Lajmet

Të rinjve iu mundësohet punë praktike

Published

4 years ago

September 7, 2021

Betim Gashi

40 të rinjve do të kenë mundësi të bëjnë praktikë tremujore në 14 biznese të cilët kanë përfituar nga skemat e granteve që Ministria e Zhvillimit Rajonal ka lansuar ndër vite. Kjo pas nënshkrimit të kontratave në bashkëpunim me UNICEF dhe me Rrjetin CSR Kosova, e cila është e financuar nga projekti “Kosovo Generation Unlimited”.

Ky projekt përpos se ka për qëllim angazhimin e të rinjve për punë praktike në shumë biznese vendore në Kosovë, mundëson edhe trajnime online dhe ligjërata për të ngritur njohuritë për punë tek të rinjtë, ku nga ky projekt përfitojnë edhe bizneset.

Koordinatorja e “Kosovo Generation Unlimited”, Gëzime Hasani tregon se ky projekt deri tash ka pasur shumë sukses pasi 191 prej 500 praktikantëve, janë në marrëdhenie të përhershme pune.

“Ne si implementues të këtij projekti vazhdimisht i monitorojmë të gjithë praktikantët që janë të vendosur në kompani të ndryshme dhe gjithashtu në njëfarë mënyre edhe i lusim kompanitë që të kenë një konsideratë pak më të madhe për praktikantë e ‘Kosovo Generation Unlimited’ që pas punës tremujore t’iu ofrojnë edhe një punë praktike, normalisht kjo nuk është gjithmonë e mundshme për shkak të nevojave të ndryshme të kompanive, mirëpo deri më tani ky projekt ka pas sukses edhe me ciklin e parë, ku e kemi kaluar targetin 20% në 38% do të thotë nga 500 praktikantët e angazhuar për tre muaj, 191 prej tyre kanë vazhduar punë të përhershme në kompani”, ka thënë ajo.

Hasani shtoi se me këtë projekt synohet që të rinjve t’iu lehtësohet tranzicioni nga bankat e shkollës për në tregun e punës përmes formës më të mirë siç është praktika tremujore.

“Ky projekt ka për qëllim që të lehtësojë tranzicionin e të rinjve të moshës 16 deri në 24 vjet nga shkolla në punë, do të thotë ky tranzicion konsiderohet që më së miri arrihet përmes punësimit tre mujor të punës praktike në kompani të ndryshme private-publike, organizata të ndryshme dhe entitetet që dëshirojnë të bashkëngjiten këtij projekti”, ka thënë ajo.

Po ashtu Hasani tregon se të gjitha këto biznese janë përfituese nga Ministria e Zhvillimit Rajonal e që kanë të bëjnë më kompanitë të cilat prodhojnë mallra dhe ati t’i eksportojnë jashtë.

“Sot shumica e bizneseve të gjitha bizneset janë biznese përfituese nga MZHR të skemave të tyre për bizneset që kryesisht kanë të bëjnë me kompanitë që prodhojnë dhe kanë synim të eksportojnë mallrat e tyre jashtë”, vazhdon ajo.

Hasani iu uroi suksese praktikantëve dhe falënderoi MZHR-në dhe UNICEF-in për bashkëpunimin në programin për punë praktike “Kosovo Generation Unlimited”.

Lajmet

Klinë: Dy të arrestuar për lojëra të fatit të jashtëligjshme, sekuestrohen katër vetura

Published

35 seconds ago

September 9, 2025

UBTnews

Dy persona janë arrestuar gjatë një aksioni kundër organizimit të lojërave të fatit të jashtëligjshme. Gjatë operacionit policor, përveç arrestimit të dy personave, janë sekuestruar edhe katër automjete, të cilat dyshohet se janë përdorur nga të implikuarit për zhvillimin e veprimtarisë së jashtëligjshme ose për t’u larguar nga vendi i ngjarjes.

“Klinë / 08.09.2025 – 21:40. Janë arrestuar dy të dyshuar meshkuj kosovarë për shkak se të njëjtit dyshohet se bashkë me disa persona tjerë kanë kryer veprën penale të lartëcekur. Po ashtu në vendin e ngjarjes janë sekuestruar katër vetura që dyshohet se u takojnë personave që janë të implikuar në rast dhe me të vërejtur policinë kanë ikur nga vendi i ngjarjes. Në konsultim me prokurorin pas inicimit të rastit dy të dyshuarit janë dërguar në mbajtje.” thuhet në njoftim nga Policia e Kosovës./D.B/UBTNews

Lajmet

Kosova ballafaqohet sot me Spanjën për Euro U21

Published

8 minutes ago

September 9, 2025

UBT News

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Bota

Bombardimet e sotme në Gaza, vriten 11 persona, 20 rezultojnë të zhdukur

Published

8 minutes ago

September 9, 2025

UBTnews

Të paktën 11 persona janë vrarë dhe mbi 20 rezultojnë të zhdukur pas sulmeve ajrore izraelite në Rripin e Gazës që nga agimi i ditës së sotme.

Sipas Al Jazeera, sulmet kanë shkaktuar shkatërrime të mëdha dhe rritje të shqetësimeve për gjendjen humanitare në rajon./D.B/EO

Lajmet

Arrestohet një shtetas serb në Kamenicë, solli mall ilegalisht nga Serbia

Published

9 minutes ago

September 9, 2025

UBTnews

Policia e Kosovës njofton se kanë parandaluar kontrabandimin me mallra nga Serbia në Kamenicë.

Sipas policisë, një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale, në vlerë rreth 10 mijë euro.

“Kamenicë / 08.09.2025 – 20:20. Njësia policore ka ndaluar një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale. Vlera e mallit llogaritet rreth 10.000 €”, thuhet në raportin 24 orësh të Policisë.

Policia njofton po ashtu se i dyshuari është arrestuar dhe pas inicimit të rastit me vendim të prokurorit është dërguar në mbajtje, ndërsa malli është dërguar në terminalin doganor./D.B/KP