Sport

​Pas 19 vitesh, Chelsea largon Bruce Buck nga posti i drejtorit gjeneral të klubit

Lajmi është konfirmuar përmes një komunikatë të lëshuar në faqen zyrtare të klubit nga Londra.

Publikuar

2 vjet më parë

më

Gjiganti anglez, Chelsea ka njoftuar të hënën se Bruce Buck nuk do të jetë më në pozitën e drejtorit të përgjithshmëm të klubit, aty ku shërbeu për 19 vite dhe ndihmoi që kjo skuadër të kthehet në një brend të rëndësishëm evropian dhe botëror.

Lajmi është konfirmuar përmes një komunikatë të lëshuar në faqen zyrtare të klubit nga Londra. Si drejtor ai ka shërbyer që nga viti 2003, por është bërë e ditur po ashtu si ai do të vazhdojë të jetë pjesë e klubit si këshilltar i lartë.

Gjatë kryesimit të Buck, Chelsea forcoi pozicionin e tij si një nga klubet elitare të futbollit në botë dhe një markë e njohur globalisht. Gjatë kësaj kohe, skuadra fitoi 18 trofe (më shumë se çdo klub tjetër anglez) ndërsa edhe skuadra e femrave pati suksese të jashtëzakonshme duke fituar 12 trofe, përcjellë KosovaPress.

Nën drejtimin e Buck, klubi gjithashtu rriti ndjeshëm të ardhurat, krijoi objekte stërvitore të klasit botëror në Cobham dhe zhvilloi një nga akademitë më të mira të të rinjve në futboll. Në vitin 2010, Buck, si Administrator i Besuar dhe Kryetar, ndihmoi në themelimin e The Chelsea FC Foundation, i cili mbështet një gamë të gjerë iniciativash duke përfshirë rritjen e aksesit në atletikën e të rinjve, organizimin e programeve arsimore dhe punësimi, dhe fushatat kryesore kundër diskriminimit.

Me këtë rast, Buck tha se ndihet krenar për të gjitha sukseset e arritura me Chelsean gjatë epokës së tij 19 vjeçare dhe shtoi se po largohet për t’i lënë rrugë pronësisë së re që të vazhdojë ndërtimin e skuadrës.

“Jam krenar që kam ndihmuar Chelsean të arrijë sukses të madh në fushë dhe të ketë një ndikim pozitiv në komunitet”, tha Buck. “Tani është koha e duhur për të dhënë dorëheqjen dhe për të lënë pronësinë e re të ndërtohet mbi themelet e forta që kemi. Pronarët kanë një vizion bindës për të ardhmen e Chelseat dhe mezi pres t’i ndihmoj ata ta arrijnë atë në këtë rol të ri së bashku me stafin, lojtarët, trajnerët dhe mbështetësit tanë të jashtëzakonshëm”.

Ndryshe, Chelsea ka ndryshuar pronësinë me miliarderin rus, Roman Abramovich që u detyrua të largohej nga klubi për shkak të lidhjeve të tij me presidentit rus, Vladimir Putin, i cili nisi invazionin ndaj Ukrainës dhe tashmë klubi ka kaluar në udhëheqjen e amerikanit Todd Boehly.

Etiketa
Vazhdo të lexosh

Sport

​Përballja e tretë e finales mes Trepçës dhe Yllit

Publikuar

2 ditë më parë

më

15 Maj, 2024

nga

Trepça dhe Golden Eagle Ylli do të përballen të enjten mbrëma në finalen e tretë të “Play-offit” të Superligës së Kosovës në basketboll.

Rezultati i serisë finale aktualisht është 1:1, kurse skuadra e cila shënon tri fitore e para do të shpallet kampione e Kosovës.

Dy sfidat e para kanë qenë të jashtëzakonshme, duke paralajmëruar duele të ‘zjarrta’ në finale, që është ajka e fundit të kampionatit. Ndeshjen e parë e fitoi Trepca me shifrat 77:68, kurse në përballjen e dytë triumfoi Ylli me rezultat 80:79.

“Xehetarët” kërkojnë trofeun e katërt për këtë edicion, pas Kupës, Superkupës dhe Ligës Unike dhe titullin e pestë në histori, derisa therandasit titullin e tretë në histori, pasi më 2021 dhe 2022 u shpallën kampionë të Kosovës.

Përballja e tretë e finales do të zhvillohet të enjten mbrëma me fillim nga ora 19:00 në palestrën “Minatori”.

Vazhdo të lexosh

Lajmet

Ademi në 8-vjetorin e anëtarësimit në FIFA: Kosova është histori suksesi

Publikuar

4 ditë më parë

më

13 Maj, 2024

nga

Kosova para tetë vjetësh aderoi si anëtarja e 210-të e shtëpisë së madhe të futbollit FIFA në Kongresin e 66-të të kësaj organizate sportive në Meksiko.

Pas thyerjes së izolimit 25-vjeçar më 3 maj 2016 me anëtarësim në UEFA, misioni i Federatës së Futbollit të Kosovës u kompletua më 13 maj 2016, kur Kosova u pranua me shumicë votash si anëtare e FIFA-s. Një rrugëtim plotë mund e sakrifica që gjithsesi hapi një faqe të re të historisë së futbollit të Kosovës.

Me këtë rast, presidenti i Federatës së Futbollit të Kosovës, Agim Ademi, ka thënë se deri tek kjo arritje e madhe, Kosova erdhi me kontributin e figurave të mëdha sportive si Agim Bytyqi, Rexhep Abdullahutm Sabri Hashanit, Fadil Vokrri e të tjerë.

“13 maj 2016 është një datë tjetër e rëndësishme, e paharrueshme dhe historike, jo vetëm për komunitetin e futbollit, por edhe për shtetin e Kosovës.Nuk mund të përshkruajmë rëndësinë e kësaj ngjarjeje pa përshëndetur punën dhe sakrificën e të gjithë atyre që kontribuan në këtë rrugëtim. Duke filluar epoka e guximshme e mëvetësimit nën udhëheqjen e Agim Bytyqit, vazhduar me epokën e rezistencës dhe ekzistencës nën drejtimin e Rexhep Abdullahut e Sabri Hashanit, dhe me epokën e ndërkombëtarizimit nën udhëheqjen e legjendës Fadil Vokrri, çdo pjesëmarrës ka lënë gjurmët e tij dhe gëzon respekt”, ka shkruar Ademi në Facebook.

Ai ka shtuar se në këtë rrugëtim tetëvjeçar, Kosova tashmë është bërë një histori suksesi.

“Tani, tetë vjet pas anëtarësimit, Kosova, falë mbështetjes së UEFA-s e FIFA-s, është transformuar në një histori suksesi. Bashkërisht, kemi bërë përparime të mëdha në masovizimin dhe zhvillimin e futbollit si dhe kemi ndihmuar të rinjtë tanë të përfshihen në këtë sport”, ka theksuar Ademi.

Vazhdo të lexosh

Sport

Trajneri i muajit në Premier Ligë

Publikuar

7 ditë më parë

më

10 Maj, 2024

nga

Sean Dyche e ka fituar çmimin e trajnerit më të mirë të muajit prill në Premier Ligë. Skuadra e tij regjistroi katër fitore dhe një barazim gjatë muajit prill dhe kjo i siguroi qëndrimin në Premier Ligë skuadrës së Evertonit.

Evertoni mbajti katër porta të paprekura gjatë kësaj periudhe, duke përfshirë këtu një kundër Liverpoolit, të cilin e mposhti 2:0 në derbin e Merseyside në “Goodison Park” për herë të parë pas 14 vjetësh.

Dyche e fiton këtë çmim për herën e tretë në karrierën e tij, ku e ka fituar në të kaluarën me Burnleyn në mars të vitit 2018 dhe në shkurt të vitit 2020.

Ai është trajneri i parë i Evertonit që e fiton çmimin në fjalë që nga Carlo Ancelotti në shtator të vitit 2020.

Dyche kryesoi listën me më së shumti vota, që përfshinte edhe trajnerët e njohur si Mikel Arteta dhe Pep Guardiola.

Vazhdo të lexosh

Sport

​Klubi i njohur italian në shitje, vijnë dy oferta nga Amerika

Publikuar

7 ditë më parë

më

10 Maj, 2024

nga

Danilo Iervolino kërkon të shesë Salernitanan dhe ka marrë dy oferta nga palët e interesuara në Shtetet e Bashkuara të Amerikës.

Skuadra e Salernitanas nuk ka pasur një sezon pozitiv në elitën e futbollit italian dhe tashmë ka pësuar matematikisht rënien në Serie B përpara fundit të sezonit, pasi ka marrë vetëm dy fitore në 35 ndeshje të ligës këtë sezon.

Iervolino mori Salernitanan nga pronari i Lazios, Claudio Lotito në dhjetor të vitit 2021 dhe bëri mjaft mirë në dy sezonet e tij të para në krye, por gjërat kanë marrë një kthesë në rënie këtë sezon dhe tani biznesmeni italian është i prirur ta shes klubin.

“Tuttosport” detajon se si Iervolino ka marrë dy oferta për Salernitanan ndërsa ai kërkon të shesë klubin përpara sezonit të ardhshëm, të dyja nga Shtetet e Bashkuara.

E para vjen nga një sipërmarrës italo-amerikan i cili dëshiron të futet në futboll, ndërsa tjetri është nga një fond investimi që do të përfshijë kapital nga Italia. Një ofertë detyruese pritet të arrijë deri më 21 maj.

Vazhdo të lexosh

Të kërkuara