

Lajmet
Pyetësori për regjistrim të popullsisë në fazën përfundimtare
Kështu u tha në diskutimin e parë publik të organizuar nga UNFPA dhe ASK.
Published
3 years agoon
By
Betim GashiRegjistrimi i popullsisë në Kosovë, i cili do të ndodhë vitin e ardhshëm, do të bëhet përmes grumbullimit elektronik e jo përmes plotësimit të formularëve, ndërsa pyetësori për këtë proces ndodhet në fazën përfundimtare dhe është më i zgjeruar për 12% krahasuar me pyetësorin e regjistrimit të vitit 2011.
Kështu u tha në diskutimin e parë publik të organizuar nga Fondi i Kombeve të Bashkuara për Popullsinë (UNFPA) dhe Agjencia e Statistikave të Kosovës (ASK) me temën “Regjistrimi i popullsisë – Nevojë dhe domosdoshmëri për zhvillim”.
Zëvendësministrja e Punëve të Jashtme dhe Diasporës, Liza Gashi u shpreh se regjistrimi i popullsisë është një komponentë kyçe për ndërtimin e politikave mbi bazën e të dhënave.
Duke folur për migrimin, Gashi tha se me këtë dukuri nuk po ballafaqohet vetëm Kosova, por që detyrës e institucioneve është të ndërtohen politika të shëndosha.
“Në përgjithësi regjistrimi është i rëndësishëm për neve sidomos në aspektin e punës që unë bëjë dhe një prej komponentëve kryesore që mbuloj është diaspora. Është e rëndësishme të kuptohet ky trendin e migrimit në kuadër të rrugëtimit tonë, migrimi nuk është një problem që ballafaqohet vetëm Kosova, tërë bota është duke u ballafaquar me migrimin por migrimi është një e drejtë për rrugëtim për çdo qytetar. E jona është të ndërtojmë politika të shëndosha që njerëzit të qëndrojnë në vend, por ka shumë faktorë shtytës që e bëjnë qytetarin me lëvizë jashtë vendi”, u shpreh ajo.
Drejtori i Agjencisë së Statistikave të Kosovës, Avni Kastrati u shpreh se regjistrimi i popullsisë do të bëhet në tri nivele, dhe mënyra e grumbullimit do të bëhet sipas tij në mënyrë elektrike. Bazuar në këtë, Kastrati përmendi si sfidë sigurimin e tabletëve.
Drejtori i ASK-së tha se tashmë janë në fazën përfundimtare të pyetësorit i cili theksoi se është rritur për 12%.
“Te sfidat është sigurimi në kohë i disa pjesëve dhe aktivitete dhe tabletëve do të jetë metoda kapi i grumbullimi elektronik, sigurimi i pasjeve në kohë… Ka një rritje të pyetjeve edhe nën-pyetjeve sesa në vitin 2011 kjo është një trysni si për Agjencionin por edhe për ekonomitë familjare diku rreth 12% është rritur pyetësori, është gati jashtë kornizës së rekomanduar dhe kemi prapë diskutim dhe presion për të rritur pyetjet… Ne jemi në fazën përfundimtare të finalizimit të pyetësorit në bazë të ligjit të aprovuar në lexim të dytë ka kaluar, 6 muaj para datës së regjistrimit në terren duhet me u finalizua me qenë i gatshëm… Do ta kemi një fushatë intensive, do t’i përdorim të gjitha instrumentet, sidomos të rrjeteve sociale dhe besoj që çdo individ dhe ekonomi familjare do të ketë informacionin e duhur… Regjistrimi do t’i ketë tri njësi të regjistrimit: janë banesat apo shtëpitë që janë shtuar shumë pyetje të reja me interes nacional për Kosovën… Njësia e dytë që do të regjistrohen janë ekonomitë familjare sa është ekonomia familjare, sa familje, si jetojnë dhe raporti mes tyre, dhe e treta është individi”, theksoi Kastrati.
Ndërsa udhëheqësja e Zyrës së UNFPA-së në Kosovë, Visare Mujko-Nimani duke e konsideruar si vendim të rëndësishëm regjistrimin e popullsisë, theksoi se të dhënat ndihmojnë në planifikim dhe zhvillim të vendit.
Mujko-Nimani po ashtu deklaroi se tashmë kur të rinjtë po ikin nga Kosova, shteti duhet të fillojë të mendojë për modifikim të politikave për t’u ballafaquar me të ardhmen.
“Mendoj se është koha e duhur që edhe Kosova të fillojë të mendojë në bazë të të dhënave që ka dhe ndryshimet që po ndodhin për politikat e popullsisë dhe më konkrete se çka duhet të ndryshojë në këto politika në mënyrë që të shikohet situata që po na pret që të rinjtë po na ikin në njërën anë prej vendit ose po planifikojnë të shkojnë, në anën tjetër kemi jetëgjatësinë më të gjatë në përgjithësi në botë, por edhe në Kosovë dhe si duhet vetë shteti dhe politikat e shtetit të modifikohen në mënyrë që të ballafaqohet dhe të gjendet zgjidhje me situatën të cilën do ta kemi në të ardhmen e afërt”, u shpreh ajo.
Ndërsa, profesoresha e Universitetit të Prishtinës, Mimoza Dushi theksoi se regjistrimi i popullsisë si proces iu ofron të dhënave politikbërësve për planifikim për zhvillim.
Dushi u shpreh se regjistrimi i popullsisë që do të ndodh në vitin e ardhshëm do të bëhet me popullsinë rezidente, dhe mënyra e regjistrimit do të bëhet përmes pajisjeve të mençura.
Profesoresha derisa renditi disa nga sfidat e regjistrimit të popullsisë, thekoi se ofrimi i të dhënave për procesin e regjistrimit është obligativ.
“Një ndër fushat që e shoh edhe pak sfiduese është fushata e sensibilizimit apo njoftimit të popullsisë në lidhje me regjistrimin duhet fillimisht që të gjithë qytetarët të njoftohen me të dhëna të cilat kërkohen, me rëndësinë e të dhënave dhe me nivelin e konfidencialitetit të të dhënave… Duhet ta kuptojmë që regjistrimi është obligim qytetar edhe që secili prej nesh e kemi të obliguar dhe të detyruar të japim të dhëna tona… Për herën e parë regjistrimi i popullsisë do të kërkojë edhe numrin e letërnjoftimit e cila do të jetë sfiduese për qytetarët që kanë me hezituar me dhënë regjistrimin dhe kanë për të ndikuar në krijimin e të dhënave jo të sakta, po paragjykoj por krijon hezitim… Problem munden me qenë siç ka qenë edhe në të kaluarën përfshirja e të gjitha komuniteteve në Kosovës, edhe ata duhet me pas të qartë popullsinë rezidente”, tha ajo.
Regjistrimi i popullsisë në Kosovë ishte planifikuar të ndodhte në vitin 2021, mirëpo për shkak të ballafaqimit me COVID-19 regjistrimi u shtye për vitin e ardhshëm.
Qeveria e Kosovës ka miratuar vendimin që regjistrimi i popullsisë në Kosovë të fillojë më 1 shtator të vitit 2023 me kohëzgjatje deri më 16 tetor 2023.
You may like
Lajmet
UBT sjell në Tiranë trashëgiminë evropiane të Karl Gegës në bashkëpunim me partnerë prestigjiozë
Published
17 hours agoon
June 13, 2025By
UBTNews
UBT, në bashkëpunim me Fondacionin Musei Civici di Venezia dhe Akademinë e Shkencave të Shqipërisë, ka organizuar një ngjarje të veçantë që përmbledh historinë dhe ndikimin e madh të Inxhinierit vizionar, Karl Gega. Konferenca Shkencore dhe Ekspozita, e titulluar “Një hekurudhë për të ndryshuar historinë”, u dedikuan Inxhinierit vizionar që ndikoi thellësisht në Evropën e shekullit XIX.
Konferenca është mbajtur në ambientet e Akademisë së Shkencave të Shqipërisë dhe ka bërë bashkë personalitete të shquara nga fusha e shkencës, arsimit dhe kulturës.
Pjesëmarrësit përfshinë figura të njohura si Rektori dhe Presidenti i UBT-së, Prof. Dr. Edmond Hajrizi, Kryetarin e Seksionit të Shkencave Shoqërore Albanologjike pranë Akademisë së Shkencave të Shqipërisë, akad. asoc. Gëzim Hoxha, si dhe përfaqësuesen e Fondacionit Musei Civici di Venezia, Monica Viero.
Gjithashtu, ngjarja ka pasur një prani të spikatur nga institucione të tjera, si dhe nga pjesëmarrës nga Kosova, Shqipëria dhe Italia, duke theksuar rëndësinë ndërkombëtare të kësaj ngjarje.
Në fokus të diskutimeve kanë qenë tema të ndryshme të lidhura me trashëgiminë e familjes së Karl Gegës, një figurë kyçe në zhvillimin e infrastrukturës dhe të historisë inxhinierike të Evropës, si dhe aspekte të tjera të rëndësishme që lidhen me ndikimin e tij në zhvillimet teknologjike të kohës. Diskutimet kanë përfshirë gjithashtu aspekte të kulturës, teknologjisë dhe ndikimit të zgjerimit të hekurudhës në lidhjen e kulturave dhe vendeve të ndryshme të Europës.
Në fjalën e tij, Rektori i UBT-së, Prof. Dr. Edmond Hajrizi, theksoi rëndësinë e bashkëpunimeve ndërkombëtare dhe të lidhjes mes institucioneve shkencore dhe kulturore për zhvillimin e mëtejshëm të dijes. Ai nënvizoi se, ngjarje të tilla nuk janë vetëm mundësi për të nxjerrë në pah trashëgiminë e vizionarëve të shquar si Karl Gegë, por gjithashtu ofrojnë mundësi për të reflektuar mbi ndikimin që kanë pasur dhe vazhdojnë të kenë përparimet teknologjike dhe inxhinierike në shoqërinë moderne.
Pjesëmarrësit janë angazhuar gjithashtu në një diskutim të thellë rreth trashëgimisë kulturore dhe historike të Karl Gegës dhe ndikimit të tij në ndërtimin e infrastrukturave hekurudhore që kanë lidhur qytete dhe shtete të ndryshme në Europë.
Nga 12 qershori, do të jetë e hapur gjithashtu ekspozita për Karl Gegën, në Pallatin e Kongreseve në Tiranë, dhe organizohet nga UBT dhe Fondacioni Musei Civici di Venezia. E njëjta ekspozitë do të vjen edhe në Kosovë, në Parkun Shkencor, Inovativ dhe Teknologjik të UBT-së në korrik.

Kreu i agjencisë globale mbikëqyrëse bërthamore ka konfirmuar se vendi kryesor i pasurimit bërthamor të Iranit në Natanz u godit nga sulmet izraelite në orët e para të së premtes.
Në një postim në X, Agjencia Ndërkombëtare e Energjisë Atomike tha se po “monitoronte nga afër situatën thellësisht shqetësuese në Iran”, shkruan BBC.
Agjencia tha se ishte në kontakt me autoritetet iraniane në lidhje me nivelet e rrezatimit në vend, si dhe me inspektorët e saj në Iran.

Një zëdhënës i ushtrisë izraelite tha se Irani ka lëshuar më shumë se 100 dronë drejt Izraelit gjatë orëve të fundit, pasi vendi premtoi hakmarrje për sulmet izraelite.
Zëdhënësi tha se 200 aeroplanë luftarakë izraelitë morën pjesë në sulmet kundër më shumë se 100 objektivave në Iran gjatë natës.
Sipas reuters, ai tha se Izraelin e presin “disa orë të vështira”. Sirena ajrore ranë paraprakisht në Izrael, ndërsa vendi u përgatit për hakmarrjen.
Në reagim të menjëhershëm pas sulmit, udhëheqësi suprem i Iranit tha se Izraeli “duhet të presë një ndëshkim të ashpër”.
“Regjimi sionist i ka sjellë vetes një fat të hidhur dhe të dhimbshëm, dhe me siguri do të përballet me të”, u shpreh ai.
Ndryshe, Izraeli ka nisur një fushatë të paprecedentë sulmesh ajrore mbi territorin iranian, në një operacion të koduar “Luanin që Ngrihet” (Operation Rising Lion), duke goditur objektiva strategjike që përfshijnë uzina bërthamore, baza ushtarake dhe ndërtesa të lidhura me Gardën Revolucionare Iraniane.
Lajmet
Vijon gjykimi për rastin “Banjska”, dëshmojnë dy zyrtarë policorë
Published
21 hours agoon
June 13, 2025By
UBTNews
Po mbahet seanca gjyqësore në rastin “Banjska”, ku sot pritet të dëgjohen dëshmitë e dy zyrtarëve policorë, Fahri Shala dhe Sedat Dushi.
Të akuzuarit Dushan Maksimoviq, Blagoje Spasojeviq dhe Vladimir Toliq, të cilët ndodhen në masë paraburgimi, u sollën në seancë nën masa të rrepta sigurie.
Më 11 shtator 2023, kryeprokurori i Prokurorisë Speciale të Kosovës, Blerim Isufaj, kishte konfirmuar aktakuzën për këtë rast, në të cilin mbeti i vrarë rreshteri i Policisë së Kosovës, Afrim Bunjaku.
Deri më tani, në këtë proces gjyqësor kanë dëshmuar edhe zyrtarët policorë Avni Shala, Elez Peci, Mirsad Kryeziu, Çlirim Shaqiri dhe Alban Rashiti.

Dua Lipa: “Do të doja shumë të kisha një fëmijë një ditë”, këngëtarja flet për dëshirën për amësi

Shkencëtarët bëjnë paralajmërimin: Mos merrni Ozempic nëse planifikoni shtatzëni!

Studimi: Të kesh një motër përmirëson shëndetin mendor dhe rrit forcën emocionale

Pse Sarah Jessica Parker refuzon të bëjë “selfie” me adhuruesit?

Ky është Volkswageni i ri, do të kushtojë 25,000 euro në Evropë

Çiklizmi ul rrezikun nga demenca

UBT, Akademia e Shkencave të Shqipërisë dhe Fondacioni Musei Civici di Venezia, prezantojnë në Tiranë trashëgiminë e Karl Gegës në një ekspozitë unike

UBT sjell në Tiranë trashëgiminë evropiane të Karl Gegës në bashkëpunim me partnerë prestigjiozë

UBT merr pjesë në konferencën e organizuar nga Binance
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT1 week ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT1 week ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore