

Lajmet
Shkaktari i zjarrit në IML dyshohet se ishte defekti në instalimin elektrik, flet edhe Prokuroria
Dëmet nuk janë të mëdha nga zjarri.
Published
2 years agoon
By
Betim GashiDefekti në instalimin elektrik po dyshohet se ka qenë shkaktari i zjarrit që kaploi një pjesë të objektit të Institutit të Mjekësisë Ligjore mbrëmjen e së shtunës. Madje, zëvendësdrejtori i IML-së, Ditor Haliti e përjashton mundësinë që dora e njeriut ta ketë shkaktuar zjarrin.
E nga ky zjarr dëmet po konsiderohen se nuk janë të mëdha, por që komisioni vlerësues do të bëjë vlerësimin e dëmit të shkaktuar.
Zëvendësdrejtori i institutit thotë se ka vetëm dëme materiale jo me vlerë të madhe. Ai thekson se me të marr informacionin në kohë ishin ekipet e zjarrfikësve dhe të policisë të cilët arritën ta lokalizonin zjarrin.
“Zjarrfikësit dhe Policia kanë qenë të thirrur dhe kur kam ardhur unë, rreth orës 21:00, ata vetëm ishin futur në objekt tek pjesa ku dilte tymi dhe pas një kohe kanë arritur ta lokalizojnë zjarrin, ta largojnë tymin dhe kemi mundur të futemi brenda dhe të vlerësojmë dëmet e shkaktuara. Për fat të mirë ka vetëm dëme materiale jo besoj në vlerë të madhe, janë djegur disa pako të zbrazëta të cilat pastaj e kanë dëmtuar një pjesë të murit dhe tavanit, mirëpo dëme tjera serioze nuk ka. Sa i përket shkaktarit natyrisht policia, hetuesia i kanë thirrur edhe ekspertët e zjarrit dhe ekspertët të elektroteknikës dhe sipas një vlerësimi preliminar mendohet se është për shkak të një defekti në instalimin elektrik. Por megjithatë për ta konfirmuar këtë duhet të presim raportin përfundimtar nga ekspertët e caktuar dhe prokuroria”, shprehet Haliti.
Ai thotë se nga zjarri është dëmtuar një pjesë e objektit që është shfrytëzuar për qëllime logjistike dhe po ashtu disa pako letre që kanë qenë të zbrazëta. Sipas tij, falë intervenimit të shpejtë nuk ka pasur rrezik që zjarri ta kaplojë gjithë IML-në.
“Ato pako kanë qenë të palosura nuk kanë qenë pako kanë qenë vetëm pjesë e kartonit që ne më vonë e shfrytëzojmë për pako, ka qenë pjesë e morgut që është shfrytëzuar për qëllime logjistike dhe ato pako kanë qenë të zbrazëta të palosura dhe nuk kanë pasur kurrfarë materiali brenda neve vetëm na janë dashur vetëm si pjesë e punës në të ardhmen… Për fat të mirë rrezik nuk ka pasur aty ndoshta edhe duke iu falënderuar intervenimit të shpejtë të zjarrfikësve dhe policisë, nuk ka pasur ndonjë rrezik por në të ardhmen nuk duhet as të mendojmë për mundësinë e zjarrit e lëre më ta kemi një zjarr këtu”, thekson zv.drejtori i IML-së.
Ditor Haliti përjashton mundësinë që dora e njeriut të ketë shkaktuar këtë zjarr, pasi shton se edhe në pamjet e kamerave të sigurisë shihet që shkëndija flake dalin si pasojë e instalimit të rrymës.
“Ne i kemi shikuar edhe kamerat së bashku me Policinë dhe shihet shumë qartë momenti se kur fillon zjarri dhe nuk ka kurrfarë elementi, faktori njeri përjashtohet plotësisht dhe në bazë të kamerave shihet qartë se ka qenë thjesht një aksident për shkak të defektit elektrik”, thotë Haliti.
Ndërsa, për këto dëme Instituti i Mjekësisë Ligjore do të formojë një Komision për vlerësim të dëmeve. Sipas Halitit, është e nevojshme të instalohet një sistem i mirë instalimi që mos të rrezikohet ky institucion.
“Sot jemi duke u marr me pastrimin e asaj pjese do të formohet një Komision që do ta bëjë vlerësimin e dëmit dhe pasi të bëhet vlerësimi i dëmit do të dalim me rekomandime se si duhet ta rregullojmë atë pjesë në të ardhmen. Mbështetja nga ministrja nuk ka munguar ata janë të gatshëm të na përkrahin por edhe qeveria me këtë çështje. Por, është e rëndësishme që ne ta instalojmë një sistem në të ardhmen i cili do t’i parandalonte për aq sa mundet ngjarjet e tilla të cilat mund ta rrezikojnë vetë objektin”, thekson ai.
Ndërsa zëdhënësja për medie nga Prokuroria Themelore e Prishtinës, Laureta Ulaj ka deklaruar se janë në pritje të raporteve me të gjeturat nga ekzaminimet e kryera.
“Prokuroria është në pritje të raporteve me të gjeturat nga ekzaminimet e kryera, si dhe në koordinim të plotë me Policinë e Kosovës, IML-në dhe institucionet e tjera relevante është duke vazhduar me ndërmarrjen e veprimeve hetimore deri në sqarimin e plotë të rastit në fjalë”, thuhet në përgjigjen me shkrim.
E gjatë ditës së djeshme Prokuroria Themelore e Prishtinës kishte njoftuar se lidhur me incidentin e zjarrit në Institutin e Mjekësisë Ligjore në Prishtinë të shtunën, janë intervistuar zyrtarë të IML-së, të cilët kanë qenë kujdestarë në kohën kur ka ndodhur incidenti.
Aktualitet
Shqipëria ishte bërë me mbret para 98 vjetësh
Published
17 minutes agoon
September 1, 2025By
UBT News
Sot mbushen 98 vjet kur Asambleja Kushtetuese e Shqipërisë votoi unanimisht duke e shpallur Shqipërinë Mbretëri demokratike, parlamentare të trashëguar dhe Zogun I u shpall mbret i shqiptarëve.
Gjithashtu u aprovua edhe formula e betimit të Mbretit. Ceremonia e kurorëzimit ishte planifikuar për në orën pesë, por në katër e gjysmë Dhoma e bardhë e Parlamentit ishte mbushur plot me deputetë, punonjës civilë, kryetarë të fiseve. Krerët e misioneve të huaja ishin gjithashtu të pranishëm, edhe pse përpiqeshin të mos binin në sy.
Rasti ngrinte pyetje të vështira protokolli, ndaj duke reflektuar verdiktet pezull të qeverive të tyre, diplomatët kishin zgjedhur veshje mëngjesi, pa dekorime. Për të dëshmuar se pjesëmarrja e tyre ishte informale ato u rrasën në turmën e mbledhur në hollin modest, duke ua lënë hapësirën e rezervuar për to korrespondentëve të “Associated Press”.
Ai u betua:
“Unë Zogu, Mbret i Shqiptarëve, në çastin në të cilin po hedh këmbën mbi Thronin e Mbretnis Shqiptare dhe po marr në duer Pushtetin Mbretnuer, betohem përpara fuqisë së Zotit me mbajte Bashkimin Kombëtar, Independencën e Shtetit dhe Tokat. Betohem edhe të mbahem besnik ndaj Statutit dhe të veproj mbas pikave të tij dhe mbas ligjeve që ndodhen në zbatim, duke pas parasysh kurdoherë të mirën e popullit. Zoti më ndihmoftë”.
Ahmet Zogu lindi në Burgajet të Matit, më 8 tetor 1895.Mësimet e para i mori në vendlindje nga mësues privat si Sali Toron, Hysen (Efendi) Cekën dhe Dervish Himën për gjuhën shqipe, Hafiz Muharremin për gjuhën turke, deri në moshën 13 vjeçare. Më 15 Qershor 1905, largohet për në Stamboll dhe fillon studimet në Lyce Imperial de Galatasaray, qendra e atëhershme e Perandorisë Osmane në rënie, që kontrollonte Shqipërinë dhe më vonë në akademinë ushtarake deri më 1912. Pas vdekjes së t’atit më 1908, u bë Beu i Matit, i quajtur edhe Beu i vogël. U zgjodh në vend të vëllait Xhelal bej Zogolli.
Gjatë Lufta e Parë Botërore doli vullnetar në krah të Perandorisë Austro-Hungareze. U mbajt në Vjenë në 1917 e 1918, e në Romë në 1918 e 1919 përpara se të kthehej në Shqipëri më 1919. Gjatë kohës në Vjenë, ai shijonte stilin e jetës së Evropës Perëndimore, dhe thuhet të ketë qenë shumë i pëlqyer mes grave vjeneze. Mori mësimet në gjuhën gjermane dhe thelloi njohuritë në artin ushtarak dhe në diplomacinë perëndimore.
Mbas vdekjes së babait të tij, Xhemal Pasha Zogu, ai u bë i zoti i shtëpisë së tij dukë u mbështetur nga nëna ë tij, Sadije Toptani që më pas u bë nëna mbretëreshë. Në këtë kohë 13 vjeç, Ahmet Zogu bëhet kështu shef i krahinës së Matit.
Bota
Tërmet i fuqishëm godet Afganistanin, raportohet për qindra viktima dhe të plagosur
Published
30 minutes agoon
September 1, 2025By
UBT News
Qindra persona dyshohet se kanë humbur jetën dhe shumë të tjerë kanë mbetur të plagosur si pasojë e një tërmeti me magnitudë 6.0 të shkallës Rihter që goditi Afganistanin lindor, pranë kufirit me Pakistanin, mbrëmjen e së dielës.
Operacionet e shpëtimit janë ende në vijim ndërsa raportet nga zonat e prekura tregojnë për dëme të mëdha dhe viktima të shumta.
Sipas Ministrisë së Shëndetësisë, vetëm në një fshat janë raportuar fillimisht 30 viktima.
“Numri i viktimave dhe i të plagosurve është i lartë, por për shkak të vështirësive në aksesimin e zonës, ekipet tona janë ende në vendngjarje,” tha zëdhënësi i ministrisë, Sharafat Zaman.
Sediqullah Quraishi Badloon, zyrtar për informim në provincën Nangarhar, deklaroi për New York Times se numri i vdekjeve mund të ketë arritur në 250, shumica në provincën fqinje Kunar. Vetëm në Nangarhar janë konfirmuar nëntë viktima, shkruan rtsh.al.
Tërmeti u regjistrua në orën 23:47 të së dielës, me epiqendrën rreth 27 km në verilindje të qytetit Jalalabad dhe me një thellësi vetëm 8 km, sipas Shërbimit Gjeologjik të SHBA-së. Një tjetër tërmet me magnitudë 4.5 goditi të njëjtën zonë vetëm 20 minuta më pas.
“Qindra të plagosur janë dërguar në spitalet e zonës,” tha Najibullah Hanif, kreu i informacionit për provincën Kunar. “Shifrat pritet të rriten ndjeshëm, pasi kemi pak rrugë dhe komunikim me zonat më të prekura.”
Qyteti Jalalabad, me një popullsi mbi 300,000 banorë dhe një ekonomi të mbështetur në tregti dhe bujqësi, ndodhet pranë kufirit me Pakistanin dhe është një nga zonat më të populluara të rajonit. Ndërtesat e ulëta të ndërtuara kryesisht me tulla balte dhe materiale të dobëta kanë kontribuar në shkallën e dëmtimeve.
Në rajonet malore të Kunarit dhe Nangarharit, pranë kufirit me provincën Khyber Pakhtunkhwa të Pakistanit, shumë banesa janë shembur plotësisht.
Afganistani është një nga vendet më të rrezikuara nga tërmetet në rajon për shkak të vendndodhjes së tij në zonën ku takohen pllakat tektonike indiane dhe euroaziatike. Vitin e kaluar, një seri tërmetesh në perëndim të vendit shkaktuan mbi 1,000 viktima, duke nënvizuar cenueshmërinë e vendit ndaj fatkeqësive natyrore.
Autoritetet kanë bërë thirrje për ndihmë ndërkombëtare dhe mbështetje urgjente humanitare për të përballuar pasojat e katastrofës.
Aktualitet
36 vatra zjarri sot në Kosovë, 4 ende aktive
Published
34 minutes agoon
September 1, 2025By
UBT News
Sipas të dhënave të pranuara nga Qendrat Operative 112, në nivel vendi janë regjistruar gjithsej 36 vatra zjarri, ka bërë të ditur Agjencia e Menaxhimit Emergjent (AME).
Katër vatra vazhdojnë të jenë aktive, ndërsa 32 vatra janë lokalizuar falë ndërhyrjes së Njësive Profesionale të Zjarrfikjes dhe Shpëtimit.
AME apelon te qytetarët të shmangin çdo veprim që shkakton zjarr dhe të denoncojnë rastet e zjarrvënies së qëllimshme në numrat 112, 193 dhe 192.
Bota
Izraeli pretendon se ka vrarë zëdhënësin e Hamasit
Published
41 minutes agoon
September 1, 2025By
UBT News
Abu Obeida, një zëdhënës i krahut të armatosur të Hamasit, u vra në një sulm ajror në qytetin e Gazës, njoftuan autoritetet izraelite.
Ministri i Mbrojtjes, Israel Katz, përgëzoi Forcat e Mbrojtjes të Izraelit (IDF) dhe agjencinë e sigurisë për “performancën e tyre të përsosur” në një postim në platformën X.
Katz paralajmëroi sot se shumë nga partnerët kriminelë të Obeida do të jenë në shënjestër të intensifikimit të fushatës në Gaza, duke iu referuar planit të miratuar së fundmi nga Izraeli për të pushtuar qytetin e Gazës.
IDF dhe agjencia e sigurisë izraelite në një deklaratë të përbashkët thanë se operacioni ishte i mundur për shkak të inteligjencës së mëparshme të mbledhur që identifikoi vendstrehimin e Obeida.
Pesë raketa goditën katin e dytë dhe të tretë të ndërtesës nga dy drejtime të ndryshme, duke synuar apartamentin ku ndodhej klinika dentare.
Hamasi nuk e ka konfirmuar vdekjen e zëdhënësit të tij, por grupi militant palestinez ka thënë më parë se dhjetëra civilë u vranë në sulmet izraelite në një ndërtesë banimi.
Obeida ishte ndër të paktët anëtarë të lartë të mbetur të krahut ushtarak Hamas para sulmit të 7 tetorit 2023 ndaj Izraelit.
Gjatë dy vjetëve të fundit, Obeida (40) ka mbajtur një seri fjalimesh antiIzrael në emër të krahut të armatosur të Hamasit, Brigadave al-Qassam. Në atë që mund të ketë qenë fjalimi i tij i fundit të premten, Obeida tha se fati i pengjeve të mbetura izraelite do të ishte i njëjtë me atë të anëtarëve të Hamasit, duke paralajmëruar Izraelin kundër pushtimit të Gazës.

Sherr me thika në Korçë, dy të plagosur

Shqipëria ishte bërë me mbret para 98 vjetësh

Tërmet i fuqishëm godet Afganistanin, raportohet për qindra viktima dhe të plagosur

36 vatra zjarri sot në Kosovë, 4 ende aktive

Edon Zhegrova, lojtari më i ri i Juventusit

Izraeli pretendon se ka vrarë zëdhënësin e Hamasit

Një e mitur humb jetën dhe katër persona lëndohen nga një aksident në Drenas

Kryen parakalime të rrezikshme, gjobiten 3 drejtues automjetesh

Papa Leoni bën thirrje për armëpushim të menjëhershëm në Ukrainë
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA