Lajmet

​Osmani pas vizitës në Onkologji: Shëndetësia, prioritet mbi prioritete

Ajo premtoi mbështetje për këtë klinikë.

Published

3 years ago

on

Presidentja Vjosa Osmani ka vizituar sot Klinikën e Onkologjisë, në kuadër të muajit të luftës kundër kancerit të gjirit. Ajo premtoi mbështetje për këtë klinikë, derisa sugjeroi Qeverinë dhe Kuvendin që shëndetësia të jetë prioritet mbi prioritete në hartimin e buxhetit për vitin e ardhshëm.

E para e shtetit pas takimit me krerët e ShSKUK-së, tha se ajo nuk ka shkuar në Onkologji vetëm për të rritur vetëdijesimin për kancerin e gjirit, por me ndihmë konkrete për 100 paciente.

“Ne sot nuk kemi ardhur vetëm të flasim, por kemi ardhur me ndihmë konkrete për 100 paciente dhe veprimin konkret që kjo nga viti i ardhshëm të shndërrohet në 400 paciente. Sa i përket tremujorit të fundit, tashmë drejtoresha na njoftoi se ka pasur një sigurim të buxhetit të nevojshëm që realizohen kërkesat sa i përket barnave esenciale, pasi çështja e barnave që shfrytëzohen në mënyrë të personalizuar… Nuk është shkencë raketore, por janë kërkesa të realizueshme që mund të realizohen kur ka vullnet politik. Siç e thash kur miratohet buxheti duhet prioritet mbi prioritete të vendoset shëndetësia”, tha ajo.

Donacionin e presidentes Osmani e mirëpriti drejtoresha e ShSKUK-së, Pranvera Zejnullahu-Raçi, e cila tha se do të insistojnë që të ardhmen të ketë një paketë të rregullt për trajtimin e kancerit të gjirit.

“Do të insistojmë të ardhmen që kjo të jetë paketë të rregullt të trajtimit të sëmundjeve malinje, këtë rast tek gratë me kancer të gjirit. Normalisht, sfida ekzistojnë, këto do të adresohen të ardhmen me shumë seriozitet nga menaxhmenti në ShSKUK, por gjithashtu në vazhdimësi kemi edhe mbështetjen nga qeveria dhe presidenca”, theksoi ajo.

Ndërkohë drejtori i Klinikës së Onkologjisë, Arben Bislimi tha se qëllimi i tyre është që pacientët të marrin trajtimin meritor.

“Dymbëdhjetë muaj jemi rozë dhe mundohemi të japim shërbime dhe t’i trajtojmë në mënyrën më meritore pacientët tanë dhe jo vetëm. Në takimin e përbashkët që e kishim, presidentja ishte e hapur dhe vazhdon të mbetet simbol i përkrahjes dhe mbështetjes për neve si institucion, por gjithmonë në qendër edhe pacientin. Qëllimi është që pacientët tanë në një vend që ka shumë mangësi të marrin trajtimin meritor dhe mos të kemi defekte asnjëherë. Ky donacion që duket i vogël për ata që e japin, por do të thotë shumë për ata që marrin”, tha ai.

Nga ana tjetër, Nafije Latifi, drejtuesja e qendrës “Jeta Vita”, sugjeroi gjithë qytetaret që të bëjnë kontrolle, në mënyrë që sëmundja për kancerin e gjirit të zbulohet më herët.

“Ne si shoqatë jemi munduar të arrijmë te çdo qytetar që të ketë kujdes për shëndetin e vet, të bëjë kontrolle, në mënyrë që sëmundja të zbulohet më herët, pasi nuk ka parandalim”, tha ajo.

Në kuadër të donacionit, presidentja Osmani dhuroi 100 komplete-100 proteza silikoni dhe 100 gjoksore, po ashtu edhe 100 paruka për pacientët me kancer të gjirit. 

Related Topics:
Continue Reading

Rajoni

Rektori Hajrizi viziton UniMarconi në Romë

Published

1 day ago

on

November 8, 2025

By

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Continue Reading

Lajmet

​Bellingham dhe Foden rikthehen në kombëtaren e Anglisë

Published

2 days ago

on

November 7, 2025

By

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Continue Reading

Sport

Vdes në moshën 24 vjeçare lojtari i Cowboys, Marshawn Kneeland

Published

2 days ago

on

November 7, 2025

By

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi ​​një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

 

Continue Reading

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

2 days ago

on

November 7, 2025

By

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.

Continue Reading

Të kërkuara