Aktualitet

Rezultatet paraprake në Shqipëri, PS merr 74 mandate, PD 59, LSI 4 dhe PSD 3

Published

4 years ago

April 27, 2021

Betim Gashi

Komisioneri i Komisionit Qendror të Zgjedhjeve, Ilirjan Celibashi tha sot se procesi i numërimit dhe vlerësimit të votave ka përfunduar tërësisht për subjektet zgjedhore, partitë politike, koalicionet dhe kandidatët e pavarur në 4 mijë e 922 qendra votimit nga 5 mijë e 199 në total në gjithë vendin.

Sipas rezultateve preliminare, Partia Socialiste ka marrë 74 mandate, Partia Demokratike 59 mandate, LSI 4 mandate dhe PSD 3 mandate. Ndërsa kandidatët e mbështetur nga Lëvizja Vetëvendosje nuk kanë arritur të sigurojnë ulëse në Kuvendin e Kosovës.

Numërimi ka përfunduar për subjektet që garuan në zgjedhje në të gjithë vendin, përveç Tiranës dhe Durrësit ku kanë mbetur për t’u numëruar edhe 13 qendra votimi.

“Ka përfunduar tërësisht procesi i numërimit dhe vlerësimit të fletëve të votimit për partitë politike, koalicionet dhe kandidatët të pavarur për qarqet Shkodër, Lezhë, Kukës, Fier, Elbasan, Gjirokastër, Korçë, Dibër, Berat dhe Vlorë. Për dy qarqet e tjera Tiranë dhe Durrës procesi ka përfunduar në 11 qendra numërimi dhe është ende në total për 13 tjera, ose në total janë 270 qendra votimi”, vijoi Komisioneri Celibashi.

Të drejtën e tyre për të votuar në zgjedhjet e 25 prillit e shfrytëzuan 1 milion e 551 mijë e 921 votues ose 45.72%.

Partia Socialiste konfirmohet si forcë e parë politike në Shqipëri me 48.7% të votave ose 74 deputetë, e pasuar nga Partia Demokratike me 39.4% të votave ose 59 mandate, Lëvizja Socialiste për Integrim me 6.85% të votave të vlefshme ose 4 mandate, si dhe Partia Socialdemokrate me 2.24% ose 3 mandate.

“PSD ka marrë 2.24% të votave ose 3 mandate, Partia Balli Kombëtar ka marrë 0.13% ose 0 mandate, Partia Lëvizja Demokratike Shqiptare 0.30% votave ose 0 mandate, Partia Bindja Demokratike 0.53% ose 0 mandate, Aleanca Bashkimi Popullor Emigracioni – Ora e Shpresës dhe Konservatorët 0.09% ose 0 mandate, Lëvizja Socialiste për Integrim ka marrë 6.85% të votave të vlefshme 4 mandate, Partia Nisma Thurje ka marrë 0.64% të votave 0 mandate, Partia Lëvizja e Re 0.24% të votave të vlefshme 0 mandate, Partia Demokratike, Aleanca për Ndryshim koalicioni ka marrë 39.4% të votave baras me 59 mandate, Partia Aleanca Demokracia e Re 0.20% të votave dhe 0 mandate, Partia Lëvizja Për Ndryshim 0.45% të votave dhe 0 mandate dhe Partia Socialiste e Shqipërisë ka marrë 48.7% të votave dhe 74 mandate”, deklaroi Celibashi.

Kandidatët e pavarur të mbështetur nga Lëvizja Vetëvendosje si Boiken Abazi, Iliaz Shehi, Kreshnik Merxhani nuk kanë arritur të sigurojnë ulëse në Kuvendin e ardhshëm të Shqipërisë.

“Kandidatët e mbështetur nga zgjedhësit: Boiken Abazi, 0.17% ose 0 mandate. Votat e mbështetësve nga zgjedhësit nuk janë vota në rang vendi, por në qarqet ku ata kanë kandiduar. Elton Debreshi 0.04% të votave dhe 0 mandate, Iliaz Shehi 0.03% të votave dhe 0 mandate, Kreshnik Merxhani 0.01% të votave, nuk ka marrë mandat, Pal Shkambi 0.01% të votave dhe nuk ka marrë mandat”, vijoi Celibashi.

Komisioneri Shtetëror i Zgjedhjeve, Ilirjan Celibashi ka udhëzuar që për ato KZAZ që kanë përfunduar numërimin e votave për subjektet zgjedhore, të fillojnë numërimin për kandidatët nesër, më 28 prill në orën 9:00. Në ato KZAZ ku ka filluar ose pritet të fillojë numërimi i votave për kandidatët, numërimi do të vazhdojë sot deri në orën 24:00 dhe do të rifillojë nesër në orën 9:00.

Aktualitet

Osmani ngushëllon popullin portugez, pas aksidentit tragjik në Lisbonë

Published

1 hour ago

September 4, 2025

UBT News

Presidentja e Republikës së Kosovës, Vjosa Osmani, i ka dërguar telegram ngushëllimi homologut të saj portugez, Marcelo Rebelo de Sousa, pas aksidentit të tramvajit në Lisbonë.

“Zemrat dhe solidariteti ynë janë me presidentin Marcelo Rebelo de Sousa, kryeministrin Luis Montenegro dhe popullin e Portugalisë, pas aksidentit tragjik të tramvajit Gloria në Lisbonë.

Në emër të popullit të Republikës së Kosovës, u shpreh ngushëllimet e mia më të thella familjeve të viktimave dhe u uroj shërim të shpejtë të plagosurve. Ne qëndrojmë pranë miqve tanë portugezë”, shkroi Osmani.

Aksidenti që zuri vend në qendër të Lisbonës dje, u mori jetën 15 personave, teksa 23 të tjerë u lënduan.

Tramvaji i njohur si “Elevador da Gloria” doli nga shinat, duke u bërë një prej aksidenteve më tragjike të regjistruara në kryeqytetin portugez.

Aksidenti ndodhi në orën 18:05, pranë sheshit “Restauradores”, pasi një kabllo sigurie u këput, duke bërë që automjeti të humbiste kontrollin dhe të përshpejtonte poshtë shpatit që lidhte pjesën e sipërme të qytetit me lagjen Baixa Pombalina.

Aksidenti preku edhe një teleferik të dytë që ishte ndaluar në fillim të rrugës Gloria, e që kishte disa pasagjerë brenda.

/S.K/EO/

Aktualitet

Kurti: Kosova është rast unik i shtetndërtimit

Published

2 hours ago

September 4, 2025

UBT News

Në ditën e dytë të Konferencës Ndërkombëtare për Administratë Publike “KosovaPAR 2025”, kryeministri në detyrë, Albin Kurti, tha se Kosova përfaqëson një rast të veçantë të shtetndërtimit pas luftës, i cili është vlerësuar edhe nga organizatat ndërkombëtare si një histori suksesi.

Teksa foli për konferencën, ai tha se ajo është shndërruar tashmë në një traditë vjetore që mbledh pjesëmarrës eminentë nga Kosova, rajoni, kontinenti evropian dhe e gjithë bota.

“Kjo konferencë, e cila, ashtu siç ishte premtuar në vitin 2023, është shndërruar tashmë në një konferencë vjetore që mbledh pjesëmarrës eminentë nga Kosova, rajoni, kontinenti evropian dhe e gjithë bota. Kosova është, në të vërtetë, një rast sui generis, për vetë faktin që ndërtimi i institucioneve pas luftës është bërë nga një mision i udhëhequr nga Kombet e Bashkuara, në bashkëpunim me BE-në dhe Organizatën për Siguri dhe Bashkëpunim në Evropë. Gjatë këtyre 25 viteve, në Kosovë ka ndodhur një proces i veçantë i shtetndërtimit, i pashembullt ndokund tjetër apo ndonjëherë tjetër. Raportet e fundit të organizatave si Banka Botërore, Fondi Monetar Ndërkombëtar, SIGMA, organizata GAP e të tjera dëshmojnë se Kosova është një rast suksesi i shtetndërtimit pas një lufte të tmerrshme. Gjatë këtyre katër viteve të fundit, qeveria që unë udhëheq ka ndërmarrë reforma të thella në të gjithë sektorët, në mënyrë që ndryshimet pozitive të jenë edhe të qëndrueshme në kohë për të ardhmen, por edhe të pakthyeshme, pra që të pamundësojnë hapa prapa,” tha Kurti.

Kurti tha se qeveria e tij ka synuar të ndërtojë baza të forta për të ardhmen.

Ministria e Punëve të Brendshme, për të tretin vit me radhë, ka organizuar konferencën ndërkombëtare “KosovaPAR 2025”, e cila këtë vit është fokusuar në temën: “Capacity in Public Administration for or through AI?”. Kjo temë trajton ndikimin e inteligjencës artificiale në ndërtimin e kapaciteteve në administratën publike.

Konferenca synon të rrisë ndërgjegjësimin për rolin e Reformës së Administratës Publike si një parakusht për integrimin evropian dhe për përmirësimin e shërbimeve ndaj qytetarëve. Këtë vit, në një kontekst të përshpejtuar digjital, diskutimet lidhen ngushtë me transformimin që sjell inteligjenca artificiale në qeverisje dhe administratë.

“KosovaPAR 2025”, e cila nisi dje dhe po vazhdon edhe sot, përfshin 14 panele, 2 sesione kryesore dhe një tryezë të rrumbullakët, me pjesëmarrje nga niveli i lartë shtetëror, komuniteti diplomatik, akademikë, zyrtarë publikë, shoqëria civile, si dhe përfaqësues nga rajoni dhe më gjerë.

/S.K/EO/

Aktualitet

Sot hidhet shorti për renditjen e partive në KQZ

Published

4 hours ago

September 4, 2025

UBT News

Mbi 90 përfaqësues të subjekteve politike sot do të tërheqin shortin për renditjen e tyre në fletëvotimet e zgjedhjeve lokale të 12 tetorit. Këtë e ka konfirmuar zëdhënësi i KQZ-së, Valmir Elezi.

“Tërheqja e shortit për renditjen e subjekteve politike në fletëvotime është një proces i hapur, duke garantuar transparencë e plotë dhe trajtim i barabartë i të gjitha subjekteve politike”, deklaroi ai.

Tërheqja e shortit nis nga ora 11:00 dhe zhvillohet te komuna e vjetër.

Ndryshe, fushata për zgjedhjet e muajit të ardhshëm nis më 13 shtator dhe përfundon para hapjes së qendrave të votimit më datën 12 tetor, në orën 06:59.

/S.K/EO

Aktualitet

Prindërit kërkojnë që librat shkollorë të shpërndahen nga shkollat, jo të blihen vetë

Published

4 hours ago

September 4, 2025

UBT News

Edhe këtë vit, Ministria e Arsimit ka vendosur që librat shkollorë për nxënësit e klasave 1 deri në 5 të subvencionohen me 80 euro për çdo nxënës. Megjithatë, shumë prindër e konsiderojnë këtë proces të vështirë dhe kërkojnë që librat të shpërndahen drejtpërdrejt nga shkollat.

Nxënësja Melodi Cena nga klasa e pestë thotë se ende nuk ka marrë librat, ndonëse është e lumtur që ka filluar shkolla dhe ka mësuese të re.

“Jam në klasën e pestë, më vjen mirë po kaloj në shkollë, kam mësuese të re, kam shok dhe shoqe. Po që tre ditë pa libra, por e di që është e lehtë të blihen librat. Shkolla me na sjellë librat më mirë, nuk kemi pasur vështirësi me i gjet”, Cena.

Nëna e saj, Lenduare Cena, thekson se prindërit punojnë dhe nuk kanë kohë për t’u marrë me blerjen e librave. Ajo thotë se kjo situatë krijon dallime mes nxënësve dhe ndikon negativisht në procesin mësimor.

Prindërit shpresojnë që vitin e ardhshëm, librat të shpërndahen nga vetë shkolla për të shmangur ngarkesat dhe vështirësitë financiare.

“Kemi disa prind që me të vërtetë e kemi pasur të vështirë sepse punojmë, nuk kemi kohë. Do të ishte mirë që në vitin tjetër t’i jap shkolla, sepse është lehtësim për prindërit. Kjo është maltretim. Derisa të dalin paratë, për disa prindër që nuk i kanë mundësitë, por edhe në shkollë është vështirë sepse disa i kanë librat dhe disa jo, dhe është një lloj bullizimi. Është keq edhe për nxënësit. Kur i kanë marrë librat në fillim, ka qenë shumë më mirë në shkollë. Sot i bleva librat, pagova për disa libra që janë në mungesë, ende nuk i kam blerë fletoret. Edhe këtë e përballojmë, por shpresoj që në vitin tjetër nuk na maltretojnë kështu, se është vështirë. Unë jam nënë, tani kam lind dhe është dashur me ardhur këtu. 80 euro ka qenë subvencionimi për nxënësit nga klasa 1-5”, ka theksuar ajo.

/SK/EO/