Lajmet

Negociata Qeveri-MCC për gazsjellësin pritet të vazhdojnë në maj

Ndërsa synohet që në gusht apo në shtator kjo marrëveshje të shkojë në Kuvend për ratifikim.

Published

4 years ago

March 22, 2022

Betim Gashi

Në fillim të muajit maj pritet që të vazhdojnë negociatat në mes të Qeverisë së Republikës së Kosovës dhe MCC për projektin e gazsjellësit, ndërsa synohet që në gusht apo në shtator kjo marrëveshje të shkojë në Kuvend për ratifikim. Kështu ka bërë të ditur ministrja e Ekonomisë, Artane Rizvanolli gjatë raportimit para anëtarëve të Komisionit për Industri, Ndërmarrësi dhe Tregti, i cili zgjati më shumë se dy orë.

Gjatë këtij raportimi ajo u shpreh se shifra prej 10 milionë eurosh që u tha se KEK ka eksportuar energji elektrike nuk është e saktë, ndërsa lidhur me rrymën e shpenzuar në komunat veriore ajo kërkoi që të flasë pa praninë e medieve.

Rizvanolli tha se negociatat në mes Qeverisë së Kosovë dhe MCC për projektin e gazsjellësit pritet të vazhdojnë në fillim të muajit maj, ndërsa aktualisht janë në negociata për vlerën 200 milionë euro për komplet grantin.

Për këtë projekt ministrja e Ekonomisë u shpreh se sipas afatit janë zhvilluar tri koncept-nota për projekte të dorëzuara më 21 janar të vitit 2022.

“Kur kemi qenë duke biseduar për projektin që lidhet me infrastrukturën përcjellëse të gazsjellësit në vitin e kaluar granti i parapara ka qenë 190 milionë euro, ndërsa aktualisht jemi në negociata për 200 milionë euro për komplet grantin plus një mundësi që 15% e 234 milionë sa është projekti total me bashkëfinancim të Kosovës të shfrytëzohet të merret grant nda DFC për zhvillimin e projekteve të energjisë të ripërtitrishme negociata për këtë do të vazhdojnë në fillim të majit shpresojmë që në qoftë në javën e parë të gushtit para se Kuvendi të shkoj në pushim, qoftë pas pushimit në shtator ta sjellim në Kuvend ta sjellim marrëveshjen për ratifikim”, theksoi ministrja e Ekonomisë.

Kjo përgjigje e ministres Rizvanolli erdhi pasi që deputeti i AAK-së, Pal Lekaj u interesua të di më shumë për projektin e gazsjellësit se a do të vazhdohet apo jo plani i fizibilitetit.

“Studimi i fizibilitetit nga MÇ sa i përket gazsjellësit ne e dimë që kemi pasur diku 200 milionë euro dhe sa kam informacione nuk e di saktë 80 milionë vetëm janë larguar dhe kanë mbetur 120 milionë. A mendoni se do të vazhdoni prapë me këtë fizibilitet a është korrekte që pas 1 viti ne prapë edhe 1 vit ta shtyjmë dhe ne prapë dhe e ditë që ai brenda vitit nuk ndërtohet jam i vetëdijshëm, por së paku të kemi siguri afatgjate për qytetarët e Kosovës sa i përket gazsjellësit”, pyeti Lekaj.

Ministrja e Ekonomisë, Artane Rizvanolli u shpreh se shifra prej 10 milionë euro energji elektrike të eksportuara nga KEK nuk është e saktë, madje ajo tregoi edhe shifrat e sakta për muajin janar dhe shkurt që KEK ka eksportuar i dhe Ujmani ka shitur energjisë elektrike të prodhuar.

“Informata shifra prej 10 milionë euro të eksportuara nuk është e saktë mund të ketë ardhur nga përfshirja e energjisë tranzit, unë nuk e di se si saktësisht si ka ardhur por sido që të jetë këto janë shifrat e sakta të eksportit nga KEK dhe shitjes nga Ujmani. Për janar KEK ka eksportuar 1 mijë e 220 MGË orë në vlerë 245 mijë e 830 euro, ndërsa Ujmani ka shitur 3 mijë 344 MGË orë në vlerë 834 mijë në total 1 milionë e 84 mijë e 572 euro. Ndërsa, në shkurt vlera janë 16 mijë mgë orë nga KEK në vlerë 2 milionë e 591 mijë e 183 euro, ndërsa nga Ujmani shitje prej 6 mijë e 848 mgë orë në vlerë 1 milionë e 550 mijë 960 euro në vlerë totale të shitura 4 milionë e 107 mijë e 143 euro të cilat në asnjë formë nuk mund të jenë ekuivante me atë 10 milionëshin i cili është përfolur me medie”, tha ajo.

Pas kësaj reagoi kryetari i Komisionit për Ekonomi, Ferat Shala duke kërkuar shifër të saktë të energjisë së eksportuar dhe arsyes se përse kjo energji nuk iu dha Feronikelit për shfrytëzim.

Sipas tij, për KESCO dhe KOST-in kanë ndarë mjete për subvencionim, ndërsa për disa ndërmarrje nuk po përkrahen.

“Sa milionë euro gjatë muajit janar dhe shkurt Kosova ka eksportuar energji. Mbledhi të lutemi. I përmende diku 4 e diku 6. Mbledhi të lutem dhe tregova sa milionë janë, pastaj na trego pse kaq mgë dhe kaq milionë. Sa të dalin, le të dalin. Nuk keni pasur mundësi me ia dhënë Ferenoikelit që i ka kërkuar në kushtet që ju ia ofroni për mos me i rujat në frigorifer sepse nuk po u rujkan në frigorifer. Pra ku i kenë quar këto, kush i ka ble këto, kush pati frigorifer me i ruajt këto energji që u eksportuan që megjithatë nuk janë shumë por nuk janë as pak”, u shpreh ai.

E ndonëse ministrja Rizvanolli tha se shifrën e saktë të eksportit nuk e di, dha detaje se përse kjo energji e prodhuar nuk ua dha në shfrytëzim Feronikelit.

“Sa i përket Fernonikelit dhe eksportit dhe pse kemi eksportuar sigurisht që ju e dini që eksporti ka ndodhur në masë të madhe gati plotësisht gjatë orëve të natës kur nuk ka pasur nevojë për të. Sa i përket kërkesës së Feronikelit dhe a ka mundur të shfrytëzohet nga Feronikeli, asaj i duhet një nivel konstant i furnizimit me energji të cilën ne KEK nuk ka mundur ta bëjë gjatë kësaj periudhe meqenëse është detyruar së pari të furnizohet shërbimi i furnizuesit universal dhe pastaj humbjet në distribucion dhe transmision”, tha ajo.

E debati vazhdoi në mes të ministres Rizvanolli dhe për deputetit të PDK-së, Ferat Shala, për mjetet që Qeveria ka ndarë si masë emergjente për tejkalim të krizës energjetike.

“Kënd e keni subvencionuar me këtë 20 milionë euro, ku kanë shkuar këto mjete kush është favorizuar ia ke lënë operatorit priva me operua me 20 milionë. Shpjegoma sipas asaj që vlerësoni”, u shpreh ai.

Por Rizvanolli shtoi se subvencionimi është bërë te faturat e qytetarëve jo për ndërmarrjet.

“Nuk është subvencionim i ndërmarrjeve qoftë KEK, qoftë KEDS, KESCO cilido operatorë është subvencionim i konsumatorëve secili cent që hynë në sistem përmes cilido formë që jetë ajo është një cent që konsumatori nuk do e paguaj”, tha ministrja Rizvanolli.

Kryetari i Komisionit për Ekonomi, Ferat Shala u interesua të di më shumë edhe rreth humbjeve në Trepçë dhe investimet që parasheh qeveria t’i bëjë në këtë ndërmarrje publike. Ndërsa, pyetje parashtroi edhe për zgjidhjen e pagesës së rrymës që shpenzohet nga qytetarët në veri të Kosovës.

E për këtë të fundit ministrja tha se nuk dëshiron të flasë para medieve për shkak të ndjeshmërisë së temës, ndërsa për Trepçën u shpreh se kjo ndërmarrje ndonëse ka fituar për shkak të ngritjes së çmimeve të metaleve, telashe i ka shkaktuar edhe rritja e energjisë elektrike. Por ajo u shpreh se gjendja në këtë ndërmarrje do të përmirësohet.

“Është fakt që ngritja e çmimit të metaleve në bursat botërore gjatë vitit 2021 ka qenë një ndihmesë për Trepçën dhe gjithë prodhuesit tjerë të metaleve nga ana tjetër Trepça ka qenë e goditur nga rritja e çmimeve të energjisë e cila e ka vështirësuar operimin. Pra, domethënë derisa nga njëra anë ka përfituar edhe ka pësuar nga rritja e çmimit të energjisë, situata në Trepçën me vite është e rënduar dhe unë tani nuk i kam shifrat e sakta me vete mirëpo si trend i përgjithshëm duhet të them që sigurisht që përmirësimi i menaxhimit shitja e mbetjeve me procedura të rregullta dhe jo me procedura të them në rastin më të mirë që mund të vihen në pikëpyetje e në rastin më të keq keqpërdorime që janë dërguar në Polici nga këto aspekte edhe pa investime shtesë besoj që mund dhe do të përmirësohet gjendja e ndërmarrjes”, theksoi ajo.

Pyetje ndaj ministres së Ekonomisë, Artane Rizvanolli adresoi edhe Pal Lekaj anëtar në këtë Komision nga AAK. Ai u interesua të di se a kanë menduar që të ketë rishikim të faturave të energjisë elektrike gjatë muajve të verës, Rizvanolli tha se nuk mund të paragjykoj nëse do ketë rishqyrtim të ri të tarifave.

Ndërsa, lidhur me sigurimin e ndonjë kontrate për furnizim me energji elektrike ministrja e Ekonomisë u shpreh se ndonëse nuk është përgjegjësi e nivelit politik për të siguruar furnizim me rrymë, po mundohen që të ndihmojnë operatorët që të arrihet ndonjë marrëveshje.

Ajo me këtë rast tregoi se pas dy javësh do të qëndrojë në Bullgari pikërisht për këtë çështje.

“Nuk është detyrë dhe as kompetencë e Qeverisë për të blerë energji elektrike në kushte normale, megjithatë ne kemi përkundër kësaj ne kemi pasur biseda me vendet e rajonit me Shqipërinë dhe Maqedoninë për të parë mundësitë, pastaj kontrata kush i realizon sigurisht që do jenë operatorët e tregut, mirëpo, për të parë nëse mund të fasilitojmë diçka duke marr parasysh krizën….01’06’24Unë do të jem në bullgari pas dy javësh për të parë mundësitë kam biseduar edhe me ambasadorin meqenëse Bullgaria është një prej shteteve të vetme në rajon që ka pasur tepricë të energjisë gjatë kësaj kohe dhe meqenëse kemi marrëdhënie të mira dhe do të shohim mundësitë nëse ne në nivel politik mund të bëjmë diçka për të fasilituar marrëveshje në mes të operatorëve”, theksoi ajo.

Derisa ka folur për krizën energjetike që e kaploi vendin në muajt e kaluar, Rizvanolli u shpreh se fillimisht kishin menduar që deri në pranverë krizën ta kalojnë me 42 milionë euro dhe pa prekur tarifat e qytetarëve deri në pranverë, por që kjo nuk arriti të ndodh. Ajo tha se së shpejti Kosova do ta ketë draftin e Strategjisë për Energji, ndërsa u shpreh se korniza ligjore ka qenë pengesë në menaxhim të krizën energjetike.

Ndërsa, ka shpalosur shumë plane dhe projekte që pritet të vazhdojnë këtë vit në fushën e eficiençës së energjisë.

Related Topics:negociata gazsjellesi MCC

Up Next

ATK tregon se çka u sekuestrua gjatë aksionit të sotëm në qendër të Prishtinës

Don't Miss

Bisilimi sqarohet për reagimin e Bjorn Berge, kritikohet nga opozita

Lajmet

Driton Kuka nderohet me “Pllakën e Artë” në Mal të Zi për sukseset historike

Published

1 minute ago

April 29, 2026

UBTNews

Trajneri i mirënjohur i Kosovës, Driton Kuka, ka pranuar çmimin kryesor “Pllaka e Artë” nga Akademia Sportive e Malit të Zi. Ky vlerësim i lartë iu nda gjatë Konferencës së 24-t Ndërkombëtare të mbajtur në Budva, si mirënjohje për rezultatet e tij të jashtëzakonshme në arenën ndërkombëtare.

Akademia ka vlerësuar lart kontributin e Kukës në promovimin e sportit të xhudos dhe arritjet e tij të pashembullta që e ngritën Kosovën në majat e sportit botëror. Ky çmim vjen si dëshmi e punës së palodhshme të trajnerit që krijoi një “shkollë të artë” të xhudos në vendin tonë.

Nën udhëheqjen e Driton Kukës, ekipi i Kosovës ka arritur rekorde historike që përfshijnë:5 medalje olimpike; 10 medalje botërore; 30 medalje evropiane, si dhe qindra dekorata të tjera në gara prestigjioze.

Ky sukses i radhës konfirmon statusin e Kukës si një prej trajnerëve më të suksesshëm në botë, duke i dhënë Kosovës një imazh të fuqishëm përmes sportit.

Lajmet

DITARI: Çfarë lajmesh kemi lexuar në çdo 29 prill, në vitet nëntëdhjetë

Published

11 minutes ago

April 29, 2026

UBTNews

29 prill 1993

Lajm i plotë:

Kumtesë e Kryesisë së LDK-së rreth vrasjeve në kufi me Shqipërinë dhe keqësimit të gjendjes në Kosovë

Kryesia e Lidhjes Demokratike të Kosovës lëshoi një kumtesë lidhur me vrasjen e disa shqiptarëve në zonën kufitare me Shqipërinë dhe me keqësimin e situatës më të re në Kosovë, në të cilën thuhet:

Shkallëzimi i represionit të pandërprerë të regjimit policor serb mbi shqiptarët dhe Kosovën po merr përmasa shqetësuese. Paralelisht me shtrëngimin ndërkombëtar rreth situatës në Bosnjë, lëvizjet shqetësuese të forcave të ushtrisë, demonstrimet kërcënuese të forcës, përqëndrimet ushtarake, fortifikimet, mobilizimi i civilëve, armatosja e popullatës serbe, agresiviteti i ushtrisë dhe i policisë ndaj popullatës së pambrojtur shqiptare, paraqesin vetëm pamjen e jashtme përmes, së cilës regjimi okupues serb jo vetëm dëshiron ta përqëndrojë në Kosovë vëmendjen e opinionit të vet në këto çaste të vështira për të, por ç’është më e keqja, në këtë mënyrë do të provokojë konflikt të hapur me shqiptarët.

Rezultat tragjik i kësaj atmosfere të rëndë është edhe vrasja e pajustifkueshme, e pakuptim dhe barbare e dhjetë shqiptarëve më 25-27 prill 1993 në afërsi të kufirit midis Kosovës dhe Shqipërisë. Për tetë shtetasit e Shqipërisë “Qeveria federale” dha shpjegimin se e paskan shkelur kufirin, justifikim për të cilin askund në botë nuk vriten njerëzit dhe i cili vetvetiu flet mjaft për natyrën pashembull brutale të këtij regjimi.

Për vrasjen e dy shtetasve të Kosovës Zenun dhe Musa Rexhepi, në afërsi të fshatit të tyre Babaj i Bokës, komuna e Gjakovës, nga ana e rezervistëve posaçërisht agresive serbë më 27.04.1993, pushteti okupues nuk e pa të arsyeshme as të jepte ndonjë shpjegim.

Kryesia e LDK-së shpreh indinjatën dhe protestën më të ashpër kundër akteve të këtilla kriminale të forcave të armatosura okupuese serbe në Kosovë, i dënon sjelljet e këtilla të pushtetit duke tërhequr njëherësh vërejtjen e opinionit dhe të institucioneve ndërkombëtare për gjendjen skajmërisht të rrezikshme të lëvizjeve të tilla. Njërherësh, nga bashkësia ndërkombëtare kërkon që ta shtojë praninë e vet në Kosovë dhe të ndërmarrë hapat e nevojshëm për parandalimin e shpërthimit të konfliktit që do të ishte edhe më tragjike se ai në Bosnjë, thuhet në kumtesën e Kryesisë së Lidhjes Demokratike të Kosovës.

Lajme të tjera:

Partia Fshatare dënon krimin serb në kufirin me Shqipërinë

Robert Dol: Duhet të tërheqim vijën në Ballkan

Shqipëria kërkoi vendosjen e forcave të OKB-së në Kosovë

Demonstratë në Uashington

Forcat ushtarake serbe po stacionohen nëpër disa komuna të Kosovës

Policia serbe ftoi në “bisedë informative” Mon Dajakun deputet i Kuvendit të Republikës së Kosovës

Në Dushanovë të Prizrenit policia serbe bastisi njëmbëdhjetë familje

Organizata franceze “Equilibre” i nisi 200 tonë ndihma humanitare për Kosovën

Plaçkitje të inspeksionit financiar në Suharekë

“Le Monde”: Papa i Ballkanit

“Trepça” ndërpreu prodhimin

Inspeksioni sanitar ndaloi punën në disa sektore në Teatrin e Kosovës

29 prill 1994

Lajmet kryesore:

Dr. Berisha: Çështja shqiptare- çështje themelore në Ballkan

Nuk dihet për fatin e një ish-eprori ushtarak shqiptar

Policia ndërhyri në SHF “Isa Boletini” në Isniq

Policia pengon mësimin shqip edhe në komunën e Istogut

Federata e Helsinkit kërkon që dezerterëve t’u jepet azil

Represioni në Kosovë

Për lirimin e dy të rinjve kërkohen shuma të mëdha markash gjermane

U dëbuan 125 punëtorë shqiptarë nga “Produkti” i Skënderajt

Punë për 240 profesorë universitarë serbë në Prishtinë

Në Viti tre veta në burg për armë

29 prill 1995

Lajmet kryesore:

Intervistë e kryetarit Rugova për gazetën “Svenska Dagbladet” të Suedisë

Van Den Bruk: Duhet dialogu në mes shqiptarëve e serbëve

Komisioni për çështje politike i AP të Këshillit të Evropës flet për Kosovën

“Bujku”: Terror me pretekst të militarizimit të shpifur

Rouds: Spastrimi i fshehur etnik në Serbi e Mal të Zi

Nuk bën që dhuna e pushtuesit ta pengojë aktivitetin politik

Të ndërpriten matrapazllëqet me kulturën në Gjilan

Policia serbe ndërhyri në tregun e Gllogovcit

Forcat e policisë serbe bllokuan qytetin e Vushtrrisë

Policia serbe ndërpreu ndeshjen e hendbollit Vjosa – Prishtina

Dhuna e përditshme në Kosovë

Polici Peroviq për dhunim u dënua me 4 vjet e 10 muaj burg

Ekspozitë e skulptorit Luan Mulliqi në Dallas

Manipulimet e individëve e pengojnë punën e PAD-it

Serbët paralajmërojnë nxjerrjen e njëfarë statuti të përkohshëm për Kosovën

29 prill 1997

Lajmet kryesore:

U promovua monografia “Papa në Shqipëri” e Don David Xhuxhës

Konferencë për gazetarë e kryetarit të PPK-së Adem Demaçi

Në Berlin përfundoi konferenca ndërkombëtare për Ballkanin

Serbët nuk e njohin Republikën e Kosovës

Vazhdon odisejada e katër shqiptarëve të dëbuar nga Gjermania

Qeveria shqiptare kundër caktimit të mitropolitit të Korçës

Në Gjakovë u themelua Shoqata e Afaristëve

Policia serbe ndërpreu mësimin në dy shkolla fillore në komunën e Istogut

Foto: Dr.Sali Berisha

Lajmet

Inspektorati i Punës ndalon punimet në 17 vendpunishte brenda 48 orëve

Published

15 minutes ago

April 29, 2026

UBTNews

Inspektorati Qendror i Punës ka ndërmarrë një aksion të gjerë inspektues në të gjithë territorin e Kosovës, duke u fokusuar 100% në sektorin e ndërtimtarisë si një fushë me rrezikshmëri të lartë. Sipas raportit të fundit 48-orësh, inspektorët kanë ndërhyrë duke ndaluar procesin e punës në 17 vendpunishte ku janë konstatuar shkelje të rregullave.

Gjatë kësaj periudhe janë realizuar gjithsej 46 inspektime dhe 37 riinspektime. Prishtina dhe Gjilani prijnë me numrin më të lartë të ndalimeve të punimeve, përkatësisht me 8 dhe 7 raste. Inspektorati njofton se për të gjitha subjektet ku është vendosur ndalimi i punës, do të iniciohen menjëherë kërkesa për kundërvajtje në gjykatat përkatëse.

Ky aksion, i cili zbatohet me urdhër të Ministrisë së Punës, Financave, Mirëqenies dhe Vlerave të Luftës (MPFVLÇ), synon rritjen e sigurisë në punë. Në raport theksohet se në 14 raste janë eliminuar parregullsitë pas ndërhyrjes së inspektorëve, ndërsa procesi i riinspektimeve do të vazhdojë edhe në ditët në vijim për të siguruar mbrojtjen e plotë të punëtorëve në vendet e punës.

Lajmet

Shqipëria firmos me SHBA-në marrëveshje për gazin në vlerë prej 6 miliardë dollarësh

Published

49 minutes ago

April 29, 2026

UBTNews

Një marrëveshje prej 6 miliardë dollarësh në fushën e sigurisë energjetike është nënshkruar në Tiranë në prani të kryeministrit të Shqipërisë, Edi Rama, dhe ambasadores së Shteteve të bashkuara në Greqi, Kimberly Guilfoyle.

Marrëveshja u firmos mes kompanisë shqiptare Albgaz me dy kompanive të mëdha ndërkombëtare, njëra amerikane dhe tjetra greke.

Dokumenti parashikon zhvillim e Qendrës Energjetike të Vlorës dhe marrëveshjen kornizë për furnizimin me gaz të lëngshëm natyror, si hapa të rëndësishëm drejt diversifikimit të burimeve të energjisë dhe forcimit të pavarësisë energjetike, në bashkëpunim të ngushtë me Shtetet e Bashkuara, si edhe ndërveprim me Greqinë.

Nënshkrimit të marrëveshjes i parapriu një postim në X të ambasadores amerikane në Greqi, Kimberly Guilfoyle.

“… në Tiranë për të avancuar agjendën energjetike të presidentit të SHBA dhe për t’iu bashkuar kryeministrit Edi Rama për të marrë pjesë në ceremoninë e nënshkrimit të një marrëveshjeje historike midis Shqipërisë, Venture Global dhe Aktor LNG USA për një marrëveshje 20-vjeçare për gazin e lëngshëm natyror amerikan”, theksoi ambasadorja.

Ajo tha se angazhimi prej 6 miliardë dollarësh forcon sigurinë energjetike dhe sigurinë kombëtare në të gjithë rajonin.

“Kur Shtetet e Bashkuara, Shqipëria dhe Greqia punojnë së bashku, ky rajon është më i lidhur, më i sigurt dhe më i begatë”, tha ambasadorja Guilfoyle.

Marrëveshja synon ndërtimin e infrastrukturës në Vlorë për importin e gazit të lëngshëm nga SHBA-ja dhe rigazifikimin e tij për furnizimin e Evropës Jugore.

Ministri i Energjisë dhe Infrastrukturës i Shqipërisë, Enea Kakaraçi, gjatë ceremonisë së nënshkrimit të marrëveshjes tha se partneriteti me SHBA-në reflekton një vizion të përbashkët për të ndërtuar një të ardhme energjetike të sigurt dhe të qëndrueshme.

“Një shtyllë qendrore e këtij vizioni është zhvillimi i Qendrës Energjetike të Vlorës që është një komponent, një projekt shumë komponencial që do të ripërcaktojë rolin e Shqipërisë në këtë hartë energjetike”, tha ai.

Ambasadorja amerikane në Athinë e cilësoi Shqipërinë një partnere të palëkundur të SHBA-së dhe vend me rëndësi të jashtëzakonshme strategjike për Ballkanin dhe Evropën.

“Presidenti Trump ka qenë kampion i zjarrtë i sigurisë energjetike. Vizioni dhe veprimet e tij kanë përforcuar faktin se ofrimi i një energjie të qëndrueshme forcon SHBA-në dhe aleatët tanë strategjikë. Administrata Trump e ka ngritur bashkëpunimin energjetik si shtyllë në mbarë botën. Dhe, nënshkrimi i sotëm është manifestim i prekshëm i kësaj përpjekjeje”, deklaroi Guilfoyle.

Ambasadorja gjithashtu theksoi se SHBA-ja mbështet Ballkanin që është më i ndërlidhur, më i sigurt në aspektin energjetik dhe më i begatë dhe Shqipëria, siç tha ajo, është thelbësore për këtë vizion.

Edhe kryeministri i Shqipërisë, Edi Rama, e cilësoi këtë marrëveshje me një rëndësi të jashtëzakonshme.

“Vlora do të kthehet në një pikë kritike për energjinë në Evropën Juglindore. Theksoj rëndësinë e nevojës të Shqipërisë e të Greqisë për të forcuar lidhjen tonë dhe bashkëpunimin në shumë mënyra, por posaçërisht sa i takon furnizimit me energji, prodhimit energjetik dhe rezistencës së pavarësisë energjetike. Duke pozicionuar Shqipërinë si ndërlidhëse, fluksi energjetik shkon përmes Ballkanit Perëndimor, kontribuon në stabilitetin e rajonit dhe ndikon në sigurinë energjetike të fqinjëve”, tha Rama.

Kryeministri shqiptar u shpreh se partneriteti midis Shqipërisë dhe SHBA-së, përçon sot një mesazh shumë të qartë se edhe vendet e të vogla mund të bëhen pjesë e zgjidhjes së sfidave më të ngutshme siç është nevoja për energji.

Kosova, ndërkaq, nuk ka rrjet gazsjellësish për shpërndarjen e gazit natyror e as sistem të ndërtuar institucional për menaxhimin e këtij sektori.

Por, në Strategjinë e Energjisë të Kosovës për periudhën 2022-2031 parashikohet mundësia që vendi të lidhet me rrjetet rajonale të gazit në të ardhmen. /REL/