Lajmet

​Talibanët vendosin rregulla të reja: Gratë në udhëtime vetëm me burra

Published

4 years ago

on

Talibanët kanë njoftuar se do të ndalojnë muzikën në Afganistan, sepse e konsiderojnë atë jo islamike, dhe gratë që udhëtojnë për disa ditë do të duhet të kenë një shoqërues mashkull.

Zëdhënësi i talibanëve, Zabihulah Mujahid njoftoi për “New York Times” se muzika do të ndalohej në vend.

“Muzika është e ndaluar në Islam, por ne shpresojmë se ne mund t’i bindim njerëzit të mos bëjnë gjëra të tilla, në vend që të bëjnë presion mbi ta”, tha Mujahid.

Edhe pse gratë përfundimisht do të lejohen të kthehen në punë dhe të shkojnë në shkolla dhe spitale, Mujahid njoftoi se do të duhet të kenë një shoqërues mashkull për udhëtimet që zgjasin disa ditë.

Ai sugjeroi që gratë do të lejoheshin të ktheheshin në punë në të ardhmen për sa kohë që mbanin shami. Ai shtoi se kishte shqetësime të pabaza se talibanët do t’i detyronin përsëri gratë të qëndrojnë të mbyllura në shtëpitë e tyre.

Duke reaguar ndaj raporteve se talibanët tashmë ishin duke u hakmarrë ndaj atyre që i kundërshtuan, Mujahid tha: “Ne duam të ndërtojmë të ardhmen dhe të harrojmë atë që ndodhi në të kaluarën”.

Sipas tij, gjërat do të jenë ndryshe nën këtë sundim taliban nga regjimi i mëparshëm. Ai vëren se ata me dokumentet e duhura të udhëtimit do të jenë në gjendje të largohen nga vendi dhe se regjimi i tij nuk do të gjuajë ish-përkthyes dhe të tjerë që kanë punuar për ushtrinë amerikane për vite me radhë.

Komentet e tij të fundit vijnë vetëm një ditë pasi ai tha në një konferencë shtypi se gratë duhet të qëndrojnë të burgosura “derisa të krijojmë një procedurë të re”, përkatësisht derisa talibanët të trajnojnë forcat e tyre që të mos ngacmojnë gratë.

“Ne jemi të shqetësuar se forcat tona, të cilat janë të reja dhe ende nuk janë trajnuar mirë, mund të abuzojnë me gratë. Ne nuk duam që forcat tona, Zoti na ruajtë, të lëndojnë apo ngacmojnë gratë”, tha Mujahid me atë rast.

Ai theksoi se pagat e grave do të paguhen në shtëpitë e tyre, duke përsëritur atë që Ahmadullah Vasek, zëvendës komiteti i talibanëve për kulturën, tha për New York Times, se talibanët “nuk kanë probleme me gratë që punojnë” për sa kohë që ato mbajnë hixhab.

Related Topics:
Continue Reading

Lajmet

Qeveria miraton vendime preliminare për shpronësime në disa projekte infrastrukturore

Published

2 hours ago

on

December 19, 2025

By

Qeveria e Kosovës, në mbledhjen e mbajtur të premten, ka miratuar vendimin preliminar për shpronësim për interes publik të pronave të paluajtshme ish-shoqërore të Ndërmarrjes Shoqërore Industria e Mobileve “Përparimi”, si dhe të pronave private, për nevoja të institucioneve shtetërore të Republikës së Kosovës.

Në të njëjtën mbledhje, Qeveria ka miratuar edhe vendimin preliminar për shpronësim për interes publik të pronave të paluajtshme që preken nga realizimi i projektit “Ndërtimi i Kyçjes së Vitisë në Autoudhën ‘Arbër Xhaferi’, Prishtinë – Hani i Elezit”.

Po ashtu, është miratuar vendimi për shqyrtimin e mëtejmë të kërkesës për interes publik të pronave të paluajtshme që preken nga realizimi i projektit “Ndërtimi i Rrugës Tranzit në Klinë, nga N9 deri në R-104”, Klinë – Gurakoc.

Gjatë kësaj mbledhjeje, Qeveria ka marrë gjithashtu vendim për shqyrtimin e mëtejmë të kërkesës për interes publik të pronave të paluajtshme që preken nga realizimi i projektit “Zgjerimi i Rrugës Nacionale M25 Prishtinë – Podujevë”.

Continue Reading

Lajmet

Nëse kualifikohet në botëror, Kosova fiton rreth 10.5 milionë dollarë

Published

3 hours ago

on

December 19, 2025

By

FIFA e ka aprovuar rritjen prej 50% të fondit të shpërblimeve për Kupën e Botës, dhe sipas kësaj rritje, fituesi do t’i merrte plot 50 milionë dollarë, derisa nënkampioni 33 milionë dollarë.

Kurse, ata që dështojnë të kualifikohen tutje nga faza grupore, do t’i marrin 9 milionë dollarë.

Derisa, kostoja shtesë për përgatitje shkon deri në 1.5 milion dollarë. Pra, nga kjo përllogaritje, del se një kombëtare që arrijnë të kualifikohet i ka të garantuara 10.5 milionë dollarë.

Në këtë rast, nëse edhe Kosova e arrijnë këtë sukses historik pas ndeshjeve të playoff-it do t’i marrë të paktën kaq para.

Pas mbledhjes së Komitetit Ekzekutiv të shtëpisë më të madhe të futbollit, 727 milionë dollarë, do të shpërndahen mes federatave anëtare si rezultat i Botërorit 2026.

Nga kjo shumë, 655 milionë dollarë do të ndahen si shpërblime direkte për kombëtaret pjesëmarrëse.

Presidenti i FIFA-s, Gianni Infantino, u shpreh se Botërori 2026 do të jetë revolucionar për kontributin financiar ndaj futbollit global.

FIFA pret të arkëtojë 13 miliardë dollarë gjatë ciklit 2022–2026, pothuajse dyfish më shumë se cikli paraprak, rritje që lidhet kryesisht me zgjerimin e Kupës së Botës dhe Botërorit të Klubeve.

Kampionati i ardhshëm botëror zhvillohen në tri shtete, ShBA, Kanada dhe Meksikë, nga 11 qershori i 2026-tës e deri më 19 korrik./S.K/EO/

Continue Reading

Lajmet

Gjilani ndalon përdorimin e fishekzjarreve

Published

3 hours ago

on

December 19, 2025

By

Në prag të festave të fundvitit, Komuna e Gjilanit ka marr vendim për ndalimin e përdorimit të mjeteve piroteknike.

Sipas njoftimi të komunës, përdorimi i mjeteve piroteknike ndalohet në vendet e hapura publike, përkatësisht në tregje, rrugë e sheshe.

Ndalesa sipas kësaj urdhërese vlen për periudhën 20 dhjetor 2025 deri më 03 janar 2026, përjashtuar nga kjo ndalesë periudhën kohore nga ora 23:30 të datës 31.12.2025 deri në orën 00:30 të datës 01.01.2026.

“Personat të cilët veprojnë në kundërshtim me këtë urdhëresë do të gjobiten në shumë prej 100 euro”, thuhet në urdhëresën e kryetarit Alban Hyseni.

Continue Reading

Lajmet

Paris Saint-Germain fiton trofeun e gjashtë sezonal pas një drame penalltish ndaj Flamengos

Published

4 hours ago

on

December 19, 2025

By

Paris Saint-Germain është shpallur fitues i Kupës Ndërkontinentale, duke mposhtur Flamengon në finale pas një serie dramatike penalltish, pasi koha e rregullt dhe vazhdimet nuk dhanë fitues.

PSG e nisi ndeshjen me ritëm të lartë, duke krijuar disa raste që në minutat e para. Një gol i Fabian Ruiz në minutën e 9-të u anulua pas rishikimit me VAR, pasi topi kishte dalë jashtë fushës gjatë aksionit.

Goli i parë i ligjshëm erdhi në minutën e 38-të, kur Khvicha Kvaratskhelia përfitoi nga një pasim perfekt dhe e dërgoi topin në rrjetë, duke i dhënë epërsinë PSG-së 1-0. Pjesa e parë u karakterizua nga ndërhyrje të forta dhe kartonë të verdhë për të dyja skuadrat.

Në pjesën e dytë, Flamengo reagoi dhe shtoi presionin. Momenti kyç erdhi në minutën e 60-të, kur pas një faulli në zonë, gjyqtari Ismail Elfath u thirr nga VAR dhe akordoi një penallti për brazilianët.

Në serinë e penalltive, më të saktë dolën lojtarët e PSG, duke fituar 2-1 dhe duke ngritur trofeun e Kupës Ndërkontinentale për klubin francez.

Ky triumf vjen pas një ndeshjeje të balancuar dhe dramatike, që dëshmoi fuqinë dhe qetësinë e lojtarëve të PSG-së në momentet vendimtare. /S.K/EO/

Continue Reading

Të kërkuara