Sport

​Osmani zbulon arsyet e shkarkimit të Munishit dhe emrin që mund ta zëvendësojë atë

Osmani zbulon se ka pasur mospajtime ndërmjet aksionarëve brenda klubit.

Publikuar

1 vit më parë

më

Klubi i futbollit Prishtina është futur edhe njëherë në një krizë si në aspektin financiar ashtu edhe në atë sportiv. Derisa skuadra po kalon nëpër një seri të rezultateve në Superligë, të hënën u shkarkua trajneri Imet Munishi, ndërsa ka dhënë dorëheqje edhe kryetari Hakif Gashi.

Këto zhvillime të jashtëzakonshme, Drejtori Gjeneral i klubit, Arton Osmani i konsideron të kalueshme, por që kanë ndikuar për keq brenda ekipit. Në një intervistë, ai thotë se në zhgënjimin e aksionarëve po ndikojnë edhe faktor të jashtëm, siç janë edhe gabimet e gjyqtarëve në dëm të Prishtinës.

“Nuk ka diçka të jashtëzakonshme, ne një periudhe qetësie, një periudhë te rikuperimit edhe financiar edhe sportiv, ndërkohe kishe zhvillime të cilat nuk janë në kontrollin tonë siç ishte licencimi i Federatës së Futbollit të Kosovës, ose moslicencimin në këtë rast që ndikoi keq, pastaj patëm edhe probleme sportive, rasti me Dukagjinin, rasti me Ballkanin barazimi në minutat e fundit, pakënaqësi me referim. Ato po ndikojnë edhe në entuziazmin e aksionarëve sepse po e shohin që realisht një pjesë e parave që po i japin nuk po i japin rezultatet e pritura dhe jo vetëm për shkak të skuadrës, për shkak të kapaciteteve të ekipit, por edhe për shkak të faktorëve të jashtëm”, theksoi ai

Në lidhje me dorëheqjen e Gashit, Osmani zbulon se ka pasur mospajtime ndërmjet aksionarëve brenda klubit.

“Sa i përket aksionarëve nuk është që është mosmarrëveshje, është më shumë zvarritje. Tashmë ish-kryetarin e kam lutur që të qëndroj të paktën deri në qershor. Ka prezantuar një plan zhvillimore, një plan të reformave edhe të brendshme edhe në raport me jashtë në një afat të zbatimit të caktuar dhe të shkurt. Ndërkohë pati disa zvarritje, pati disa hezitime nga ana e disa aksionarëve për t’i pranuar këto reforma për ta filluar zbatimin e tyre në afat të shpejtë edhe për rrjedhojë dha dorëheqje”, theksoi më tutje ai.

Shkarkimi i Ismet Munishit erdhi si një lajm i papritur, por Osmani thotë se ky vendim erdhi pas diskutimeve të gjata në klub. Ai shton se skuadra nuk po i përgjigjet më urdhrave të trajneri dhe skemave të tij.

“Ai ka qenë vendim i bordit me drejtorin sportiv sepse realisht çështjen e trajneri e kemi diskutuar është diçka që e vendos bordi dhe drejtori sportiv…Ka qenë një konsensus i përgjithshëm që më e mira për të gjithë, duke përfshirë edhe trajnerin do të ishte ndërprerja e bashkëpunimit sepse e kemi parë në disa raste që nuk është përgjigjur ekipi ndaj trajnerit, ndaj strategjive që i ka përgatitur, formës së lojës dhe kanë ardhur në përfundim që opsioni më i mirë është ndërprerja e bashkëpunimit…Ai ka qenë i vetëdijshëm për objektivat edhe çfarë pritet në bazë të kapaciteteve financiare edhe erdhëm në një situatë që gjithnjë e më shumë po i largoheshim objektivave dhe u desh ta merrnim këtë veprim gati, gati në fund”, bëri të ditur Osmani.

Për ta zëvendësuar Munishin, Osmani thotë se në tavolinë janë dy emra, Ramiz Krasniqi dhe Ardian Nuhiu, me ish-trajnerin e Dritës të cilin e konsideron si kandidatin më serioz për stolin bardh e kaltër.

“Kemi pasur diskutime, në disa prej tyre kam marr pjesë edhe unë, natyrisht është konsultuar edhe stafi i klubit, disa prej tyre janë prezent këtu kanë preferenca të ndryshme. Një prej tyre që ka qenë më i zëshëm, që e kemi pjesëtar të klubit për shumë vite ka qenë për Ramiz Krasniqin, është Ardian Nuhiu. Do të thotë këta dy emra janë përmendu pak më shpesh…Sipas pjesës së sportit, sepse i kemi të ndara gjërat, mos të hyjë në territor të tjetër kujt, po, është kandidat serioz”, tha në fund ai.

Pas 25 xhirove, Prishtina pozicionohet në vendin e katër me 32 pikë në tabelën e Superligës së Kosovës.

Etiketa
Vazhdo të lexosh

Sport

Albi Mall Superliga e Kosovës rikthet me pesë ndeshje në program

Publikuar

1 ditë më parë

më

5 Maj, 2024

nga

Sot (e diel) do të zhvillohen pesë ndeshje në kuadër të Albi Mall Superligës së Kosovës.

Java e 32-të e kampionatit fillon me duelin ndërmjet Dritës dhe Fushë Kosovës, e cila zhvillohet në qytetin e Gjilanit. Skuadra e drejtuar nga trajneri Zekirija Ramadani kërkon fitoren pas gabimit ndaj Dukagjinit javën e kaluar, në mënyrë që të mbetet ende në garën për titull.

Ndërkaq kampioni në fuqi dhe lideri i tabelës, Ballkani, e pret në shtëpi skuadrën e Dukagjinit. Klinasit do të jenë një kundërshtarë mjaft i vështirë për skuadrën e Ilir Dajës, e cila me çdo kusht dëshiron fitorën në mënyrë që ta ruaj pozitën e parë në renditje.

Në ndeshjen e radhës, skuadra e Gjilanit udhtëton te Malisheva, ku pritet në stadiumin “Liman Gegaj”. Pas humbjes ndaj Ballkanit, gjilanasit synojnë një fitore e cila do të ishte shumë e rëndësishme dhe do t’i ndihmonte ata për të ikur nga zona e barazhit.

Teksa, Llapi i Tahir Batatinës pret në “Zahir Pajaziti” Feronikelin ’74. Skuadra nga Podujeva do të tentoj fitoren duke mos i lënë hapsira liderit aktual të shmanget tutje.

Krejt në fund, Prishtina udhëton drejt Prizrenit, ku pritet nga Liria në stadiumin “Përparim Thaqi”. Pavarësisht se prizrenasit edhe matematikisht kanë rënë nga Superliga, ata po zhvillojnë ndeshje të mira dhe nuk do të jetë aq e lehtë sa duket për kryeqytetasit.

Të gjitha përballjet pritet të zhvillohen me fillim nga ora 15:00./UBTNews/

Vazhdo të lexosh

Sport

Inter fillon spastrimin e skuadrës për edicionin e ardhshëm

Publikuar

3 ditë më parë

më

3 Maj, 2024

nga

Kampionati tanimë ka përfunduar për Interin pesë javë para fundit të sezonit në Serie A. Përveç festës, drejtuesit e klubit zikaltër kanë filluar të mendojnë për sezonin e ardhshëm.

Deri tash, skuadra e Simone Inzaghit ka konfirmuar afrimin e sulmuesit, Mehdi Taremi dhe mesfushorit Piotr Zielinski, të cilët vijnë me parametra zero.

Ndërkaq sipas raportimeve të mediave italiane, bëhet e ditur se përveç afrimeve, Interi ka në listë disa futbollistë të cilët duket se do të largohen në fund të sezonit nga kampioni i Serie A.

Bëhet fjalë për Alexis Sanchez, Juan Cuadrado e Stefano Sensi të cilëve ju skadon kontrata në fund të këtij edicioni dhe si duket zikaltërit nuk kanë ndërmend ta vazhdojnë bashkëpunimin me ta.

Me ardhjen e Taremit te Interi, Sanchez nuk do të ketë minutazh të mjaftueshme dhe largimi i tij është i pashmangshëm.

Cuadrado nuk përmbushi pritshmëritë pas lëndimeve të shpeshta, teksa edhe i është komunikuar vendimi për të mos rinovuar kontratën e cila skadon më 31 maj, shtuar faktin që tashmë në skuadër bën pjesë edhe kanadezi Tajon Buchanan.

Në anën tjetër, Sensi nuk bën pjesë në planet e trajnerit, ndaj nuk do të rinovojë. Në të njëjtën rrugë është edhe Davy Klassen, që ka një kontratë 1+1, me Interin që ka në dorë opsionin e rinovimit, por duket se nuk do ta përdorë, duke qenë se futbollisti bindi Inzaghin.

Ndërkohë në dyshim është edhe portieri Audero, i cili ka qenë zgjedhja e dytë gjatë këtij sezoni. E ardhmja e tij varet nga braziliani Bento, të cilin Interi po provon ta sjellë në Milano. Nëse arrihet marrëveshja me Benton, atëherë Audero do të kthehet te Sampdoria, për t’i lënë vendin brazilianit./UBTNews/

Vazhdo të lexosh

Sport

Tetë vjet nga pranimi i Kosovës në UEFA

Publikuar

3 ditë më parë

më

3 Maj, 2024

nga

Tetë vjet më parë, Kosova u bë anëtarja më e re e familjes së futbollit evropian, UEFA, në Kongresin e 40-të të mbajtur në Budapest të Hungarisë duke i dhënë kështu fund izolimit të futbollit kosovar.

Edhe presidenti i Federatës së Futbollit të Kosovës, Agim Ademi përmes një postimi në Facebook ka uruar Kosovën në tetëvjetorin e pranimit në UEFA.

“3 maj, 2016 është data që ka hyrë në analet e historisë së Kosovës, e në veçanti futbollit. Si sot, 8 vjet më parë, Kosova u bë anëtarja më e re e familjes së futbollit evropian, UEFA, në Kongresin e 40-të të mbajtur në kryeqytetin e Hungarisë – Budapest.  Ky ishte vendimi që i dha fund izolimit tonë të padrejtë prej dy dekadash e gjysmë. Kalimi i kësaj sfide nuk ishte i lehtë, mirëpo mes emocioneve përplot tension e ankth gjatë punimeve të këtij kongresi, në fund fitoi e drejta – fitoi Kosova.Nga aty filloi një epokë e re për Federatën e Futbollit të Kosovës. Që nga ajo ditë, zhvillimi e sukseset kanë shënuar rritje të vazhdueshme”, ka thënë i pari i Federatës.

Poashtu Ademi shtoi duke thënë se klubet e futbollit të Kosovës kanë dëshmuar vlerat e tyre në arenën ndërkombëtare, duke na bërë krenarë me përfaqësimin dinjitoz.

“Klubet tona kanë demonstruar vlerat e tyre në arenën ndërkombëtare, duke na bërë krenarë me përfaqësimin dinjitoz. Niveli i ligës është rritur dukshëm dhe jemi ndër kampionatet më të vlerësuara në rajonin tonë. Ekipet kombëtare janë konsoliduar, kanë bërë përparime të dukshme dhe janë në ndjekje të ëndrrës së madhe kualifikimit në finalet e kompeticioneve madhore”, shtoi ai./UBTNews/

Vazhdo të lexosh

Sport

Futbollisti i Benfica-s kërcënohet me vdekje nga trafikantët e drogës

Publikuar

4 ditë më parë

më

2 Maj, 2024

nga

Familja e Angel Di Marias, ka marrë kërcënime me vdekje pasi që argjentinasi e pranoi se do të dëshironte ta përfundonte karrierën e tij te Rosario Central, klubi që ai bëri debutimin e tij në vitin 2005.

Di Maria, momentalisht luan për Benfican, mori kërcënimet në shtëpinë e familjes së tij në Rosario. Mesazhi kërcënues thoshte që ta paralajmërojnë Di Marian se nëse rikthehet në Rosario, një pjesëtar i familjes së tij do të vdes nga trafikantët e drogës.

Mediat lokale raportuan se disa persona në një veturë lanë një shenjë pranë Funes Hills Miraflores, vendi ku zakonisht Di Maria qëndron, duke thënë se as kryetari Maximiliano Pullaro nuk mund të garantojë për sigurinë e tij nëse ai rikthehet në qytet.

“Thuaji djalit tënd Angel që mos të rikthehet te Rosario sepse ndryshe ne do t’ia vrasim një familjar. As Pullaro nuk mund të të shpëtojë. Ne nuk hedhim letra. Ne hedhim njerëz të vdekur”, ishte mesazhi i lënë për babanë e Di Marias sipas “Infobae”.

Qyteti i Rosarios kohët e fundit ka përjetuar një rritje të dhunës, për të cilën janë përgjegjës grupet e c si “narko-terroristë”./UBTNews/

Vazhdo të lexosh

Të kërkuara