Sport

Sadiku: Këtë dëshpërim do ta kthejë në fuqi dhe medalje

Sadiku nuk e fsheh zhgënjimin e saj.

Published

2 years ago

March 15, 2023

Betim Gashi

Për herë të tretë India nuk ia mundësoi Donjeta Sadikut pjesëmarrjen në gara ndërkombëtare. Kësaj radhe boksieres kosovare iu mohua garimi në Kampionatin Botëror të boksit vetëm për shkak se ky shtet nuk e njeh Kosovën si shtet të pavarur.

Angazhimi i institucioneve të Kosovës në këtë drejtim nuk mungoi, por në fund përgjigjja ishte sërish negative.

Sadiku nuk e fsheh zhgënjimin e saj. Ajo thotë se synonte që ta ngriste flamurin e Kosovës duke fituar medalje në Indi.

“Ky rasti i fundit, moslejimi për pjesëmarrje në Kampionat Botëror ka qenë mjaft e mërzitshme për mua edhe ka qenë një dëshpërim mjaft i madh. Kam pritur që të marr pjesë në këtë kampionat dhe synimi im i vetëm ka qenë sigurimi i medaljes me qëllim që ta ngris flamurin në Indi”, deklaroi ajo.

Pjesëmarrja në këtë kampionat pa simbolet e Kosovës, ashtu siç kërkoi India, Donjeta thotë se nuk ishte fare opsion. Ajo gjithashtu paralajmëron se këtë dëshpërim që iu shkaktua do ta kthejë në fuqi dhe medalje në garat e ardhshme.

“Kur morëm lajmin kam qenë më trajneren time dhe thash që synimi im ka qenë vetëm sigurimi i medaljes, asnjëherë nuk ka qenë në pyetje mbrojtja e titullit ose sigurimi i medaljes mirëpo ka qenë vetëm ngritja e flamurit dhe unë nuk kam qenë e pajtimit që ta marrë pjesë pa himn ose pa flamur e vendit tim. Normalisht që këto ditë jam pak e de-motivuar, mirëpo nuk kam kohë për të qenë e dëshpëruar sepse kam gara të tjera dhe këtë dëshpërim edhe këtë padrejtësi do ta kthej në fuqi dhe në medalje dhe këtë ka për t’ua vërtetuar të gjithëve në muajin qershor”, theksoi ajo.

Trajnerja e saj, Mariola Sallauka, thotë se Sadiku ishte tejet e motivuar në prag të këtij kampionati dhe kjo është arsyeja pse zhgënjimi është shumë më i madh.

“Është shumë zhgënjyese për faktin se deri në momentet e fundit ne kemi pritur që do të na konfirmohet pjesëmarrja në Kampionatin Botëror. Gjithë treningun e kemi bërë dhe e kemi kaluar gjatë këtyre muajve ka qenë qëllimi i vetëm për të siguruar medalje dhe për ta ngritur flamurin në Indi. Në njëfarë mënyrë kemi pritur shumë për të marrë pjesë për shkak se Donjetës dy herë i është mohuar e drejta dhe kemi qenë shumë të motivuar, sidomos Donjeta e ka pasur një ndjenjë të jashtëzakonshme për këtë kampionat dhe është vërtetë zhgënjyese”, theksoi Sallauka.

Përkundër kësaj pengese, Sallauka thotë se synimi i radhës është medalja në Lojërat Olimpike, derisa shpreson që në të ardhmen sportistët tjerë të mos kenë probleme të tilla.

“E kemi synimin për kualifikueset që mbahen në qershor, kualifikuese për Lojërat Olimpikë. Punën po e vazhdojmë, nuk po ndalemi aspak dhe shpresojmë që ta kualifikohemi dhe të sigurojmë medalje në Lojërat Olimpike…Jam e kënaqur për rëndësinë që i kanë dhënë këtij kampionati institucionet tona dhe shpresojmë që sportistët e Kosovës të mos i kenë këto probleme për shkak se disa vende nuk e njohin Kosovën si shtet sepse po dëmtohen sportistët në këtë rast”, tha në fund ajo.

Related Topics:boksiere Donjeta Sadiku India

Up Next

Ky pritet të jetë ndryshimi i radhës i UEFA-s

Don't Miss

Sot mësohen dy skuadrat e fundit që prekin çerekfinalen e Ligës së Kampionëve

Sport

Real Madridi identifikon blerjen e parë të janarit

Published

5 hours ago

November 12, 2024

UBTnews

Sipas gazetës spanjolle “Marca”, Real Madridi ka vënë syrin te mbrojtësi i Romës Mario Hermoso për afatin kalimtar të janarit. Real Madridi i Carlo Ancelottit është rrënuar nga dëmtimet në mbrojtje, me David Alaba, Dani Carvajal dhe Eder Militao të gjithë jashtë fushës për shkak të lëndimeve të ligamenteve.

Antonio Rudiger dhe produkti i Akademisë, Raúl Asencio janë aktualisht të vetmit qendërmbrojtës të disponueshëm në “Bernabeu”, kështu që gjigantët e La Ligës do të kërkojnë një qendërmbrojtës të ri në afatin kalimtar të dimrit.

Sipas “Marca”, një nga opsionet e Merengues është mbrojtësi i Romës Hermoso, një ish-yll i Atletico Madridit që lulëzoi në sektorin e të rinjve të Real Madridit, por nuk arriti të bënte debutimin e tij për ekipin e parë, përcjellë KosovaPress.

Hermoso iu bashkua Romës në një transferim të lirë verën e kaluar dhe kontrata e tij skadon në qershor 2027. Shkathtësia dhe njohuritë e tij për La Ligën e bëjnë atë një kandidat të përshtatshëm për një lëvizje në Real Madrid dhe situata e trazuar e Romës mund të kontribuojë gjithashtu në një transferim në janar.

“Giallorossi” kanë shkarkuar tashmë dy trajnerë këtë sezon, Daniele De Rossi dhe Ivan Juric, dhe pritet të punësojnë një të tretë këtë javë.

Sport

Bylbyl Sokoli në spital, trajneri kosovar i nënshtrohet një operacioni

Published

6 hours ago

November 12, 2024

Albina Zeneli

Bylbyl Sokoli është një trajner që ka bërë e dhënë shumë nga vetja për sportin në përgjithësi.

Nuk mungojnë as debatet e ndryshme për të cilat shquhet profesioni i zellshëm.

Ai qenka në spital dhe i është nënshtruar një operimi dhe këtë e kanë bërë të ditur dy figurat e njohura mediatike.

Bëhet fjalë për trajerin Faruk Statovci dhe gazetarin e prezantuesin e sportit, Ndrec Gjonaj.

Se si do të jetë gjendja e tij mbetet të kuptohet ditëve në vazhdim. /UBT News/

Sport

Vazhdojnë përgatitjet e “Dardanëve” për sfidën me Rumaninë

Published

8 hours ago

November 12, 2024

UBTnews

Përballja me Rumaninë do të jetë vendimtarë për Kosovën në kuadër të Ligës së Kombeve. Përgatitjet e “Dardanëve” për këtë ballafaqim nisën të hënën me stërvitjen e parë që u zhvillua në stadiumin “Fadil Vokrri”.

“Dardanët” po përgatiten me përkushtim e entuziazëm për dy sfidat e ardhshme kundër Rumanisë dhe Lituanisë në UEFA Nations League, derisa sot janë stërvitur në kampion nacional në Hajvali.

Me Rumaninë Kosova përballet më 15 nëntor në Bukuresht, kurse më 18 nëntor me Lituaninë në Prishtinë.

Sport

Zabërgja: Ndjenjë e papërshkrueshme të luajë për Kosovën

Published

12 hours ago

November 12, 2024

UBTnews

Kombëtarja e Kosovës ka zhvilluar të hënën seancën e parë stërvitore në kuadër të përgatitjeve për dy ndeshjet e këtij muaji në UEFA Nations League, kundër Rumanisë, më 15 nëntor në Bukuresht, dhe kundër Lituanisë, më 18 nëntor në Prishtinë.

Stërvitja e parë u mbajt në stadiumin ‘Fadil Vokrri’, ku morën pjesë lojtarët që kishin përfunduar ndeshjet e fundjavës të shtunën, ndërsa futbollistët që kishin luajtur të dielën kryen rigjenerim.

Në këtë seancë stërvitore u përfshin: Visar Bekaj, Florent Muslija, Muharrem Jashari, Mërgim Vojvoda, Ilir Krasniqi, Fidan Aliti, Florent Hadërgjonaj, Andi Hoti, Baton Zabërgja dhe Art Smakaj. Këta dy të fundit, shprehën emocionet e tyre për përfshirjen në Kombëtare dhe shfaqën optimizmin për dy ndeshjet e fundit të këtij edicioni.

“Për mua është ndjenjë e papërshkrueshme sepse për çdo futbollist është ëndërr të arrijë të jetë pjesë e ekipit kombëtar. Më vjen shumë mirë që e kam realizuar këtë ëndërr dhe shpresoj ta bëj maksimumin tash dhe në vazhdim që të bëj ndeshje sa më të mira me kombëtaren. Pritja ka qenë shumë e ngrohtë. I gjithë grupi është shumë i mirë dhe më ka pritur në mënyrë shumë të mirë. Mendoj se kemi një ekip shumë të mirë që të arrijmë rezultate pozitive në të ardhmen. Normalisht e dimë se Rumania ka qenë kundërshtari më i fortë në këtë grup, por duke pasur parasysh edhe lojtarët që ne i kemi, mendoj se mund të dalim me rezultat pozitiv nga Rumania”, tha Baton Zabërgja, i cili është grumbulluar për herë të parë me Kombëtaren A.

Ndërkaq, Art Smakaj shprehu kënaqësinë për përfshirjen e sërishme në Kombëtare pas miqësores me Norvegjinë: “Ndjenjë shumë e bukur të jesh me Kombëtaren. E kryem stërvitjen e parë dhe kemi punuar mirë. Na presin dy ndeshje të rëndësishme dhe jemi të gatshëm. Duhet të shkojmë në Rumani të luajmë lojën tonë, të tregojmë veten, dhe të kthehemi me tri pikë. I presim sa më shumë tifozët dardanë në këto dy ndeshje dhe ne do të provojmë të japim maksimumin për t’i kënaqur me performancë”, tha Smakaj.

Stërvitjen e radhës Dardanët e zhvillojnë sot në orën 11:00, në Kampin Nacional në Hajvali.