

Lajmet
Të mbijetuarit e masakrës së Reçakut kërkojnë drejtësi
Published
4 years agoon
By
Betim Gashi22 vite më parë u rrahën e u torturuan nga forcat serbe, e me sytë e tyre panë masakrimin që iu bë më të dashurve të tyre në Reçak. 22 vite pas, Sadije Ramadani bashkë me nipin e saj, Burim Osmani, ka ardhur tek varri i vëllait Sadik Osmani, që mizorisht u masakrua para syve të tyre.
Ata e quajnë mrekulli që kanë arritur të shpëtojnë, por që thonë se shpëtimi i tyre nuk ka kuptim përderisa para syve të tyre janë masakruar familjarët e tyre.
Të mbijetuarit e masakrës së Reçakut shprehen të zhgënjyer me drejtësinë vendore e ndërkombëtare, derisa thonë se ata që kryen krime janë të lirë, ndërsa po gjykohen ata që kanë mbrojtur pragun e shtëpisë.
Sadije Ramadani, kujton se si nga bodrumi i shtëpisë ku kishin qenë duke qëndruar burrat ishin nxjerrë në oborr e ishin rrahur e torturuar nga ushtarët serbë, e që shumica prej tyre nuk ishin kthyer më.
“Na i kanë marrë qaty prej bodrumit, i kanë qitë jashtë i kanë rrah sa kanë mundur dhe i kanë marrë i kanë çuar atje në mal. Mu edhe nja 50 vetë të tjerë na kanë mbyllur në një bodrum na kanë lanë mbyllur, qaty kemi qëndruar deri në orën 4, në orën 4 e kemi çel një dritare dhe kemi dalë jashtë e kemi pa që nuk kemi, as burra, as nuk e kemi kurrkënd. Atë natë ashtu vetëm kemi qëndruar t’u qarë, t’u piskat deri në mëngjes nuk e kemi ditur çka është duke ndodhur”, thotë ajo.
Ajo tregon momentin kur kishin dalë në oborr e kishin parë më të dashurit e tyre të masakruar në mënyrën më mizore të mundshme.
“U kanë e vështirë të hyhet në atë vend me i pa gjithë ata pa sy, kokën, barkun, mushkëritë e nxjerra, veshët e prerë. Për neve ka qenë punë e rëndë, punë e zorshme, po nuk kemi çka me bë, dashtë Zoti bëhet mirë për këta fëmijë të këtyre djemve që i kemi”, thotë ajo.
Ramadani thotë se është e zhgënjyer me drejtësinë vendore e ndërkombëtare që ata që vranë e masakruan 45 civilët në Reçak nuk janë dënuar.
“Sikur krejt kjo rrethinë që thotë po themi edhe ne, kurrgjë nuk është bërë po ishalla bëhet masandej, se me u bë nuk është bërë kurrgjë, gjithë ky gjak që është derdhur, gjithë kjo popullatë që ka shkuar poshtë. Kurrkush nuk është dënuar, tanët po dënohen e këta nuk po dënohen”, shprehet ajo.
E nipi i saj, Burim Osmani, që me 1999 kishte qenë vetëm 18-vjeçar, ishte rrahur e torturuar nga ushtria serbe, kurse babai i tij Sadik Osmani ishte vrarë.
Burimi thotë se moti i 15 janarit 1999 ka qenë i njëjtë me atë që mbretëroi sot në Reçak, dhe se ky mot i kujton atij se si ishte torturuar dhe si para syve të tij ishin masakruar familjarët e tij.
“Shtëpia ku është bërë masakra është shtëpia jonë, unë kam qenë me prindin në atë shtëpi, halla dhe bashkëfshatarë të tjerë. Atë ditë në mëngjes kur ka filluar rrethimi i forcave serbe ne kemi qenë në shtëpi dhe në bodrum aty kemi qenë, unë, prindi im dhe të gjithë bashkëfshatarët që janë tubuar. Na kanë nxjerrë prej bodrumit aty, na kanë torturuar në mënyrat më të tmerrshme në oborr aty, na kanë rrahur dhe në fund të gjitha ato maltretime që na i kanë bërë prej mëngjesit deri në orën 3 pasdite burrat i kanë ndarë veç, neve na kanë shti në bodrum na kanë mbyllur, disa gra dhe fëmijë çka kemi qenë, unë i fundit kam qenë prej tyre që na i kanë krye maltretimet dhe na kanë mbyllur në bodrum e këta të masakruarit i kanë ngjitur lartë tek kodra atje dhe i kanë masakruar”, thotë ai.
Hafiz Mustafa në masakrën e Reçakut humbi djalin 21 vjeçar, e ai sot 22 vite pas ka vetëm një lutje për krerët e institucioneve të vendit.
“Na si prindër dhe krejt kombi shqiptar ju lutemi le ta çojnë mirë në mes vete, le të na i kthejnë presidentin me ata shokët e vet këtu në vendin e vet. Sot Vuqiqi prej Beogradit kudo endet a përgjigje për këta që i ka mbytur nuk jep kurrgjë. Sa dhunimin e ka bërë në krejt Kosovën, në familje. Ju lutna udhëheqësisë tonë le të kujdeset, se ne jemi me dhimbje, kemi dhënë gjak në vendin tonë, ne nuk kemi shkuar në vend të huaj, këtu kemi lind e këtu do të vdesim”, thotë ai.
22 vite më parë i masakruar mbeti edhe Sabri Syla, për të cilin vazhdon të kërkojë drejtësi djali i tij, Milazim Syla.
Milazimi që si 19-vjeçar kishte qenë pjesë e Ushtrisë Çlirimtare të Kosovës, thotë se është e pakuptimtë që sot gjykohen ata që e kanë mbrojtur pragun e shtëpisë së tyre.
“Për këtë masakër nuk është dënuar asnjë nga krimet serbe që është bërë këtu nga policia, xhandarmëria serbe, kurse udhëheqësit e Ushtrisë Çlirimtare të Kosovës dënohen dhe marrin burgime të ndryshe për vetëm që e kanë organizuar dhe e kanë çliruar vendin e tyre dhe e kanë mbrojtur pragun shtëpisë së tyre”, thotë ai.
22 vite më parë forcat policore dhe ushtarake serbe në Reçak kryen njërën nga masakrat më të mëdha, ku u vranë e u masakruan 45 qytetarë të paarmatosur.
Bota
Ish-udhëheqësi i Hezbollah do të varroset të dielën
Published
22 hours agoon
February 21, 2025By
UBT NEWS
Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.
Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.
Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.
Lajmet
Arrestohet ish-kryetarja e Nishit, Dragana Sotirovski
Published
23 hours agoon
February 21, 2025By
UBT NEWS
Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.
Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.
Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.
Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.
Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/
Lajmet
KQZ: Votat me kusht dhe ato nga Diaspora numërohen javën e ardhshme
Published
23 hours agoon
February 21, 2025By
UBTNews
Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.
Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.
Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.
“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.
Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.
“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.
Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.
Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.
Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.
Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.
“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.
Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.
“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.
Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.
Lajmet
Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë
Published
1 day agoon
February 21, 2025By
UBTNews
Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.
Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.
“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.
Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.
“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Ish-udhëheqësi i Hezbollah do të varroset të dielën

Shteti mbështet kinematografinë, 800 mijë euro për tri projekte filmi

Izraeli do të lirojë 602 të burgosur palestinezë të shtunën sipas marrëveshjes së shkëmbimit

Arrestohet ish-kryetarja e Nishit, Dragana Sotirovski

KQZ: Votat me kusht dhe ato nga Diaspora numërohen javën e ardhshme

Kremlini mohon se ka kërkuar që NATO-ja të tërheqë trupat nga krahu lindor

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Trump: Kanadaja mund të mbajë himnin e saj si shteti i 51-të amerikan

Çfarë dihet nga operacionet e fshehta të CIA-s në Meksikë
Të kërkuara
-
Magazinë2 months ago
Ky mendohet se është djali 20 vjeçar i Parashqevi Simaku, Luke Nohfe
-
Bota4 weeks ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota4 weeks ago
Fluturimet e dëbimit kanë filluar, thotë Shtëpia e Bardhë
-
Bota4 weeks ago
Shtëpia e Bardhë: Armëpushimi në Liban do të zgjatet deri më 18 shkurt