Presidenti i Serbisë, Aleksandar Vuçiq, ka shprehur interesin për krijimin e një aleance ushtarake me Hungarinë, duke intensifikuar bashkëpunimin mes dy shteteve. Pas Vuçiqit, edhe presidenti i Republikës Sërpska (RS) në Bosnje e Hercegovinë, Millorad Dodik, ka paralajmëruar se ky entitet do të kërkojë përfshirje në një marrëveshje ushtarake dhe sigurisë me Serbinë dhe Hungarinë.

Ministrat e Mbrojtjes të Serbisë dhe Hungarisë nënshkruan një plan bashkëpunimi ushtarak për vitin 2025, i cili pason një marrëveshje për bashkëpunim strategjik të arritur në vitin 2023. Vuçiqi theksoi se ky bashkëpunim mund të çojë në krijimin e një aleance ushtarake mes Serbisë dhe Hungarisë, duke u fokusuar në sigurinë rajonale në një periudhë të pasigurt në Evropë.

Kritikët, si Ivana Stradner dhe Zdravko Ponosh, vlerësojnë se këto deklarata janë më shumë për konsum të brendshëm, duke theksuar se marrëveshje të tilla teknike kanë ekzistuar prej vitesh dhe nuk nënkuptojnë një aleancë ushtarake të vërtetë. Edhe nëse marrëveshja do të zhvillohej, Hungaria ka detyrime të forta ndaj NATO-s, dhe çdo lidhje ushtarake jashtë këtij kuadri do të kërkonte një procedurë të veçantë.

Nga ana tjetër, Dodik, që ka një qëndrim pro-serb, ka theksuar se Republika Sërpska ka “kapacitete të rëndësishme policore” dhe mund të jetë pjesë e një marrëveshjeje të sigurisë me Serbinë dhe Hungarinë, por ekspertët e të drejtës kushtetuese e konsiderojnë këtë si një hap të pamundur, pasi një entitet i tillë nuk ka të drejtë të lidhë marrëveshje të sigurisë.

Për më tepër, Hungaria është një aleate afër Serbisë dhe Dodikut, duke bllokuar sanksionet e BE-së ndaj autoriteteve të RS-së dhe mbështetur qëndrimin e Serbisë në OKB, duke votuar kundër rezolutës për gjenocidin në Srebrenicë. Sidoqoftë, kritikat nga komuniteti ndërkombëtar sugjerojnë se këto veprime mund të krijojnë tensione në rajon dhe të ndikojnë në marrëdhëniet me Bashkimin Evropian./UBTNews/

iPhone origjinal u lansua në qershor të 2007, që do të thotë se ne do të festojmë ditëlindjen e tij të 20-të në 2027.

Dhe Mark Gurman i Bloomberg thekson se Apple po shikon një ridizajnim të madh të pajisjes së tij më të rëndësishme, shkruajnë mediat e huaja, përcjell Telegrafi.

Apple thuhet se do të lansojë iPhone-in e parë të palosshëm në vitin 2027, së bashku me një model të ri iPhone 19 Pro që “përdor më gjerësisht xhamin”.

Raporti nuk hyn në shumë detaje rreth asaj që përfshin, por po hamendësojmë se kjo do të thotë se “një përqindje më e madhe” është bërë nga xhami. Kjo mund të nënkuptojë një ekran si në Xiaomi Mix Alpha ose diçka tjetër krejtësisht.

Pronarët e Manchester United, Liverpoolit dhe Arsenalit mund të humbasin miliarda euro pas njoftimit të fundit të presidentit Donald Trump. 

Trump njoftoi një seri tarifash reciproke ndaj vendeve në mbarë botën, në atë që e përshkroi si ‘Dita e Çlirimit’.  Shtëpia e Bardhë ishte arsyetuar se Trump do ta zvogëlojë hendekun midis vlerës së mallrave që blen shteti amerikan nga shtetet tjera e vlerën e atyre që u shet.

Sidoqoftë, kjo politikë u përcoll me kritika, jo vetëm për natyrën e tarifave, por gjithashtu edhe për llogaritjet që bëri Shtëpia e Bardhë.

Tregjet botërore të aksioneve nuk kanë reaguar mirë, me indeksin e bursës amerikane Dow Jones që ra në nivelin më të ulët në tetë muajt e fundit të dielën. The Telegraph ka raportuar se, FTSE 100 – indeksi kryesor i tregut të aksioneve në Britani ka rënë me 6.3 për qind.

United, Liverpool dhe Arsenali janë që të gjitha në pronësi të biznesmenëve amerikanë ose bizneseve amerikane.

Fenway Sports Group me seli në Boston ka në pronësi Liverpoolin, Kroenke Sports me seli në Denver ka kontrollin e plotë të Arsenalit.

Dhe Manchester United, natyrisht, shumica e aksioneve janë në pronësi të familjes Glazer, kompania e së cilës operon në New York.

Bloomberg ka raportuar se sipas Indeksit të Miliarderëve, 500 personat më të pasur në botë kanë regjistruar humbjet më të mëdha në dy ditët e fundit shkaku i tarifave të Trump.

Është raportuar se milarderët të cilët gjenden në listën e personave më të pasur kanë humbur në total 485 miliardë euro që nga hapja e tregjeve të aksioneve të enjten.