Lajmet

​Për herën e dhjetë dorëzohen dosje në Kushtetuese për kompensimin e dëmeve të luftës

Bejta ka kërkuar nga institucionet përgjegjëse që t’u hap rrugë gjykatave të Kosovës për t’u marr më këto padi.

Published

on

Organizata Joqeveritare “Ngritja e Zërit” për herë të dhjetë sot ka dorëzuar dosjet-lëndët e radhës në Gjykatën Kushtetuese të Kosovës për vlerësimin e kushtetutshmërisë̈ së aktit juridik të Gjykatës Supreme të Kosovës, me rastin e refuzimit të padive për kompensimin e dëmeve të luftës.

Më këtë rast, Tahir Bejta nga kjo OJQ tha se sot kur po shënohet dita ndërkombëtare për të drejtat e njeriut qytetarëve të Kosovës po u mohohet e drejta për kompensim të dëmeve gjatë luftës së fundit në Kosovës.

“Sot kur flasin për lirinë e të drejtëve dhe lirive të njeriut patjetër që do ta na e ngacmoj memorien për të gjithë ata të cilët pësuan pa fajin e tyre gjatë luftës së fundit gjenocidale gjatë vitit 1998-1999. Për ata të cilët humbën gjithçka, ndaj i thërrasim mendjes për të drejtat e tyre për kompensimin e dëmit moral dhe material. Sot për herë të dhjetë dorëzuam në Gjykatën Kushtetuese dosjet për vlerësimin e kushtetutshmërisë të aktvendimeve të Gjykatës Supreme e cila sikurse gjykatat e rregullta është duke i hedhur paditë në kundërshtim me ligjet dhe Kushtetutën[…]Padrejtësisht palëve të dëmtuara në cilësinë e palëve paditëse është duke iu mohuar e drejta e garantuese, qasja në drejtësi”, tha ai.

Bejta tutje ka kërkuar nga institucionet përgjegjëse që të intervenojë në infrastrukturë ligjore që t’u hap rrugë gjykatave të Kosovës për t’u marr më këto padi.

Në të kundërtën paralajmëroi ngritjen e padisë për Kosovën në Gjykatën Evropian për Drejtësi në Strasburg.

“Nuk mund të tolerohet kështu gjyqësori në mënyrë të pakufizuar pasi që për 13 vite është duke mohuar të drejtën e palëve për qasje në drejtësi. Apelojmë tek qeveria që të intervenoj në infrastrukturën ligjore që të ofrojë mundësi gjykatave për shqyrtimin e padive kundër Serbisë për kompensim të dëmeve. Në të kundërtën ngritja do të detyrohet që Kosovën ta dërgojë si palë paditëse në Gjykatën Evropiane për Drejtësi në Strasburg më ç’rast do të pësojë integriteti dhe reputacioni i Kosovës”, tha ai.

Magazinë

Irina Shayk mban ligjëratë në Universitetin e Oxfordit

Published

on

Modelja e njohur ruse, Irina Shayk, ka ndarë me ndjekësit e saj në Instagram momente nga vizita në Universitetin e Oxfordit, ku ishte e ftuar si folëse në një aktivitet të organizuar nga Oxford Union.

Shayk e cilësoi ftesën si një nder të veçantë, duke theksuar rëndësinë e Oxford Union si një institucion që ka pritur ndër vite mendimtarë, udhëheqës dhe figura me ndikim në shoqëri.

“Falënderoj Oxford Union dhe Universitetin e Oxfordit për mundësinë që të ndaj rrugëtimin tim. Jam shumë mirënjohëse për pritjen e ngrohtë, bisedat e thelluara dhe momentet e paharrueshme”, ka shkruar ajo.

Modelja publikoi disa fotografi nga vizita e saj në Oxford, ku u shfaq me një kostum elegant të zi. Në njërën prej fotografive ajo pozonte me librin “Mysafirët e shquar të Oxford Union”.

Ligjërata e saj tërhoqi interesimin e studentëve të shumtë, të cilët morën pjesë në aktivitet dhe ndoqën me vëmendje rrëfimin e saj për karrierën dhe përvojat personale.

Postimi i Shayk mori mijëra reagime nga fansat, të cilët e uruan për këtë arritje dhe i shprehën mbështetjen e tyre./A.K/

Continue Reading

Rajoni

Rama mesazh protestuesve: “Unë jam miku, jo armiku juaj”

Published

on

By

Përmes një reagimi të gjatë dhe me ton mjaft personal në rrjetet sociale, kryeministri Edi Rama i është drejtuar qytetarëve në rrjetet sociale, që morën pjesë në protestën e mbrëmshme në bulevard. Kreu i qeverisë u shpreh se nuk i sheh protestuesit si humbës, por si njerëz të mbetur vetëm me hallin e tyre, pasi u përdorën nga ata që ai i quajti “skllevërit e algoritmit” dhe faktorë të ndryshëm politikë e mediatikë.

Në mesazhin e tij, Rama deklaroi se e mirëkupton zemërimin e çdo qytetari që përballet me probleme të përditshme si legalizimet, pagat në të zezë apo vështirësitë në shëndetësi, duke ndarë të njëjtin irritim ndaj nëpunësve arrogantë. Megjithatë, ai hodhi akuza të forta ndaj organizatorëve, opinionistëve, influencuesve dhe grupeve nga diaspora, duke thënë se pasi morën klikimet, ndjekësit dhe vëmendjen e mbrëmjes, i braktisën protestuesit në bulevard.

“Ti mbete vetëm, me hallin tënd dhe pa askënd që ta qan, shembëlltyrë njerëzore e proletariatit të algoritmit,” shkruan Rama, duke shtuar se edhe ai vetë ndjen shijen e tradhtisë kur vartës të caktuar abuzojnë me besimin e tij. Në mbyllje të letrës, kryeministri bëri një thirrje të hapur për dialog: “Pyete veten nëse armiku yt jam unë… apo ata që të kthyen në heroin e mbrëmjes për të të lënë në rrugë si shishe boshe. Eja tek unë, jo të më duartrokasësh, por që të mos lejojmë askënd ta përdorë hallin tënd kundër Shqipërisë.” /E.A/

Continue Reading

lajme

Profesori i UBT-së, Hazir S. Çadraku, publikon studim shkencor mbi burimin mineral të Vërbocit në revistën ndërkombëtare Underground Vision SpeleoMedit Magazine

Published

on

By

Angazhimi i vazhdueshëm i stafit akademik të UBT-së në kërkimin shkencor po vazhdon të sjellë rezultate të rëndësishme në promovimin e vlerave natyrore, shkencore dhe mjedisore të Kosovës në arenën ndërkombëtare.

Profesori i Fakultetit të Inxhinierisë së Ndërtimit dhe Infrastrukturës në UBT, Hazir S. Çadraku, ka publikuar punimin shkencor me titull “Identity Card of the Mineral Water Spring ‘Vërboc’, Republic of Kosovo” në revistën ndërkombëtare Underground Vision SpeleoMedit Magazine.

Studimi paraqet një analizë të detajuar të burimit mineral të Vërbocit, i cili ndodhet në territorin e Komunës së Drenasit, duke trajtuar aspektet gjeografike, gjeologjike, hidro-gjeologjike dhe mjedisore të këtij resursi të rëndësishëm natyror. Përmes hulumtimeve në terren, analizës së literaturës shkencore dhe përdorimit të metodave bashkëkohore të matjes dhe hartografimit, punimi synon të krijojë një “kartë identiteti” të këtij burimi mineral, duke kontribuar në dokumentimin, mbrojtjen dhe promovimin e pasurive ujore të Kosovës.

Në punim theksohet rëndësia e ujërave sipërfaqësore dhe nëntokësore për jetën e njeriut, biodiversitetin dhe zhvillimin e qëndrueshëm, si dhe nevoja për identifikimin dhe menaxhimin e tyre profesional. Studimi sjell të dhëna të reja shkencore për burimin mineral të Vërbocit, i cili deri më tani ka qenë relativisht pak i trajtuar në literaturën akademike.

Ky publikim përfaqëson një kontribut të rëndësishëm në fushën e hidrogjeologjisë, shkencave mjedisore dhe menaxhimit të resurseve ujore, duke dëshmuar njëherësh përkushtimin e UBT-së ndaj kërkimit shkencor, inovacionit dhe prodhimit të njohurive me ndikim në zhvillimin e qëndrueshëm të vendit.

Këtu mund ta lexoni artikullin e plotë: LINKU

Continue Reading

Lajmet

Kori i Filharmonisë së Kosovës mbyll sezonin me koncertin “KOHË • FJALË • ANDRRA”

Published

on

Kori i Filharmonisë së Kosovës do ta përmbyllë sezonin artistik 2025/2026 me koncertin “KOHË • FJALË • ANDRRA”, një mbrëmje e veçantë që sjell në qendër fuqinë e tingullit, fjalës dhe imagjinatës.

Nën dirigjimin e Hajrullah Sylës dhe me solist violinistin Festim Fanaj, publiku do të ketë mundësinë të shijojë një program të pasur me vepra të kompozitorëve bashkëkohorë nga vende dhe kultura të ndryshme.

Koncerti do të mbahet më 25 qershor, duke filluar nga ora 19:30, në hollin e Bibliotekës Kombëtare “Pjetër Bogdani” në Prishtinë.

Me këtë koncert, Kori i Filharmonisë së Kosovës mbyll një tjetër sezon të suksesshëm artistik, duke ftuar dashamirët e muzikës në një udhëtim të veçantë përmes tingujve dhe emocioneve./A.K/

Continue Reading

Të kërkuara