashkëpunim me institucionet përgjegjëse.

Continue Reading

Kronikë e zezë

Aksione kundër narkotikëve në rajonin e Prishtinës: Arrestime dhe sekuestrime

Published

2 days ago

on

May 13, 2026

By

Gjatë 24 orëve të fundit, Policia e Kosovës ka realizuar disa aksione në Prishtinë, Fushë Kosovë dhe Graçanicë, që rezultuan me sekuestrimin e substancave narkotike dhe arrestimin e disa personave.

Në Fushë Kosovë, policia arrestoi një person pasi gjatë kontrollit në trup dhe në vendbanimin e tij, gjeti dhe sekuestroi rreth 98 gramë marihuanë dhe një peshore elektronike. Me vendim të prokurorit, ky i dyshuar është dërguar në mbajtje.

Ndërkohë, në Graçanicë, janë arrestuar katër persona – tre burra kosovarë dhe një shtetase gjermane. Arrestimi i tyre erdhi pasi gjatë kontrollit të veturës me të cilën po udhëtonin, policia gjeti një sasi të marihuanës. Pas intervistimit, të dyshuarit janë liruar në procedurë të rregullt.

Një rast tjetër u regjistrua në Prishtinë, ku një person është shoqëruar në stacionin policor pasi iu gjet një sasi e vogël prej 1.8 gramë marihuanë. Edhe ky rast, me vendim të prokurorit, do të trajtohet në procedurë të rregullt.

Continue Reading

Të kërkuara