Kulturë

​Promovohet libri “Gjenocidi ndaj shqiptarëve të Kosovës dhe ndërhyrja ushtarake humanitare e NATO-s në vitin 1999”

Published

4 years ago

on

Instituti për të vërtetën, drejtësinë dhe paqen (TJP) promovon librin “Gjenocidi ndaj shqiptarëve të Kosovës dhe ndërhyrja ushtarake humanitare e NATO-s në vitin 1999” që nxjerr në dritë gjenocidin ndaj shqiptarëve gjatë periudhës 1989-1999.

Ky libër është përgatitur e publikuar nga Muharrem Mustafa, Blerim Krasniqi dhe Bujar Mustafa.

Muharrem Mustafa tha se një publikim si ky ka qenë i nevojshëm pasi që është krijuar konfuzion për publikun vendor dhe ndërkombëtar, duke ngatërruar kështu viktimat shqiptare me kryesit e gjenocidit, Serbinë dhe RF të Jugosllavisë.

“Instituti për të vërteten, drejtësinë dhe paqen ka analizuar rrethanat në të cilën është kryer gjenocidi ndaj shqiptarëve në Kosovë. Ky gjenocid është reflektuar dhe argumentuar jo mjaftueshëm deri më tani por është vlerësuar që është e nevojshme një publikim i tillë, për më tepër ka raste kur e vërteta është shtrembëruar duke krijuar konfuzion me dashje apo pa dashje për publikun e gjerë vendor, dhe ndërkombëtar[…]konfuzioni shkon deri atje sa të ngatërrohen viktimat shqiptare dhe kryesit e gjenocidit Serbia dhe republika Federale e Jugosllavisë, si pasojë ende nuk ka drejtësi për viktimat e gjenocidit në Kosovë”, tha ai.

Mustafa tregon se në këtë publikim argumentohet plani i përgatitur i Serbisë dhe RFJ-së, për të shfarosur shqiptarët në Kosovë, përmes ekonomisë, shëndetësisë e kulturës.

“Ky publikim pasqyron faktin se gjenocidi u realizua nga Serbia dhe RFJ përmes një plani të përgatitur dhe të koordinuar paraprakisht, që synon shfarosjen e shqiptarëve në Kosovë[…]ky publikim argumenton faktin që gjenocidi ka filluar dhe është realizuar përmes shkatërrimin ekonomik, rrezikimit të sigurisë kolektive, shkatërrimi i trashëgimisë kulturore, sistemit arsimor, gjuhës shqipe, kufizimit të lirisë, sistemit shëndetësorë që u kulmuan me vrasje masive, masakra. Përdhunime, plaçkitje e shkatërrim të pasurisë, spastrim etnik”, tha ai.

Ilir Dugolli me një kumtesë në këtë promovim paraqiti konceptin e Filozofisë së përmbysur, ku tha se duhet të tregojmë të vërtetën në opinionin ndërkombëtarë, pasi që Kosovarët përjetuan në forma të ndryshme gjenocidin.

“Të ngremë zërin që të tregojmë te vërtetën edhe në opinionet ndërkombëtare. Shumë pak kemi bërë lidhur me të vërtetën tonë. Fobia e neglizhenca për ta treguar të vërtetën tonë nuk ka kuptim fare[…]Në Kosovë u përjetuan forma të ndryshme të gjenocidit përfshirë dëmin kolektiv i dhunshëm dhe i organizuar nga shteti Serb, trupat e të vrarëve u masakruan me armë të ftohta”, tha ai.

Related Topics:
Continue Reading

Kulturë

Panairi i 25-të i librit në Prishtinë, nis javën e ardhshme

Published

5 minutes ago

on

June 2, 2025

By

Me moton “Inteligjenca rrjedh nga libri” edicioni i 25-të i panairit mbarëkombëtar të librit “Prishtina 2025”, do të mbahet më 11-15 qershor 2025.

Ceremonia e hapjes fillon më 11 qershor në orën 12:00, ndërsa do të jetë i hapur për vizitorë çdo ditë nga ora 9:00-21:00.

Panairi do të mbyllet më 15 qershor në orën 19:00.

Në këtë ngjarje marrin pjesë rreth 100 botues nga Kosova, Shqipëria, Maqedonia e Veriut dhe diaspora.

Numri i titujve të rinj do të jetë rreth 2000, derisa numri i titujve të viteve të fundit është rreth 6000.

Continue Reading

Magazinë

Netflix gjen një tjetër hit britanik “Dept Q” – fansat e adhurojnë dhe kërkojnë sezonin e dytë

Published

31 minutes ago

on

June 2, 2025

By

Drama kriminale britanike “Dept Q” po përshëndetet si një nga më të mirat në Netflix, duke ngjitur shpejt majat e listave dhe duke fituar lavdërime masive nga publiku.

Shumë shikues e kanë cilësuar serialin si “madhështi e pastër” dhe e kanë ndjekur me maratonë menjëherë pas publikimit.

Seriali përqendrohet te detektivi i mprehtë por i trazuar Carl Morck (i luajtur nga Matthew Goode), i cili punon për të zgjidhur raste të pazgjidhura në Edinburg.

Përkrah tij janë Chloe Pirrie nga “The Queen’s Gambit” dhe Jamie Sives nga “Guilt”, shkruan DailyMail.

Me një vlerësim prej 81% në Rotten Tomatoes dhe komente pozitive në rrjet, “Dept Q” është kthyer në fenomen për adhuruesit e trillerëve kriminalë. Një përdorues në X shkroi: “Dept Q është një thriller krimi i mirë. Matthew Goode është në një nivel tjetër!” – ndërsa të tjerë e krahasuan me “True Detective” dhe kërkuan menjëherë sezonin e dytë.

Në këtë sukses kontribuon edhe roli karizmatik i Goode, i njohur për performanca të spikatura në “Downton Abbey”, “The Crown”, “The Imitation Game” dhe “A Discovery of Witches”.

Duke kombinuar tensionin klasik britanik me aktrim të shkëlqyer, Dept Q është shndërruar në serial që s’duhet humbur.

Continue Reading

Magazinë

Ylli i “Shtëpiake të Dëshpëruara” ndërron jetë në moshën 71-vjeçare

Published

4 hours ago

on

June 2, 2025

By

Aktorja e njohur, Valerie Mahaffey, ka ndërruar jetë në moshën 71-vjeçare pas një beteje me kancerin. Lajmin e bëri të ditur familja e saj.

Mahaffey la pas një karrierë të mrekullueshme në aktrim, duke u bërë një ndër figurat më të dashura për publikun me rolet e saj, përfshirë Alma Hodge në “Desperate Housewives”, ish-bashkëshortja e personazhit të Kyle McLaughlin, si dhe mësuesja e Sheldon, MacElroy, në serialin “Young Sheldon”.

Ajo u vlerësua me çmimin Emmy më 1992 për rolin e Eve në serialin “Northern Exposure”, një nga personazhet më të preferuara të saj.

Ndër rolet e tjera të njohura përfshihen edhe tri episode në “Glee” dhe pjesëmarrja në serialin “Dead to Me”.

Mahaffey la pas bashkëshortin e saj, aktorin Joseph Kell, dhe vajzën e tyre, Alice.

“Kam humbur dashurinë e jetës sime, ndërsa Amerika ka humbur një nga aktoret më të dashura,” tha Kell në një deklaratë për Variety.

Continue Reading

Magazinë

Princi Harry donte ta ndryshonte mbiemrin në Spencer, përçarja vazhdon në Pallatin Mbretëror

Published

6 hours ago

on

June 2, 2025

By

Princi Harry kishte ndërmend të ndryshonte mbiemrin, ai ishte konsultuar me vëllain e Princeshës Diana për këtë çështje.

Duka i Sussex ka qenë duke eksploruar mënyra për të marrë mbiemrin e nënës, Spencer, veprim që do të thoshte se ai do duhej të hiqte dorë nga Mountbatten-Windsor, të cilin e mbajnë fëmijët, Princi Archie dhe Princesha Lilibet.

Raportet thonë se e diskutoi çështjen me dajen e tij, Earl Spencer, gjatë një vizite të rrallë në Britani, por u informua se procesi është i ndërlikuar dhe pengesat ligjore janë të pakapërcyeshme.

“Ata patën një bisedë shumë miqësore dhe Spencer e këshilloi të mos ndërmerrte një hap të tillë”, tha një mik i Harry-t.

Fakti që ai u konsultua me kontin për këtë çështje, sugjerim që do ta kishte zhgënjyer vëllanë dhe babanë është provë e qartë se përçarja me familjen e tij është e thellë. Mountbatten-Windsor është mbiemri që mbajnë pasardhësit e Mbretëreshës së ndjerë Elizabeth dhe Princit Philip. Ai kombinon emrin e familjes mbretërore Windsor dhe mbiemrin e adoptuar të Dukës së Edinburgut.

Në certifikatat e tyre të lindjes, fëmijët e Dukës dhe Dukeshës së Sussex janë Archie Harrison Mountbatten-Windsor dhe Lilibet Diana Mountbatten-Windsor.

Autori Tom Bower ka argumentuar se “Meghan vendosi që qëllimi i vërtetë në jetë ishte të ishte Diana e ardhshme”. Nëse ndryshimi i emrit do ishte bërë, vajza e Meghan, e cila thuhet se e ka takuar gjyshin Charles vetëm një herë, quhej Lilibet Diana Spencer dhe do të ishte homazh për nënën e ndjerë të Harry-t.

Ky veprim do të ishte veçanërisht i dëmshëm për Mbretin Charles, i cili e do emrin Mountbatten njësoj si babai i tij. Një mentor i Princit Philip, Konti i Parë Mountbatten i Burmës ushtroi gjithashtu një ndikim të fortë te stërnipi i tij, Mbreti i ardhshëm Charles.

Filipi e mori emrin Mountbatten kur u bë shtetas britanik i natyralizuar dhe hoqi dorë nga titujt mbretërorë grekë dhe danezë në vitin 1947.

Mbretëresha dhe Filipi vendosën në vitin 1960 se do të donin që pasardhësit e tyre të drejtpërdrejtë të njiheshin si Mountbatten-Windsor.

Emrat dhe titujt janë temë e ndjeshme për Dukën dhe Dukeshën e Sussex . I’u dhanë titujt Sussex nga Mbretëresha Elizabeth në ditën e dasmës së më 2018.

Meghan këmbënguli së fundmi se mbiemri i saj është Sussex, duke korrigjuar një të ftuar në emisionin e gatimit dhe stilit të jetesës në Netflix.

Continue Reading

Të kërkuara