Lajmet

​Përurohet ura e vendosur nga FSK në Hajnoc të Kamenicë

Published

on

Është përuruar ura e vendosur nga Forca e Sigurisë së Kosovës (FSK) në Hajnoc të Kamenicës, pas shembjes që kishte pësuar muajin e kaluar, si pasojë e reshjeve të mëdha të shiut. Përurimi i saj u vlerësua si një ditë e veçantë që do t’i lidhë dhe afrojë banorët e kësaj ane.

Kryetari i komunës së Kamenicës, Qëndron Kastrati duke u shprehur falënderues ndaj FSK-së, tha se operacionet e tyre si gjithherë po bëjnë krenar të gjithë.

“Sot është në ditë e veçantë ku po inaugurojmë këtë urë të ndërtuar nga FSK-ja. Jemi shumë falënderues ndaj secilit që ishte në këtë proces. Ky operacion emergjent për t’i mundësuar një pjesë të qytetarëve tanë të lëvizin dhe komunikojnë lirshëm me pjesën tjetër të komunës është vet treguesi i nevojës së urave. Vetëm të lidhur dhe bashkuar mundemi. Si gjithherë operacionet e FSK-së na bëjnë krenar, këtë herë edhe më shumë sepse reaguam ndaj një fatkeqësie natyrore me shpejtësi për të rikthyer komunikimin në fshatra, fëmijëve, pleqve të sëmurëve të gjithëve pa dallim”, tha ai.

Pjesë e përurimit të urës lëvizëse ishte edhe ministri në detyrë i Mbrojtjes, Anton Quni, i cili tha se vendosja e saj pasqyron vlerat e humanitetit dhe solidaritetit të ushtarëve të FSK-së.

“Jemi së bashku sot të shënojmë përfundimin me sukses të projektit për vendosjen e urës lëvizëse në komunën e Kamenicës. Urat gjithmonë lidhin dhe afrojnë njerëzit. Në këtë ngjarje që shënojmë sot përveç detyrës për t’i shërbyer atdheut, që ushtarët tanë e kanë në çdo ditë po i lidhin përherë e më shumë me qytetarët tanë, duke i thënë siguri secilit prej tyre. Pavarësisht çdo rrethane ushtarët e FSK-së janë gjithmonë pranë tyre. Vërshimet shkaktuan dëme materiale, por sot në këtë ngjarje po pasqyrojmë vlerat më të larta që i kundërvihen kësaj fatkeqësie. Vlera përfaqësojnë ushtarët tanë, atë të humanitetit dhe solidaritetit me qytetarët tanë”, tha ai.

Ndërsa, zëvendëskomandanti i FSK-së, gjeneral Enver Cikaqi tha se në situata krizash, FSK-ja gjithmonë do të gjendet pranë qytetarëve.

“Padyshim se në situata krizash, vërshimesh FSK ka pas një rol të veçantë. Në këtë rast edhe në vërshimet e fundit, jo vetëm këtu në Hajnoc, pasi kemi pas një numër të madh të aktiviteteve tona të cilat janë zhvilluar dhe i kemi ofruar ndihmë qytetarëve tanë, anë e mbanë vendit. Do të jemi përkrah autoriteteve civile lokale qendrore në mënyrë ta bartin dhe përcjellim krejt kapacitetet tona që i kemi profesionale”, tha ai.

Si pasojë e reshjeve të mëdha të shiut, muajin e kaluar një pjesë e madhe e fshatra të Kamenicës dhe qyteteve tjera u vërshuan nga uji.

Lajmet

Anulohet seanca e sotme ndaj ish-krerëve të UÇK-së

Published

on

By

Në Dhomat e Specializuara të Kosovës (DhSK) në Hagë, është anuluar seanca e planifikuar për të hënën në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

DhSK-ja nuk i ka bërë të ditura arsyet e anulimit të kësaj seance. Megjithatë, njoftoi se seanca e radhës në këtë rast pritet të mbahet nesër më 30 shator 2025.

Mbrojtja ka filluar me paraqitjen e provave të saj më 15 shtator 2025, ku për tri ditë me radhë u dëgjua ish-ndihmësi i sekretarit amerikan të shtetit, James Rubin, raporton “Betimi për Drejtësi“.

Ndërsa, pas tij u thirr ish-këshilltari ligjor i delegacionit shqiptar në Rambuje, Paul Williams. Kurse, ish-këshilltari politik i komandantit të lartë të NATO-s, Wesley Clark, John Stewart Duncan filloi dëshminë më 22 shtator dhe e mbaroi më 23 shtator 2025./D.B/EO

Continue Reading

Lajmet

Një person sulmohet me mjete të forta në veri të Mitrovicës

Published

on

By

Një person, shtetas kosovar, ka raportuar në Polici se është sulmuar me gurë dhe mjete të forta nga disa persona të panjohur në veri të Mitrovicës.

Rasti ka ndodhur të dielën më 28 shtator, rreth orës 13:00.

Sipas raportit 24-orësh të Policisë së Kosovës, viktima ka pësuar lëndime trupore dhe i njëjti më pas ka pranuar tretman mjekësor.

Lidhur me rastin është njoftuar prokurori./D.B/KP

Continue Reading

Botë

Shkon në katër numri i të vrarëve në sulmin në Michigan në SHBA

Published

on

Të paktën katër persona kanë humbur jetën dhe tetë të tjerë janë plagosur pasi një person i armatosur përplasi automjetin e tij në një kishë në Miçigan, hapi zjarr dhe më pas i vuri flakën ndërtesës.

Zyrtarët thanë se sulmi në Kishën e Jezu Krishtit të Shenjtorëve të Ditëve të Mëvonshme në Grand Blanc, një qytet rreth 100 km në veriperëndim të Detroit, ndodhi gjatë shërbesës të së dielës ku ishin të pranishëm qindra besimtarë, shkruan BBC.

I dyshuari, i identifikuar si Thomas Jacob Sanford, 40-vjeçar, nga Burton, Michigan, u qëllua për vdekje nga policia në parkimin e kishës.

Autoritetet po e hetojnë incidentin si një akt dhune të qëllimshme, por ende nuk dihet motivi.

Detajet e viktimave dhe hetimit

Shefi i Policisë së Grand Blanc Toënship, William Renye, tha në një konferencë për shtyp se dy viktima vdiqën nga plagët e armës së zjarrit dhe më vonë ai shtoi se dy persona të tjerë u gjetën të vdekur. Sipas policisë disa ende figurojnë të zhdukur, pa specifikuar numrin e saktë.

Megjithatë, Policia njoftoi se reagoi menjëherë në vendngjarje dhe u përplas me të dyshuarin me armë zjarri./S.K/KP/BBC/

Continue Reading

Botë

​Biserko: Ka indicie që Rusia të ketë marrë pjesë në rastin e Banjskës, Serbia është vegël e saj

Published

on

Udhëheqësja e Komitetit të Helsinkit për të Drejtat e Njeriut në Beograd, Sonja Biserko, ka theksuar se tash e shumë vite ekziston bashkëpunimi i thellë në mes të shërbimit sekret rus dhe atij serb. Sipas Biserkos, këtë bashkëpunim e ka bërë më specifik Aleksandar Vulini derisa ishte ministër i Punëve të Brendshme në Serbi.

“Prandaj, kjo çka ndodhi me arrestimet rreth Moldavisë qëndron edhe pse kemi deri tani vetëm informacione nga mediet, sepse pushteti në Beograd nuk deklarohet rreth kësaj. Nuk është rastësi që në këtë situatë, Rusia po tenton fort që të pamundësojë realizimin e Moldavisë pro-evropiane dhe ta orientojë atë kah Kremlini”, theksoi Biserko.

Ajo më tej u shpreh se ka indice që Rusia të ketë marrë pjesë edhe në agresionin në Banjskë më 24 shtator të vitit 2023 kur u vra rreshteri Afrim Bunjaku.

“Edhe sulmi në Banjskë në Kosovë para dy viteve, ka indice që Rusia ka marrë pjesë në të. Asgjë nuk është vërtetuar deri tani, por këto janë disa informacione që flasin për atë se Rusia është e kyçur shumë thellë në Serbi. Pikë së pari, në shërbimet e spiunëve, Kishën Ortodokse Serbe dhe disa grupime tjera”, shtoi ajo.

“Rusia e sheh atë Vuçiqin si dikë që e ka partner të besuar. Rusë kanë bazë të besueshme në Serbi, kështu që kjo është diçka që po ndodh dhe ka ndodhur edhe më përpara në Serbi”, tha ajo.

Grupi prej rreth 50 personave të armatorsur në Banjskë që udhëhiqej nga kryeterroristi, Milan Radoiçiq, i sanksionuar nga Shtetet e Bashkuara të Amerikës, me veshje ushtarake ishin të vendosur në Manastirin e Banjskës e përreth tij./S.K/KP/

Continue Reading

Të kërkuara