Lajmet

​Osmani-Sadriu: Fëmijëve me sindromën Down duhet t’u ofrojmë kushtet që i meritojnë

E para e shtetit tha se fëmijët me sindromën Down kanë një potencial të rëndësishëm.

Published

4 years ago

on

Në ditën ndërkombëtare të fëmijëve me sindromën Down është realizuar një marsh të cilit iu bashkua edhe presidentja e vendit, Vjosa Osmani-Sadriu dhe shumë qytetarë të tjerë. Nën moton “Ec me këpucët e mia”, e me pankarta që mbanin mbishkrime “Mos më paragjyko”, “Bashkëpunues”, ky marsh nisi nga Kuvendi i Kosovës dhe vazhdoi deri në sheshin “Zahir Pajaziti”.

Terapi fizike, terapi psikologjike por edhe lokopedia ishin disa nga kërkesat e fëmijëve që ishin të shkruara në këpucët e vogla që iu dhuruan presidentes.

E para e shtetit tha se fëmijët me sindromën Down kanë një potencial të rëndësishëm, por duhet t’iu ofrohen kushtet që i meritojnë.

Derisa shton se si presidencë janë në hapa të vazhdueshëm për ofrimin e kushteve për këtë fëmijë, edhe pse siç thotë ajo nevojitet edhe shumë punë.

“Në radhë të parë si institucione, por në radhë të dytë si shoqëri por edhe si individë duhet ta kuptojmë se personat me sindromë Down, e sidomos fëmijët tanë që shumë janë këtu e shumë të tjerë nuk janë këtu në Prishtinë, janë një potencial i jashtëzakonshëm për shoqërinë tonë, i cili duhet të mbështet në çdo segment dhe në çdo fazë të jetës së tyre, sepse ajo çka na dhurojnë është shumë më shumë dashuri, shumë më shumë ngjyra në jetën tonë, prandaj është e domosdoshme që të gjitha kushtet për të cilat ata kanë nevojë t’i ofrojmë si institucione. Natyrisht se jemi në hapa të parë dhe kërkohet është më shumë punë por do të bëjmë gjithçka që është ën duart tona, gjithçka që është ën kompetencat tona në mënyrë që çdo anëtarë i shoqërisë sonë të ndihet i barabartë, të ndihet i përmbushur dhe të ndihet i gatshëm që t’i ofrojë shoqërisë sonë potencialin e vet”, tha ajo.

Ajo shtoi se si hap të vazhdueshëm e kanë edhe angazhimin e asistentëve nëpër shkolla që këtyre fëmijëve t’i ndihmojnë me sa mundësi të kenë.

“Ne duhet t’i marrim parasysh modelet më të mitra të shteteve që kanë avancuar në mbrojtjen e të drejtave dhe lirive themelore të qytetarëve pa dallim dhe përmes atyre modeleve të sigurohemi se integrimi i tyre i plotë në shoqëri të ndodhë. Ne e pamë edhe në këpucët e vogla që u dhuruan që disa nga kërkesat themelore kanë të bëjnë me terapi fizike, terapi psikologjike, pastaj me lokopedi janë fusha të cilët jo domosdoshmërisht sidomos lokopedia janë të zhvilluara në shtetin tonë. Andaj në radhë të parë ne duhet të investojmë në kuadro të mirëfillta të cilat pastaj mund të ndihmojnë fëmijët me sindromën Down qysh nga ditët e para sepse është me rëndësi që të investohet tek ata dhe të përkrahen ata që nga ditët e para pas lindjes në mënyrë që pastaj të behën anëtarë me potencial të plotë në shoqërinë tonë”, potencoi ajo.

Ndërkaq, drejtoresha e shoqatës së Down Syndrom Kosova, Sebahate Hajdini-Beqiri, përmendi se sa e nevojshme është prania e shtetit për realizimin e kërkesave të personave me sindromën Down.

“Në përmblidhje të të gjitha aktiviteteve në bashkëpunim me presidencën ne po përmbyllim lëvizjen e cila filloi nga objekti i presidencës nën moton ‘Ec me këpucët e mija’, mirëpo po e përmbyllim me një mesazh të ecim të gjithë së bashku…Besojmë që çdo ditë do të jeni me neve ju dhe të gjithë përfaqësuesit e institucioneve të Republikës së Kosovës, sepse personat me sindromën Down kanë nevojë për mbështetje dhe për realizimin të drejtave të tyre në të gjitha fushat e jetës sepse komuniteti personat me sindromën Down, familjarët e tyre çdo ditë ballafaqohen me sfidat e tyre, mirëpo mbështetja e presidentes në fushatën tonë dhe të gjithë përfaqësuesit e tjerë na motivojnë dhe na japin shpresa që të drejtat e personave me sindormën Down do të jenë prioritet i institucioneve të vendit”, tha ajo.

21 marsi ndryshe njihet si dita ndërkombëtare e fëmijëve me sindromën Down, derisa shoqata Down Syndrome Kosova, numëron rreth vetës mbi 900 persona me sindromë.

Related Topics:
Continue Reading

Lajmet

Marta Kos anulon vizitën në Serbi pas glorifikimit të Ratko Mlladiqit

Published

4 minutes ago

on

September 4, 2026

By

Komisionerja evropiane për Zgjerim, Marta Kos, ka njoftuar se ka vendosur të anulojë vizitën e planifikuar në Serbi, pas reagimeve ndaj glorifikimit të Ratko Mlladiqit pas vdekjes së tij.

Në një postim në platformën X, Kos ka thënë se Mlladiqi ishte dënuar për gjenocid, krime kundër njerëzimit dhe krime lufte.

Ajo ka theksuar se glorifikimi i tij është i papajtueshëm me vlerat evropiane dhe se rruga drejt Bashkimit Evropian kërkon përballje me të kaluarën, pajtim dhe respektim të viktimave të krimeve të luftës.

“Kjo rrugë kërkon përballje me të kaluarën, pajtim të vërtetë dhe respektim të viktimave të krimeve të luftës”, ka deklaruar Kos.

Për këtë arsye, ajo ka vendosur që, në këtë moment, të mos e realizojë vizitën e planifikuar në Serbi./A.K/

Continue Reading

Lajmet

Aktakuza e parë për Prekazin: 35 të akuzuarit janë të gjallë

Published

26 minutes ago

on

September 4, 2026

By

Prokuroria Speciale e Kosovës ka ngritur aktakuzë në Gjykatën Themelore në Prishtinë ndaj 35 të pandehurve për krime lufte në lagjen e Jasharëve në Prekaz. Sipas Prokurorisë Speciale, të gjithë të pandehurit e përfshirë në këtë aktakuzë janë persona të gjallë ndaj të cilëve do të zhvillohet procedura gjyqësore.

Kryeprokurori i Speciales, Blerim Isufaj, në një konferencë për media të mbajtur të premten, ka thënë se aktakuza lidhet me vrasjen e civilëve në lagjen e Jasharëve.

“Rëndësia e kësaj aktakuze është e veçantë dhe për faktin se bëhet fjalë për aktakuzën e parë që lidhet me vrasjen e civilëve në lagjen e Jasharëve në Prekaz”, është shprehur Isufaj, duke thënë se tani i takon Gjykatës që ta vlerësojë aktakuzën dhe provave e paraqitura në të.

Isufaj ka thënë se në këtë rast është punuar me kujdes të shtuar me qëllim që pretendimet e ngritura të provohen para Gjykatës.

Ndërsa prokurori Valdet Gashi, ka thënë se aktakuzë është ngritur pas një pune disavjeçare të Prokurorisë. Ai e ka cilësuar rastin si shumë kompleks.

“Bazuar në provat e siguruara, kemi arritur që ta vërtetojmë dyshimin e bazuar mirë se të pandehurit e përfshirë në këtë aktakuzë kanë kryer veprën penale ‘Krime lufte kundër popullatës civile’, si rezultat i veprimeve të tyre në ngjarjet e datave 5,6 dhe 7 mars të vitit 1998 në fshatin Prekaz i Poshtëm, konkretisht në lagjen e Jasharëve”, është shprehur Gashi. /E.A/

 

Continue Reading

Lajmet

Dogana e Kosovës grumbullon mbi 1.3 miliard euro të hyra, shënohet rritje prej 6 për qind

Published

58 minutes ago

on

September 4, 2026

By

Dogana e Kosovës ka arkëtuar deri tani 1 miliard e 347 milionë euro, duke shënuar një rritje prej 6 për qind krahasuar me të njëjtën periudhë të vitit të kaluar. Gjatë një vizite në këtë institucion, kryeministri në detyrë, Albin Kurti, e vlerësoi këtë ecuri si dëshmi të përmirësimit të vazhdueshëm të performancës ushtarake dhe administrative të vendit.
Sipas të dhënave zyrtare, për periudhën 2021–2025 rritja mesatare e të hyrave doganore ka tejkaluar gati trefish normën e rritjes ekonomike, me një total prej 8 miliardë e 380 milionë eurosh të mbledhura.
Në kuadër të reformave për lehtësimin e veprimtarisë afariste, është përmbyllur shtetëzimi i terminaleve doganore dhe është zbatuar deklarimi i mallrave para arritjes, masë kjo që ka reduktuar kohën e procesimit të mallrave me rreth 70 për qind. Paralelisht, me vënien në funksion të skanerit në Merdarë dhe avancimin e projekteve si Dritarja e Vetme Kombëtare dhe Tranziti i Përbashkët, institucioni ka forcuar kontrollin kufitar dhe luftën ndaj kontrabandës.
 /E.A/

Continue Reading

Lajmet

Rektori Hajrizi prezanton modelin UBT 5S për edukimin e së ardhmes në energji

Published

1 hour ago

on

September 4, 2026

By

Rektori i UBT-së, Prof. Dr. Edmond Hajrizi, ishte i ftuar në Konferencën e 3-të Ndërkombëtare për Energjinë e Ripërtëritshme dhe Teknologjitë e Mençura – REST 2026, në Tiranë, ku prezantoi modelin UBT 5S dhe mënyrën se si ky koncept i përgjigjet kërkesave të reja për edukimin, industrinë dhe sektorin energjetik.

Në panelin “Future-Ready or Falling Behind? Building the Energy Workforce Through Education, Industry and Brain Gain”, Rektori Hajrizi prezantoi vizionin e UBT-së për ndërtimin e një modeli të integruar që lidh edukimin, kërkimin, teknologjinë, industrinë dhe zhvillimin e qëndrueshëm.

Në këtë kuadër, UBT ka zhvilluar konceptin UBT 5S, të cilin e ka implementuar edhe në UBT Smart City, duke krijuar një ekosistem ku edukimi, inovacioni, teknologjia dhe zgjidhjet e qëndrueshme aplikohen në praktikë. UBT është një Living Lab, ku teknologjitë dhe modelet e reja mund të eksperimentohen në kushte reale, përfshirë përdorimin e Digital Twin për simulimin dhe optimizimin e sistemeve dhe proceseve.

Një pjesë e rëndësishme e këtij vizioni është edhe përfshirja e diasporës në zhvillimin akademik dhe profesional. Përmes bashkëpunimeve dhe rrjetëzimit me profesionistë e ekspertë jashtë vendit, UBT ka krijuar mundësi për shkëmbim të njohurive, përfshirje në projekte, kërkim shkencor dhe lidhje më të forta ndërmjet diasporës dhe zhvillimit të vendit.

Ky model mbështetet edhe në programet akademike të UBT-së, veçanërisht në Inxhinierinë e Energjisë, si dhe në laboratorët e specializuar për energjinë solare, energjinë e erës, smart grids, pompat e nxehtësisë, energjinë gjeotermale, biomasën, IoT dhe teknologjitë e testimit dhe auditimit.

Lidhja me industrinë është pjesë e drejtpërdrejtë e këtij modeli, përmes praktikave, projekteve dhe bashkëpunimit me institucione e kompani të sektorit energjetik, duke u mundësuar studentëve të përballen me kërkesat reale të tregut dhe të përgatiten për profesionet e së ardhmes.

Konferenca REST 2026, është bashkëorganizim me UBT dhe bëri bashkë studiues, inxhinierë dhe profesionistë ndërkombëtarë për të diskutuar të ardhmen e energjisë së ripërtëritshme, teknologjive të mençura, ruajtjes së energjisë, inteligjencës artificiale, IoT-së dhe efiçiencës energjetike.

 

 

Continue Reading

Të kërkuara