Lajmet

​SPSPK: Arrihet marrëveshje, punëtorët higjienikë dhe fizikë do të marrin shtesë nga 100 euro

Published

5 years ago

on

Sindikata e Pavarur e Sektorit Privat të Kosovës (SPSPK) dhe Ministria e Financave sot kanë arritur një marrëveshje për pagesa shtesë për punonjësit e sektorit privat që janë shërbyes në institucionet shtetërore.

Kryetari i kësaj sindikate, Jusuf Azemi, në një konferencë për media pas takimit me ministren në detyrë të Financave, Hykmete Bajrami, tha se të gjithë punëtorët e sigurimit fizik dhe higjienik nga muaj shkurt do të marrin nga buxheti i shtetit nga 100 euro.

Azemi tha se Qeveria e Kosovës paraprakisht ka analizuar gjendjen dhe ka garantuar se ka mjete të garantuara për muajin shkurt, mars dhe prill. Teksa shtoi se paga shtesë për muajin shkurt mund të ekzekutohet para fundit të këtij muaji, derisa të përgatiten listat e punëtorëve nga sindikata.

“Pagat do të fillojnë ose stimulimi për muajin shkurt, mars dhe prill janë paga të garantuara, ndërsa për pjesën tjetër ka mbetur që të bisedohet varësisht prej situatës në të cilën jemi. Megjithatë për një pjesë të vogël të punëtorëve të sektorit privat kemi një stimulim që vërtet e kanë merituar. Jemi mbrapa me shumë çështje të tjera, si me pagën minimale, me kontratën kolektive, por megjithatë mendojmë që tash për tash është një moment që nuk mund të bëjmë më tepër”, tha ai.

Përfitues të këtyre mjeteve shtesë për shkak të pandemisë, janë për punëtorët e kompanive private që kryejnë shërbime në spitale, në qendra të mjekësisë familjare dhe ambulanca.

“Ne sot me ministren në detyrë të Financave jemi dakorduar që duhet të fillojë pagesa shtesë me një herë për punëtorët e kompanive private që kryejnë shërbime në spitale, në qendra të mjekësisë familjare dhe ambulancat. Pra, të gjithë këta të cilët punojnë në institucionet shtetërore. Punëtorët të cilët do të kenë një stimulim janë punëtorët higjienikë dhe punëtorët e sigurimit fizik. Pagesa do të fillojë me pagën e muajt shkurt, që do të thotë se në fund të muajt shkurt ne do të kemi stimulimin në pagën e muajt shkurt. Shuma është 100 euro për secilin muaj veç e veç, pagesat janë të garantuara për muajin shkurt, mars dhe prill. Megjithatë, është biseduar për muajin shkurt mars dhe prill, ndërsa pjesa tjetër prej qershorit deri në muajin janar është një procedurë tjetër për të cilën nuk kam marrë garanci se do të paguhet. Por, megjithatë ne kemi shpjeguar që ne kemi filluar rrugën tonë dhe do të luftojmë përmes gjykatës”, tha Azemi.

Ai në fund tha se listat e gjithë këtyre punëtorëve sipas marrëveshjes do t’i bëjë sindikata deri më 10 shkurt.

Related Topics:
Continue Reading

Lajmet

​Yildiz: Nuk më pëlqen të krahasohem me Del Pieron

Published

48 minutes ago

on

October 20, 2025

By

Sulmuesi turk, Kenan Yildiz është gati për përballjen e madhe të Ligës së Kampionëve mes Real Madridit dhe Juventusit.

Yildiz që mban fanellën me numrin 10 te bardhezinjtë, foli për emocionet e tij në një intervistë për faqen zyrtare të UEFA-s, ku pranoi se është i motivuar nga pritshmëritë që ka publiku, por shtoi se nuk i pëlqejnë krahasimet.

“Jam vetvetja. Nuk dua të krahasohem me askënd.”, tha Yildiz.

Lidhur me ndeshjen në stadiumin Santiago Bernabeu, ai u shpreh:

“Është fantastike. Çdo fëmijë ëndërron të luajë në atë stadium. Tani kjo ëndërr është bërë realitet. Shpresoj të zhvillojmë një ndeshje të madhe.”/S.K/KP/

 

Continue Reading

Lajmet

​Deco: Nuk sjellim lojtar të rinj në janar

Published

1 hour ago

on

October 20, 2025

By

Shefi i Barcelonës, Deco, thotë se nuk ka gjasa të shtojë lojtarë në skuadrën e tyre në janar dhe këmbëngul se ata do ta blejnë vetëm nëse detyrohen të shesin një lojtar gjatë merkatos së dimrit.

“Nuk e shoh nevojën për afatin kalimtar të janarit për momentin. Asnjë lojtar nuk ka kërkuar të largohet.”, ka thënë Deco.

Deco komentoi gjithashtu edhe për figurën e Lamine Yamal.

“Shpesh kemi tendencë të përqendrohemi te individualizmi, por është skuadra që fiton. Po flasim për një lojtar shumë të pjekur, një lloj tjetër lojtari që mund të përcaktojë një epokë. Duhet ta lëmë të qetë”, tha ai.

“Konteksti i tij ishte i ndryshëm; ai iu bashkua një ekipi që tashmë ishte fitues, me lojtarë të moshës 25 dhe 26 vjeç, dhe rritja e tij ka qenë më normale dhe progresive”, shtoi ai./S.K/KP/

Continue Reading

Lajmet

Drejtori i policisë ndan 19 vetura për policët e lagjes

Published

2 hours ago

on

October 20, 2025

By

Me synim për rritjen e efikasitetit në punën e policëve të lagjes, Drejtori i Përgjithshëm i Policisë, Gazmend Hoxha ka ndarë 19 vetura të reja Hybride, për mbulimin e zonave sektoriale, në të gjitha drejtoritë rajonale.

Lajmin e ka bërë të ditur Policia e Kosovës përmes një komunikate zyrtare.

“Përmbushja e objektivave të Strategjisë së Policimit të drejtuar nga Inteligjenca dhe Policimit në Bashkësi, si dhe forcimi i qasjes proaktive ndaj kërkesave të qytetarëve tashmë mundësohet më lehtë dhe më shpejt, falë pajisjes me automjete zyrtare”.

“Kjo edhe një herë dëshmon përkushtimin e menaxhmentit të Policisë për një qasje gjithnjë e më proaktive ndaj komunitetit, për forcimin e bashkëpunimit dhe komunikimit me qytetarët, si dhe për rritjen e mëtejme të besueshmërisë dhe transparencës institucionale”, shkruhet tutje në komunikatë./EO

Continue Reading

Lajmet

​Ish-lojtari i Real Madridit pëson goditje në tru

Published

2 hours ago

on

October 20, 2025

By

Ish-futbollisti holandez, Royston Drenthe, ka pësuar një goditje në tru dhe aktualisht ndodhet nën kujdes mjekësor në spital.

“Të premten e kaluar, Royston Drenthe pësoi një goditje në tru. Ai po trajtohet dhe është në duar të sigurta. Familja e tij kërkon paqe dhe privatësi gjatë kësaj periudhe, për t’i mundësuar shërimin e plotë,” thuhet në njoftimin e klubit në Instagram.

Drenthe, i cili u konsiderua një prej talenteve më premtues të futbollit holandez, nuk arriti të përmbushte pritshmëritë pas transferimit te Real Madridi. Gjatë karrierës së tij ai ka luajtur në Spanjë, Angli, Rusi, Turqi dhe Emiratet e Bashkuara Arabe, ndërsa futbollin aktiv e përfundoi në Holandë në vitin 2019.

Lajmi është konfirmuar edhe nga FC Der Rebellen, ekipi i ish-lojtarëve profesionistë ku bën pjesë edhe 38-vjeçari.

Pas tërheqjes nga futbolli, Drenthe iu përkushtua muzikës dhe prej vitit 2023 punon si komentator në kanalin holandez Ziggo Sports./S.K/KP/

Continue Reading

Të kërkuara