

Lajmet
Prokurori: Kërkojmë konstatime për të gjitha format e përgjegjësisë alternative por vendimi i fajësisë të jepet vetëm për një prej tyre
Sipas prokurorisë, të akuzuarit kanë publikuar informacionet që i posedonin edhe pse e dinin që dosjet mund të jenë të vërteta.
Published
4 years agoon
By
UBT newsNë Dhomat e Specializuara të Kosovës në Hagë po vazhdon paraqitja e deklaratës përmbyllëse nga Zyra e Prokurorit të Specializuar, në gjykimin ndaj Hysni Gucatit e Nasim Haradinajt.
Sipas prokurorisë, të akuzuarit kanë publikuar informacionet që i posedonin edhe pse ishin të vetëdijshëm që dosjet mund të jenë të vërteta.
Prokurorja Valeria Bolici ka paraqitur edhe video nga deklarimet e mëparshme të Gucatit dhe Haradinajt në media, si dhe nga përgjigjet e tyre në sallën e gjyqit, në të cilat ata shprehin kundërshtimin e tyre për gjykatën.
“Provat tregojnë më tej që të akuzuarit jo vetëm i kanë thënë dëshmitarëve që identiteti i tyre ishte i njohur por në të njëjtën kohë që deklaronin që të dhënat e dëshmitarëve do të bëheshin publike, Haradinaj dhe Gucati kanë akuzuar dëshmitarët se janë spiunë, tradhtarë, bashkëpunëtorë, kolaboracionistë kriminelë, thithës gjaku dhe folës shqiptarë. Në momente të ndryshme gjatë këtij procesi të akuzuarit janë munduar që të ulin kuptimin e fjalëve apo akuzave të tilla, megjithatë fuqia kërcënuese e fjalëve të tyre dhe interpretimi i kuptimit të tyre shpjegohet në fakt në shumë momente të rëndësishme nga vet të akuzuarit”, ka thënë prokurorja Bolici.
Sipas saj, të akuzuarit në mënyrë të qëllimshme e kanë publikuar informacionin që dikush e kishte dërguar në zyrat e OVL-UÇK.
“Të akuzuarit e dinin se informacioni që kishin në posedim, përfshirë informacionin që ishte dhënë nga dëshmitarët autorëve të prokurorisë, mund të kenë qenë të vërteta, dhe kishin qëllim të merrnin hak kundër këtyre dëshmitarëve që dhanë informacion të vërtetë, si të tillë jo vetëm sjellja kriminale por edhe qëllimi kriminal i të akuzuarve është vërtetuar përtej dyshimit të arsyeshëm në këtë gjykim”, ka thënë ajo.
Në deklaratën përmbyllëse, prokurori nga ZPS, ka thënë se nuk ka prova që dikush nga kjo zyrë i ka përcjellur zyrtarët e OVL-UÇK.
“ZPS nuk ka kërkuar dënime alternative në këtë rast ne po kërkojmë vendime fajësie përmbledhëse për krimet e kryera në përputhje me elementet e materialitetit, dhe mbrojtja e Gucatit pajtohet se është zbatuar standardi i duhur në paragrafin 137. Ne kërkojmë konstatime për të gjitha format e përgjegjësisë alternative por vendimi i fajësisë do të jepet vetëm për një prej tyre. Pra duhet të shprehet e gjithë gama e fajësisë. Pra kur thotë mbrojtja e Gucatit se pika 2 është një formë e rënduar e pikës një apo që është dytësore ndaj pikës 1 siç e thonë në paragrafin 30 dhe 146 të dosjes së tyre, ata i keq-zbatojnë standardin e elementeve të veçantë, që kanë rëndësinë e materialit të veçantë. Dhe trupi gjykues mund të jap vendime fajësisë për të dyja”, ka thënë prokurori.
Ai gjithashtu ka thënë se nuk ka ndonjë provë që dikush nga ZPS i ka dërguar apo ka bashkëpunuar për dërgimin e dosjeve në zyrën e OVL-UÇK.
“Të akuzuarit nuk janë duke u gjykuar për ushtrimin e të drejtës së lirisë së fjalës siç thuhet në paragrafin 58 të dosjes së Haradinajt, ata janë këtu në gjyq për pengesën e procedurave gjyqësore, frikësimin e dëhsmitarëve dhe dhunimin e sekretit të procedurave, ky nuk është një sulmim i tyre për shkak se janë kritik të DhSK-së. DhSK ka mjaft kritika dhe njerëzit që nuk janë dakord me të por këtu bëhet fjalë për atë carë kanë bërë të akuzuarit dhe cfarë kanë thënë kjo është arsyeja pse ata kanë ardhur këtu në këtë gjykatë”, ka thënë përfaqësuesi i ZPS-së.
Seanca në Hagë po vazhdon me deklaratën përmbyllëse të prokurorisë ndërsa Gucati e Haradinaj janë të pranishëm në sallën e gjyqit.
Deklaratat përmbyllëse po dëgjohen pasi kanë përfunduar paraqitjet e provave dhe dëshmitarëve nga të dy palët.
Hysni Gucati dhe Nasim Haradinaj u arrestuan më 25 shtator 2020 prej kur edhe po qëndrojnë në paraburgim në Hagë.
Lajmet
Flet drejtori i KH Rahovecit: Vendimi për të na përjashtuar nga palestra i pakuptimtë
Published
3 hours agoon
September 30, 2025By
UBT News
Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.
Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.
Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.
“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.
Ai ka shtuar se me këtë problematikë përballen sa herë që në Kosovë ka zgjedhje.
“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.
Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/
Lajmet
Bashkimi kërkon suksesin historik në Evropë
Published
4 hours agoon
September 30, 2025By
UBT News
Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.
Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.
Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.
Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.
Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.
Ndeshja zhvillohet të mërkurën në Poloni nga ora 18:30./S.K/KP/
Aktualitet
UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025
Published
4 hours agoon
September 30, 2025By
Driton Iseni
UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.
Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.
Datat e rëndësishme:
- Dorëzimi i abstrakteve: 10 Tetor 2025
- Njoftimi për pranimin e abstrakteve: 17 Tetor 2025
- Regjistrimi i hershëm: 17 Tetor 2025
- Regjistrimi i vonë: 20 Tetor 2025
- Dorëzimi i artikujve të plotë: 14 Nëntor 2025
- Peer review: 17 Tetor 2025
Qëllimi i konferencës:
Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.
Tema e vitit:
- Inteligjenca Artificiale dhe Sensacionalizmi i Informacionit në Kohë Krize dhe Konflikti
Nën-temat përfshijnë:
- Roli i medias në kohë krize dhe kriza gjeopolitike
- Transformimi i komunikimit politik në epokën dixhitale
- Etika e medias dhe komunikimit gjatë krizave humanitare: Përdorimi i Chat GPT
Temat e tjera të trajtuara:
- Reklama, media alternative dhe komunitare
- Inteligjenca artificiale dhe gazetaria
- Komunikimi biznesor dhe marketingu i integruar
- Media dhe globalizimi, media dhe sporti
- Etika e medias, dezinformimi dhe lajmet false
- Komunikimi ndërkulturor dhe ndëretnik
- Studime kritike dhe kulturore, rinia dhe gjinia
- Gazetaria, ligji dhe ndikimi shoqëror
- Media, ndryshimet klimatike dhe studimet mjedisore
- Komunikimi i rrezikut, stigma dhe shëndeti publik
- Media vizuale, muzikore, multimediale dhe teknologjitë e reja
Dorëzimi i artikujve:
Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.
Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së
Lajmet
Portieri 42 vjeçar kthehet për kualifikueset e Botërorit
Published
4 hours agoon
September 30, 2025By
UBT News
Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.
Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.
Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.
Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.
Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/

Spotify heq masivisht përmbajtjen e krijuar nga AI

Flet drejtori i KH Rahovecit: Vendimi për të na përjashtuar nga palestra i pakuptimtë

Facebook dhe Messenger me rregulla të reja

Studimi: Edhe pse e ëmbël, mangoja ul rrezikun e diabetit

Bashkimi kërkon suksesin historik në Evropë

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Madonna rrëfen përvojën tronditëse me infeksionin bakterial

Portieri 42 vjeçar kthehet për kualifikueset e Botërorit

Publikohet punimi i profesorëve të UBT-së rreth efekteve të stërvitjes së strukturuar në futboll në revistën ndërkombëtare Human Movement
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega