Sport

Pronari i Chelseat kërkon transferimin e yllit të Arsenalit

Por Boehly është i bindur që të futet në garë dhe ta sjellë anglezin në “Stamford Bridge”.

Published

4 years ago

October 17, 2022

Betim Gashi

Pronari i Chelseat, Todd Boehly po planifikon t’i japë Arsenalit një goditje të madhe duke provuar t’ia rrëmbejë shërbimet e Bukayo Saka. 21-vjeçari po lidhet me një largim nga “Emirates Stadium” pasi ai po hyn në dy vitet e fundit të marrëveshjes së tij me këtë skuadër.

Sipas gazetarit “The Football Terrace”, “Blutë” janë të gatshëm t’i ofrojnë Sakës një kontratë më të mirë se ajo që ai ka vendosur të nënshkruajë me “Gunners”, me përffitime prej 200 mijë funteve në javë.

Por Boehly është i bindur që të futet në garë dhe ta sjellë anglezin në “Stamford Bridge”. Megjithatë, thuhet se Arsenali e sheh Sakën si të paprekshëm kështu që duhet bërë sakrificë të madhe për ta arritur këtë qëllim, përcjellë KosovaPress.

Liverpooli dhe Manchester City gjithashtu po monitorojnë situatën e anësorit. Nëse “Blutë” e fitojnë garën për Sakën, kjo do të pasojë ardhjen e Omari Hutchinson, i cili u largua nga Arsenali për në Chelsea në verën e këtij viti, ndërsa Boehly po kërkon të hedhë themelet për një të ardhme të ndritur të klubit.

Pavarësisht nga interesimi i Chelseat, trajneri i Arsenalit, Mikel Arteta, ditë më parë u shpreh i bindur se Saka do ta rinovojë kontratën me Arsenalin.

“Kam shumë besim se ne si klub dhe Bukayo, familja dhe agjenti i tij jemi të gjithë të një mendimi dhe tani është koha për ta vendosur lapsin në letër. Unë do të doja që kjo të bëhet sepse nuk dua që lojtarët të shpërqendrohen në mes të sezonit, por këto gjëra kërkojnë kohë”, deklaroi Arteta.

Sport

Rekord i Wembanyama-s nuk mjafton, Spurs humbin ndaj Timberwolves

Published

3 hours ago

May 5, 2026

UBTNews

Rekord historik i Victor Wembanyama nuk mjaftoi për San Antonio Spurs, të cilët u mposhtën në ndeshjen e parë gjysmëfinale të Konferencës në plejof nga Minnesota Timberwolves me rezultat të ngushtë 104:102.

Ylli i Spurs, Victor Wembanyama, zhvilloi një paraqitje të jashtëzakonshme duke vendosur rekord të ri në plejofin e NBA-së me 12 bllokada. Përveç kësaj, ai kontribuoi edhe me 11 pikë dhe 15 kërcime, duke regjistruar gjithashtu një “triple-double” të rrallë me bllokada – duke u bërë vetëm lojtari i tretë në histori që arrin këtë arritje që nga viti 1973/74, kur NBA filloi t’i regjistronte bllokimet si statistikë zyrtare.

Megjithatë, performanca e tij nuk mjaftoi për fitore, pasi Minnesota arriti ta mbyllë ndeshjen në favor të saj në fundin e një dueli shumë të fortë.

“Duhet të jemi më të mirë”, deklaroi Wembanyama pas ndeshjes, duke pranuar nevojën për përmirësim në vazhdim të serisë.

Sport

City ndalet në garën për titull pas barazimit me Evertonin

Published

4 hours ago

May 5, 2026

UBTNews

Manchester City ka humbur hapin në garën për titullin e Premier League pas një barazimi dramatik 3:3 ndaj Everton FC, në një ndeshje të xhiros së 35-të.

Skuadra e Pep Guardiolës u ndal në këtë përballje të hënën mbrëma, duke mbetur tashmë pesë pikë prapa liderit Arsenal FC, i cili ka 76 pikë, ndërsa City është në vendin e dytë me 71 pikë, por me një ndeshje më pak të zhvilluar.

City shmangu humbjen në sekondat e fundit, kur Jeremy Doku realizoi golin e barazimit 3:3 në minutën e 97-të. Ai kishte shënuar edhe golin e parë për vendasit në minutën e 43-të. Gol tjetër për Cityn realizoi Erling Haaland në minutën e 83-të.

Nga ana tjetër, Evertoni përmbysi përkohësisht rezultatin në pjesën e dytë. Fillimisht barazoi me Thierno Barryn në minutën e 68-të, më pas kaloi në epërsi me Jake O’Brien në minutën e 73-të, ndërsa Barry shënoi edhe golin e tretë në minutën e 81-të.

Me këtë barazim, Evertoni mban vendin e 10-të me 48 pikë.

Sport

Sevilla fiton 1:0 ndaj Real Sociedadit, Adnan Januzaj mbetet në bankinë

Published

4 hours ago

May 5, 2026

UBTNews

Fitore minimale, por me shumë peshë për Sevilla FC, ku aktivizohet edhe mesfushori kosovar Adnan Januzaj.

Skuadra andaluziane arriti të hënën një triumf të rëndësishëm ndaj Real Sociedad, duke fituar me rezultat 1:0. Golin vendimtar e realizoi sulmuesi me përvojë Alexis Sánchez në minutën e 50-të, duke i siguruar ekipit tri pikë jetike në garën për mbijetesë.

Januzaj nuk u aktivizua në këtë përballje, duke e ndjekur ndeshjen nga stoli.

Me këtë fitore, Sevilla ngjitet në vendin e 17-të me 37 pikë, duke bërë një hap të rëndësishëm larg zonës së rrezikut. Në anën tjetër, Real Sociedadi mbetet në pozitën e nëntë me 43 pikë.

Sport

“Shqiponjat e Kastriotit” dominojnë në Spanjë

Published

21 hours ago

May 4, 2026

UBTNews

Pilotët e rinj nga Shqiponjat e Kastriotit kanë shkëlqyer në garën ndërkombëtare të paraglidizmit në disiplinën Accuracy Landing, e mbajtur në Alicante, duke dominuar konkurrencën me rezultate të jashtëzakonshme.

Në këtë garë morën pjesë 115 pilotë, ndërsa vetëm 61 prej tyre arritën të kualifikohen për fazën konkurruese. Ekipi nga Kosova u dallua me performancë të lartë, duke fituar shumicën e medaljeve kryesore.

Talenti 14-vjeçar Arbër Shala zuri vendin e parë, duke hyrë në histori të këtij sporti, ndërsa Migjen Shala u rendit i treti dhe Lisjeta Thaqi përfundoi në vendin e pestë. Në konkurrencën e femrave, Lisjeta Thaqi fitoi vendin e parë, ndërsa Anisa Shala u rendit e katërta.

Dominimi vazhdoi edhe në kategorinë e juniorëve, ku Arbër Shala fitoi sërish vendin e parë, ndërsa vendi i dytë i takoi Anisa Shalës.

Sukseset individuale u kurorëzuan edhe me triumfin ekipor, ku Kosova zuri vendin e parë, duke dëshmuar nivelin e lartë të përgatitjes dhe punës së vazhdueshme të klubit nën drejtimin e trajnerit Fanol Shala.