Sport

​Osmani zbulon arsyet e shkarkimit të Munishit dhe emrin që mund ta zëvendësojë atë

Osmani zbulon se ka pasur mospajtime ndërmjet aksionarëve brenda klubit.

Published

3 years ago

on

Klubi i futbollit Prishtina është futur edhe njëherë në një krizë si në aspektin financiar ashtu edhe në atë sportiv. Derisa skuadra po kalon nëpër një seri të rezultateve në Superligë, të hënën u shkarkua trajneri Imet Munishi, ndërsa ka dhënë dorëheqje edhe kryetari Hakif Gashi.

Këto zhvillime të jashtëzakonshme, Drejtori Gjeneral i klubit, Arton Osmani i konsideron të kalueshme, por që kanë ndikuar për keq brenda ekipit. Në një intervistë, ai thotë se në zhgënjimin e aksionarëve po ndikojnë edhe faktor të jashtëm, siç janë edhe gabimet e gjyqtarëve në dëm të Prishtinës.

“Nuk ka diçka të jashtëzakonshme, ne një periudhe qetësie, një periudhë te rikuperimit edhe financiar edhe sportiv, ndërkohe kishe zhvillime të cilat nuk janë në kontrollin tonë siç ishte licencimi i Federatës së Futbollit të Kosovës, ose moslicencimin në këtë rast që ndikoi keq, pastaj patëm edhe probleme sportive, rasti me Dukagjinin, rasti me Ballkanin barazimi në minutat e fundit, pakënaqësi me referim. Ato po ndikojnë edhe në entuziazmin e aksionarëve sepse po e shohin që realisht një pjesë e parave që po i japin nuk po i japin rezultatet e pritura dhe jo vetëm për shkak të skuadrës, për shkak të kapaciteteve të ekipit, por edhe për shkak të faktorëve të jashtëm”, theksoi ai

Në lidhje me dorëheqjen e Gashit, Osmani zbulon se ka pasur mospajtime ndërmjet aksionarëve brenda klubit.

“Sa i përket aksionarëve nuk është që është mosmarrëveshje, është më shumë zvarritje. Tashmë ish-kryetarin e kam lutur që të qëndroj të paktën deri në qershor. Ka prezantuar një plan zhvillimore, një plan të reformave edhe të brendshme edhe në raport me jashtë në një afat të zbatimit të caktuar dhe të shkurt. Ndërkohë pati disa zvarritje, pati disa hezitime nga ana e disa aksionarëve për t’i pranuar këto reforma për ta filluar zbatimin e tyre në afat të shpejtë edhe për rrjedhojë dha dorëheqje”, theksoi më tutje ai.

Shkarkimi i Ismet Munishit erdhi si një lajm i papritur, por Osmani thotë se ky vendim erdhi pas diskutimeve të gjata në klub. Ai shton se skuadra nuk po i përgjigjet më urdhrave të trajneri dhe skemave të tij.

“Ai ka qenë vendim i bordit me drejtorin sportiv sepse realisht çështjen e trajneri e kemi diskutuar është diçka që e vendos bordi dhe drejtori sportiv…Ka qenë një konsensus i përgjithshëm që më e mira për të gjithë, duke përfshirë edhe trajnerin do të ishte ndërprerja e bashkëpunimit sepse e kemi parë në disa raste që nuk është përgjigjur ekipi ndaj trajnerit, ndaj strategjive që i ka përgatitur, formës së lojës dhe kanë ardhur në përfundim që opsioni më i mirë është ndërprerja e bashkëpunimit…Ai ka qenë i vetëdijshëm për objektivat edhe çfarë pritet në bazë të kapaciteteve financiare edhe erdhëm në një situatë që gjithnjë e më shumë po i largoheshim objektivave dhe u desh ta merrnim këtë veprim gati, gati në fund”, bëri të ditur Osmani.

Për ta zëvendësuar Munishin, Osmani thotë se në tavolinë janë dy emra, Ramiz Krasniqi dhe Ardian Nuhiu, me ish-trajnerin e Dritës të cilin e konsideron si kandidatin më serioz për stolin bardh e kaltër.

“Kemi pasur diskutime, në disa prej tyre kam marr pjesë edhe unë, natyrisht është konsultuar edhe stafi i klubit, disa prej tyre janë prezent këtu kanë preferenca të ndryshme. Një prej tyre që ka qenë më i zëshëm, që e kemi pjesëtar të klubit për shumë vite ka qenë për Ramiz Krasniqin, është Ardian Nuhiu. Do të thotë këta dy emra janë përmendu pak më shpesh…Sipas pjesës së sportit, sepse i kemi të ndara gjërat, mos të hyjë në territor të tjetër kujt, po, është kandidat serioz”, tha në fund ai.

Pas 25 xhirove, Prishtina pozicionohet në vendin e katër me 32 pikë në tabelën e Superligës së Kosovës.

Related Topics:
Continue Reading

Sport

FFK miratohet nga UEFA për dhënien e licencës Fitness B për trajnerët

Published

18 hours ago

on

March 4, 2026

By

Federata e Futbollit e Kosovës (FFK) ka marrë konfirmimin zyrtar nga UEFA për pranim në Konventën e Trajnerëve në nivelin shtesë të diplomës Fitness B, pas përfundimit me sukses të kursit të parë për UEFA Fitness nga Departamenti i Edukimit në FFK.

Në shkresën e UEFA-s, e nënshkruar nga Shefi i Zhvillimit të Trajnerëve në UEFA, Kris Van Der Haegen, konfirmohet se raporti pozitiv i vlerësimit për kursin inaugurues për Fitness është shqyrtuar dhe miratuar nga paneli përkatës, duke i hapur rrugë FFK-së për anëtarësim në këtë nivel të ri të Konventës.

Me këtë vendim, FFK tashmë ka të drejtë të organizojë dhe të lëshojë diploma dhe licenca UEFA Fitness B për kandidatët që përmbushin kriteret dhe përfundojnë me sukses programin përkatës, në përputhje me standardet dhe rregulloret e UEFA-s.

Ky hap përfaqëson një avancim të rëndësishëm në edukimin e trajnerëve në Kosovë dhe në ngritjen e kapaciteteve profesionale në fushën e përgatitjes fizike.

Departamenti i Edukimit në FFK do të vazhdojë të ofrojë programe cilësore dhe të harmonizuara plotësisht me standardet evropiane, duke kontribuar drejtpërdrejt në zhvillimin e futbollit në vend.

Pranimi në nivelin UEFA Fitness B dëshmon punën serioze dhe të qëndrueshme të FFK-së në ndërtimin e një strukture moderne të edukimit të trajnerëve dhe profesionalizimin e sportit në Kosovë.

Continue Reading

Sport

Kosova përballet me Portugalinë në UEFA Femra U17

Published

19 hours ago

on

March 4, 2026

By

Sot zhvillohet një përballje e rëndësishme për Përfaqësuesen e vajzave të Kosovës U17 në kuadër të Kampionatit Evropian për Femra U17 të UEFA-s.

Përfaqësuesja e vajzave e Kosovës do të përballet me Përfaqësuesen e vajzave të Portugalisë U17 nga ora 17:00 në stadiumin Qyteti i Futbollit në Oeiras.

Ky takim është një mundësi për vajzat kosovare të tregojnë talentin e tyre dhe të konkurrojnë në arenën ndërkombëtare, duke kërkuar një rezultat pozitiv ndaj një prej skuadrave më të forta të grupit. Fansat e futbollit të vajzave presin një përballje emocionuese dhe të mbushur me momente spektakolare.

Continue Reading

Sport

Xhaka rikthehet dhe udhëheq Sunderlandin drejt objektivit të sezonit

Published

21 hours ago

on

March 4, 2026

By

Sunderland A.F.C. ka arritur objektivin kryesor për këtë edicion në Premier League, duke siguruar 40 pikë pas fitores 1:0 në udhëtim ndaj Leeds United F.C..

Grumbullimi i 40 pikëve ishte synimi i vendosur në fillim të sezonit, shifër që zakonisht konsiderohet e mjaftueshme për të siguruar mbijetesën në elitën e futbollit anglez. Pas 29 xhirove, Sunderland pozicionohet i qëndrueshëm në mesin e tabelës.

Kapiteni i skuadrës, Granit Xhaka, u aktivizua nga minuta e 56-të, duke u rikthyer gradualisht pas një lëndimi që e la jashtë për pesë ndeshje. Pas përfundimit të takimit, Xhaka u shpreh për TNT Sports.

“Synimi ynë ishte 40 pikë. Tani që e kemi arritur, duam më shumë sepse uria është e madhe. Duhet të qëndrojmë modestë dhe t’i marrim ndeshjet një nga një.”

Ai gjithashtu theksoi rëndësinë e skuadrës si kolektiv, duke veçuar kontributin e Luke O’Nein dhe karakterin e treguar nga të gjithë lojtarët, pavarësisht mungesave të rëndësishme në ekip.

Paraqitja e Sunderlandit u vlerësua edhe nga mediumi prestigjioz BBC, i cili theksoi ndikimin e menjëhershëm të Xhakës në lojë. Sipas BBC-së, skuadra u përmirësua dukshëm pas hyrjes së mesfushorit, duke e cilësuar atë si transferimin me ndikimin më të madh këtë sezon falë përvojës dhe lidershipit të tij.

Deri në përfundim të sezonit në Premier League kanë mbetur edhe nëntë xhiro, ndërsa Sunderland synon të vazhdojë formën pozitive dhe të ngjitet edhe më lart në renditje.

Continue Reading

Sport

Merr fund aventura e Barcelonës në Copa del Rey

Published

21 hours ago

on

March 4, 2026

By

FC Barcelona është eliminuar nga Copa del Rey, pavarësisht fitores 3-0 ndaj Atletico Madrid në ndeshjen e kthimit të gjysmëfinales.

Skuadra katalanase zhvilloi një paraqitje të fuqishme dhe arriti të shënojë tre gola, por kjo nuk mjaftoi për të përmbysur humbjen 0-4 nga ndeshja e kaluar. Barcelona kishte nevojë për të paktën pesë gola për të siguruar kualifikimin, por rrugëtimi i saj në kupë u mbyll këtu.

Golat për Barcelonën u realizuan nga Bernal në minutën e 29-të dhe 72-të, ndërsa Raphinha shënoi në minutën e 45+5, duke ndezur shpresat e tifozëve për një rikthim spektakolar. Megjithatë, diferenca e ndeshjes së parë rezultoi vendimtare.

Përkundër përpjekjes dhe dominimit në këtë përballje, Barcelona i jep fund aventurës në Copa del Rey, ndërsa Atletico Madrid siguron finalen falë epërsisë së krijuar në takimin e parë.

Continue Reading

Të kërkuara