Lajmet

​Studimi zbulon aftësinë “e pafundme” të kancerit për të evoluar

Mbi 400 njerëzve iu morën biopsi nga pjesë të ndryshme të kancerit të mushkërive.

Publikuar

Një analizë e paprecedentë se si rriten kanceret ka zbuluar një aftësi “pothuajse të pafundme” të tumoreve për të evoluar dhe mbijetuar, thonë shkencëtarët.

Rezultatet e gjurmimit të kancerit të mushkërive për nëntë vjet e lanë ekipin hulumtues “të befasuar” dhe “të mahnitur” nga forca e frikshme që ata kishin.

Ata kanë arritur në përfundimin se ne kemi nevojë për më shumë fokus në parandalimin, me një kurë “universale” që nuk ka gjasa së shpejti, shkruan BBC.

Cancer Research UK tha se zbulimi i hershëm i kancerit ishte jashtëzakonisht i rëndësishëm.

Studimi – i titulluar TracerX – ofron analizën më të thellë se si evoluojnë kanceret dhe çfarë i shkakton përhapjen e tyre.

Kanceret ndryshojnë dhe evoluojnë me kalimin e kohës – ato nuk janë fikse dhe të pandryshueshme. Ata mund të bëhen më agresivë: më të mirë në shmangien e sistemit imunitar dhe në gjendje të përhapen nëpër trup.

Një tumor fillon si një qelizë e vetme, e korruptuar, por bëhet një përzierje e miliona qelizave, në mënyra paksa të ndryshme.

TracerX gjurmoi atë diversitet dhe se si ndryshon me kalimin e kohës brenda pacientëve me kancer të mushkërive dhe thotë se rezultatet do të zbatohen në lloje të ndryshme të kancerit.

“Kjo nuk është bërë kurrë më parë në këtë shkallë”, tha profesor Charles Swanton, nga Instituti Francis Crick dhe University College London.

Më shumë se 400 njerëzve – të trajtuar në 13 spitale në MB – iu morën biopsi nga pjesë të ndryshme të kancerit të mushkërive ndërsa sëmundja përparonte.

“Më ka befasuar se sa të adaptueshëm mund të jenë tumoret”, tha Swanton.

“Nuk dua të tingëlloj shumë dëshpërues për këtë, por mendoj – duke pasur parasysh mundësitë pothuajse të pafundme në të cilat një tumor mund të evoluojë, dhe numrin shumë të madh të qelizave në një tumor të fazës së vonë, që mund të jetë disa qindra miliardë qeliza – atëherë arritja e kurave për të gjithë pacientët me sëmundje në fazën e vonë është një detyrë e vështirë”.

Swanton tha “Unë nuk mendoj se ne do të jemi në gjendje të dalim me kura universale”.

“Nëse duam të kemi ndikimin më të madh, duhet të fokusohemi në parandalimin, zbulimin e hershëm dhe zbulimin e hershëm të rikthimit”.

Obeziteti, duhani, alkooli dhe dieta e varfër rrisin rrezikun e disa llojeve të kancerit. Trajtimi i inflamacionit në trup po shihet gjithashtu si një mënyrë për të parandaluar kancerin. Inflamacioni është shpjegimi i mundshëm për ndotjen e ajrit që shkakton kancer të mushkërive dhe sëmundje inflamatore të zorrëve duke rritur rrezikun e kancerit të zorrës së trashë.

Lajmet

Shtyhet seanca gjyqësore për uzurpimin e pronës në Hajvali, dy të pandehur kanë vdekur

Publikuar

nga

Për shkak të ndryshimit të statusit jetësor të disa të pandehurve, është shtyrë procesi gjyqësor i paraparë për t’u mbajtur sot në Gjykatën Themelore në Prishtinë, për një nga rastet më eklatante të uzurpimit të pronës në Hajvali, pas 22 vjetësh bllokimi.

Gjyqtarja Kosovare Musliu ka thënë se Gjykata nuk ka kushte për mbajtjen e seancës së sotme dhe solli aktvendim që seanca e sotme nuk do të mbahet, për shkak të ndryshmit të statusit jetësor për të paditurin Hajrush Bajrami dhe të paditurin Vehbi Pacolli.

“Gjykata konstaton se nuk ka kushte për mbajtjen e seancës së sotme dhe bie aktvendim se seanca e sotme nuk do të mbahet, për shkak të ndryshmit të statusit jetësor për të paditurin Hajrush Bajrami për të cilin palët do t’i njoftoj me kohë. Ndërsa për të paditurin Vehbi Pacolli, për të cilin sot u deklarua se i njëjti ka ndërruar jetë, Gjykata sipas detyrës zyrtare do t’i drejtohet Agjencisë së Regjistrimit Civil për vërtetimin e statusit jetësor për të njëjtin. Për rrjedhjen e shqyrtimit gjyqësor në këtë çështje juridike Gjykata do t’i njoftojë palët me procedurë me kohë”, ka thënë ajo.

Avokati Avni Gjakova, në mungesë të autorizimit të paditurve, kërkoi nga gjykatësja që sot të paditurit që ishin në seancë ta autorizonin gojarisht atë si avokat.

“Mendimi im do te kishte qenë se cilët janë prej palëve këtu që e autorizojnë avokatin. Ekonomikisht është shumë me e dobishme për me ndihmuar këtë proces me deklaruar se cili, ju kisha lutur se është mirë për gjykatën edhe mua”, ka thënë ai.

Por gjykatësja Musliu tha se autorizimi i të paditurve për t’u mbrojtur nga avokati Avni Gjakova do të duhet që të bëhet me autorizim.

Prona milionëshe është blerë në vitin 2002 dhe pasi blerësi ka shkuar në diasporë, aty kanë filluar ndërtimet ilegale. Nga viti 2002, kjo tokë është në kontest pronësor mes një personi i cili posedon dokumentacion që ka blerë tokën dhe mbi 20 personave të tjerë që gjithashtu pretendojnë se prona është e tyre.

Vazhdo të lexosh

Lajmet

“Freedom House”: Mosmarrëveshja e zgjatur me Kosovën, sfidë në demokratizimin e Serbisë

Publikuar

nga

Serbia ka pësuar rënien më të madhe në procesin e demokratizimit, sipas raportit për vitin 2023 të Freedom House. Prej 3.79 pikëve sa i ka pasur vitin paraprak, Serbia tani është vlerësuar me 3.61 pikë.

“Freedom House” së fundi përmes një tweet-i i ka thënë se “të shtënat tragjike, mosmarrëveshja e zgjatur me Kosovën dhe zgjedhjet e parakohshme të manipuluara, të gjitha kontribuuan në një mjedis të trazuar politik”.

Vazhdo të lexosh

Lajmet

Më 23 maj pritet që OKB-ja të votojë për rezolutën për Srebrenicën

Publikuar

nga

Në Asamblenë e Përgjithshme të Kombeve të Bashkuara më 23 maj, draft-rezoluta e propozuar për gjenocidin në Srebrenicë do jetë pjesë e agjendës bëri të ditur institucioni.

Ndërsa kjo rezolutë e propozuar mëton të shpallë 11 korrikun “Ditë Ndërkombëtare të Kujtimit dhe Shënimit të Gjenocidit të vitit 1995 në Srebrenicë”.

Kjo rezolutë u referohet fakteve të përcaktuara nga aktgjykimet e Gjykatës Penale Ndërkombëtare për ish-Jugosllavinë dhe Gjykatës Ndërkombëtare të Drejtësisë, ashtu si dhe të gjykatave vendase.

Siç thuhet edhe në tekstin e rezolutës OKB-ja “dënon pa rezervë çdo mohim të gjenocidit në Srebrenicë si fakt historik dhe u bën thirrje shteteve anëtare të ruajnë faktet, përfshirë përmes sistemeve arsimore, duke zhvilluar programe ët përshtatshme, por po ashtu si shenjë të kujtesës, në mënyrë që të parandalohet mohimi dhe shtrembërimi i fakteve, dhe kryerja e gjenocidit në të ardhmen”.

Megjithatë në tekst po ashtu theksohet edhe rëndësia e përfundimit të procesit të gjetjes dhe identifikimit të mbetjeve mortore të viktimave të gjenocidit në Srebrenicë, në mënyrë që të varrosen dinjitetshëm, dhe bëhen thirrje për vazhdimin e ndjekjes penale për kryesit e gjenocidit në Srebrenicë, ku ende nuk janë përballur me drejtësin.

Edhe sekretarit të përgjithshëm të OKB-së i është kërkuar “të themelojë një program informues të titulluar ‘Gjenocidi në Srebrenicë dhe OKB-ja’”, të nisë kështu aktivitete dhe përgatitje për 30 vjetorin e gjenocidit më 2025, duke i kërkuar po ashtu sekretarit që të tërheqë vëmendjen të gjitha shteteve anëtare të kësaj rezolute.

Gjermania dhe Ruanda janë shtetet të cilat hedhën dritën mbi rezolutën për gjenocidin në Srebrenicë, pasi këto dy shtete bashkërisht e iniciuan dhe hartuan tekstin e rezolutës.

Gjenocidi në Srebrenicë, u vranë së paku 8.372 boshnjakë, dhe krimet e tjera të kryera në këtë rajon, më shumë se 50 persona janë dënuar me rreth 700 vjet burgim.

Në mesin e këtyre të dënuarve janë edhe presidenti i Republikës Sërpska në kohën e luftës, Radovan Karaxhiq, dhe komandati i përgjithshëm i ushtrisë serbe në atë kohë, Ratko Mlladiq./REL

Vazhdo të lexosh

Lajmet

Ambasadori i Izraelit në OKB thotë se OKB-ja bashkëpunon me Hamasin

Publikuar

nga

Gilad Erdan i tha Radios së ushtrisë izraelite se OKB-ja “është bërë vetë një organ terrorist”.

“Qëkur Izraeli u tërhoq nga Gaza – OKB-ja bashkëpunon me Hamasin, ajo e mbulon atë dhe Sekretari i Përgjithshëm shpejt e dënon Izraelin për gjithçka që publikohet”, pohoi ai.

Më shumë se 35 mijë njerëz janë vrarë si pasojë e sulmeve izraelite në Gaza që nga 7 tetori.

Pas sulmit nga Hamasi, Guterres tha: “Kam dënuar pa mëdyshje aktet e tmerrshme dhe të paprecedentë të terrorit të 7 tetorit nga Hamasi në Izrael. Asgjë nuk mund të justifikojë vrasjen, plagosjen dhe rrëmbimin e qëllimshëm të civilëve – apo lëshimin e raketave kundër objektivave civile”.

Guterres gjithashtu ka kritikuar vazhdimisht Izraelin për luftën e tij në Gaza. Kohët e fundit ai tha se Izraeli ka sjellë “viktima dhe dëme të pamëshirshme” për palestinezët në Gaza./UBTNews/

Vazhdo të lexosh

Të kërkuara