Lajmet

​Njerëzit që kanë migrenë kanë gjumë më pak cilësor, tregon studimi

Migrena prek rreth një miliard njerëz.

Published

on

Sipas hulumtimeve të reja, njerëzit me migrenë mund të kenë faza më të vogla të gjumit, faza REM, vendimtare për të menduarit dhe kujtesën.

Faza REM e gjumit karakterizohet nga më shumë ëndërrim, lëvizje të trupit dhe ritëm më të shpejtë të zemrës dhe frymëmarrje sesa në fazat e tjera të gjumit.

Në një meta-analizë të 32 studimeve, të rriturit dhe fëmijët me migrenë kishin më shumë gjasa të flinin më pak shëndetshëm sesa ata pa migrenë, raporton CNN.

Gjetjet e meta-analizës u botuan në revistën Neurology, një revistë mjekësore e Akademisë Amerikane të Neurologjisë.

Hulumtimi vjen nga ekspertët të cilët pyesin nëse migrena shkakton cilësi të dobët të gjumit ose cilësia e dobët e gjumit çon në migrenë.

“Ne donim të analizonim hulumtimet e fundit për të marrë një pamje më të qartë se si migrena ndikon në modelet e gjumit të njerëzve dhe ashpërsinë e dhimbjeve të kokës”, tha bashkautori i studimit Jan Hoffman, një pedagog klinik në neurologji në Kolegjin Mbretëror Londër.

“Në këtë mënyrë, klinikët mund të mbështesin më mirë njerëzit me migrenë dhe të ofrojnë trajtime më efektive kur është fjala për gjumin,” shtoi Hoffman, anëtar i Akademisë Amerikane të Neurologjisë.

Megjithëse migrena prek rreth një miliard njerëz dhe është një nga shkaqet kryesore të aftësisë së kufizuar në botë, sipas një studimi të vitit 2018, nuk ka pasur kërkime shumë bindëse se çfarë mendojnë pacientët me migrenë për cilësinë e tyre të gjumit dhe nëse testet objektive laboratorike përputhen me atë perceptimi.

Meta-analiza e re përfshiu më shumë se 10.000 të rritur dhe fëmijë që morën pjesë në studimet e mëparshme. Të rriturit me migrenë performuan më keq sesa pjesëmarrësit e shëndetshëm në Indeksin e Cilësisë së Gjumit në Pitsburg, një pyetësor mbi cilësinë e gjumit, kohëzgjatjen dhe efikasitetin e gjumit, çrregullimet e gjumit, përdorimin e ilaçeve të gjumit dhe mosfunksionimin e përditshëm.

Ky zbulim ishte më i zakonshëm te të rriturit me migrenë kronike dhe jo episodike. Shumë nga pjesëmarrësit iu nënshtruan polysomnografisë së natës, një studim i gjumit që regjistron funksione të caktuara trupore gjatë gjumit dhe përdoret për të diagnostikuar çrregullimet e gjumit.

Këto teste treguan se të rriturit dhe fëmijët me migrenë kishin një përqindje më të ulët të fazës së gjumit REM sesa grupet e kontrollit.

Ray Dasgupta, nga Universiteti i Kalifornisë Jugore, i cili nuk u përfshi në studim, tha se dhimbjet e kokës dhe migrena shoqërohen me pagjumësi, ecje në gjumë, bruksizëm, sindromën e këmbëve të shqetësuara dhe narkolepsi, disa prej të cilave mund të jenë të trashëgueshme.

Studimet e përfshira në meta-analizë nuk raportuan nëse pacientët me migrenë përjetuan migrenë gjatë gjumit, dhe gjashtë studime nuk përfshinin një natë shtesë që pjesëmarrësit të përshtateshin me laboratorin e gjumit, gjë që mund të ndikojë në fazën REM.

Autorët nuk mund të shpjegojnë plotësisht diagnozat e mundshme të shëndetit mendor ose përdorimin e ilaçeve, dhe kjo mund të ndikojë në gjumë. Por hulumtimi i tyre siguron një “kuptim më të qartë të migrenës dhe se si ato ndikojnë në modelet e gjumit”, tha Hoffman.

Rajoni

UBT përfaqësohet me sukses në Konferencën Ndërkombëtare të Pedodontisë në Turqi

Published

on

Prof. Dr. Aida Rexhepi dhe Ligj. Aferdita Gashi nga Katedra e Pedodoncisë dhe Stomatologjisë Preventive të Fakultetit të Stomatologjisë përfaqësuan UBT-në në Konferencën Ndërkombëtare të Pedodontisë në Antalia të Turqisë.

Me një prezantim të studimit të tyre shkencor mbi prevalencën e hipomineralizimit të molarit dhe incizivit te fëmijët e moshës 8-11 vjeç, përfaqësueset e UBT-së treguan ekspertizën e institucionit në hulumtime të avancuara në shëndetin oral dhe stomatologjinë pediatrike.

Konferenca u zhvillua në Antalia të Turqisë, më 4-7 tetor 2025, nën ombrellën e Shoqatës së Pedodonteve të Turqisë. Ky aktivitet ofroi një platformë ndërkombëtare për shkëmbimin e njohurive, diskutimin e metodave më të fundit në stomatologji pediatrike dhe prezantimin e rezultateve të studimeve shkencore nga specialistë të fushës.

Continue Reading

Lajmet

Ngrihet aktakuzë për shitblerje të narkotikëve dhe armëmbajtje pa leje në Gjakovë

Published

on

By

Prokuroria Themelore në Gjakovë, ka ngritur aktakuzë, kundër të pandehurit E.M nën dyshimin për shitje dhe shpërndarje të narkotikëve.

Sipas aktakuzës, ndër të tjera ceket se më datë 11.08.2025 rreth orës 21:25 në Gjakovë Rr. “Gasper Karaqi”, i pandehuri me qëllim të shitjes ose shpërndarjes pa autorizim posedon, substanca apo preparate të cilat me ligj janë shpallur si narkotikë, substanca psikotrope ose analoge, në atë mënyrë që derisa i pandehuri ka qenë duke lëvizur përgjatë rrugës së lartcekur me automjetin e tij Audi A6 me targa të regjistrimit …., në një pik kontrolli është ndalur nga zyrtarët policor të NJRSH-së, ku gjatë kontrollit në çantën e të pandehurit gjenden dhe sekuestrohen gjashtë (6) qese të mbushura me substancë narkotike.

Ashtu që nga ana e hetuesve në mënyrë urgjente është kryer kontrolli dhe bastisja në banesën e të pandehurit me ç’rast janë gjetur dhe sekuestruar substanca narkotike, një peshore digjitale, dy palë gërshërë, një lugë metalike, shirit ngjitës, shkrepës dhe qese të vogla të zbrazëta, të cilat kanë shërbyer për përgatitjen dhe më pas shitjen apo shpërndarjen e substancës narkotike, të cilat janë sekuestruara nga hetuesit policor, me ç’rast pas ekzaminimit nga AKF sipas raportit është konstatuar substancë narkotike e llojit kokainë me peshë të përgjithshme 342.06 gram”, thuhet në komunikatë.

Më tej thuhet se gjithashtu i pandehuri nga data e pa vërtetuar e deri më datë 11.08.2025, rreth orës 21:25 në Gjakovë, ka mbajtur në pronësi armë në kundërshtim me Ligjin për Armë Nr.05/L-022, dhe atë një pistoletë me gaz të llojit Zoraki dhe një karikartor, e sekuestruar nga ana e policisë.

Me këto veprime i pandehuri E.M., ka kryer veprat penale “Blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge” nga neni 267 par.1 të KPRK-së dhe “Mbajtja në pronësi, kontroll ose posedim të paautorizuar të armëve” nga neni 366 par.1 të KPRK-së”, thuhet në njoftim.

Në fund thuhet se prokurori i çështjes me rastin e ngritjes së aktakuzës, i ka propozuar gjykatës që të pandehurin ta shpallë fajtor dhe të dënohet sipas ligjit për veprat penale të cilat i vihen në barrë./D.B/KP

Continue Reading

Lajmet

​Zbulohet sasi e konsiderueshme mallrash të padeklaruara në pikën kufitare Vërmicë

Published

on

By

Zyrtarët doganorë në pikën kufitare në Vërmicë kanë parandaluar tentativën për të futur në territorin e Republikës së Kosovës mallra të padeklaruara, gjatë një kontrolli rutinë të zhvilluar sot.

Sipas njoftimit të Doganës, gjatë kontrollit të një automjeti të udhëtarëve, janë gjetur 18 thasë me 144 palë mbathje sportive të markës “Nike”, të cilat ishin fshehur në bagazhin e automjetit dhe nuk ishin deklaruar në momentin e hyrjes në territor.

Pala në fjalë nuk posedonte faturë për mallin, dhe sipas procedurave ligjore, malli është ndaluar përkohësisht në pikën kufitare deri në përfundimin e procedurave”, njofton Dogana e Kosovës. /D.B/KP

Continue Reading

Lajmet

Rektori Hajrizi u uron studentëve mirëseardhje dhe një fillim të mbarë të vitit akademik 2025/26

Published

on

Rektori i UBT-së, Prof. Dr. Edmond Hajrizi, u ka uruar mirëseardhjen studentëve të rinj dhe atyre aktualë në fillimin e vitit të ri akademik 2025/26. Në fjalën e tij, Rektori Hajrizi theksoi rëndësinë e këtij fillimviti, i cili sjell mundësi për suksese, përvoja të reja edukative dhe zhvillim personal e profesional.

Lexoni mesazhin e plotë të Rektorit Hajrizi:

Të dashur studentë të rinj dhe studentë aktualë të UBT-së,

Në emër të UBT-së dhe në emrin tim personal, ju urojmë mirëseardhje në fillimin e vitit të ri akademik 2025/26.

Ky është një fillimvit që na bashkon për më shumë suksese, përvoja të reja edukative e akademike, si dhe mundësi për zhvillim personal dhe profesional.

UBT mirëpret gjeneratën e re të radhës, e cila bashkë me studentët aktualë, që kanë besuar në edukimin dhe zhvillimin profesional të ofruar nga UBT, do të kontribuojë në një vit të pasur akademik.

Besojmë fuqimisht se, ashtu si gjithmonë, do të veprojmë për të arritur synimet tona kryesore: Top Education for Top Students, duke mbështetur jo vetëm studentët, por edhe zhvillimin e vendit dhe suksesin e Kosovës në arenën globale.

Ju keni zgjedhur të studioni në institucionin më prestigjioz, tashmë të dëshmuar edhe në nivel global, ku cilësia dhe inovacioni janë parimet themelore.

UBT është ranguar ndër universitetet më të mira në botë për cilësi, inovacion, ndërmarrësi, zhvillim të qëndrueshëm, teknologji dhe inteligjencë artificiale, dhe së fundmi, renditet në vendin e parë në botë për angazhimin dhe impaktin në shoqëri.

Për herë të parë në Kosovë dhe në rajon, UBT ka integruar Inteligjencën Artificiale, teknologjitë më të avancuara dhe infrastrukturën e kompletuar të një Qyteti të Mençur, së bashku me një staf cilësor, në rritje, dhe shumë të përkushtuar, në mënyrë që ju të jeni sa më të suksesshëm.

Kështu, gjatë studimeve, ju do të keni mbështetje të plotë nga profesorët, mentorët dhe strukturat tona akademike, duke ju dhënë hapësirën e duhur për të mësuar, krijuar dhe ndërtuar karrierën tuaj.

Ne jemi të përkushtuar t’ju ofrojmë një përvojë studimi të pasur, që jo vetëm do të ndikojë në jetën tuaj personale, por gjithashtu do të kontribuojë në shoqëri dhe në zhvillimin e Kosovës.

Ju uroj një vit akademik të suksesshëm, të mbushur me dije, përvoja dhe arritje të reja. Le të jetë ky vit një hap i sigurt drejt realizimit të ëndrrave tuaja!

Me respekt,

Prof. Dr. Edmond Hajrizi

President dhe Rektor i UBT-së

Continue Reading

Të kërkuara