

Lajmet
Personat me aftësi të kufizuara kritikojnë komisionin vlerësues mjekësor
Nga Ministria e Financave, Punës dhe Transfereve kanë deklaruar se janë duke punuar që të thjeshtësohen procedurat.
Published
3 years agoon
By
Betim GashiPërfaqësues të Shoqatës HANDIKOS kanë kritikuar punën e komisionit vlerësues mjekësor për statusin dhe të drejtat e personave paraplegjikë dhe tetraplegjikë. Ata kanë biseduar me Komisionin Parlamentar për të Drejtat e Njeriut, ku kanë thënë që duhet të ndërrohet komisioni vlerësues dhe shtohen kapacitetet e tij. Ndërsa përfaqësues nga Ministria e Financave, Punës dhe Transfereve kanë deklaruar se janë duke punuar që të thjeshtësohen procedurat dhe të ketë vetëm një vlerësim.
Drejtori i HANDIKOS, Afrim Maliqi ka thënë se dhjetëra personave u është përgjysmuar pensioni dhe hequr e drejta për kujdestarë për shkak të rivlerësimeve që u janë bërë.
“Deri para një viti, sipas informatave që kemi nga departamenti i pensioneve kanë qenë diku rreth 3 mijë e 100 persona të vlerësuar ne status të paralegjikut dhe tetraplegjikut, si në grupin e parë ashtu edhe në grupin e dytë. Ndërsa vitin e kaluar kemi informata nga departamenti i pensioneve se diku ka rënë numri në 2 e 500 persona, andaj shtrohet çështja se ku kanë mbetur ata 500 apo 600 persona. Ne kemi informata për shkak se punojmë për njerëz, jemi në shërbim të tyre, bëjmë edhen ankesa, u ndihmojmë me i zhvillu ankesat që i parashtrojnë në komisionin për ankesa ku rreth 25 persona u është mohuar kjo e drejtë e që në fakt këta pesë vite më herët kanë qenë në grupin e parë ndërsa pas pesë vitesh kur është bërë rivlerësimi u është mohuar e drejta kanë dalë në grupin e dytë”, ka thënë Maliqi.
Ai ka bërë të ditur se komisioni i parë para të cilët paraqiten personat me aftësi të kufizuar përbëhet nga pesë mjekë specialistë në Neurologji të QKUK-së.
Nga aty ata drejtohen të komisioni vlerësues mjekësor, që sipas Maliqit, nuk i merr për bazë rekomandimet e mjekësve.
“Jo vetëm në bazë të ligjit për statusin dhe të drejtat e personave paraplegjikë por edhe në bazë të ligjeve të tjera të cilët u përkasin personave me aftësi të kufizuara nuk përmendet askund rivlerësimi, vetëm në rregullore përmendet, andaj shtrohet edhe këtu çështja, ku mund të jetë më e fuqishëm rregullorja sesa ligji, për shkak se gjendja e një personi me aftësi të kufizuar veç mundet me u vështirësua e me u përkeqësua e nuk mundet me u përmirësua”, ka shtuar Maliqi.
Komisioni Vlerësues Mjekësor është i themeluar sipas Ligjit për Statusin dhe të Drejtat e Personave Paraplegjik dhe Tetraplegjik, për të cilin Maliqi ka thënë se duhet të ndërrohet dhe t’i shtohen kapacitetet.
“Krejt kjo pasojë e një komisioni, e një komisioni shëndetësor, komision shëndetësor i cili fare nuk u kushton kohë, komision shëndetësor i cili unë sot them para jush ndoshta më lehtë është të ndërrosh një ministër apo qeveri sesa një komision. Komisioni duhet të ndërrohet, komisioni duhet t’i ngritë kapacitetet, komisioni duhet të ketë njohuri për pasojat dhe komplikimet, komisioni duhet t’i kontrollojë, madje edhe t’i zhveshë personat e t’i kontrollojë. Pse nuk i kontrolloni në këtë formë, pse nuk i vlerësoni në këtë mënyrë, mos e shihni personin pse ne po rrimë para jush po dukemi mirë, jemi veshur mirë, tretë mund të kemi probleme me inkontinencë, duhet të vlerësohen sipas ligjit dhe rregullores”, deklaroi ai.
Ndërsa, Elmi Fazliu nga HANDIKOS ka kritikuar punën e komisionit, duke thënë se të njëjtit nuk i kontrollojnë fare personat me aftësi të kufizuara ose e bëjnë atë në një mënyrë të padrejtë.
“Kur hyjmë ne në komision nuk merret parasysh hiç vendimi që është marrë prej pesë doktorëve, këta vendosin ën mënyrë të pavarur, këta nuk e marrin për bazë këtë. Kur kam qenë në komision më kanë thënë ‘përshëndetje, kush je ti’, ‘Elmi Fazliu’, ‘të kemi parë një herë në televizor më thanë’, edhe më thanë në rregull është mundesh me shku. Krejt procedura ka qenë 30 sekonda, kam vazhdu pastaj ka ndodhur refuzimi nuk vazhdohet… Në vendimin e parë për shembull miratohet, shumë është 370 euro ndërsa grupi i dytë është që i takon 150 euro”, ka thënë ai.
Ai ka thënë se shumë persona nuk mund t’i ndjekin procedurat ligjore për shkak të kostos së lartë, si dhe periudhës së gjatë kohore.
Por Anita Vranjolli, udhëheqëse e divizionit mjekësor në MFPT, ka thënë se problemi është te ligji, duke shtuar se komisioni kryen punë profesionale.
“Komisioni vlerësues është shumë profesional, mirëpo komisioni bën vlerësimin në bazë të këtij ligji, a është ligji i mirë, ne dimë që nuk është i mirë… Duet të ndrisim si çështje shumë serioze të ndryshohet ky ligj,. Në bazë të këtij ligji, 05/L-67, ne këtu i kemi vetëm dy diagnoza, kemi paraplegjikë dhe tetraplegjikë”, ka thënë ajo.
Ndërsa, Enis Spahiu, zëvendëssekretar në Ministrinë e Financave ka thënë se janë duke punuare që të thjeshtësohen procedurat, duke pranuar që ato janë burokratike.
“Janë disa pengesa të natyrës ligjore ato nuk mund t’i kalojmë pa ndryshim të ligjit, të rregullores po. Pajtohemi që procesi është burokratik dhe nuk ka më shumë qysh bëhet burokratik këtë ketë dy vlerësime të pavarura dhe në fund të ditës të ketë kundërthënie mes dy vlerësimeve është e papranueshme, ne jemi në lëvizje të thjeshtësimit të procedurave dhe eventualisht të kemi një vlerësim dhe atë me mundësi të vizitave mobile nëpër shtëpi të këtyre personave me aftësi të kufizuar. Problemi kryesor ka qenë që këta njerëz nuk na kanë raportuar neve vazhdimit kemi kërkuar që vendimet të jenë të arsyetuara”, ka thënë ai.
Ndërsa kryetarja e Komisionit Parlamentar për të Drejtat e Njeriut, Duda Balje ka thënë se duhet të ndryshohet rregullorja në mënyrë që personat me aftësi të kufizuara të mos paraqiten në dy komisione për vlerësim.
“Pse i kemi bërë në dy komisione, nëse komisioni i parë nuk ka vlerë, personi me aftësi të kufizuar duhet me shku në QKUK në raportin e Neurologjisë, pse kemi bërë dy, nëse vlerësimi i parë nuk ka vlerë. E ndryshojmë rregulloren. Është edhe emocionalisht e vështirë. Këtu sa më shpejtë duhet me ndryshu nëse është puna e rregullores”, ka thënë Balje.
Lajmet
Flet drejtori i KH Rahovecit: Vendimi për të na përjashtuar nga palestra i pakuptimtë
Published
11 hours agoon
September 30, 2025By
UBT News
Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.
Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.
Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.
“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.
Ai ka shtuar se me këtë problematikë përballen sa herë që në Kosovë ka zgjedhje.
“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.
Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/
Lajmet
Bashkimi kërkon suksesin historik në Evropë
Published
12 hours agoon
September 30, 2025By
UBT News
Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.
Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.
Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.
Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.
Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.
Ndeshja zhvillohet të mërkurën në Poloni nga ora 18:30./S.K/KP/
Aktualitet
UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025
Published
12 hours agoon
September 30, 2025By
Driton Iseni
UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.
Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.
Datat e rëndësishme:
- Dorëzimi i abstrakteve: 10 Tetor 2025
- Njoftimi për pranimin e abstrakteve: 17 Tetor 2025
- Regjistrimi i hershëm: 17 Tetor 2025
- Regjistrimi i vonë: 20 Tetor 2025
- Dorëzimi i artikujve të plotë: 14 Nëntor 2025
- Peer review: 17 Tetor 2025
Qëllimi i konferencës:
Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.
Tema e vitit:
- Inteligjenca Artificiale dhe Sensacionalizmi i Informacionit në Kohë Krize dhe Konflikti
Nën-temat përfshijnë:
- Roli i medias në kohë krize dhe kriza gjeopolitike
- Transformimi i komunikimit politik në epokën dixhitale
- Etika e medias dhe komunikimit gjatë krizave humanitare: Përdorimi i Chat GPT
Temat e tjera të trajtuara:
- Reklama, media alternative dhe komunitare
- Inteligjenca artificiale dhe gazetaria
- Komunikimi biznesor dhe marketingu i integruar
- Media dhe globalizimi, media dhe sporti
- Etika e medias, dezinformimi dhe lajmet false
- Komunikimi ndërkulturor dhe ndëretnik
- Studime kritike dhe kulturore, rinia dhe gjinia
- Gazetaria, ligji dhe ndikimi shoqëror
- Media, ndryshimet klimatike dhe studimet mjedisore
- Komunikimi i rrezikut, stigma dhe shëndeti publik
- Media vizuale, muzikore, multimediale dhe teknologjitë e reja
Dorëzimi i artikujve:
Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.
Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së
Lajmet
Portieri 42 vjeçar kthehet për kualifikueset e Botërorit
Published
12 hours agoon
September 30, 2025By
UBT News
Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.
Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.
Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.
Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.
Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/

Spotify heq masivisht përmbajtjen e krijuar nga AI

Flet drejtori i KH Rahovecit: Vendimi për të na përjashtuar nga palestra i pakuptimtë

Facebook dhe Messenger me rregulla të reja

Studimi: Edhe pse e ëmbël, mangoja ul rrezikun e diabetit

Bashkimi kërkon suksesin historik në Evropë

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Madonna rrëfen përvojën tronditëse me infeksionin bakterial

Portieri 42 vjeçar kthehet për kualifikueset e Botërorit

Publikohet punimi i profesorëve të UBT-së rreth efekteve të stërvitjes së strukturuar në futboll në revistën ndërkombëtare Human Movement
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega