

Lajmet
FSK këtë javë niset për në misionin e parë paqeruajtës
Published
4 years agoon
By
Betim GashiPjesëtarët e Forcës së Sigurisë të Kosovës pritet të nisen këtë javë për në misionin e parë paqeruajtës në botë, të cilin do ta realizojnë krah ushtrisë amerikane. Këtë e bëri të ditur ushtruesja e detyrës së presidentit të vendit, Vjosa Osmani derisa mori pjesë në shënimin e përvjetorit të Epopesë së lavdishme të Ushtrisë Çlirimtare të Kosovës, në kazermën “Adem Jashari” në Prishtinë. Osmani tha se ushtarët e FSK-në tani e kanë përpara misionin fisnik që dikur e kishte Adem Jashari, atë të ruajtjes së Kosovës.
Për të nderuar Epopenë e lavdishme të UÇK-së dhe përkujtuar sakrificën e familjes Jashari dhe të rënëve të tjerë për liri, kanë parakaluar sot kuadratet e FSK-së në kazermën që mban emrin e komandantit legjendar.
E atyre iu është drejtuar ushtruesja e detyrës së presidentit, Vjosa Osmani që është edhe komandat suprem i Forcës, ku edhe ka bërë të ditur se këtë javë pritet të niset kontingjenti i FSK-së për në misionin e parë paqeruajtës në botë.
“Sikurse Adem Jashari dikur, sot ju keni përpara misionin fisnik që ta ruani Kosovën që ajo të mbetet një dhe e tërë, që ajo të mbetet e përhershme sikurse dedikimi juaj dhe i yni njëkohësisht. Këtë javë ushtarakët tanë do t’i përcjellim për misionin e parë paqeruajtës bashkë me forcat e Gardës së Iowa-s. Ju do ta nderoni emrin e ushtrisë sonë sikurse edhe emrin e shtetit të Republikës së Kosovës. Krah miqëve tanë amerikanë ju po bëni historinë tonë të re, të shtetit që kontribuon në paqen globale”, tha Osmani.
Osmani tha se anëtarësimi në NATO mbetet objektiv strategjik i shtetit të Kosovës. Ajo ka kujtuar sakrificën dhe rezidencën e familjes Jashari në Prekaz, më 5,6 dhe 7 mars të vitit 1998.
“Brezat e tashëm dhe të ardhshëm do të jetojnë me shëmbëlltyrën e komandantit legjendar Adem Jashari dhe të familjes së tij, të cilët mbi fatin e tyre e vunë fatin e kombit duke u flijuar që të gjithë për liri. Sot 23 vjet më parë në Prekaz, familja Jashari luftoi për të mbrojtur pragun e shtëpisë, për të mbrojtur familjen, për të mbrojtur Prekazin, por për të mbrojtur të gjithë Kosovën, duke dhënë shembullin e rrallë në historinë e një familje e cila bëri sakrificën më sublime të vetëflijimit për atdhe që ne sot ta gëzojmë lirinë dhe pavarësinë e shtetit tonë”, shtoi ajo.
Vjosa Osmani tha se beteja tre ditore në familjen Jashari në Prekaz dhe lufta e bashkëluftëtarëve të komandantit, ka vënë themelet e lirisë dhe shtetit të Kosovës.
E kryeministri në detyrë, Avdullah Hoti tha se kjo datë shënon fillimin e fundit të robërisë shekullore.
“Ju drejtohem sot në këtë datë unike të historisë tonë më të re, datë që shënon jo vetëm rënien e komandantit legjendar Adem Jashari dhe 59 anëtarëve të familjes Jashari, por edhe fillimin e fundit të robërisë shekullore. Akti i rezistencës së armatosur të Adem Jasharit dhe familjes, dhe i Prekazit të tij heroik, i filluar në mëngjesin hershëm të 5 marsi 23 vjet më parë dha frymëzimin e madh për t’i rezistuar një regjimi. Këto tre ditë të rezistencës në Prekaz, dhe kushtrimi për popullin tonë, lirinë dhe pavarësinë, si dhe alarmin për qendrat e vendimmarrjes botërore për të ofruar mbështetje për të vërtetën e Kosovës dhe popullit të saj, për mbrojtjen e vlerave të qytetërimit perëndimor, si dhe lirive të drejtave fondamentale njerëzor”, tha Hoti.
E djali i Hamëz Jasharit, Bekim Jashari kërkoi unitet për zhvillimin e vendit, pavarësisht dallimeve politike.
“Sakrifica shekullore e popullit tonë, lufta dhe gjaku i derdhur ndër shekuj është bazamenti i shtetit tonë demokratik të ndërtuar me shumë mund dhe sakrificë. Pra, shteti që e krijuam falë atyre që nuk kursyen as jetën tani e kemi amanet që ta duam dhe ta zhvillojmë në mënyrë që të rinjtë tanë dhe gjeneratat që vijën ta gjejnë perspektivën dhe të ardhmen e tyre në Kosovë, në rrugën tonë për shumë sfida duhet të jemi të bashkuar përtej dallimeve tona politike në mënyrë që të jetësojmë amanetin e dëshmorëve dhe heronjve tanë. Sot 23 vite pas, fal punës së përbashkët dhe kontributit të të gjithëve kemi ushtrinë tonë e cila tashmë radhitet në mesin e ushtrive tjera në ruajtjen e paqes në botë, krahas ushtrisë amerikane dhe NATO-s”, tha Jashari.
Parakalimi i kuadrateve të FSK-në në kazermën “Adem Jashari”, shënon fillimin e aktiviteteve që mbahen për nder të Epopesë së lavdishme të UÇK-së, më 5,6 dhe që kulmon më 7 mars në ndezjen e flakadanëve në atë që njihet si “Nata e Zjarreve”, në Prekaz.
Aktualitet
Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)
Published
2 days agoon
August 1, 2025By
Driton Iseni
Themeluesi dhe Presidenti i UBT-së, Rektori, Prof. Dr. Edmond Hajrizi, është pranuar si anëtar në Akademinë Evropiane të Shkencave (European Academy of Sciences – EurASc).
European Academy of Sciences (EurASc) është një nga akademitë më prestigjioze në Evropë, që bashkon shkencëtarë dhe studiues të shquar nga e gjithë bota, me qëllim promovimin e ekselencës shkencore dhe teknologjike për të adresuar sfidat më të mëdha globale. Anëtarët e saj janë emra të njohur që kanë dhënë kontribute të mëdha në fushat përkatëse, përfshirë shumë fitues të çmimeve ndërkombëtare dhe nobelistë.
Ky është një vlerësim i rëndësishëm ndërkombëtar që njeh kontributin e jashtëzakonshëm të Prof. Hajrizit në fushën e arsimit të lartë, kërkimit shkencor, inovacionit dhe politikëbërjes në nivel rajonal dhe evropian.
“Pjesëmarrja ime si anëtar në Akademinë Evropiane të Shkencave është një vlerësim personal, por mbi të gjitha është një njohje për punën dhe përkushtimin afatgjatë të UBT-së në ndërtimin e një ekosistemi akademik dhe shkencor në përputhje me standardet evropiane. Ky është një hap i rëndësishëm drejt fuqizimit të rolit të Kosovës në hartën ndërkombëtare të dijes dhe inovacionit”, tha Rektori Hajrizi.
Akademia Evropiane e Shkencave (EurASc), në publikimin e saj në rrjetet sociale, ka vlerësuar lart kontributin e Prof. Dr. Edmond Hajrizi për përvojën e tij mbi dydekadëshe në ndërthurjen e akademisë me ekosistemet e inovacionit dhe zhvillimit ekonomik.
Nën udhëheqjen e tij strategjike dhe vizionare, UBT është konsoliduar si një nga institucionet më të avancuara të arsimit të lartë në Evropën Juglindore, duke u shndërruar në një qendër të rëndësishme për zhvillimin e inovacionit, teknologjisë dhe sipërmarrjes.
Si pjesë e angazhimeve të tij profesionale, Prof. Hajrizi ka udhëhequr me sukses dhjetëra projekte të financuara nga Bashkimi Evropian, si dhe ka kontribuar si këshilltar për institucione prestigjioze ndërkombëtare, duke promovuar transformimin digjital, prodhimin inteligjent dhe arsimin e orientuar drejt së ardhmes.
Ky pranim përfaqëson jo vetëm një sukses personal për Rektorin Hajrizi, por një arritje të rëndësishme për UBT-në dhe Kosovën në tërësi. Ai dëshmon se përkushtimi ndaj inovacionit, cilësisë akademike dhe vizionit global mund të sjellë njohje ndërkombëtare dhe ta vendosë Kosovën në hartën e qendrave të rëndësishme të dijes dhe teknologjisë.
Lajmet
Liga e Kampionëve 2025-2026, 29 klube të kualifikuara
Published
2 days agoon
August 1, 2025By
UBT News
Ka ende kohë deri në fillimin e sezonit të ri të Ligës së Kampionëve, megjithatë vështirë se ka ndonjë garë që gjeneron aq shumë pritje sa ky kompeticion. Edhe para se faza e ligës të fillojë më 16 shtator, ka disa data të rëndësishme në axhendë.
UEFA ka planifikuar tashmë shortin për fazën e ligës. Ai do të zhvillohet më 28 gusht në Nyon. Siç ndodhi vitin e kaluar, një program kompjuterik do ta kryejë procesin, pasi një short manual në formatin revolucionar do të ishte përtej mundësive.
Klubet do të ndahen në katër vazo me nga tetë ekipe secila sipas koeficientit të klubit të tyre, me Paris Saint-Germain, si fitues të Ligës së Kampionëve, që tashmë janë të vendosur në vazon e parë. Bayern (i 2-ti), Leverkusen (i 7-ti) dhe Dortmund (i 8-ti) nga Bundesliga janë midis tetë ekipeve të para. Një ekip nga vazoja e parë duhet të luajë kundër një ekipi tjetër nga vazoja e parë dhe klubeve të dyta secila nga vazot e dyta, të treta dhe të katërta në fazën e ligës.
Liga e Kampionëve 2025/26: Cilat klube janë gati për shortin?
Anglia : Liverpool , Arsenal , Manchester City, Chelsea, Tottenham, Newcastle
Spanjë : Barcelona , Real Madrid , Atlético Madrid, Athletic Club, Villarreal
Italia : Napoli, Inter, Atalanta, Juventus
Gjermani : Bayern Munich, Bayer Leverkusen, Eintracht Frankfurt , Dortmund
Francë : Paris Saint-Germain, Marseille, Monaco
Holanda : PSV, Ajax
Portugalia : Sporting CP
Belgjikë : Union Saint-Gilloise
Turqi : Galatasaray
Republika Çeke : Slavia Pragë
Greqi : Olimpiakosi
29 klube janë kualifikuar tashmë për shortin e fazës së ligës. Anglia dhe Spanja kanë siguruar secila nga një vend shtesë përmes renditjes vjetore të UEFA-s, kështu që Newcastle dhe Villarreal do të përfaqësohen. Tottenham është kualifikuar si fitues i Europa League, që do të thotë se Premier League do të ketë gjashtë klube.
Liga e Kampionëve 2025/26: Si do të luhen vendet e mbetura?
Vendet e mbetura do të përcaktohen përmes fazës kualifikuese dhe eliminatoreve.
Raundi i 1-rë kualifikues: 8/9 dhe 15/16 korrik 2025
Raundi i dytë kualifikues: 22/23 dhe 29/30 korrik 2025
Raundi i 3-të kualifikues: 5/6 dhe 12 gusht 2025
Playoff-et: 19/20 dhe 26/27. Gusht 2025
Raundi i parë kualifikues është tashmë në kulmin e tij. Megjithatë, vetëm klubet nga ligat më të ulëta do të garojnë atje. Megjithatë, në raundin e dytë kualifikues do të marrin pjesë klube të njohura si FC Copenhagen dhe RB Salzburg.
Vendimi se cilat klube do të avancojnë në fazën e ligës do të merret më 26 dhe 27 gusht me ndeshjet e kthimit të fazës eliminatore.
Lajmet
Laporta për Yamalin: Ka personalitet të fortë si Messi, është i rrallë
Published
3 days agoon
August 1, 2025By
UBT News
Presidenti i Barcelonës, Joan Laporta, ka bërë një deklaratë të fuqishme në lidhje me talentin e jashtëzakonshëm të Lamine Yamal, duke e krahasuar atë me Lionel Messin jo vetëm për cilësitë teknike, por edhe për karakterin e tij të veçantë.
Në një prononcim për mediat, Laporta u shpreh: “Lamine Yamal ka një personalitet shumë të fortë, njësoj siç kishte edhe Messi në kohën e tij. Ai nuk është thjesht një lojtar i talentuar, por është i rrallë, një prej atyre futbollistëve që lindin rrallëherë.”
Presidenti katalanas vazhdoi me vlerësimet duke theksuar nivelin elitar në të cilin tashmë ndodhet adoleshenti spanjoll:
“Yamal është një gjeni i vërtetë i futbollit. Ka arritur një nivel shumë të lartë për moshën që ka dhe kjo e bën edhe më të jashtëzakonshëm. Ne te Barcelona jemi shumë krenarë që kemi një lojtar si ai në radhët tona.”
Lamine Yamal, vetëm 18 vjeç, ka shpërthyer me paraqitjet e tij për Barçën dhe përfaqësuesen e Spanjës, duke u bërë një ndër emrat më premtues në futbollin botëror. Krahasimi me Messin nga vetë presidenti Laporta vetëm sa e forcon imazhin e tij si trashëgimtar potencial i legjendës argjentinase në “Camp Nou”.

Drita ka bërë një goditje të rëndësishme në merkato duke siguruar shërbimet e sulmuesit të njohur Kristal Abazaj. Lojtari me përvojë të madhe dhe cilësi të spikatura do të jetë tashmë pjesë e repartit ofensiv, duke i shtuar më shumë forcë dhe alternativë skuadrës nga Gjilani.
Pas një pune të përkushtuar dhe negociatash të suksesshme, drejtori sportiv Valon Zymberi arriti të finalizojë marrëveshjen me Abazajn, i cili ka firmosur një kontratë dyvjeçare me klubin.
Abazaj pritet të jetë një armë e fuqishme në dispozicion të trajnerit Ramadani, duke sjellë me vete jo vetëm eksperiencë, por edhe potencial për të bërë diferencën në fushë.

Skechers ka prodhuar atlete për fëmijë që shumë prindër i ëndërrojnë

Zbulohet diagnoza e fshehur e Hulk Hogan

Gjumi i çrregullt mund të jetë shkaktar i bllokimit të arterieve

Çorapja e ndotur e Michael Jacksonit shitet në ankand për një shifër të çmendur

Këshilla për nënat e reja që mëngjesi të jetë më pak stresues

Parashikimi i motit për sot

Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)

Tri shenja të dukshme që mund të keni kolesterol të lartë

Meta me projekt për superinteligjencë artificiale
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit