

Lajmet
Sela takohet me Kurtin: “Ballkani i Hapur” s’ka kuptim për aq kohë sa Serbia nuk e njeh Kosovën
Ai para mediave në Kosovë tha se iniciativa “Ballkani i Hapur” do të ishte e dëmshme për shtetësinë e Kosovës.
Published
4 years agoon
By
Betim GashiKryetari i Aleancës për Shqiptarët, Ziadin Sela është pritur në takim nga kryeministri i Kosovës, Albin Kurti. Pas takimit me Kurtin, Sela ka treguar se kanë diskutuar lidhur me masën që vendosi Kosova që mos të lejohet hyrja e personave që nuk kanë dozën e tretë të vaksinës antiCOVID-19, për çka thotë se u premtua se kjo masë do të lehtësohet. Ai edhe njëherë ka bërë të ditur qëndrimin e tij dhe të partisë lidhur me iniciativën “Ballkani i Hapur”, për të cilin thotë se nuk do të kishte asnjë kuptim për aq kohë sa Serbia nuk e pranon pavarësinë e Kosovës. Sela ka theksuar se është i rëndësishëm komunikimi ndër shqiptar.
“Me kryeministrin diskutuam për çështjen e krizës me pandeminë, masat të cilat janë vendosur nga Republika e Kosovës për të cilën e morëm lajmin që do të lehtësohen ato. Komunikimi ndër shqiptar është shumë i rëndësishëm. Fatkeqësisht kemi kufirin, por nga dy anët e kufirit kemi miq, vëllezër e kushërinj të cilët duhet të komunikojnë me njëri tjetrin”, tha Sela.
Ai para mediave në Kosovë tha se iniciativa “Ballkani i Hapur” do të ishte e dëmshme për shtetësinë e Kosovës.
“Folëm edhe për temën e ‘Ballkanit të Hapur’ i cili qëndrimi i Aleancës për shqiptarët është mëse i qartë në drejtim të kësaj, ne mendojmë që as një iniciativë në Ballkan nuk ka asnjë kuptim për aq kohë sa nuk vendoset edhe mozaiku i fundit i stabilitetit të Ballkanit që është njohja e pavarësisë së Kosovës nga ana e Serbisë vetëm në këtë moment mund të hapen nisma të tilla regjionale që po promovohen, ndryshe mendoj që mund të kishte efekt shumë të dëmshëm për shtetësinë e Kosovës dhe në përgjithësi për shqiptarët” , deklaroi ai pas takimit me Kurtin.
Sela është pyetur edhe në lidhje me qasjen e qeverisë së re të Maqedonisë së Veriut, për çka tha se qasja e çdo kryeministri varet nga partneriteti i tij shqiptar. Me këtë rast ai drejtoi kritika ndaj BDI-së, dhe Ali Ahmetit.
“Ai sapo është zgjedhur si kryeministër. Mos keni asnjë dilemë, qasja e kryeministrave në Maqedoninë e veriut kushdo qoftë ai nga viti 90 deri më sot. Pyetja duhet të shtrohet drejt dhe korrekt cila është qasja e përfaqësuesit shqiptarë në qeverinë e shqiptarëve dhe në varësi të qasjes që përfaqësuesi shqiptarë që është pjesë e qeverisë në rastin konkret zoti Ahmeti, nëqoftëse qasja e tij ndaj shqiptarëve është e keqe shqiptarët i kanë punët keq. Dhe qasja e çdo kryeministri që zgjidhjet varet shumë nga qasja që ka partneri i tij shqiptare brenda përbrenda qeverisë me keqardhje e konstatojë që këto 20 vite qasja e BDI dhe e Ahmetit ka qenë e keqe ndaj shqiptarëve dhe prandaj i kanë vuajtur pasojat shqiptarët”, deklaroi ai.
Sela në vizitën e tij në Kosovë ka takuar edhe presidenten e Kosovës, Vjosa Osmanin, kryetarin e PDK-së, Memli Krasniqi dhe përfaqësues të tjerë politikë.
Lajmet
City ia kërkon yllin kryesor skuadrës së Atleticos
Published
3 hours agoon
September 29, 2025By
UBT News
Sipas raportimeve të fundit të mediave angleze, skuadra e Liverpoolit duke se ia ka vënë syrin sportistit Julian Alvarez.
Sulmuesi i Atlético Madridit shënoi dy gola në derbin e fundjavës së kaluar kundër Real Madridit.
Të Kuqtë e kanë monitoruar atë për njëfarë kohe, por Colchoneros nuk janë të gatshëm të bëjnë kompromise.
Po ashtu, çmimi i kërkuar nga spanjollët aktualisht është 100 milionë dollarë , një shifër që realisht duket se po i dekurajon kampionët anglezë./S.K/KP/
Lajmet
Vetaksidentohet automjeti i KFOR-it në Malishevë
Published
4 hours agoon
September 29, 2025By
UBTnews
Një automjet i KFOR-it është vetaksidentuar të hënën në dalje të fshatit Ostrozub të Malishevës.
Zëdhënësi i Policisë për rajonin e Gjakovës, Lumni Graishta, ka thënë për KOHËN se nga ky vetaksident nuk ka të lënduar.
Sipas Graishtës, të përfshirë kanë qenë ngasësi dhe një pasagjer.
“Bëhet fjalë për vetaksident në dalje të fshatit Ostrozub drejtimi Malishevë-Rahovec, në automjet kanë qenë ngasësi dhe një pasagjer. Nuk ka të lënduar ndërkohë që vendin e ngjarjes po e procedojnë njësitet e trafikut rajonal të DRP Gjakovë”, ka thënë ai./D.B/EO
Lajmet
Reagimi i Agim Ademit pasi Hajdari zgjodhi Kosovën para Zvicrës
Published
4 hours agoon
September 29, 2025By
UBT News
Albain Hajdari është futbollisti më i ri i Kombëtares së Kosovës në futboll i cili ka zgjedhur dardanët para Zvicrës, edhe pse për këtë të fundit kishte luajtur për të gjitha grupmoshat.
Presidenti i Federatës së Futbollit të Kosovës, Agim Ademi ka thënë se vendimi i lojtarit erdhi për shkak të lidhjes së tij të fuqishme me vendin tonë si dhe edhe për shkak të roli kyç të prindërve të tij.
“Albian Hajdari ka vendosur me zemër, ka vendosur për Kosovën, ka vendosur për shtetin e prejardhjes së tij. Unë i falënderoj prindërit e tij të cilët e kanë rritur në frymën e atdheut me dashur për Kosovën edhe pse ka lindur atje, edhe pse jetojnë atje, edhe pse ka qenë i Zvicrës, por sigurisht që Zvicra e kupton çfarë do të thotë lidhja e gjakut dhe prejardhja dhe shteti…Është një prurje e mirë e radhës dhe ne sigurisht që do të vazhdojmë pasi është fat për ne që kemi shumë futbollistë të tillë, kemi futbollistë kulminant tashmë të nivelit më të lartë. Është shumë mirë që është bashkë me Fisnik Asllanin he Leon Avdullahun ne Hoffenhaim. Uroj që të jenë të tre po ashtu siç janë duke luajtur në Hoffenhaim të jenë edhe në formacion të Kosovës”, theksoi Ademi.
Kjo është ardhja e dytë te Kosova pas Leon Avdullahit i cili vetëm pak javë më parë poashtu i tha po Kosovës duke u larguar nga helvetikët.
Por, përkundër këtyre zhvillimeve, Ademi thotë se nuk ka përplasje ndërmjet dy federatave.
“Absolutisht nuk ka përplasje as nuk jemi duke u përplasur, kjo është gjithçka mediale, ne jemi në raporte jashtëzakonisht të mira me Zvicrën. uroj suksese Zvicrës, sigurisht që Zvicra i zgjedhë më të mirët e mundshëm por edhe ne Kosova i zgjedhim më të mirët të mundshëm. Tani është radha jonë sepse kemi shumë futbollistë e shumë talentë nëpër gjithë Kosovën dhe do të vazhdojmë kështu”, shtoi Ademi.
Gjithashtu, Ademi shtoi se Hajdari nuk vjen për ta zëvendësuar kapitenin Amir Rrahmanin.
“Duhet ta kuptojmë që Albioni është një 21 vjeçar dhe sigurisht që e kemi për gjatë kohë në kombëtare. Do të jetë për dhjetë vite e më shumë që do të jetë një futbollist i cili mund ta kenë një karrierë dhjetë vjeçare në kombëtare. Por, gjithsesi është më mirë të themi se është në duet se sa si zëvendësim sepse nuk do të zëvendësohet Rrahmani tani”, tha në fund Ademi.
Në fund Ademi shtoi se FFK do të vazhdojë të hulumtojë dhe kërkojë futbollsitë të cilët mund ta ndihmojnë Kosovën drejt synimeve të mëdha./S.K/KP/FFK/
Lajmet
Mali i Zi i dërgon notë verbale Ambasadës së Kosovës për të shtënat në kufi
Published
4 hours agoon
September 29, 2025By
UBTnews
Ministria e Punëve të Jashtme e Malit të Zi i ka dërguar më 17 shtator notë verbale Ambasadës së Kosovës në Podgoricë, lidhur me të shtënat me armë zjarri që dyshohet se u erdhën nga pjesa e Kosovës në zonën pranë qendrës malazeze të skijimit, Hajlla-Shtedim, afër kufirin mes dy shteteve.
“Nga organet kompetente të Republikës së Kosovës është kërkuar që t’i identifikojnë dhe t’i procedojnë autorët e këtyre incidenteve, si dhe të njoftojnë Malin e Zi për të gjitha masat dhe veprimet e ndërmarra”, thuhet në njoftimin e Ministrisë së Malit të Zi, për Radion Evropa e Lirë (REL).
Nga dikasteri i udhëhequr nga Ervin Ibrahimoviq vlerësojnë se bëhet fjalë për incidente të izoluara.
Të paktën në dy raste janë regjistruar dëmtime në infrastrukturën e qendrës së skijimit Hajlla-Shtedim në Mal të Zi, e cila ndodhet rreth një kilometër e gjysmë nga kufiri me Kosovën.
Në të dyja rastet, organet kompetente malazeze dyshojnë se të shtënat janë shkrepur nga territori i Kosovës.
Incidenti i parë ndodhi në korrik të vitit të kaluar, kur u vërejtën dëmtime në kabinën e qendrës së skijimit. Prokuroria e Rozhajës ka hapur lëndë për këtë rast.
Ndërsa, incidenti i dytë ndodhi më 24 gusht të këtij viti, kur pati të shtëna në drejtim të një objekti të qendrës së skijimit. Prokuroria pritet të hapë lëndë pas përfundimit të hetimeve të Policisë.
Notë verbale është dërguar pas incidenteve të përsëritura që janë regjistruar nga Policia në Rozhajë, njoftoi Ministria e Punëve të Jashtme e Malit të Zi, e cila shton se për incidentet u njoftua më 22 shtator edhe ambasadorja e Kosovës.
“Besojmë se rastet e izoluara nuk e reflektojnë përkushtimin e qartë të dy shteteve tona për forcimin e bashkëpunimit rajonal dhe përmirësimin e mëtejmë të marrëdhënieve bilaterale”, thuhet në përgjigjen e Ministrisë për REL.
Po ashtu, theksohet se palës kosovare i është tërhequr veçanërisht vëmendja për rëndësinë e zbatimit të tri marrëveshjeve ndërmjet shtetesh – për kufirin shtetëror ndërmjet Malit të Zi dhe Kosovës, hapjen e pikës së përbashkët kufitare Kotlovi–Kuqishtë dhe rregullimin e regjimit të qarkullimit kufitar.
Fadil Gashi nga Policia e Kosovës për rajonin e Pejës i tha Radios Evropa e Lirë se nuk ka asnjë informacion për incidente të sigurisë në kufirin me Malin e Zi, duke theksuar se policia rajonale është më shumë e angazhuar “për ruajtjen e rendit dhe qetësisë publike”, e jo për incidente ndërkombëtare.
Radio Evropa e Lirë i është drejtuar edhe drejtorisë qendrore të Policisë së Kosovës me pyetjen nëse kanë ndonjë informacion lidhur me rastin dhe është në pritje të përgjigjes. Për të njëjtën çështje, përgjigje pritet edhe nga Qeveria e Kosovës.
Mali i Zi dhe Kosova në vitin 2015 e nënshkruan Marrëveshjen për demarkacionin. Mali i Zi e ratifikoi atë në të njëjtin vit, ndërsa Kuvendi i Kosovës tre vjet më vonë./D.B/KP

Çfarë ndodhi me vëllezërit nga Gaza që prekën botën? Historia e Jadoua dhe Khaled

Sony zyrtarizon një model të ri të PS5 Pro

Këshilla të thjeshta për parandalimin e ndryshimeve hormonale

Blanco flet pas martesës me Selenen: “U martova me një princeshë Disney”

YouTube rikthen përdoruesit e ndaluar për përhapje të keqinformimit

Si u krijua reklama më e shtrenjtë në historinë e televizionit?

Pse prona e Beyoncé dhe Jay-Z njihet si “fusha e rrezikut”?

City ia kërkon yllin kryesor skuadrës së Atleticos

Edi Rama për Ditën e Trashëgimisë: Një pasuri që lidh të kaluarën me të ardhmen
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega