Sport

​Paralajmërohet lufta ndërmjet Joshuas dhe Whyte

Joshua vjen pas humbjes së dytë nga Oleksandr Usyk në revanshin e tyre në fillim të gushtit.

Published

on

Një revansh i madh në kategorinë e peshave të rënda mes Anthony Joshuas dhe Dillian Whyte mund të ndodhë vitin e ardhshëm, sipas vëllait të Whyte.

Joshua vjen pas humbjes së dytë nga Oleksandr Usyk në revanshin e tyre në fillim të gushtit, ku ukrainasi mori një fitore me vendim të gjyqtarëve në Arabinë Saudite.

Pas meçit, Joshua zbuloi se dëshiron të kthehet në ring sa më shpejt të jetë e mundur, me një datë të mundshme rikthimi në dhjetor. Mentori i tij, Eddie Hearn, emëroi dyshen Whyte dhe Deontay Wilder si kundërshtarë të mundshëm.

“Do të doja ta shihja të rikthehej. Ndoshta edhe në fund të dhjetorit”, tha Hearn për “talkSPORT”. “Ka beteja të mëdha për të. Ndoshta Dillian Whyte ose Deontay Wilder”.

Ëhyte nuk ka luftuar që kur u eliminua nga Tyson Fury në prill të vitit 2022 në stadiumin “Wembley”.

“The Bodysnatche” ka kërkuar gjithmonë një revansh me Joshua-n dhe tani sipas vëllait të tij, kjo edhe mund të ndodh.

“Dillian do të kthehet, ai është i mirë, ai po stërvitet”, tha Dean Whyte.

I pyetur nëse do të ishte ndeshja e radhës me Joshua-n, Whyte u përgjigj: “Ka një mundësi të madhe. Mundësia e luftës me Joshuan është shumë e fortë. Të dy djemtë po vijnë nga disfata, kështu që do të jetë një luftë e mirë për vitin 2023″.

Sport

Zyrtare: Ferizaj përforcohet në qendër të mbrojtjes, prezantojnë Ardit Iljazin

Published

on

Ferizaj ka filluar me përforcime për sezonin e ri në Albi Mall Superligën e Kosovës në futboll.

‘Ujqit’ janë përforcuar në qendër të mbrojtjes, ku kanë nënshkruar me qendërmbrojtësin Ardit Iljazi.

24-vjeçari i bashkohet Ferizajt pasi më parë ka luajtur edhe për Gostivarin, Shkupin, Erzenin, Teutën dhe Voska Sport.

Njoftimi i plotë nga FC Ferizaj:

Zyrtare: Ardit Iljazi bashkohet me FC Ferizajn

FC Ferizaj ka kënaqësinë të prezantojë përforcimin më të ri në repartin defensiv Ardit Iljazin, i cili do të jetë pjesë e skuadrës bardhekaltër për sezonin e ri.

Arditi luan në pozitat qendër mbrojtës dhe mbrojtës i djathtë, ndërsa gjatë karrierës së tij ka qenë pjesë e disa klubeve të njohura si Erzeni, Shkupi dhe Voska, duke grumbulluar përvojë të vlefshme në futbollin rajonal.

Ardit Iljazi: “Është kënaqësi për mua t’i bashkohem FC Ferizajt. Jam i motivuar dhe i gatshëm të jap maksimumin për klubin dhe për tifozët.”

Mirë se erdhe Ardit, dhe shumë suksese me fanellën bardhekaltër!

Continue Reading

Sport

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Published

on

By

Federata e Futbollit njoftoi sot se vijon procesi i shpërndarjes së biletave përmes shortit elektronik për ndeshjen Shqipëri – Serbi.

FSHF thekson se, të gjithë personat që janë shpallur fitues dhe kanë fituar të drejtën për të blerë bileta duhet të veprojnë sa më shpejt, pasi linku i dërguar është i vlefshëm vetëm për 24 orë nga momenti i marrjes.

Pas këtij afati, linku bëhet i pavlefshëm dhe biletat nuk mund të blihen.

Për këtë arsye, FSHF u bën thirrje të gjithë fituesve të përfundojnë procesin e blerjes brenda afatit, duke kryer pagesën përkatëse.

Ndeshja Shqipëri – Serbi, e vlefshme për kualifikueset e Kupës së Botës 2026, do të zhvillohet të shtunën, më 7 qershor, në orën 20:45, në stadiumin “Arena Kombëtare”. /atsh

Continue Reading

Sport

Ardian Ismajli mund t’i bashkohet Rashicës te Besiktasi?

Published

on

Mbrojtësi i Kombëtares së Shqipërisë, Ardian Ismajli do të largohet nga Empoli pas ndeshjeve ndërkombëtare.

28-vjeçari mbetet pa kontratë në fund të këtij muaji dhe tashmë ka filluar kërkimin e një klubi të ri.

Mediat e huaja raportojnë se lojtari “kuqezi” mund të transferohet në Superligën e Turqisë.

Besiktasi ku luan Ernest Muçi dhe Milot Rashica për momentin po i prinë garës për mbrojtësin shqiptar.

Ismajli është në grumbullim te Shqipëria për dy ndeshjet e muajit qershor, ndaj Serbisë dhe Letonisë.

 

 

Continue Reading

Sport

Zyrtare: Inzaghi firmosi me Al-Hilalin

Published

on

Tashmë është zyrtare. Trajneri i njohur italian, Simone Inzaghi ka firmosur me skuadrën arabe Al Hilal. Trajneri i deritashëm i Interit firmosi të mërkurën mbrëma për dy vjet e gjysmë.

Të hyrat vjetore për Inzaghin do të jenë 26 milionë euro neto.

Inzaghi ka firmosur në Paris, pasi i dha fund bashkëpunimit me Interin. Ai e udhëhoqi Interin deri në finale të Ligës së Kampionëve.

Inzaghi është prej trajnerëve më të vlerësuar në futboll.

 

Continue Reading

Të kërkuara