

Kulturë
Rikthehet “Hardh Fest”, konsiderohet se po e ruan flakën e traditës tonë
Kjo ngjarje konsiderohet si mundësi e mirë për promovimin e produkteve vendore.
Published
3 years agoon
By
UBT.NewsMe sloganin “Ca kokrra rrushi” është rikthyer pas dy vitesh festivali i njohur i rrushit “Hardh Fest” për qytetarët vendorë si dhe turistët ndërkombëtarë të cilët interesohen të shohin nga afër vreshtat dhe pasuritë e tjera të Rahovecit.
Kjo ngjarje gjithashtu konsiderohet si mundësi e mirë për promovimin e produkteve vendore.
I njohur si kryeqyteti i bujqësisë, Rahoveci do të jetë nikoqir në datat 2,3 dhe 4 shtator, gjatë ditës me aktivitete turistike e letrare ndërsa në mbrëmje me koncerte artistike.
Ministri i Bujqësisë, Pylltarisë dhe Zhvillimit Rural, Faton Peci tha se tha se “Hardh Fest” në edicionet e ardhshme duhet të marr mbështetje institucionale më të madhe.
Ai tha se tashmë kanë nënshkruar udhëzimin administrativ për treguesit gjeografikë që lehtësojnë eksportin e produkteve.
“Sektori i verarisë është një ndër shembujt e suksesit në sektorin e bujqësisë, verërat tona janë aq bujqësore sa me lehtësi i gjen në dyqanet në mbarë vendet e rajonit, BE deri në SHBA. Qëllimi im si ministër është që përveç hartimit të politikave të zhvillojnë sektorin e bujqësisë, njëherit t’i promovojë prodhimet vendore, punën e palodhshme të bujqve, vreshtarëve dhe vertarëve tanë dhe në çdo vizitë zyrtare përkujdesem që homologëve të mi t’ua prezantoj verërat tona… Sot me mëngjes kam nënshkruar udhëzimin administrativ për treguesit gjeografikë që është masë lehtësuese për prodhuesit tanë, për vreshtarët dhe vertarët në eksportimin e produkteve tona cilësore në rajon dhe mbarë vendet e BE-së e deri në ShBA”, theksoi Peci.
Liburn Jupolli, këshilltar në MKRS, u shpreh se këtë vit “Hardh Fest” vjen me një program të pasur treditorë.
Sipas tij, ky festival po ruan flakën e traditës duke e bërë trashëgiminë e Kosovës më të gjallë.
“‘Hardh Fest’ po e ruan flakën e traditës tonë, po e bënë trashëgiminë tonë të gjallë dhe të afërt ne publikun dhe po jep njërin prej shembujve më të mirë të kultivimit dhe të zhvillimit të vlerave tona si shoqëri. Sivjet ‘Hardh Fest’ vjen me një program të pasur treditorë, me shumë aktivitete për të cilat duhet duartrokitur angazhimi i palodhshëm i ekipit vendor dhe padyshim të gjithë përkrahësit e festivalit. Qeveria e Republikës së Kosovës, MKRS tashmë ka miratuar koncept dokumentin për art e kulturë, si hap të parë të reformës së plotë ligjore në kulturë dhe do të vazhdojë me zhvillimin e ligjit të ri unik në kulturë dhe masave të tjera të cilat do të fuqizojnë më tutje dhe do të hapin rrugë të reja për të mbështetur dhe zhvilluar kulturën në Kosovë”, tha Jupolli.
I pranishëm në hapjen e “Hardh Fest”-it ishte edhe kreu i AAK-së, Ramush Haradinaj i cili adresoi kritika karshi Qeverisë së Kosovës sa i takon mbështetjes së fermerëve.
Sipas tij, të gjithë duhet të punojnë së bashku e jo të shpallen armiq bujqit, mjekët dhe arsimtarët.
“Së pari është për kritik kushdo që e pengon fermerin dhe vreshtarin, në këtë rast qeveria dhe ministri ynë e di që vitin që shkoi ua ka humbur 1 vit me subvencione i ka vonuar, e dyta është për kritikë qeveria jonë duke e parë se si vepron Serbia në emër të një festivali të verave dhe lavdëron verat e Serbisë që vërtetë janë vera të klasit të dytë, e mungesa e kujdesit të shtetit tonë që të shfrytëzojë edhe një ditë si kjo për t’i lavdëruar verërat tona, kur e dimë që verërat tona janë më të mirat në Ballkan. Nuk ka dikush që se dinë që hardhia në Rahovec është e vjetër aq sa është kjo tokë, verërat e paraardhësve tanë, e ilirëve kanë qenë të respektuara e të çmuara në atë kohë”, theksoi Haradinaj.
Kryetari i komunës së Rahovecit, Smajl Latifi u shpreh se ky festival këtë vit iu është rikthyer qytetarëve me një organizim më të mirë.
Latifi tha se “Hardh Fest” e ka vendosur komunën që ai drejton në hartën e ngjarjeve kulturore-artistike më të rëndësishme në Kosovë dhe botë.
“Sivjet festivali i kthehet qytetarëve me organizimin më të mirë në historikun e tij. ‘Hardh Fest’ është i të gjithëve por më së shumti i bujqve dhe vreshtarëve fisnikë me rrethinë duke iu shërbyer në promovimin e produkteve të rrushit… Komuna e Rahovecit nuk i ka lënë asnjëherë vetëm vit pas viti si financiarisht ashtu edhe për të krijuar rrethanat hapësinore dhe infrastrukturore ka qenë e palëkundur ndërkohë që mbështetja është rritur çdo vit e do të rritet edhe më shumë në vitet në vazhdim. Jam i gëzuar që sivjet kemi gjetur mundësitë për të mbështetur ‘Hardh Fest’-in më shumë se vitet e shkuara. Jam po ashtu i vetëdijshëm se çfarëdo mbështetje që ka ardhur nga MKRS, MBPZHR, nga sponsorët që u jepet ngjarjeve të kësaj peshe si ‘Hardh Fest’ është investim që i kthehet shoqërisë tonë me plotë përfitime si ekonomike ashtu edhe kulturore”, tha ai.
Në këtë edicion u shpallën edhe vreshtarët më të mirë të edicionit të sivjetshëm që janë Agron Haxhimustafa, Samir Hoxha, Refki Kabashi, Veton Haxhimustafa, Miftere Shala, Berat Jupa etj. Në këtë edicion të “Hardh Fest” pritet të numri i pjesëmarrësve të jetë deri në 100 mijë. Për shkak të pandemisë, festivali “Hardh Fest” nuk është organizuar për dy vite me radhë.
You may like
Magazinë
Jackie Chan: Mësova anglisht përmes muzikës ‘country’ pasi u zhvendos në SHBA!
Published
4 hours agoon
June 5, 2025
Aktori tha se kur u transferua nga Hong Kongu në SHBA, kishte vështirësi në gjuhën.
Aktori i njohur Jackie Chan gjatë një interviste të fundit në emisionin “The Kelly Clarkson Show” ka zbuluar se muzika country ka luajtur një rol kyç për të në për të mësuar anglishten.
Aktori tha se kur u transferua nga Hong Kongu në SHBA, kishte vështirësi të mëdha në komunikim në setet e xhirimeve dhe mbështetej gjithnjë te përkthyesi.
Mësova anglishten përmes këngëve country, sepse janë të ngadalta dhe të qarta. Kështu u shpreh Jackie Chan. Ai mahniti publikun duke kënduar një pjesë të hitit “Always on My Mind” nga Willie Nelson.
Kënga, e cila fillimisht u publikua në vitin 1972 dhe u bë e famshme nga Elvis Presley dhe më vonë nga Nelson, ishte një nga mjetet që ndihmuan aktorin të kuptonte shqiptimin dhe kontekstin e fjalëve në anglisht.
Chan u shfaq në emision së bashku me Ralph Macchio dhe Ben Wang për promovimin e filmit të ri “Karate Kid: Legends”.
Magazinë
Ndahet nga jeta në moshën 28-vjeçare ish-kandidatja për Miss Univers
Published
7 hours agoon
June 5, 2025
María Lorena Argüello Salazar, e cila ishte kandidate për Miss Universo Ecuador 2024, ka ndërruar jetë të dielën e kaluar në moshën 28-vjeçare. Lajmi u konfirmua nga llogaria zyrtare në Instagram e konkursit kombëtar të bukurisë.
Organizatorët e konkursit shkruan:
“Konkursi Kombëtar i Bukurisë shpreh dhimbjen e thellë për ndarjen nga jeta të Lorena Argüello, përfaqësuese e Quito DM dhe gjysmëfinaliste e CNB 2024. Jemi pranë familjes dhe të afërmve të saj me respekt dhe solidaritet në këtë moment dhimbjeje. Kujtimi i saj do të mbetet gjithmonë me ne.”
Lorena përfaqësoi Distriktin Metropolitano të Quitos në konkursin e zhvilluar më 8 qershor të vitit të kaluar në Machala.
Vdekja e saj shkaktoi një ndikim të madh, jo vetëm në botën e konkurseve të bukurisë, por edhe në shoqëri në përgjithësi.
Në rrjetet sociale u shpërndanë mesazhe të shumta ngushëllimi nga ndjekës, kolegë mjekë dhe konkurrente të tjera.
Kush ishte María Lorena Argüello?
E lindur më 12 mars 1997, u karakterizua nga disiplina dhe përkushtimi ndaj dy pasioneve të saj më të mëdha: mjekësisë dhe modelimit. Ajo u diplomua si kirurge, ushtroi profesionin e saj dhe paralelisht zhvilloi karrierën në konkurset e bukurisë.
Në konkursin Miss Universo Ecuador 2024 përfaqësoi qytetin e Quitos me elegancë dhe karizëm, duke fituar vlerësime nga publiku dhe organizatorët.
Edhe pse nuk fitoi çmimin kryesor, Lorena u kthye në një figurë frymëzuese për shumë të rinj në Ekuador falë ekspertizës profesionale dhe angazhimit social që e karakterizonte.
Magazinë
Arnold Schwarzenegger: Më thoshin se ëndrrat e mia ishin të pamundura
Published
8 hours agoon
June 5, 2025
Arnold Schwarzenegger ka rrëfyer se përballja me paragjykimet dhe skepticizmin ishte e përditshme në fillimet e tij në Hollywood. Aktori 77-vjeçar, i cili nisi karrierën në SHBA si bodybuilder në vitet ’70, kishte sfida të shumta në industrinë e filmit.
“Kur erdha në Amerikë, Clint Eastwood dhe Charles Bronson ishin aktorët më të paguar, fitonin nga një milion dollarë për film. Mendova: ‘Duhet të bëhem pjesë e kësaj.’ Dhe, më vonë, arrita të fitoja 30 milionë dollarë për film. I zura”, ka kujtuar ai në bisedë me djalin, Patrick Schwarzenegger, për serinë “Actors on Actors” të Variety, ka raportuar FemaleFirst.
“Të gjithë më thoshin: ‘Arnold, kjo nuk do ndodhë kurrë. Emri yt, Schnitzel apo çfarëdo qoftë, askush s’do ta mbajë mend. Je i madh për të qenë aktor’. Në vitet ’70, yjet e mëdhenj ishin Dustin Hoffman, Al Pacino, Woody Allen, që peshonin nga 60 kg, me thoshin ‘je 115 kg, dukesh si përbindësh’”, ka thënë aktori.
Por pavarësisht refuzimeve, Schwarzenegger nuk u dorëzua.
“E kisha të qartë vizionin tim. Doja të ngjitesha në majë. Kjo ishte gjithçka që më interesonte. Dhe arritja atje, ngadalë”, ka thënë ai.
Ai tha se momenti që ndryshoi gjithçka ishte roli në “Terminator”, pasi më herët kishte luajtur vetëm në filma si “Conan”, ku muskujt ishin në plan të parë.
“‘Terminator’ ishte një hap i madh përpara, sepse nuk kishte të bënte me muskujt. Ishte lëkura e zezë dhe roli i një makine. Ky ishte momenti që përmbushi ëndrrën time të fëmijërisë”, ka thënë tutje ai.
77-vjeçari ka treguar se nuk ka pasur kurrë një plan B në jetë.
“Urrej Planin B. Njerëzit performojnë më mirë kur nuk kanë Plan B. Unë nuk kam pasur kurrë një plan tjetër”, ka thënë ai.
Në një video në Instagram, ai e ka përmbledhur filozofinë e jetës së tij.
“E bëra një zotim të plotë: do të bëhem kampion i bodybuldingut, do të shkoj në Amerikë, do të hyj në industrinë e filmit dhe do të bëhem aktor kryesor. Çfarëdo që të kërkonte, do ta bëja. Do të punoja pa u ndalur, derisa ta arrija”, pati shkruar ai.
Magazinë
Iggy Pop largohet nga skena e koncertin në Londër i futur në arkivol
Published
1 day agoon
June 4, 2025
Iggy Pop u largua nga skena në arkivol gjatë një koncerti, duke habitur publikun me lëvizjen e tij dhe duke riafirmuar titullin e tij si një nga artistët më të çuditshëm në skenën e rokut.
Artisti e mbylli performancën e tij më 28 maj në Alexandra Palace në Londër në një mënyrë që askush nuk e priste.
Siç është kapur në video, papritmas, pak para fundit, në skenë u shfaq një arkivol i madh i zi.
Publiku mbeti pa fjalë kur pa 78-vjeçarin pa bluzë, të shtrirë brenda arkivolit, i cili u rrokullis, duke i dhënë fund kështu koncertit të tij.
Artisti postoi një video të daljes së tij të veçantë nga skena në llogarinë e tij personale në Instagram.
Ai madje qëndroi pranë arkivolit dhe u kërkoi miqve në internet të komentonin mbi zgjedhjen e tij specifike.
Siç shkroi në mbishkrim: “Londër. Ne e dimë si filloi dhe si mbaroi. Do të na pëlqente të shihnim mbishkrime imagjinative dhe të zgjuara për këtë! ».

Metabolizëm i ngadaltë, si t’i dalloni simptomat

Profesorët e UBT-së kontribuojnë në ndërtimin e paqës së qëndrueshme

Zyrtare: Ferizaj përforcohet në qendër të mbrojtjes, prezantojnë Ardit Iljazin

Mbyllet me sukses Java e Dizajnit në UBT – prezantohen koleksione me vlera artistike dhe kulturore

Aktori Christian Bale duket thuajse i panjohur rrugëve të Atlantas, teksa po xhiron filmin e ri

Jackie Chan: Mësova anglisht përmes muzikës ‘country’ pasi u zhvendos në SHBA!

Bill Gates do të dhurojë 99% të pasurisë së tij për Afrikën

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Ardian Ismajli mund t’i bashkohet Rashicës te Besiktasi?
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur