Lajmet

​Tahiri-Kurtit: Është esenciale që ta kuptoni se ministri Murati e dinë që s’dinë

Published

4 years ago

on

Shefi i grupit parlamentar të PDK-së, Abelard Tahiri tha se ministri i Financave nuk di të flas por numra, por vetëm për polemika politike. Sipas tij, është esenciale që kryeministri Kurti të kuptojë që ministri i Financave, Hekuran Murati nuk e dinë që s’dinë.

Ai në debatin parlamentar për rritjen e çmimeve theksoi se kuletën e shtetit po e mban një njeri i papërgjegjshëm dhe i padijshëm.

“Mendoj që është esenciale, është tepër e rëndësishme kryeministri me kuptuar që ka një ministër të Financave që se dinë që nuk dinë. Ajo që e shtini kryetari i LDK-së në kategorinë e katërt. Është e tmerrshme kryeministër edhe kur nuk jeni ju në seancë, edhe kur nuk jeni prezent krejt debati që e thërrasim ministrin e Financave për çështje që lidhen kryekëput me punën e tij, mundohet me shndërrua në një debat politik me akuza dhe kundër akuza, ti e ke bo, ti se ke bërë, ai e ka bërë, ti se ke bërë, ky veç për numra nuk flet. Ja ke lënë kuletën e shtetit një njeriu të papërgjegjshëm dhe të padijshëm”, ka deklaruar Tahiri.

Në lidhje me këtë, ministri i Financave, Hekuran Murati deklaroi se është rezervuar të flas për numra, meqë një gjë të tillë do të duhej ta bënin sot opozita.

Related Topics:
Continue Reading

Lajmet

Arrestohet një person në Podujevë, dyshohet se shtyu zyrtaren policore

Published

20 minutes ago

on

September 22, 2026

By

Një person është arrestuar në Podujevë pasi dyshohet se ka përdorur fjalë fyese dhe ka shtyrë një zyrtare policore.

Rasti ka ndodhur më 21 shtator, rreth orës 15:08.

I dyshuari është intervistuar dhe, me vendim të prokurorit, është liruar në procedurë të rregullt./A.K/

Continue Reading

Lajmet

Dyshohet për kontrabandim me migrantë në Vërmicë, ndalohet një person

Published

22 minutes ago

on

September 22, 2026

By

Policia ka ndaluar një automjet me targa vendore në Vërmicë, ku janë gjetur katër migrantë, shtetas të huaj.

Rasti ka ndodhur më 21 shtator, rreth orës 04:00. Automjeti drejtohej nga një i dyshuar mashkull kosovar.

I dyshuari është intervistuar dhe, me vendim të prokurorit, është liruar në procedurë të rregullt.

Ndërkohë, migrantët janë trajtuar nga institucionet përkatëse dhe më pas janë dërguar në qendrën strehimore./A.K/

Continue Reading

Lajmet

Dy persona sulmojnë me kaçavidë një burrë në Ferizaj

Published

24 minutes ago

on

September 22, 2026

By

Një burrë në Ferizaj ka kërkuar ndihmë mjekësore pasi dyshohet se është therur me një mjet të mprehtë, konkretisht kaçavidë, nga dy persona të panjohur.

Rasti është raportuar më 21 shtator, rreth orës 22:30.

Viktima ka marrë tretman mjekësor dhe më pas është liruar.

Policia ka bërë të ditur se rasti po hetohet./A.K/

Continue Reading

Lajmet

Tre të dyshuar për materiale të shfrytëzimit seksual të fëmijëve në Prizren dhe Drenas

Published

27 minutes ago

on

September 22, 2026

By

Policia e Kosovës ka identifikuar tre persona të dyshuar për veprën penale “Materiale me përmbajtje të shfrytëzimit dhe keqpërdorimit seksual të fëmijëve”.

Rasti është raportuar më 21 shtator në Prizren dhe Drenas. Si prova materiale janë sekuestruar tre telefona celularë.

Njëri nga të dyshuarit është arrestuar dhe, pas intervistimit, është liruar në procedurë të rregullt, ndërsa dy të dyshuarit e tjerë janë ftuar për intervistim.

Rasti mbetet në procedurë hetimore, njofton Policia e Kosovës./A.K/

Continue Reading

Të kërkuara