Lajmet

​Murati: Bizneset që punësojnë mbajtës të familjes do t’i mbështesim me 70% të pagës

Masa e re sa i përket punësimit i dedikohet atyre familjeve që nuk kanë asnjë të punësuar.

Published

4 years ago

on

Ministri i Financave, Hekuran Murati ka dhënë detaje për masën mbështetëse “Çdo familje së paku një të punësuar”, duke thënë se synimi i masës së re për punësim është që të rritet numri i vendeve të punës dhe mirëqenia e qytetarëve.

Murati në një konferencë për media ka thënë se masa e re sa i përket punësimit i dedikohet atyre familjeve që nuk kanë asnjë të punësuar.

“Nuk ka qenë e lehtë, kemi pasur kriza në vazhdimësi duke filluar me pandemi, pastaj energjinë elektrike si problem dimrin e kaluar, pastaj invazionin në Ukrainë. Jemi munduar me marrë masa të nevojshme për t’i mbështetur qytetarët. Do të mundësojë që bizneset që janë të interesuar të punësojnë mbajtës të familjes, t’i mbështesim me 70% të pagës bruto, subvencioni është 300 euro”, tha ai.

Ai ka thënë se do t’i publikojnë kriteret dhe thirrjet për këtë përfitim.

“Njëri nga kriteret është se kompanitë nuk mund të punësojnë më shume sesa 30% e stafit ekzistues, për t’u regjistruar për këtë përfitim duhet të regjistrohen në Agjencinë e Punës dhe të sjellin kopje certifikatën e bizneset, letërnjoftimin e pronarit dhe listën e punëtorëve të punësuar aktualisht nga kompania. Mbajtësit e familjes duhet të jenë të moshës së punës, të mos kenë asnjë anëtar të punësuar dhe të regjistrohen si të papunësuar në agjencinë e punës rajonale, dhe të sjellin letërnjoftimin dhe të tregojnë në cilët fusha mund të punojnë”, ka thënë Murati.

Related Topics:
Continue Reading

Lajmet

Arrestohet një person në Podujevë, dyshohet se shtyu zyrtaren policore

Published

20 minutes ago

on

September 22, 2026

By

Një person është arrestuar në Podujevë pasi dyshohet se ka përdorur fjalë fyese dhe ka shtyrë një zyrtare policore.

Rasti ka ndodhur më 21 shtator, rreth orës 15:08.

I dyshuari është intervistuar dhe, me vendim të prokurorit, është liruar në procedurë të rregullt./A.K/

Continue Reading

Lajmet

Dyshohet për kontrabandim me migrantë në Vërmicë, ndalohet një person

Published

22 minutes ago

on

September 22, 2026

By

Policia ka ndaluar një automjet me targa vendore në Vërmicë, ku janë gjetur katër migrantë, shtetas të huaj.

Rasti ka ndodhur më 21 shtator, rreth orës 04:00. Automjeti drejtohej nga një i dyshuar mashkull kosovar.

I dyshuari është intervistuar dhe, me vendim të prokurorit, është liruar në procedurë të rregullt.

Ndërkohë, migrantët janë trajtuar nga institucionet përkatëse dhe më pas janë dërguar në qendrën strehimore./A.K/

Continue Reading

Lajmet

Dy persona sulmojnë me kaçavidë një burrë në Ferizaj

Published

25 minutes ago

on

September 22, 2026

By

Një burrë në Ferizaj ka kërkuar ndihmë mjekësore pasi dyshohet se është therur me një mjet të mprehtë, konkretisht kaçavidë, nga dy persona të panjohur.

Rasti është raportuar më 21 shtator, rreth orës 22:30.

Viktima ka marrë tretman mjekësor dhe më pas është liruar.

Policia ka bërë të ditur se rasti po hetohet./A.K/

Continue Reading

Lajmet

Tre të dyshuar për materiale të shfrytëzimit seksual të fëmijëve në Prizren dhe Drenas

Published

27 minutes ago

on

September 22, 2026

By

Policia e Kosovës ka identifikuar tre persona të dyshuar për veprën penale “Materiale me përmbajtje të shfrytëzimit dhe keqpërdorimit seksual të fëmijëve”.

Rasti është raportuar më 21 shtator në Prizren dhe Drenas. Si prova materiale janë sekuestruar tre telefona celularë.

Njëri nga të dyshuarit është arrestuar dhe, pas intervistimit, është liruar në procedurë të rregullt, ndërsa dy të dyshuarit e tjerë janë ftuar për intervistim.

Rasti mbetet në procedurë hetimore, njofton Policia e Kosovës./A.K/

Continue Reading

Të kërkuara