Lajmet

​Sa minuta ju nevojiten për të vrapuar për të qenë të dobishëm?

Vrapimi zhvillon sistemin e enëve të gjakut, përmirëson punën e limfës dhe rrit kapacitetin e sistemit të frymëmarrjes.

Published

on

Vrapimi është forma më masive e stërvitjes rekreative dhe sportive për zhvillimin e komponentëve aerobikë të trupit të njeriut.

Zhvillon sistemin e enëve të gjakut, përmirëson punën e limfës dhe rrit kapacitetin e sistemit të frymëmarrjes dhe për të arritur përmirësimin e sistemeve fiziologjike të përmendura duhet të jetë më i gjatë se 25 minuta.

Vrapimi është një aktivitet ciklik mono-strukturor, që do të thotë se veprimet motorike të thjeshta dhe jo komplekse zhvillohen njëra pas tjetrës. Ne kemi një program motorik që në vitin e parë të jetës dhe e zhvillojmë dhe përshtatim me kushte dhe situata të ndryshme.

Vrapimi prodhon më shumë serotonin, një kimikat neurotransmetues përgjegjës për transmetimin e impulseve midis qelizave nervore. Ai luan një rol të rëndësishëm në sistemin e qarkullimit të gjakut sepse rregullon funksione të rëndësishme trupore si presionin e gjakut, frymëmarrjen, urinë, temperaturën e trupit. Kjo është arsyeja pse njerëzit ndihen të relaksuar dhe të kënaqur pas një stërvitje të mirë.

Aktiviteti i vrapimit krijon forca më të mëdha në nyje sesa çiklizmi, rrota, makinat e fitnesit eliptik ose vozitja. Para se të filloni, duhet të kontrolloni simetrinë e muskujve të trungut, pozicionin e legenit, të njiheni me llojet e këpucëve sportive dhe t’i kushtoni vëmendje sipërfaqeve ku vraponi.

Kontrolli i simetrisë së muskujve, përveç ekzaminimit specialist, mund të bëhet edhe me kontrollin e shputave të këpucëve. Nëse thembra konsumohet më shumë brenda ose jashtë, duhet t’i kushtoni vëmendje intensitetit të vrapimit tuaj për të mos rritur mundësinë e lëndimit.

Pozicioni i legenit përcakton kryesisht thithjen e forcave nga baza në shtyllën kurrizore.

Duhet të kontrollohet nëse ka dy lloje asimetrie, legen i rrotulluar përpara dhe i ngritur njëra skaj i legenit në raport me tjetrin. Kur legeni rrotullohet përpara, muskujt e shpinës së këmbëve shtrihen, kështu që nuk mund të kryejnë tkurrje të imët të muskujve, por me tkurrje të shtuar rriten edhe forcat në nyjat e ijëve, gjurit dhe kyçit të këmbës. Në sindromën e legenit të ngritur, kontraktimet e ndryshme të muskujve ndodhin midis këmbës së majtë dhe të djathtë, duke rezultuar në forca të ndryshme brenda nyjave.

Lloji i këpucëve sportive është gjithashtu një faktor i rëndësishëm në vrapim, sepse mbron dhe drejton forcat nga toka përmes kyçit të kyçit të këmbës deri në majën e shtyllës kurrizore. Zgjedhja e këpucëve varet nga konfigurimi i terrenit, pesha e trupit, lloji i këmbës dhe dëmtimet e mëparshme të aparatit lokomotor.

Nëse ndjeni shtrëngim në muskujt e këmbëve ose të shtyllës kurrizore, kontrolloni asimetritë e lartpërmendura, ndaloni vrapin dhe zbuloni arsyen e tensionit të muskujve. Shfaqja e dhimbjeve në nyjat e këmbëve apo shtyllës kurrizore janë shenja për të ndaluar vrapimin.

Vrapimi është një lëvizje e thjeshtë motorikisht, por transmetimi i forcës bëhet përmes tri nyjave komplekse dhe dëmtimet mund të jenë kalimtare, lokale, por gjithashtu mund të ndikojnë në statikën e trupit.

Dhimbjet në këmbë si dhimbje në pjesën e poshtme të këmbës, dhimbje në thembër apo lakimi i këmbës na tregojnë për presionin e gabuar të bazës.

Dhimbja e gjurit që mund të ndodhë si pasojë e vrapimit të gabuar është sindroma e gjurit të vrapuesit, ku dhimbja shfaqet në zonën e kapakut të gjurit.

Asimetria muskulore, ose shtrëngimi në pjesën e jashtme të muskujve të kofshës, mund të çojë në zhvendosje të kupës ose acarim të indit të butë të nyjës së gjurit.

Është gjithashtu e mundur që të lëndohet nyja e hipit nga tensioni i muskujve deri te stresi në kapsulën artikulare.

Çdo aktivitet fizik, përfshirë vrapimin, ka një ndikim pozitiv në shëndetin e njeriut. Ndaj duhet të zhvillojmë komponentë me të cilët mund të durojmë më lehtë ritmin e sotëm të jetës, por aktiviteti fizik i tepërt nuk është i mirë, si çdo gjë tjetër në jetë. Shumë ose shumë pak serotonin çon në ndryshime të ndryshme të humorit si depresioni, agresioni, çrregullimet e gjumit.

Stërvitja e kontrolluar dhe e programuar jep rezultatin e dëshiruar dhe ka një efekt pozitiv jo vetëm te individi por edhe te mjedisi. Do të keni më shumë energji për familjen tuaj pas një dite pune, do të mund t’i përballoni më lehtë situatat stresuese, do të pushoni më shpejt dhe do t’ju mbetet energji për gjithçka që ju bën të lumtur dhe të kënaqur.

Konsultohuni me ekspertë, bëni një test të simetrisë së muskujve ose një ekzaminim të specializuar për të marrë një vlerësim të aftësive tuaja dhe për t’u njohur me rreziqet e vrapimit dhe filloni me teknikën tuaj të re dhe të preferuar të stërvitjes.

Lajmet

MPJD thotë se e përmbylli me sukses evakuimin e disa shtetasve kosovarë nga Izraeli

Published

on

By

Ministria e Punëve të Jashtme dhe Diasporës e Kosovës (MPJD) njoftoi të mërkurën se e ka përmbyllur me sukses evakuimin e disa shtetasve të Kosovës nga Izraeli gjatë luftës 12-ditore mes Irani dhe Izraelit.

Ajo tha se ata u larguan në javën e parë të luftës përmes Jordanisë dhe Egjiptit, por nuk tregoi se sa ishte numri i kosovarëve të evakuuar nga Izraeli.

Procesi është realizuar në koordinim të afërt me autoritetet izraelite dhe ambasadat e Shqipërisë, Bullgarisë, Greqisë dhe Egjiptit në Izrael”, thuhet në njoftim.

Pas 12 ditëve bombardimesh të ndërsjella, Irani dhe Izraeli u pajtuan të hënën për një armëpushim të ndërmjetësuar nga presidenti i Shteteve të Bashkuara, Donald Trump.

Armëpushimi po zbatohet të mërkurën, një ditë pasi të dyja palët shpallën fitoren të martën pas 12 ditëve luftë, në të cilën SHBA-ja ndërhyri duke kryer bombardime në mbështetje të Izraelit për t’i shkatërruar objektet e Iranit për pasurimin e uraniumit.

MPJD-ja tha se po ndjek nga afër rastin e një shtetaseje të Kosovës që ndodhet në trajtim mjekësor në spitalin Soroka Medical Center në qytetin Beersheva, i cili ishte cak i një sulmi gjatë luftës së shkurtër.

Fatmirësisht, ajo nuk ka qenë e pranishme gjatë sulmit dhe ndodhet në gjendje të mirë shëndetësore. Ambasada e Kosovës në Izrael është në kontakt të vazhdueshëm me familjen e saj dhe po punon për realizimin e evakuimit të tyre sapo të krijohen kushtet përkatëse”, thuhet në njoftim.

Dhjetëra njerëz u plagosën nga sulmi në spitalin e Beershevës, i cili pësoi dëme materiale gjithashtu.

Ministria theksoi se një qytetar tjetër i Kosovës është tani në proces të largimit nga Izraeli përmes Egjiptit, me mbështetjen e Ambasadës kosovare.

Ajo tha se, sipas të dhënave të fundit të Ambasadës së Kosovës në Izrael, në territorin izraelit ndodhen edhe 13 qytetarë të tjerë të Kosovës, të cilët deri më tani nuk kanë shprehur dëshirë për t’u larguar.

Ministria tha se, duke qenë se “situata e sigurisë në Izrael vijon të përkeqësohet bën thirrje të gjithë qytetarëve të Kosovës që ndodhen në këtë territor të tregojnë kujdes maksimal dhe të qëndrojnë vetëm në zona të sigurta”.

Continue Reading

Lajmet

Bizneset në Ferizaj protestojnë për shkak të punimeve në zgjerimin e rrugës hyrëse

Published

on

By

Bizneset që operojnë në Komunën e Ferizajt kanë mbajtur sot një protestë për të shprehur pakënaqësitë e tyre në lidhje me mënyrën si po zhvillohet projekti “Zgjerimi i Rrugës në hyrje të Ferizajt”, i cili implementohet nga Ministria e Mjedisit, Planifikimit Hapësinor dhe Infrastrukturës (MMPHI).

Ata thanë se rreth këtij projekti, jo vetëm se bizneset nuk kanë informacione, por as komuna e Ferizajt nga MMPHI-ja.

Përfaqësuesi i bizneseve, Muharrem Mehmeti, u shpreh se mos qasja në autostradë e kësaj pjese të bizneseve ka dëmtuar në zhvillim ekonomik këtë pjesë.

Tutje, ai shtoi se kanë kontaktuar me kompaninë që ka kryer projektin, po nga ta është thënë se projekti nuk është i tyre pasi që nuk ka vulën dhe nënshkrimin e tyre dhe kjo ka ngrehur shqetësimet e tyre.

Ndërsa, drejtori ekzekutiv në AVONET, Kenan Gashi tha se kanë kërkuar në MMPHI që të kenë qasje në këtë projekt, por deri tani nuk kanë marrë ndonjë përgjigje.

Gashi, shtoi se kanë dyshime edhe për formën që është duke u realizuar, pasi që komuna nuk është e kyçur fare dhe nuk është e njoftuar për këtë projekt.

E avokati që po merret me këtë rast, Leutrim Himaj shtoi se kanë paraqitur kërkesë që të mos zhvillohen punimet, për shkak se së fundi ka një vendim të ri preliminar në lidhje me shpronësimin e kësaj zone, i cili është i paqartë për bizneset.

Bizneset deri më tani kanë dërguar dy padi, një në Gjykatën Themelore në Prishtinë, ne departamentin e çështjeve administrative dhe një në Gjykatën Supreme.

Continue Reading

Lajmet

Çeku flet për kandidaturën për kryetar të Prishtinës: Ende në fazën fillestare

Published

on

By

Ministri në detyrë i Kulturës, Hajrulla Çeku, flet për herë të parë për kandidimin e tij për kryetar të Komunës së Prishtinës nga partia e tij, Lëvizja Vetëvendosje.

Ai tha se aktualisht është i përqendruar në detyrat e tij si ministër dhe se procesi i kandidimit është ende në fazën fillestare.

Detyra ime primare është që të shërbejë si ministër në detyrë. Ne jemi në fazën krejt fillestare te shpalljes së kandidaturës për Komunën e Prishtinës. Zgjedhjet janë më 12 tetor. Fushata fillon një muaj para. Jemi vetëm në fazën fillestare. Unë vazhdojë të kryej detyrat e mia të përditshme në Ministrinë e Kulturës”, tha Çeku.

Continue Reading

Lajmet

Statovci: Të mos u bëjnë presion deputetëve, kanë pasiguri

Published

on

By

Deputetja nga radhët e partisë “Guxo”, e cila ka garuar në listën e Lëvizjes Vetëvendosje, Jeta Statovci tha se egoja e opozitës së deritanishme është më e lartë sesa interesi i Kosovës dhe konstituimi i Kuvendit. Sipas saj, po përdoret strategji sabotuese dhe bllokuese duke mos marrë pjesë në procesin e votimit në seancat konstituive që po mbahen çdo 48 orë.

Pas dëshmimit të seancës konstituive për herë të tridhjetë e shtatë, Statovci tha se mosvotimit i partive që deri tani ishin në opozitë është në kundërshtim me aktgjykimin e Gjykatës Kushtetuese.

Ne po e shohim që egoja e opozitës është më e lartë sesa interesi i Kosovës dhe konstituimi i Kuvendit. Andaj përmes një strategjie sabotuese dhe bllokuese nuk kemi pjesëmarrje të procesit të votimit. Ne kemi qenë vazhdimisht thirrës në sensin që të kemi pjesëmarrje të votimit qoftë përmes votës për, kundër, apo abstenimeve. Mirëpo, bie në kundërshtim edhe me aktgjykimin e Gjykatës Kushtetuese nëse vazhdohet në një proces tutje të mospjesëmarrjes nga akterët tjerë të opozitës në këtë proces të votimit”, tha Statovci.

Statovci para gazetarëve potencoi se janë në pritje të vendimit nga Gjykata Kushtetuese sa i përket procesit të seancës konstituive.

Siç tha ajo, partitë politike nuk duhet bërë presion ndaj deputetëve për të mos votuar. Sipas saj, tendenca për të bllokuar procesin, vjen pasi të njëjtat kanë pasiguri tek deputetët e tyre.

Ne jemi në pritje të vendimit nga ana e Gjykatës Kushtetuese e cila fillimisht duhet të deklarohet nëse e pranon këtë lëndë për trajtim dhe cili do të jetë epilogu tutje. Në mënyrë që të dalim nga një situatë e tillë dhe spektri politik i cili prehet nga partitë tjera opozitare…Unë besoj që duhet të mos imponojnë dhe të mos bëjnë presion ndaj deputetëve tyre, mirëpo të respektojnë gjykimin dhe integritetin e cilido deputetë. Tendenca e tyre për të bllokuar këta hapa nënkupton se kanë pasiguri në deputetë e tyre”, potencoi Statovci.

Sot, ka dështuar për të tridhjeteshtatën (37) herë konstituimi i Kuvendit të Kosovës. Seanca e radhës është caktuar të premten (më 27 qershor) në ora 11:00.

Continue Reading

Të kërkuara