

Lajmet
Punëtorët e Lotarisë sërish në protestë
Punëtorët e Lotarisë së Kosovës kanë paralajmëruar se nuk do të heqin dorë nga protestat.
Published
3 years agoon
By
Betim GashiPunëtorët e Lotarisë së Kosovës sërish kanë protestuar para Qeverisë së Kosovës, duke kërkuar miratimin e Ligjit për Lotarinë e Kosovës dhe për mosmarrjen e pagave për më shumë se dy vite.
Punëtorët e Lotarisë së Kosovës që për më shumë se 30 muaj kanë mbetur pa punë kanë paralajmëruar se nuk do të heqin dorë nga protestat derisa të përmbushen kërkesat e tyre.
Shkumbin Goçi, përfaqësues i punëtorëve tha se kërkesat e tyre po hasin në vesh të shurdhër, derisa tha se Lotaria e Serbisë po lejohet lirshëm të organizojë lojëra në pjesën veriore të Kosovës.
“Edhe sot në mënyrë simbolike kemi dalë për të protestuar para objektit të Qeverisë për t’i kërkuar të drejtat tona sa i përket miratimit të ligjit dhe përmbushjes së obligimeve që ka për paga ndaj punëtorëve të Lotarisë së Kosovës. Ne kemi pasur një pauzë tri javë prej protestës së kaluar, për shkak se jemi takuar me disa persona që na u kanë ofruar vet, na kanë ofruar mbështetje, do të bisedojmë me qeverinë edhe kemi mbajtur shpresa që do të reflektojnë sa i përket çështjes tonë, por kot. Ne sot kemi dalë prapë që të protestojmë për të drejtat tona, do të vazhdojmë edhe në ditët e tjera”, tha ai.
Ai tha se janë takuar me kryetarin e Komisionit për Buxhet dhe Financa Armend Muja, por që tha se nga i njëjti më nuk kanë marrë njoftim nëse kërkesat e tyre do të adresohen.
Ndërsa potencoi se nga ana e Qeverisë së Kosovës nuk kanë marrë asnjë lloj konfirmimi se janë duke punuar në Ligjin për Lotarinë e Kosovës.
“Kurrfarë konfirmimi hiç, kemi dërguar shkresa përmes email-it, kemi dërguar shkresa në mënyrë fizike në zyrat e tyre, jemi munduar përmes telefonit me kontaktu me ta, por krejt është e kot, do të thotë kurrfarë përgjigje nuk kemi prej tyre as mirë as keq… Neve na mohohet e drejta si Lotari e Kosovës për të organizuar lojëra të fatit, kurse lojtari na dërgon edhe me foto me dëshmi që Lotaria e Serbisë organizon në territorin tonë, do të thotë në krejt zonat ku ka popullatë serbe organizohet Lotaria. Qysh është e mundur kështu, 100 familje me i lënë pa bukë, pa punë, kurse Lotaria e Serbisë vjen na organizon lojën në territorin tonë”, tha ai.
Miran Ademi, punëtor i Lotarisë së Kosovës për 36 vite, tha se është e pakuptimtë që qeveria po hesht ndaj kërkesave të tyre.
“Ne kërkojmë nga qeveria të na kthejë në vendet e punës, kërkojmë edhe rrogat tona që na ka mbetur borxh me na i dhënë. Lotaria e Kosovës është e Kosovës, aksionar në Lotari të Kosovës është qeveria…Nuk ka punëtorë që nuk është në kredi, kreditë duhet me i pagu diqysh”, thotë ai.
Kuvendi i Kosovës në prill të vitit 2019 ka miratuar Ligjin për ndalimin e lojërave të fatit, e që nga ajo kohë Lotaria e Kosovës ka ndërprerë veprimtarinë e saj.
Aktualitet
Estonia nis revolucionin digjital në shkolla: Inteligjenca Artificiale, pjesë e çdo klase
Published
22 minutes agoon
May 28, 2025
Përderisa shumë vende në Evropë e kanë ndaluar përdorimin e “smartphone”-ve në shkolla, Estonia e konsideruar fuqia e re arsimore e Evropës – është duke udhëzuar nxënësit të përdorin pajisjet në klasë, ndërsa që nga shtatori do marrin llogaritë personale të Inteligjencës Artificiale.
Estonia po nis iniciativë kombëtare AI Leap, që do t’i pajisë nxënësit dhe mësuesit me “mjete dhe aftësi botërore në fushën e inteligjencës artificiale”.
U bë e ditur se po negociohen licenca me OpenAI, që do shndërrojë Estoninë në laborator eksperimental për përdorimin e Inteligjencës Artificale në shkolla.
Qëllimi është të ofrohet qasje falas në mjetet më të avancuara të të mësuarit me IA për 58,000 nxënës e 5,000 mësues deri më 2027, duke filluar me 16- dhe 17-vjeçarët këtë shtator. Sipas zyrtarëve, mësuesit do trajnohen në teknologji, duke vënë prioritet barazinë arsimore dhe aftësitë për përdorimin e IA-së. Ata kanë thënë se kjo do ta bëjë Estoninë “një nga kombet më të mençura në përdorimin e IA-së.”
Ministrja estoneze e arsimit, Kristina Kallas, gjatë një vizite në Londër ëshë shprehur me fjalët: “E di se shumica e vendeve evropiane janë skeptike dhe të kujdesshme ndaj ekraneve, telefonave mobilë dhe teknologjisë. Por në rastin e Estonisë, shoqëria në përgjithësi është shumë më e hapur dhe e prirë për të përdorur mjete dhe shërbime dixhitale. Mësuesit nuk bëjnë përjashtim.”
Lajmet
Hetimet ndaj Faton Pecit, prokurorët i përgjigjen akuzave politike
Published
52 minutes agoon
May 28, 2025By
UBTNews
Shoqata e Prokurorëve të Kosovës ka reaguar me shqetësim ndaj deklarimeve publike të bëra nga përfaqësues të subjektit politik GUXO dhe nga zyrtarë të Qeverisë së Kosovës, pas veprimeve procedurale të ndërmarra nga Prokuroria Speciale, që përfshijnë intervistimin e ministrit në detyrë të Bujqësisë, Faton Peci, në cilësinë e të dyshuarit.
“Në mënyrë të veçantë, Shoqata e konsideron të papranueshme gjuhën denigruese dhe akuzat publike të drejtuara ndaj kryeprokurorit të Prokurorisë Speciale, Blerim Isufaj, si dhe ndaj prokurorit të çështjes, Admir Shala, për shkak të ushtrimit të detyrës së tyre ligjore dhe kushtetuese”, thuhet në reagim.
Shoqata thekson se të gjithë prokurorët në Kosovë, përfshirë edhe ata të Prokurorisë Speciale, veprojnë në përputhje me Kushtetutën, ligjet në fuqi dhe provat që rezultojnë nga hetimet.
“Akuzat politike, tentativat për diskreditim personal dhe përmendja e përkatësive të mëhershme partiake nuk mund dhe nuk guxojnë të përdoren si mjete për të ndikuar në vendimmarrjen apo integritetin e prokurorëve. Kriteri i vetëm për vlerësimin e një prokurori është performanca profesionale, respektimi i ligjit dhe standardeve etike”, thuhet më tej në reagim.
Shoqata u bën thirrje të gjithë aktorëve publikë që të respektojnë pavarësinë institucionale të sistemit prokurorial dhe të përmbahen nga deklaratat që përbëjnë presion të drejtpërdrejtë ose të tërthortë ndaj punës së prokurorëve.
Kujtojmë se të martën, me urdhër të Prokurorisë Speciale të Republikës së Kosovës, Policia e Kosovës zhvilloi bastisje në Ministrinë e Bujqësisë, në Agjencinë e Ushqimit dhe Veterinarisë, Agjencinë për Zhvillimin e Bujqësisë dhe në zyrat e një kompanie private.
Sipas prokurorit të rastit, Admir Shala, hetimet lidhen me dhënien në shfrytëzim të fabrikës për përpunimin e nënprodukteve shtazore. Ministri në detyrë i Bujqësisë, Faton Peci, u intervistua në cilësinë e të dyshuarit.
Pas intervistimit të tij, reaguan disa zyrtarë të lartë të Qeverisë. Ministrja e Jashtme në detyrë dhe bashkëkryetare e GUXO, Donika Gërvalla, e cilësoi intervistimin e Pecit si “inskenim të gërditshëm” nga ana e kryeprokurorit Blerim Isufaj. Edhe vetë subjekti politik GUXO lëshoi një deklaratë ku ngriti dyshime mbi paanshmërinë e hetimeve. Në mbështetje të ministrit Peci doli gjithashtu edhe ministrja në detyrë e Drejtësisë, Albulena Haxhiu.
Lajmet
Ndoqi nga afër koncertin e Beyoncé: Selena Gomez vihet në qendër të kritikave
Published
56 minutes agoon
May 28, 2025
Selena Gomez ka zemëruar ndjekësit në rrjet pasi zbuloi se po ndiqte ndeshje të “New York Knicks” ndërkohë që ndodhej në koncertin e Beyoncé gjatë fundjavës.
Ajo ishte pjesë në koncertin “Cowboy Carter” të Beyoncé-s në New Jersey, duke iu bashkuar personazheve të njohur që kanë ndjekur turin e fundit.
E veshur me një kapele kauboji me logon e albumit, Selena publikoi disa foto nga koncerti, por një imazh i veçantë bëri bujë në rrjet. Nga një suitë VIP, ajo publikoi në Instagram Story një foto të telefonit të saj, ku shfaqej ndeshja e basketbollit mes Knicks dhe Pacers.
“Një sy e kam te loja,” shkroi ajo krahas fotos.
Kjo nuk u prit mirë, u kritikua për mungesë respekti ndaj koncertit të Beyoncé dhe pretenduan se ajo nuk donte të ishte aty. Në Reddit, një përdorues shkroi:
“Nuk jam i befasuar. Të pasurit nuk i vlerësojnë gjërat sepse janë mësuar t’i kenë të gjitha. Selena nuk do ta përjetojë kurrë lumturinë që unë ndjeva në vendet më të lira të stadiumit.”
Një tjetër shtoi:
“Hera e vetme që kam parë diçka në telefon gjatë një shfaqjeje ka qenë kur s’kam dashur fare të jem aty.”
Shumë të tjerë dolën në mbrojtje, duke thënë se një ndeshje si ajo e Knicks, që nuk kanë qenë në finalet e NBA që nga 1999, është arsye e vlefshme për të parë telefonin gjatë koncertit. Një komentues thoshte: “Kur Knicks fituan titullin e fundit, Beyoncé nuk kishte lindur ende. Lërini fansat të shijojnë të dyja gjërat.”
Ndërkohë, Beyoncé vazhdoi me sukses turneun e saj “Cowboy Carter”, të cilin e nisi më 28 prill, ndërsa Knicks fituan ndaj Indiana Pacers.
Lajmet
PDK kërkon pezullim të vendimit për tregun e lirë të energjisë
Published
60 minutes agoon
May 28, 2025By
UBTNews
Partia Demokratike e Kosovës ka kërkuar pezullimin e menjëhershëm të vendimit të Zyrës së Rregullatorit për Energji (ZRRE), që parashikon daljen e bizneseve në tregun e lirë të energjisë nga data 1 qershor 2025. Deputeti i PDK-së, Abelard Tahiri, në një konferencë për media ka paralajmëruar se ky vendim do ta rëndojë më tej gjendjen ekonomike në vend.
Tahiri akuzoi Qeverinë Kurti për favore ndaj kompanive të lidhura me pushtetin, duke thënë se çmimet alarmante të energjisë janë rezultat i ankandeve të kurdisura dhe përfitimeve të jashtëzakonshme.
“Partia Demokratike e Kosovës kërkon auditim të jashtëzakonshëm nga Zyra Kombëtare e Auditimit dhe auditorë të pavarur për ankandet, përfituesit dhe shumat e shpenzuara. Gjithashtu kërkojmë pezullim të menjëhershëm të vendimit për daljen e bizneseve në tregun e lirë, si dhe hetim të thelluar nga Prokuroria Speciale për të gjitha zyrtarët dhe aktorët e përfshirë në këtë skandal”, tha Tahiri.
Ai akuzoi shumicën parlamentare për tri vite bllokim të hetimeve në sektorin e energjisë dhe tha se qytetarët kanë të drejtë të dinë të vërtetën për keqpërdorimet që, sipas tij, po rëndojnë jetën dhe ekonominë e tyre.
“Publikimi i raporteve zyrtare mbi shitblerjen e energjisë elektrike gjatë vitit të kaluar ka konfirmuar denoncimet e vazhdueshme të Partisë Demokratike të Kosovës për abuzimet në sektorin e energjisë. Vetëm brenda një dite, çmimi i transmetimit të energjisë u rrit nga 2 në 798 euro për MWh, duke i shkaktuar buxhetit një dëm prej mbi 1 milion euro në vetëm 6 orë”, përfundoi ai.

Estonia nis revolucionin digjital në shkolla: Inteligjenca Artificiale, pjesë e çdo klase

Ambasadori i ri i Italisë në Kosovë, Maurizio Antonini, viziton Parkun Shkencor, Inovativ dhe Teknologjik të UBT-së

Studentët e Medias dhe Komunikimit vizitojnë mediat kryesore në Shqipëri

UBT nis kampanjën zyrtare për të rinjtë shqiptarë në Maqedoninë e Veriut

Hetimet ndaj Faton Pecit, prokurorët i përgjigjen akuzave politike

Ndoqi nga afër koncertin e Beyoncé: Selena Gomez vihet në qendër të kritikave

PDK kërkon pezullim të vendimit për tregun e lirë të energjisë

Për ju që e doni çokollatën, ja arsyet pse duhet ta hani më shpesh

Rohde: Politikanët në Kosovë duhet të vendosin shtetin të parin, pastaj partinë
Të kërkuara
-
Lajmet nga UBT4 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur