Lajmet

​Pozita dhe opozita me dallime të mëdha për pagën minimale dhe Trustin

Nesër do të mbahet seancë plenare.

Published

on

Deputetët e Kuvendit të Kosovës do të mblidhen nesër në seancë plenare. Në mesin e pikave të papërfunduara nga seancat e kaluara, do të shqyrtohet edhe Projektligji që i hap rrugë rritjes së pagës minimale. Partia në pushet, Lëvizja Vetëvendosje insiston në miratimin e tij, pa përfshirjen e pensioneve të veteranëve të UÇK-së, ndërsa nga opozita kritikojnë pushtetin se dëshiron të shmangë protestat e veteranëve, duke e vendosur projektligjin për miratim në mënyrë përshpejtuar, në seancën e nesërme. Pas mbledhjes së Kryesisë së Kuvendit, pozitë-opozitë, vazhduan dallimet edhe për tërheqjen e kursimeve nga Trusti.

Shefja e Grupit Parlamentar të LVV-së, Mimoza Kusari-Lila, tha se paga minimale përfshinë vetëm punëtorët e sektorit privat, ndërsa këtë vit do të trajtojnë rishqyrtimin e skemave pensionale, ku përfshihen edhe pensionet e veteranëve të UÇK-së.

“Ne po trajtojmë pagën minimale që lidhet ekskluzivisht me punëtorët në sektorin privat. Përderisa kjo qeveri e ka në agjendë legjislative këtë vit të bëjë rishqyrtimin komplet të skemës pensionale. Po flasim për dy mekanizma të ndryshëm të cilët nuk janë të lidhur që nga viti 2017”, tha ajo.

Mirëpo, këtë qasje e kundërshtoi, shefi i Grupit Parlamentar të PDK-së, Abelard Tahiri, i cili tha se LVV-ja dëshiron mos t’i jep hapësirë veteranëve për protesta.

“Nuk i kemi bërë thirrje veteranëve dhe askujt që të dalin në protestë. Ne kemi kundërshtuar këtë projektligj tash e njw muaj në Kuvend. Kjo mazhorancë nuk i ka pasur numrat, pasi ka pasur probleme brenda grupit parlamentar. Ne as nw të kaluarën dhe as nesër nuk i bëjmë thirrje. Është një e drejtë e tyre që të kërkojnë përfshirjen në kuadër të pagës minimale… Po mundohen me një shpejtësi që të kalojë, duke mos i dhënë mundësi veteranëve as të protestojnë. Kaloi ditën e nesërme me një urgjencë të shpejtë dhe kjo është e papranueshme”, tha ai.

Kritik u shfaq edhe shefi i Grupit Parlamentar të AAK-së, Besnik Tahiri, i cili kërkoi që Projektligji për pagën minimale të largohet nga rendi i ditës.

“Po shpresoj dhe po besoj që edhe LVV-ja dhe qeveria do të reflektojë në këtë kërkesë të AAK-së për largimin nga rendit i ditës. Është një gabim i madh, i cili bie ndesh edhe me ligjin bazik të veteranëve dhe çështjeve të tjera”, tha ai.

Ndërsa, shefi i Grupit Parlamentar të LDK-së, Arben Gashi, bëri të ditur se me kërkesë të tyre në seancën e 23 qershorit do të ketë debat parlamentar për rritjen e çmimeve. Ai tha se përmes një rezolute do të kërkojnë të largohet TVSh-ja për disa produkte esenciale dhe akciza për naftën. Krahas kësaj, Gashi tha se do të iniciojnë edhe shkarkimin e bordit të ZRrE-së.

“Çështja e parë është kërkesa për debat parlamentar për rritjen e çmimeve dhe masave urgjente që duhen të ndërmerren. Ne kemi propozuar edhe rezolutë, kërkuam që ky debat të mbahet ditën e enjte, mirëpo partia në pushtet insistoi që agjenda është e kërkuar dhe mbeti që debati të shqyrtohet javën e ardhshme. Po ashtu edhe rezoluta e cila do të jetë në diskutim edhe me partitë tjera, për suspendimin e TVSh-së për tre muaj me mundësi vazhdimi për produktet esenciale, akcizën për naftën dhe disa produkte të tjera që janë me ndikim për jetën qytetare, po ashtu për tre muaj”, theksoi Gashi.

Mospajtime pushteti dhe opozita kanë edhe për tërheqjen e kursimeve nga Trusti, i cili është në rend të ditës në seancën e së enjtes.

Shefja e Grupit Parlamentar të LVV-së, Mimoza Kusari-Lila, përsëriti qëndrimin kundër kësaj iniciative.

“Për tre muaj sa qarkullon ideja në opinionin publik, brenda grupit parlamentar të LVV-së nuk ka pasur kërkesë për ndryshim të votimit apo opinionit tonë. Në të kundërtën është kërkuar argumenti sa më shumë në opinion publik lidhur me masat tjera që janë marrë nga qeveria për të lehtësuar krizën që po ballafaqohemi të gjithë. Në këtë ide konkrete, s’ka as përmbajtje në aspektin institucional, e as një zgjidhje, as në periudhën afatshkurtër dhe as afatgjatë”, pohoi Kusari-Lila.

Ndryshe nga kjo, shefi i deputetëve të PDK-së, Abelard Tahiri tha se tërheqja e kursimeve nga Trusti është nevojë e qytetarëve.

“Është jashtëzakonisht e rëndësishme, tejet e rëndësishme që të marrim një hap që do të zbut sado pak këtë rritjen e madhe të çmimeve dhe është e papërballueshme për shumicën e familjeve. Çështja e Trustit, që prek një numër jashtëzakonisht të madh të familjeve që në mesin e tyre kanë student, nxënës, të moshuar dhe efekti i zinxhiror i këtyre të ardhurave do të jetë i madh”, tha ai.

Kërkesë të ngjashme adresoi edhe shefi i grupit parlamentar të AAK-së, Besnik Tahiri.

Përveç këtyre dy seancave, Kryesia caktoi seancë plenare edhe më datë 23 qershor, ku do të mbahet debati parlamentar për ngritjen e çmimeve.

Lajmet

Aktori Christian Bale duket thuajse i panjohur rrugëve të Atlantas, teksa po xhiron filmin e ri

Published

on

Një nga yjet më të mëdhenj të Hollywood-it është shfaqur i paidentifikueshëm në xhirimet e filmit të ri biografik me temë sportive por a mund ta dalloni kush është?

Aktori 51-vjeçar është parë i veshur me një xhaketë të zezë prej lëkure, me flokë të lëmuar pas dhe duke mbajtur tre unaza të Super Bowl-it në xhirimet e filmit të tij më të ri, shkruan The Sun.

Ky fitues i çmimit Oscar kishte një pamje ndryshe nga ajo me të cilën jemi mësuar ta shohim si zemërthyes klasik, teksa po xhironte të mërkurën në Atlanta.

Ylli i njohur është fotografuar duke shëtitur në setin e filmit me një shprehje goje të hapur në fytyrë.

Por, a e zbuluat se për cilin aktor bëhet fjalë? As më pak e as më shumë, është ylli i filmit Batman, Christian Bale.

Aktori i famshëm është duke xhiruar skena për filmin e tij të ri të titulluar Madden, ku luan përkrah yllit tjetër amerikan, Nicolas Cage, në një projekt shumë të përfolur të regjisorit David O. Russell. Në rolin e tij, Christian Bale i ngjan shumë personazhit real që portretizon – të ndjerit Al Davis, pronari dhe menaxheri legjendar i ekipit Oakland Raiders. Bale shihej me një pamje të zbehtë dhe me fytyrë të skuqur, karakteristike për Davis.

Ndërkohë, Nicolas Cage është parë në set i veshur me një kostum special që e bënte të dukej më i shëndoshë, me flokë të gjatë, duke interpretuar trajnerin e famshëm të Raiders dhe më pas transmetuesin legjendar të NFL-it, John Madden.

Në film marrin pjesë edhe komediani John Mulaney në rolin e Trip Hawkins, themeluesit të Electronic Arts, si dhe aktorja britanike Sienna Miller, e cila luan Carol Davis, bashkëshorten e Al Davis.

Sipas një deklarate nga Amazon, “Filmi ndjek rrugëtimin e jashtëzakonshëm të Madden – nga partneriteti i suksesshëm në Super Bowl me Al Davis dhe ekipin Raiders, te krijimi i lojës së famshme Madden NFL, e deri tek shndërrimi në një nga zërat më ikonë në historinë e futbollit amerikan”.

Fansat e NFL-it kanë reaguar me habi ndaj transformimit të Christian Bale dhe Nicolas Cage për rolet e tyre.

“Prisni pak, a është kjo e vërtetë?”, shkroi një përdorues. “Ata s’duken aspak si vetja e tyre e vërtetë”, komentoi një tjetër. “Jo, nuk ka mundësi që ky të jetë John Madden!”, shtoi dikush tjetër i habitur.

Filmi Madden është i drejtuar nga David O. Russell, i cili ka qenë i nominuar për çmimin Oscar me filmat si The Fighter dhe Silver Linings Playbook.

Ai gjithashtu ka shkruar skenarin e këtij filmi, i cili është i bazuar në jetën e vërtetë të John Madden – nga koha si trajner i NFL-it, tek karriera si komentator dhe më pas fytyra ikonë e lojërave video Madden NFL të EA Sports.

Madden ndërroi jetë në dhjetor të vitit 2021, në moshën 85-vjeçare. Në film përfshihet edhe jeta e Al Davis – pronarit karizmatik të Raiders, i njohur për moton e tij të famshme: “Fitoni, thjesht fitoni, baby.” Davis ndërroi jetë në tetor të vitit 2011, në moshën 82-vjeçare për shkak të dështimit të zemrës.

Në prill të kaluar, u bë e ditur se roli i Madden do t’i besohej Nicolas Cage, ndërsa më vonë u konfirmua se Christian Bale do të portretizonte Al Davis. /

Continue Reading

Lajmet

Tërnava u uron besimtarëve Kurban Bajramin

Published

on

By

Myftiu i Kosovës, Naim Tërnava, ka uruar besimtarët për Festën e Kurban Bajramit, duke u bërë thirrje për më shumë mirësi mes tyre.

Në urimin e tij tradicional në prag të Festës së Bajramit të Vogël, Tërnava tha se kjo festë është përkujtim i sakrificës të profetit Ibrahim, “i cili ishte i gatshëm të flijonte më të dashurin e tij për hir të Zotit të madhërishëm, e i cili na mësoi se besimi i vërtetë nuk njeh kufi e as frikë nga sprovat, por gjen kuptimin e lartë pikërisht në dorëzimin ndaj vullnetit hyjnor të Zotit”.

Në këtë ditë, zemrat e besimtarëve mbushen me mirënjohje dhe përkushtim, ndërsa duart e tyre shtrihen në ndihmë dhe bujari, ngase kjo festë është një akt që mishëron në frymën e afërsisë me Zotin dhe përgjegjësisë ndaj shoqërisë”, tha ai.

Myftiu Tërnava tha se Kurban Bajrami është festë fetare, por bart edhe mesazhe të thella shoqërore dhe atdhetare.

Festa e Bajramit nuk kufizohet vetëm me adhurim, por ajo kontribuon në forcimin e vlerave që ndërtojnë shoqërinë dhe forcojnë atdheun”, u shpreh ai.

Festa e Kurban Bajramit karakterizohet me therjen e kubanit dhe kryerjen e haxhillëkut.

Sot, kur miliona besimtarë janë në tokën e shenjtë të Mekës dhe ku do ta kalojnë këtë ditë në rrafshnaltën e Arafatit dhe në mesin e tyre gjenden edhe haxhilerët nga Kosova, të cilët janë duke e përjetuar haxhillëkun – udhëtimin e jetës – me lutjet e tyre drejtuar krijuesit për falje gabimesh, shëndet dhe mirëqenie për familjet e tyre, për popullin tonë dhe siguri për vatanin tonë”, tha Tërnava.

Haxhillëku ka nisur më 4 qershor dhe besimtarët myslimanë do të kryejnë rite fetare në Mekë deri më 8 qershor. Këtë vit, më shumë se 1.5 milion pelegrinë po marrin pjesë në ritualin më të rëndësishëm të Islamit./REL/

Continue Reading

Lajmet

​Bajrami: Nuk kemi nevojë që ta përsërisim një proces zgjedhor

Published

on

By

Deputetja e Lidhjes Demokratike të Kosovës, Hykmete Bajrami deklaroi se nuk ka nevojë që të përsëritet sërish një proces zgjedhor. Sipas tij, qëndrimi i LDK-së është që ketë konstituim të institucioneve pas zgjedhjeve të 9 shkurtit, teksa shtoi se bashkimi i dy palë zgjedhjeve do të shkaktonte probleme të mëdha.

Kështu u shpreh deputetetja Bajrami, pas dështimit për herë të 27-të për konstituim të legjislaturës së nëntë të Kuvendit të Kosovës.

Unë mendoj që ne veç sa e kemi kaluar një proces të zgjedhjeve nacionale, në fakt edhe si parti e kemi të njëjtin qëndrim dhe duhet të bëhet konstituimi i institucioneve të dala nga zgjedhjet e 9 shkurtit. Nuk kemi nevojë që ta përsërisim një proces zgjedhor, sepse nuk mund të priten as edhe ndryshime të mëdha. Në ndërkohë ne e dimë të gjithë procesin tejet të ndërlikuar dhe kohën që e ka marrë për numërim të votave nga ana e KQZ-së. Bashkimi i dy palë zgjedhjeve në një periudhë të caktuara do të shkaktonte probleme të mëdha dhe ka shumë mundësi që zgjedhje të tilla mandej edhe të mos pranohen nga ndonjë subjekt”, u shpreh Bajrami.

Deputetja e Lidhjes Demokratike të Kosovës tha se degët e LDK-së në komuna janë në procesin konsulatativ për paraqitjen e kandidaturave për kryetar komunash.

Nuk janë përcaktuar emrat, janë mbajtur takime të përbashkëta me kryesinë dhe kryetarët e degëve, gjithashtu me kryetarin dhe kryetarët e degëve, e kemi ndarë procesin në tri faza. Dhe tani janë komunat, degët e LDK-së në gjitha komunat në Kosovë të cilat janë në fazën e procesit konsultativ, disa prej tyre veç i kanë paraqitur kandidaturat, disa të tjera janë në proces”, shtoi Bajrami.

Continue Reading

Lajmet

Kryeziu-Hyseni: Qëllimi i partive opozitare nuk është zgjidhja por vazhdimi i bllokadës

Published

on

By

Deputetja e Lëvizjes Vetëvendosje, Arbëreshë Kryeziu-Hyseni ka thënë se qëllimi i partive që deri tani ishin në opozitë nuk është formimi i institucioneve të reja pas zgjedhjeve të 9 shkurtit, mirëpo vazhdimi i bllokadës dhe krizës politike.

Pas dështimit të sotëm të seancës konstituive të Kuvendit për herë të 27-të, ajo tha se këto parti parlamentare qëllimshëm nuk po marrin pjesë në votim për formimin e komisionit verifikues për zgjedhjen në mënyrë të fshehur të kryeparlamentarit.

Qëllimi i partive opozitare nuk është zgjidhja por vazhdimi i bllokadës që ata vet e kanë krijuar qysh në fillim të sagës së këtyre seancave të vazhdueshme. Fillmimisht kanë refuzuar komisionin për verifikimin e mandateve dhe më pastaj duke refuzuar të marrin pjesë në votim për komisionin verifikues për votim të fshehtë të kryeparlamentarit”, tha ajo.

Madje, Kryeziu-Hyseni para gazetarëve tha se në procesin e zgjedhjes së nënkryetarëve ata nuk do të votojnë për asnjë deputetë të LDK-së, kurse për ata të PDK-së tha se votojnë vetëm Nait Hasanin dhe Sala Jasharin.

Është qëndrim i joni që nuk do të votojmë asnjë emër tjetër nga radhët e PDK-së përveç Nait Hasanit dhe Sala Jasharit. Ndërkohë që edhe ne kemi vendosur reciprocitet ndaj LDK-së dhe nuk pranojmë asnjë propozim nga ana e tyre. Nëse duam që të hyjmë në ciklin e dëshirave dhe të shndërrojmë Kuvendin në vend të dëshirave, e jo në vend të numrave atëherë le të vendosim këso lloj kriteresh”, tha ajo./KosovaPress/

Continue Reading

Të kërkuara