Lajmet

​PDK reagon për çmimet: Qeveria Kurti do ta fus Kosovën në recesion ekonomik

Ai tha se PDK propozon hapa konkret për të dalë nga kriza.

Published

on

Partia Demokratike e Kosovës (PDK) ka reaguar për ngritjen e çmimeve për produktet ushqimore esenciale në vend. Nënkryetari i kësaj partie, Uran Ismaili theksoi se qytetarët e Kosovës janë duke u përballur me çmime të papërballueshme.

Derisa i ka propozuar qeverisë heqjen e akcizës për naftë dhe heqjen e TVSh-së për produktet bazë dhe inputet bujqësore, tha se Qeveria Kurti me mos veprimin e saj po e fut vendin në recesion ekonomik.

“Kjo qeveri po është e vonshme në reagim dhe arsyetuese për mos veprim. Ky kombinim nëse vazhdon në këtë mënyrë, formë dhe organizim rezultati do të jetë i qartë dhe ka vetëm një përfundim. Qeveria Kurti do ta fus Kosovën ë recesion ekonomik për herë të parë në historinë e saj të pas luftës”, theksoi Ismaili.

Ai tha se PDK propozon hapa konkret për të dalë nga kriza.

“Partia Demokratike e Kosovës propozon hapa dhe masa konkrete që duhet të ndermirën menjëherë për të mbrojtur qytetarët tanë, të largojë përkohësisht akcizën e aplikueshme mbi importin e naftës për një periudhë 3 mujore, largimin e TVSh-së për mallrat esenciale për miell, vaj, krip e të tjerë deri më 1 korrik. Largimi i TVSh-së për të gjitha inputet bujqësore në sektorin e bujqësisë deri më 1 tetor. Po ashtu largimi i TVSh-së për importe të lëndës së parë për prodhuesit vendor të mallrave esenciale deri më 1 shtator. Po ashtu për shkak të rritjes enorme të çmimeve, qeveria së bashku me Bankën Qendrore duhet që t’iu mundësojnë qytetarëve, të cilët janë duke u përballur me krizën dhe nuk do të kenë mundësi të paguajnë kredi, t’iu lejohet atyre që të shtyjnë pagesën e kredive për tre muaj”, tha ai.

Sipas tij, qytetarët këto ditë janë duke u përballur me çmime të papërballueshme, që si parti opozitare e kanë për obligim që këtë shqetësim të qytetarëve ta artikulojnë drejt qeverisë.

“Sot iu kemi ftuar për të ngritur shqetësimet e qytetarëve të Kosovës, të cilët janë duke u përballur me çmime tejet të larta dhe të papërballueshme. Ky shqetësim sot ndihet në tërë Kosovën dhe është brenga kryesore e qytetarëve tanë. Si parti opozitare e kemi për obligim që këtë shqetësim të qytetarëve ta artikulojmë drejt qeverisë, e cila është përgjegjëse direkte që me vendimet e saj të ndikojë në kualitetin e jetës së qytetarëve të Kosovës”, theksoi ai.

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

on

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

on

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

on

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

on

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara