Lajmet

​Për pesë muaj 118 fëmijë viktima të dhunës, katër prej tyre me nevoja të veçanta

Published

5 years ago

on

Në Ditën Ndërkombëtare të Fëmijëve, Handikos në kuadër të kampanjës “Bëhu mburoja ime” vendosi dy instalacione kukulla fëmijë me thënie të fëmijëve, që janë viktimave të dhunës në familje.

Drejtori i Handikos, Afrim Maliqi tha se dita ndërkombëtare e fëmijëve ka për qëllim që fëmijët të jenë të lumtur, e për të qenë të lumtur këta fëmijë duhet të gëzojnë të gjitha të drejtat e tyre.

Maliqi tha se fëmijët me nevoja të veçanta përjashtohen nga shoqëria si shkak i paragjykimeve, qasjes që nuk krijon mundësi në hapësirat ku të lëvizin si dhe mungesa e të drejtave të mirëfillta që janë të obligueshme për fëmijët.

“Dita ndërkombëtare e fëmijëve ka për qëllim që fëmijët të jenë të lumtur dhe për të qenë një fëmijë i lumtur duhet t’i gëzojë të gjitha të drejtat, të drejtën në arsim, të drejtën mos të ketë abuzim apo dhunë, të jetë i lumtur dhe i barabartë sikur të gjithë të tjerët. Janë tre shkaktarë të cilët i përjashtojnë fëmijët apo nuk i përfshijnë fëmijët me nevoja të veçanta në shoqëri, ato janë paragjykimet që ekzistojnë për personat me nevoja të veçanta, të cilat shkaktojnë frikë, izolim dhe komplekse, dhe ato familje pranojnë izolimin, e dyta është qasja që nuk u krijojnë mundësi në hapësirat ku lëvizin, dhe shkaktari i tretë është legjislacioni i cili nuk kemi arritur konsideratë, të drejta të mirëfillta dhe që të jenë të obligueshme për fëmijët në këtë rast”, tha ai.

Nga janari i vitit 2021, ka pasur 118 raste të fëmijëve që kanë qenë viktima të dhunës në familje, dhe katër prej tyre kanë qenë me nevoja të veçanta.

“Handikos sot me rastin e 1 qershorit, Ditës Ndërkombëtare të Fëmijëve ka lansuar kampanjën “Bëhu mburoja ime”, e cila për qëllim ka promovimin dhe raportimin e dhunës tek fëmijët. Kemi vendosur dy instalacione kukulla fëmije të cilat në vete bartin mesazhe të fëmijëve të cilët realisht kanë qenë viktima të dhunës në familje, këto mesazhe i kemi siguruar në bashkëpunim me policinë e Kosovës dhe Shtëpinë e Sigurt në Gjakovë. Një statistikë që e kemi marrë së fundi prej Policisë së Kosovës, ku prej janarit 2021 deri më tani janë regjistruar 118 raste të fëmijëve që kanë qenë viktima të dhunës në familje e që katër prej tyre kanë qenë me nevoja të veçanta”, tha ajo.

Kryeministri i Kosovës gjatë një takimi që pati sot me Koalicionin e OJQ-ve për Mbrojtjen e Fëmijëve në Kosovë (KOMF), shprehu vullnetin dhe gatishmërinë për bashkëpunim të hapur e të vazhdueshëm me KOMF në adresimin e nevojave të fëmijëve dhe përmirësimin e përparimin e kushteve për zhvillimin e potencialit të tyre të plotë. 

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

14 hours ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

14 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

16 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

16 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara