Lajmet

PDK kritikon Kurtin se po e ‘blen’ paqen duke shpërndarë lëmoshë për qytetarët

Mustafa u shpreh se qytetarët kanë nevojë për siguri ekonomike dhe ndihmat e tilla simbolike nuk mjaftojnë.

Published

3 years ago

September 5, 2022

UBT.News

Partia Demokratike e Kosovës (PDK) e ka quajtur lëmoshë për qytetarët Pakon e qeverisë për përballje me inflacionin të prezantuar të shtunën nga kryeministri Albin Kurti.

Koordinatori i Departamentit për Financa në Kabinetin për Qeverisje të Mirë, Arben Mustafa ka kritikuar Qeverinë Kurti për marrjen e masave ekonomike të planifikuara përmes pakos për përballje me inflacionin, në përpjekje siç thekson ai për t’i shuar pakënaqësitë e qytetarëve, që po përballen më krizën e rëndë ekonomike dhe energjetike.

“Pas disa muajve shumë të rëndë të ballafaqimit me rritjen e çmimeve dhe me krizë energjetike, Qeveria e Kosovës u kujtua që më në fund të merret me rrethanat e krijuara, duke prezantuar një pako të masave ekonomike, përmes zotimit të shumës prej 150 milionë eurove për subvencionim të disa kategorive shoqërore. Këto masa ndonëse të mirëseardhura, janë të pamjaftueshme dhe nuk zgjidhin asnjë problem real. Dhe është krejt e natyrshme që diçka e tillë nuk mund të pritet nga një qeveri, e cila operon me logjikë të impulseve e jo me plan të mirëfilltë zhvillimor”, tha Mustafa.

Koordinatori Mustafa tha se kjo pako ka për synim blerjen e paqes sociale, pas krizës së krijuar nga Qeveria me sjelljen ndaj punonjësve të sektorit publik.

“Kjo pako ekonomike në radhë të parë ka për synim ‘blerjen’ e paqes sociale pas krizës së shkaktuar nga sjellja e qeverisë ndaj punonjësve të sektorit publikë, si dhe frustrimeve dhe depresionit të vazhdueshëm që po shkakton pa aftësia e saj për të adresuar problemet që kanë kapluar vendin. Me politika të tilla, Qeveria po dëshmon se bllokimin e investimeve kapitale e ka bërë për t’i grumbulluar depozitat në mënyrë që sa herë që të ketë një krizë besimi të qytetarëve ndaj qeverisë apo kur partia në pushtet nuk i ka punët mirë në terren, të hapë kuletën e shtetit dhe të shpërndajë lëmoshë për qytetarët në mënyrë që ta zbusë mllefin e tyre”, theksoi Mustafa.

Mustafa u shpreh se qytetarët kanë nevojë për siguri ekonomike dhe ndihmat e tilla simbolike nuk mjaftojnë për t’u përballur me shtrenjtimin e kostos së jetesës.

Koordinatori Mustafa duke akuzuar Qeverinë për mungesë vizioni dhe transparence, tregoi se Ministria e Financave po vazhdon të mos i shfrytëzojë instrumentet e akcizës dhe TVSH-së për zbutjen e rritjes së çmimeve.

Sipas Mustafës, sa i përket tregut të punës, skemat e punësimit janë të paefektshme dhe po shoqërohen me mungesë transparence për sa i përket numrit të përfituesve.

Ai tha se PDK vazhdimisht i ka bërë thirrje qeverisë për hartimin e masave të vërteta ekonomike e fiskale për t’i evituar sfidat me të cilat sot po përballen qytetarët, por ajo ka dështuar të sigurojë mirëqenie e zhvillim ekonomik.

Related Topics:Albin Kurti Arben Mustafa pdk

Up Next

Gjykata ruse e dënon ish-gazetarin me 22 vjet burg për tradhti

Don't Miss

Sveçla për rastin e 11-vjeçares: Sipas informatave të para, e mitura është dhunuar për më shumë se një vit

Bota

Trump kërcënon me tarifa shtesë për vendet që mbështesin BRICS-in

Published

2 hours ago

July 7, 2025

UBTNews

Presidenti i SHBA-së, Donald Trump, ka paralajmëruar se vendet që mbështesin politikat e aleancës BRICS që shkojnë kundër interesave të SHBA-së do të goditen me një tarifë shtesë prej 10%.

Trump e ka kritikuar prej kohësh BRICS-in, një organizatë anëtarët e së cilës përfshijnë Kinën, Rusinë dhe Indinë, e cila është krijuar për të rritur pozicionin ndërkombëtar të vendeve dhe për të sfiduar SHBA-në dhe Evropën Perëndimore, shkruan BBC.

“Çdo vend që përputhet me politikat anti-amerikane të BRICS-it, do t’i ngarkohet një tarifë SHTESË prej 10%. Nuk do të ketë përjashtime nga kjo politikë”, shkroi Trump në mediat sociale.

Një afat për vendet që të bien dakord për një marrëveshje tarifore me SHBA-në ishte caktuar për 9 korrik, por zyrtarët amerikanë tani thonë se ato do të fillojnë më 1 gusht.

Deri më tani, SHBA-të kanë arritur marrëveshje tregtare vetëm me Mbretërinë e Bashkuar dhe Vietnamin. Megjithatë, Britania dhe Amerika ende nuk kanë arritur një marrëveshje mbi taksat për çelikun britanik të importuar nga SHBA-të.

Që nga marrja e detyrës në janar, Trump ka njoftuar një sërë taksash importi për mallrat nga vendet e tjera – duke argumentuar se ato do të nxisin prodhimin amerikan dhe do të mbrojnë vendet e punës.

Në prill, në atë që ai e quajti “Dita e Çlirimit”, ai njoftoi një valë taksash të reja për mallrat nga vendet e botës, megjithëse shpejt pezulloi planet e tij më agresive për të lejuar tre muaj bisedime deri më 9 korrik.

I pyetur nëse taksat do të ndryshonin më 9 korrik apo 1 gusht, Trump tha të dielën: “Do të jenë tarifa, tarifat do të jenë tarifa.”

Ai shtoi se midis 10 dhe 15 letra do t’u dërgoheshin vendeve të hënën duke i këshilluar ato se cila do të jetë norma e re e tarifave nëse nuk do të ishte arritur një marrëveshje.

Sekretari i Tregtisë i SHBA-së, Howard Lutnick, sqaroi se taksat do të hyjnë në fuqi më 1 gusht.

Të dielën, Sekretari i Thesarit Scott Bessent i tha CNN: “Presidenti Trump do t’u dërgojë letra disa prej partnerëve tanë tregtarë duke u thënë se nëse nuk i lëvizni gjërat përpara, atëherë më 1 gusht do të ktheheni në nivelin tuaj tarifor të 2 prillit”.

Kërcënimi i Trump ndaj vendeve që punojnë me vendet e BRICS u shfaq pasi anëtarët kritikuan politikat tarifore të SHBA-së, si dhe propozuan reforma për Fondin Monetar Ndërkombëtar (FMN) dhe mënyrën se si vlerësohen valutat kryesore.

Vitin e kaluar, lista e anëtarëve të BRICS u zgjerua përtej Brazilit, Rusisë, Indisë, Kinës dhe Afrikës së Jugut për të përfshirë Egjiptin, Etiopinë, Indonezinë, Iranin, Arabinë Saudite dhe Emiratet e Bashkuara Arabe.

Vendet në bllok përbëjnë më shumë se gjysmën e popullsisë së botës./kosovapress/

Lajmet

Sulmoi tre persona, arrestohet i dyshuari në kryeqytet

Published

2 hours ago

July 7, 2025

UBTNews

Një person është arrestuar dje në Prishtinë nën dyshimin se pas një mosmarrëveshje ka sulmuar tre qytetarë.

Sipas policisë së Kosovës, për këtë rast me vendim të prokurorit, i dyshuari është dërguar në mbajtje.

“Prishtinë / 06.07.2025 – 00:50. Është arrestuar i dyshuari mashkull kosovar pasi që i njëjti pas një mosmarrëveshje dyshohet se ka sulmuar tre viktimat meshkuj kosovarë. Nuk raportohet për të lënduar, ndërsa me vendim të prokurorit i dyshuari është dërguar në mbajtje”, thuhet në raportin 24 orësh të policisë.

Një rast tjetër sipas raportit të fundit të policisë, në Podujevë është arrestuar një i dyshuari për shkak se tek i njëjti gjatë kontrollit është gjetur dhe sekuestruar një sasi prej 2.5 gramë substancë e dyshuar narkotike marihuanë dhe një cigare e mbushur me narkotik të gatshme për shitje.

Ndërsa, me vendim të prokurorit i dyshuari është dërguar në mbajtje.

Lajmet

Qarkullim i lehtë në kufi – pa pritje të gjata

Published

2 hours ago

July 7, 2025

UBTNews

Me fillimin e pushimeve verore, bashkatdhetarët kanë nisur të kthehen në Kosovë, duke shkaktuar një rritje të lehtë të qarkullimit në pikat kufitare.

Sipas të dhënave nga Qendra për Menaxhim Kufitar, deri mëngjesin e së dielës nuk është shënuar ndonjë fluks i madh të automjeteve në hyrje apo dalje të vendit. Në orën 06:55, pritjet në të gjitha pikat kufitare ishin të vogla – nga 3 deri në 5 minuta.

Autoritetet nuk raportojnë për kolona të gjata, por presin që fluksi të rritet në ditët në vazhdim me intensifikimin e ardhjeve nga diaspora. Qytetarët këshillohen të ndjekin informatat zyrtare për të udhëtuar më lirshëm dhe pa vonesa.