Lajmet

​S’kalon rezoluta lidhur me vendimin e ZRrE-së për rritjen e çmimit të energjisë elektrike

Ai ka tërhequr rezolutën për mos shtrenjtimin e rrymës, duke kërkuar anulimin e vendimit të Zyrës së Rregullatorit të Energjisë.

Published

4 years ago

on

Me 20 vota për, 42 kundër dhe një abstenim, nuk ka kaluar rezoluta e propozuar për vendimin e ZRrE-së për rritjen e çmimit të energjisë elektrike. Para kësaj pike, në rend të ditës ka qenë edhe votimi i propozim-rezolutës lidhur me shtrenjtimin e energjisë elektrike. Shefi i Grupit Parlamentar të Partisë Demokratike të Kosovës, Abelard Tahiri ka njoftuar se pas vendosjes për tarifat e reja të energjisë elektrike, nuk ka kuptim rezoluta që kishin propozuar.

Ai ka tërhequr rezolutën për mos shtrenjtimin e rrymës, duke kërkuar anulimin e vendimit të Zyrës së Rregullatorit të Energjisë.


“Në këtë rezolutë kërkohet që të mos ndodhë shtrenjtimi i energjisë elektrike, tashmë kjo nuk ka kuptim që të vendoset në votim. Sepse shtrenjtimi i energjisë elektrike veçse ka ndodhur. Ndërsa, vazhdojmë te rezoluta tjetër e cila kërkon që ky vendim i ZRrE-së të anulohet. Pra, pikën e parë, rezolutën e parë të kësaj seance e tërheqim dhe vazhdojmë me rezolutën tjetër ku flasim për vendimin e ZRrE-së”, tha ai.

Në pajtim me grupet parlamentare, kryeparlamentari Glauk Konjufca tha se kanë vendosur që të shtyhen tri pika të rendit të ditës për seancat e ardhshme. Këto pika janë votimi në parim i Projektligjit nr.08/L-104 për ndryshimin dhe plotësimin e ligjit nr.03/L-040 për vetëqeverisjen lokale, shqyrtimi i parë i Projektligjit nr.08/L-063 për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura dhe shqyrtimi i parë i Projektligjit nr. 08/L-023 për ndryshimin dhe plotësimin e Ligjit nr. 03/L-064 për Festat Zyrtare në Republikën e Kosovës.

Related Topics:
Continue Reading

Lajmet

FSK organizon Ditën e Vizitorëve në “Ujku Shigjetë”

Published

42 minutes ago

on

October 28, 2025

By

Forca e Sigurisë së Kosovës do të organizojë sot Ditën e Vizitorëve në kuadër të ushtrimit fushor “Ujku Shigjetë”.

Ky organizim do të mbahet në poligonin ushtarak në Babaj të Bokës, Gjakovë me fillim nga ora 11:00, sipas njoftimit për media.

Ushtrime të tilla, FSK ka realizuar edhe herë të tjera, ku shihen pamjet më poshtë.

Continue Reading

Lajmet

Xhiro e 11-të e Superligës nis sot me dy supersfida

Published

47 minutes ago

on

October 28, 2025

By

Kampionati i Kosovës në futboll ka zhvilluar tashmë dhjetë xhiro mjaftë interesante dhe në këtë mesjave do të zhvillohen ndeshjet e xhiros së 11-të.

Në qytetin e Gjilanit do të ndeshjen Gjilani dhe Dukagjini, skuadra të cilat po kërkojnë të gjejnë stabilitet në këtë fillim sezoni. Dukagjini i drejtuar nga Ismet Munishi e nisi shumë fuqishëm edicionin, por në pesë ndeshjet e fundit ka tri humbjen, një barazim dhe një fitore dhe ka mbledhur 14 pikë pas dhjetë ndeshjeve duke u renditur në venin e katër në tabelë.

Nga ana tjetër, Gjilani ka mbledhur vetëm 11 pikë pas dhjetë ndeshjeve duke mbajtur vendin e tetë në tabelë.

Ballafaqimi tjetër është ai ndërmjet Malishevës dhe Ballkanit, duke që sjellë emocione pas të dy skuadrat synojnë kreun e tabelës. Momentalisht Ballkani ka 19 pikë në vendin e dytë, kurse Malisheva është e gjashta me 13 pikë.

Të dy ndeshjet nisin nga ora 13:00./S.K/KP/

Continue Reading

Lajmet

Uragani Melissa: Xhamajka përgatitet për stuhinë më të fortë në botë të vitit 2025

Published

54 minutes ago

on

October 28, 2025

By

Mediat e huaja kanë raportuar se tashmë tre persona kanë vdekur në Xhamajka, mirëpo thuhet nga meteorologët amerikanë se ajo po përgatitet për stuhinë më të fortë në botë këtë vit, dhe ndoshta më të fortën e regjistruar ndonjëherë në ishull.

Me shpejtësi ere deri në 282 km/orë, Uragani Melissa është një stuhi e kategorisë pesë- forca maksimale.

“Po intensifikohet dhe pritet të arrijë në ishullin e Karaibeve herët të martën”, thuhet në njoftim të BBC.

Ekspertët paralajmërojnë se ritmi i ngadaltë i Melissës mund të nënkuptojë shira të zgjatur të rrëmbyeshëm në disa zona, duke rritur rrezikun e përmbytjeve vdekjeprurëse dhe rrëshqitjeve të dheut./S.K/KP/BBC/

Continue Reading

Lajmet

Makina përplaset me motorin, humb jetën 18-vjeçari në Vlorë

Published

1 hour ago

on

October 28, 2025

By

Një aksident i rëndë është regjistruar mbrëmjen e djeshme në Vlorë, ku një 18-vjeçar ka humbur jetën si pasojë e përplasjes së motorit me një makinë.

Ngjarja e rëndë ka ndodhur rreth orës 12:00 të mesnatës, në bulevardin kryesor të qytetit, pranë Teatrit “Petro Marko”.

Si pasojë e përplasjes, nga plagët e marra, thuhet se 18-vjeçari ka ndërruar jetë në vendngjarje.

Autoritetet po hetojnë mbi shkaqet e aksidentit dhe faktorët që mund të kenë kontribuar në ngjarjen tragjike./S.K/KP/

Continue Reading

Të kërkuara