Mishi i bluar është një ndër produktet më të rëndësishme dhe pjesë e gatimeve të shijshme. Mishi mbush të gjithë shtëpinë me aromë të këndshme. Përdorni deri në maksimum këtë lloj të mishit, por kemi një këshillë për ju që e gatuani!

Në artikullin e mëposhtëm ju sjellim disa gjëra të nevojshme që duhet t’i dini që mos t’i përsëritni gabimet gjatë këtij specialiteti.

Mos e fusni frigorifer për ngrirje të thellë mishin e bluar me paketimin e blerë, paketimin që e bëjnë firmat tregtare është i hollë për t’u mbrojtur mishi nga temperaturat të ulëta. Në vend të paketimit të cituar më sipër, mishin vendoseni në letër dylli a në folie alumini dhe vendosni në qese më të trashë plastike dhe e vendosni në frigorifer, për të ruajtur freskinë për përdorim të mëvonshëm.

Mos e shkrini mishin e bluar në mikrovalë, furra e mikrovalës do të fillojë të ziejë shtresën sipërfaqësore të mishit të bluar dhe do ta forcojë atë, para se e tërë masa të shkrihej deri në fund. Mos i çoni dëm paratë, por mishin “shkrijeni” në mënyrë natyrale.

Mos e hidhni mishin e bluar në tavë të ftohtë, shijen maksimale e të karameles të mishit e arrini nëse mishin e shkrirë e vendosni në tavë të nxehtë që më parë keni shtuar një lugë vaj a gjalpë. Mos e vendosni në tavë të ftohtë, sepse ngjitet në fund dhe merr ngjyrë të errët të pakëndshme, e cila nuk është joshëse.

Nxirrjani tepricën e ujit, mishi i grirë gjatë zierjes apo pjekjes në furrë liron tepricën e ujit, e cila avullohet për shkak të përpunimit të gjatë termik. Mos u frikësoni ta hiqni gjatë zierjes, aq më parë nëse aplikoni recetën dhe kujdeseni se sa lëng duhet patjetër për gatimin e salcës së caktuar apo gjellës.

Mos ia nxirrni ujin mishit të bluar para apo pas zierjes, nxjerrja e ujit nga mishi para zierjes nuk i eliminon bakteret nga sipërfaqja e tij, ndërkaq nëse i hiqet uji pas zierjes e zhduk tërë shijen.

Aplikoni këto këshilla dhe shijoni ushqimin në tryezën tuaj. /UBT News/

Rrjetet sociale janë bërë tashmë pjesë e pandashme e jetës sonë dhe është gati e pamundur të heqim dorë lehtë prej tyre. Rezultatet e një anketimi nga psikologët amerikanë tregojnë se rrjetet sociale si Facebook, Twitter, Pinterest, Instagram, Snapchat dhe Tumblr i bëjnë njerëzit të ndihen të vetmuar e po ashtu të izoluar.

Përdorimi i përditshëm për dy orë ose më gjatë i dyfishon shanset për t’u ndjerë të vetmuar ose të izoluar, ndërkaq ekspozimi ndaj imazheve shkakton ndjenja të inatit dhe xhelozisë.

Autorët theksojnë se ajo çka shohim në rrjet jo domosdoshmërish është arsyeja pse ndihemi keq, por është një nga faktorët se i nxitë emocionet që i ndjejmë.

Sipas teorive dhe rezultateve nga ky hulumtim thuhet se aq më shumë kohë që shpenzojnë njerëzit në rrjete sociale, aq më pak kanë kohë të bashkëveprojnë në jetën reale, përdorimi i këtyre rrjeteve sociale mund të kontribuojë edhe në ndjenja të përjashtimit, kjo ndodh kur përdoruesit e rrjeteve i shohin fotografitë e miqve në ndonjë organizim në të cilin ata as nuk kanë qenë të ftuar.

Shkencëtarët thonë se kjo është një temë e rëndësishme për t’u studiuar pasi që problemet mendore dhe izolimi social mes të rinjve është në nivel epidemik. /UBT News/

Patatja është një nga perimet më popullore të nëntokës, përveç përdorimit të larmishëm në kuzhinë, ajo përdoret edhe për lëkurën dhe flokët.

Lëngu i patates në veçanti është i mrekullueshëm për rritjen e flokut, dhe në artikullin e mëposhtëm do të mësoni përfitimet e përdorimit të saj.

Përfitimet e lëngut të patates për rritjen e flokut:

Patatja përmban vitaminat B dhe C, ajo është e pasur me zink dhe hekur të cilat e ushqejnë flokun në rrënjë dhe promovojnë rritjen e tij.

Lëngu i patates është i mirë për pastrimin e skalpit nga zbokthi e parandalon rënien e flokut, nëse e kombinoni me mjaltë dhe vezë, shërben si zbutës efikas.

Si ta përdorni lëngun e patates për rritjen e flokut?

Lani një patate e qërojani lëkurën, prijeni në copa të vogla e futeni në mikser deri sa të formohet një pure e butë dhe e qullët.

Nëse pureja është e trashë shtoni pak ujë, hiqeni purenë e patates së freskët nga mikseri e hidheni në një napë të pastër.

Shtrydheni dhe lëngun hidheni në një gotë qelqi, lëngun aplikoni në pjesën e rrënjëve dhe masazhoni kokën për 10 minuta, lyeni gjithë flokun deri në maja.

Flokët mund t’i lani me shampo si zakonisht, kjo kurë duhet përdorur një herë në javë.

Maskë me lëng patateje, vezë dhe mjaltë: Për këtë maskë ju nevojitet lëngu i tre patateve mesatare, një e verdhë veze dhe një lugë gjelle mjaltë, përziejini gjithë përbërësit deri sa të formohet një maskë kremoze me të cilën duhet të lyeni flokun nga rrënja tek majat.

Maskën mbajeni në kokë për 30 minuta dhe më pas shpëlajeni flokun me ujë të vakët, më pas flokët lani si zakonisht me shampo, kjo maskë është e mirë për flokë të thatë të cilët i ushqen në thellësi dhe ndihmon në rritjen e tyre.

Lëng patateje dhe qepe për flokun; Për këtë maskë ju nevojitet lëngu i një patateje dhe një qepe të përmasave mesatare, lëngun e të dyja duhet ta vendosni në skalp ta masazhoni për 10 minuta. Duhet të lyeni flokun në gjithë gjatësinë e ta mbani 15 minuta. Maska duhet përdorur një herë në javë për rritjen e flokut. /UBT News/

Nuk ka kënaqësi më të madhe se kur të tjerët i pëlqejnë gatimet e tua. Askush nuk mund t’ia kalojë aromës së bukës së sapo bërë në shtëpi, por përgatitja e saj kërkon një mjeshtëri që nuk e di çdokush.

Ndonjëherë brumi nuk fryhet mjaftueshëm, herë të tjera del i lagësht ose korja e bukës bëhet shumë e fortë. Të gjitha këto probleme lidhen me hapat e përgatitjes së brumit të bukës, dhe ne do t’ju mësojmë disa metoda për t’i shmangur ato.

Mielli që keni përdorur, për rezultate më të mira, përdorni miellin e bardhë që ndryshe njihet si mielli i bukëpjekësve, ai përmban më shumë proteina që mundësojnë që brumi i bukës të ketë elasticitetin e duhur, e nëse nuk gjeni miell për bukë, mund të përdorni të thjeshtin.

Temperatura e uji, nëse uji është i nxehtë, nuk do të veprojë me majanë e bukës dhe kështu brumi nuk do të fryhet në rastin kur uji është më i ftohtë seç duhet, brumit i duhet më shumë kohë që të fryhet.

Kripa elementi kryesor, kripa arrin të forcojë brumin dhe nuk e lejon të lëshohet gjatë pjekjes, siguroheni që mielli e majaja të jenë përzierë mirë para se të hidhni kripën.

Duhet të zgjidhni majanë e duhur, zakonisht majaja që përdoret për përgatitjen e bukës është ajo e thata e cila gjendet lehtë në markete, por nëse keni kohë që e keni blerë majanë, është më mirë që ta përzieni me pak sheqer dhe 125 ml qumësht të vakët. Lëreni të pushojë 5 minuta dhe të shihni nëse ka krijuar një ajkë në sipërfaqe. Shtoni këtë përzierje tek mielli e vazhdoni me hapat e recetës.

Punimi i brumit, është një nga fazat më të rëndësishme të përgatitjes së brumit, kjo e bën të mundur që majaja të përhapet mirë, punoni brumin me të dyja duart duke e shtypur e palosur derisa të jetë i lëmuar dhe elastik.

Pjekja e bukës, është e rëndësishme që furra të jetë e ngrohur në temperaturën që përcaktohet në recetë. Duhet të jetë e ngrohtë mjaftueshëm sa bulëzat e ajrit që gjenden tek brumi të fryhen. Prandaj sigurohuni që të ndiqni këshillat e recetës së bukës./UBTNews/