Sport

Poloni-Shqipëri, formacionet e mundshme

Published

5 years ago

September 2, 2021

Betim Gashi

Sot nga ora 20:45 do të fillojë ndeshja mes Polonisë dhe Shqipërisë në stadiumin “National” të Varshavës.

Ndeshja është e vlefshme në kuadër të Grupit I të kualifikimeve për botërorin “Katari 2022”. Polakët tri ndeshje të zhvilluara kanë regjistruar një fitore, një barazim dhe një humbje, krahas dy fitoreve dhe një humbjeje të Shqipërisë.

Kombëtarja shqiptare pozicionohet në vendin e tretë, pozitë kjo më e mirë se ajo e Polonisë, që zë vendin e katërt. Këtë grup e kryeson Kombëtarja e Anglisë me nëntë pikë.

Sa i përket formës momentale, Shqipëria gjendet më mirë ku ka regjistruar tri fitore, dy humbje dhe një barazim në të gjitha garat, krahas Polonisë që ka një fitore dy barazime dhe tri humbje.

Sa i përket mungesave të lojtarëve, te Polonia nuk do të paraqiten Piotr Zielinski, Krzysztof Piatek, Bartosz Kaputstka dhe Mateusz Klich.

Në anën tjetër, trajneri i Shqipërisë Edoardo Reja do të ketë të gjithë lojtarët e grumbulluar të gatshëm për ndeshjen e sotme, ku do të mund të llogarisë edhe në shërbimet e mesfushorit të Empolit Nedim Bajrami, të cilit së fundmi i është dhënë “drita e gjelbër” nga Gjykata e Arbitrazhit për Sport për t’u paraqitur me “kuqezinjtë”.

Formacionet e mundshme:

Polonia (4-2-3-1): Szczesny; Bereszynski, Glik, Bednarek, Rybus; Krychowiak, Moder, Linetty; Jozwiak, Swiderski; Lewandowski

Shqipëria (3-4-2-1): Berisha; Kumbulla, Djimsiti, Ismajli; Hysaj, Gjasula, Abrashi, Laci; Roshi, Bajrami; Cikalleshi

Sport

Dennis Buzukja do të luftojë në UFC Beograd, shqiptari përballë Bogdan Gradit më 1 gusht

Published

1 hour ago

June 2, 2026

UBTNews

Luftëtari shqiptar i arteve marciale të përziera (MMA), Dennis Buzukja, do të jetë pjesë e një eventi historik të UFC-së që do të mbahet më 1 gusht në Beograd. Kjo do të jetë hera e parë që organizata më prestigjioze e MMA-së, Ultimate Fighting Championship, organizon një ngjarje në Serbi.

Buzukja do të përballet me Bogdan Grad, një duel që konsiderohet tejet i rëndësishëm për të ardhmen e shqiptarit në UFC. Grad ka bilanc prej 15 fitoresh dhe katër humbjesh në karrierë, megjithëse dy ndeshjet e fundit i ka mbyllur me humbje.

I lindur në Shtetet e Bashkuara të Amerikës, Buzukja garon nën flamurin amerikan, por nuk e ka fshehur asnjëherë origjinën dhe krenarinë e tij shqiptare. Në karrierën e tij profesionale në MMA ai numëron 12 fitore dhe gjashtë humbje, ndërsa në UFC ka regjistruar një fitore dhe katër humbje.

Pikërisht për këtë arsye, përballja në Beograd pritet të ketë peshë të madhe për karrierën e tij, pasi një rezultat pozitiv do ta ndihmonte të forconte pozitën e tij në organizatën më të madhe të MMA-së në botë.

Buzukja u bë i njohur edhe jashtë kafazit gjatë vitit 2024, kur nuk u lejua të hynte në arenë i mbështjellë me flamurin shqiptar para duelit të fituar ndaj Connor Matthews. Sipas tij, organizatorët e kishin ndaluar përdorimin e flamurit për shkak të zbukurimeve të arta që kishte mbi të.

“Jam i bekuar që përfaqësoj Shqipërinë dhe ishte e çuditshme që pak para daljes më thanë se nuk mund ta mbaja flamurin”, ishte shprehur atëherë Buzukja, duke mos e fshehur zhgënjimin për vendimin.

Tashmë, shqiptari do të ketë një tjetër mundësi për t’u paraqitur në një skenë të madhe ndërkombëtare, kësaj radhe në kryeqytetin serb. Buzukja garon në kategorinë e peshave deri në 66 kilogramë dhe synon një fitore që mund t’i japë shtysë të re karrierës së tij në UFC. Ndërkohë, mediat serbe kanë nisur t’i kushtojnë vëmendje paraqitjes së luftëtarit shqiptar në eventin e shumëpritur të Beogradit.

Sport

Përfaqësuesja e Kosovës nis përgatitjet për sfidat vendimtare

Published

1 hour ago

June 2, 2026

UBTNews

Përfaqësuesja A e Kosovës në konkurrencën e vajzave ka nisur përgatitjet për dy ndeshjet e fundit të ciklit kualifikues për Kupën e Botës. Dardanet zhvilluan seancën e parë stërvitore në Kampin Nacional të FFK-së në Hajvali, nën drejtimin e përzgjedhësit Sami Sermaxhaj.

Me përkushtim maksimal dhe motivim të lartë, futbollistet kosovare po punojnë intensivisht për sfidat vendimtare që i presin në këtë fazë të garave.

Kosova do të përballet me rivalin direkt, Kroacia, më 5 qershor në Prishtina, në një ndeshje që mund të jetë përcaktuese për renditjen finale në grup. Më pas, Dardanet do të udhëtojnë drejt Gjibraltari, ku do ta zhvillojnë ndeshjen e fundit të këtij cikli kualifikues.

Të bashkuara, të vendosura dhe krenare për fanellën shtetërore, vajzat dardane synojnë ta mbyllin këtë rrugëtim me paraqitje të mira dhe rezultate që do t’u mundësonin ta ruajnë pozitën e parë në renditje.

Lajmet

Talenti kosovar i Bayern Munich, Erblin Osmani, viziton FFK-në dhe ndjek stërvitjen e Kombëtares

Published

16 hours ago

June 1, 2026

UBTNews

Futbollisti i ri dhe premtues kosovar, Erblin Osmani, i cili është pjesë e klubit gjerman Bayern Munich, ka vizituar sot Federatën e Futbollit të Kosovës (FFK).

Osmani, i cili po qëndron në Kosovë për pushimet verore, u prit në ambientet e FFK-së, ku pati rastin të njihet më nga afër me aktivitetet e federatës dhe të ndjekë seancën stërvitore të Kombëtares së Kosovës në stadiumin “Fadil Vokrri”.

Sipas FFK-së, vizita e tij përfaqëson lidhjen e fortë që talentët kosovarë, të cilët po zhvillojnë karrierën e tyre në klubet më të njohura evropiane, vazhdojnë ta ruajnë me vendlindjen.

Erblin Osmani konsiderohet një nga talentët e rinj që po ndërton karrierën e tij në futbollin evropian, ndërsa Federata e Futbollit e Kosovës e vlerësoi si pjesë të gjeneratës së re që po promovon Kosovën në arenën ndërkombëtare të futbollit.

FFK i ka uruar Osmanit suksese të mëtejshme dhe arritje të reja në karrierën e tij sportive.

Sport

Dardanët rikthehen në stërvitje, fokus te sfida ndaj Andorrës

Published

20 hours ago

June 1, 2026

UBTNews

Kombëtarja e Kosovës ka rikthyer fokusin te sfida e radhës pas ndeshjes miqësore të zhvilluar të enjten në Pragë ndaj Çekisë. Dardanët kanë vazhduar përgatitjet për përballjen e ardhshme kundër Andorrës, me stafin teknik që po punon për ta mbajtur ekipin në formën optimale.

Seanca e sotme stërvitore u zhvillua në stadiumin Stadiumi Fadil Vokrri, ku morën pjesë 11 futbollistë. Ndërkohë, pjesa tjetër e skuadrës ndoqi një program rigjenerues në hotel, pas angazhimit në ndeshjen e fundit ndaj Çekisë.

Stërvitja u fokusua në aspektet taktike dhe fizike, ndërsa atmosfera në kampin e Kosovës mbetet pozitive para miqësores së dytë. Stafi teknik synon të shfrytëzojë këto ditë për të përgatitur sa më mirë ekipin dhe për t’u dhënë mundësi lojtarëve të ruajnë ritmin e garës.

Dardanët do të vazhdojnë me seancat stërvitore në ditët në vijim, me fokus maksimal te ndeshja kundër Andorrës, e cila do të shërbejë si një tjetër test i rëndësishëm për ekipin kombëtar.