Lajmet

​NATO synon të forcojë mbrojtjen ajrore të Kievit pas sulmeve ruse

Takimi i Brukselit është takimi i parë i madh i NATO-s qëkur Rusia aneksoi katër rajone të okupuara të Ukrainës.

Publikuar

2 vjet më parë

më

Më shumë se 50 vende u mblodhën në margjinat e një samiti të NATO-s në Bruksel për të diskutuar forcimin e mbrojtjes ajrore të Ukrainës, dy ditë pasi raketat ruse goditën Kievin dhe qytete të tjera në vend.

Takimi i Brukselit është takimi i parë i madh i NATO-s qëkur Rusia aneksoi katër rajone të okupuara të Ukrainës, nisi mobilizimin e pjesshëm dhe nisi kërcënimet e fshehta bërthamore – lëvizje që aleanca perëndimore i ka klasifikuar si një përshkallëzim i qartë i luftës që filloi më 24 shkurt me pushtimin e Ukrainës nga Moska.

Dy ditë pas sulmeve me raketa ajrore ruse që vranë 19 njerëz në Ukrainë dhe ndërprenë furnizimet me energji elektrike në të gjithë vendin, sekretari i Përgjithshëm i NATO-s Jens Stoltenberg u kërkoi aleatëve të dërgojnë më shumë sisteme të mbrojtjes ajrore në Ukrainë, shkruan ANSA.

Stoltenberg tha se “sulmet e tmerrshme dhe pa dallim” treguan pse kjo është kaq e rëndësishme.

“Ne kemi nevojë për lloje të ndryshme të mbrojtjes ajrore – me rreze të shkurtër dhe të gjatë, sisteme të mbrojtjes ajrore për t’u marrë me raketa balistike, raketa lundrimi, drone, sisteme të ndryshme për detyra të ndryshme”, u tha ai gazetarëve pas mbërritjes së tij në takim.

“Aleatët duhet gjithashtu të rrisin furnizimin e sistemeve të mbrojtjes ajrore për të ndihmuar Ukrainën të mbrojë edhe më shumë qytete”, shtoi ai.

Dje, Ukraina mori të parin nga katër sistemet e mbrojtjes ajrore Iris-T Slm të premtuara nga Gjermania, sipas një burimi në ministrinë gjermane të Mbrojtjes.

Stoltenberg i quajti sulmet me raketa të Rusisë një shenjë dobësie, duke treguar se presidentit Vladimir Putin po i mbarojnë alternativat pasi forcat e tij po humbasin në fushën e betejës.

Moska, e cila e përcakton përparimin në Ukrainë si një “operacion special ushtarak” për të eliminuar nacionalistët e rrezikshëm dhe për të mbrojtur qytetarët rusishtfolës, akuzoi Perëndimin për përshkallëzimin e konfliktit përmes mbështetjes së tyre ndaj Kievit.

Ukraina akuzon Rusinë për grabitje të pajustifikuara imperialiste të tokës, tre dekada pas shpërbërjes së Bashkimit Sovjetik.

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

3 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

5 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

7 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

9 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara