Lajmet

Mjekët tregojnë për gjendjen e të lënduarve si pasojë e shpërthimit në Ferizaj

Published

5 years ago

January 6, 2021

Betim Gashi

Gjashtë persona po qëndrojnë në mjekim intensiv dhe gjendja e tyre vijon të jetë e rëndë pas lëndimeve që kanë marrë nga shpërthimi i djeshëm në Ferizaj.

11 të tjerë po trajtohen në Kirurgjinë Plastike dhe sipas personelit mjekësor, gjendja e tyre është stabile. Në mungesë të Qendrës për Djegie, mjekët kanë dhënë pëlqimin e tyre që gjashtë pacientët që e kanë shkallën e djegies më shumë se 40% të dërgohen jashtë vendit për trajtim.

Një bombolë gazi e cila shpërtheu dje në një restorant në qytetin e Ferizajt ka bërë që mbi 40 persona të kërkojnë ndihmë mjekësore urgjente.

14 prej tyre mbrëmë janë dërguar për në Qendrën Klinikën Universitare të Kosovës, dhe pas intervenimit kirurgjik në emergjencë, gjashtë nga ta janë vendosur në mjekim intensiv qëndror, kështu ka treguar për KosovaPress drejtori i Klinikës Intensive, Shaqir Uka.

“Pas intervenimit kirurgjik në sallën operative të qendrës emergjente në mjekimin intensiv qendror janë sjellë pesë pacientë, të cilët vazhdojnë të marrin trajtimin mjekësor. Në njësinë e mjekimit intensiv të klinikës së kardiologjisë po ashtu është dërguar edhe një pacient, të gjithë këta gjashtë pacientë kanë lëndime më të rënda të pësuara nga shpërthimi në fjalë… Këtë gjashtë, gjendja e tyre ka qenë më e rënduar, pacientë tek të cilët shkalla e sipërfaqes se djegur ka qenë mbi 35%”, thotë ai.

E shefi i repartit të Kirurgjisë Plastike, Zenë Buja për KosovaPress thotë se e kanë dhënë pëlqimin që këta gjashtë pacientë që janë në kujdes intensiv të trajtohen jashtë vendit, meqë në Kosovë nuk ka Qendër për Djegie.

“Gjashtë te tjerë që janë në gjendje të rëndë ne e kemi dhënë pëlqimin që mund të trajtohen jashtë vendit për arsye se ata kërkojnë trajtim më të veçantë, ne fatkeqësisht nuk e kemi qendrën për djegie, andaj mungesa e qendrës për djegie na lejon që këta pacientë t’i dërgojmë jashtë vendit për trajtim, kuptohet vetëm djegiet qe janë të rënda, 40 apo 50%”, tha ai.

E në klinikën e Kirurgjisë Plastike po trajtohen 11 pacientë, tre prej të cilëve janë sjellë mbrëmë nga Ferizaj.

“Këta 11 pacientë kanë djegie mesatarisht të rënda, për momentin gjendja e tyre është stabile, jemi duke ofruar gjithë ndihmën që duhet nga ana e personelit mjekësor dhe shpresoj t’ia kalojmë e t’ia dalim mbanë”, tha Buja për KosovaPress.

Buja thotë se nga rasti i Ferizajt deri tani kanë trajtuar 17 pacientë, gjendja e të cilëve vijon të jetë e rëndë.

Në këtë klinikë vazhdojnë të qëndrojnë edhe tetë pacientë të tjerë të cilët një javë më parë ishin lënduar si pasojë e një shpërthimi të bombolës së gazit që kishte ndodhur në Lagjen “Marigona” në Prishtinë.

Vendi

Nis shpërndarja e 100 eurove për studentët

Published

51 minutes ago

June 25, 2026

UBTNews

Ministri në detyrë i Financave, Hekuran Murati ka bërë të ditur se është bërë ekzekutimi i 100 eurove për studentët në kuadër të Pakos për Përballje me Inflacionin 2.0.

Ai ka njoftuar se sot është finalizuar dhe dorëzuar lista e studentëve të kualifikuar për mbështetjen me 100 euro.

“Pas pranimit të verifikimeve të nevojshme nga institucionet e arsimit të lartë, komisioni verifikues sot ka finalizuar dhe dorëzuar listën e studentëve që janë kualifikuar për mbështetjen e njëhershme me 100 euro”, ka thenë Murati. /E.A/

Vendi

Shqipëria shpall “non-grata” për 15 vjet teologen nga Kosova, Igballe Berisha-Huduti

Published

2 hours ago

June 25, 2026

UBTNews

Teologia nga Kosova, Igballe Berisha-Huduti, është shpallur “person i padëshiruar” në Shqipëri për një periudhë 15-vjeçare. Vendimi është marrë nga autoritetet shtetërore në kuadër të masave për sigurinë kombëtare dhe rendin publik.

Sipas vendimit të transmetuar nga mediat në Shqipëri, ky hap u ndërmor bazuar në informacionet e institucioneve të sigurisë, të cilat e vlerësojnë veprimtarinë e saj si rrezik potencial. Ndaj Hudutit rëndojnë dyshime për lidhje me regjimin iranian dhe për thirrje publike kundër rendit kushtetues në Shqipëri. Urdhri tashmë i është përcjellë për zbatim Policisë së Shtetit dhe strukturave të kufirit e migracionit.

Lidhur me këtë rast ka reaguar edhe kryeministri i Shqipërisë, Edi Rama. Ai deklaroi se Huduti ka qenë e përfshirë si “e infiltruar” në protestat që po zhvillohen në Tiranë kundër ndërtimit të një resorti luksoz në Zvërnec. Kreu i qeverisë shqiptare ka publikuar edhe fotografi në rrjetet sociale, duke ngritur akuza për lidhje të saj me figura dhe struktura të huaja.

Nga ana tjetër, vetë Igballe Berisha-Huduti i ka mohuar të gjitha pretendimet dhe akuzat e autoriteteve. Përmes një reagimi, ajo ka theksuar se pjesëmarrja e saj në protesta ka qenë tërësisht qytetare dhe patriotike, pa asnjë motiv tjetër të fshehur. /E.A/

Vendi

FSK dhe Policia e Kosovës sërish institucionet më të besueshme për qytetarët

Published

2 hours ago

June 25, 2026

UBTNews

Forca e Sigurisë së Kosovës (FSK) dhe Policia e Kosovës vazhdojnë të gëzojnë nivelin më të lartë të besimit publik në vend. Sipas rezultateve të Anketës Rajonale WeBalkans 2026, 87.4% e qytetarëve kanë shprehur besim të plotë në FSK-në, ndërsa 85.6% në Policinë e Kosovës, duke i renditur këto dy institucione në krye të listës për sa i përket besueshmërisë.

Përmes një komunikate për media, Policia e Kosovës e ka vlerësuar këtë rezultat si një dëshmi të pastër të profesionalizmit, përkushtimit dhe angazhimit të vazhdueshëm të zyrtarëve policorë në garantimin e rendit dhe sundimit të ligjit. Nga ky institucion theksuan se besimi i qytetarëve është themeli i punës së tyre dhe një motiv shtesë për të vazhduar mbrojtjen e jetës dhe pronës së komunitetit.

Anketa tregon gjithashtu se për qytetarët e Kosovës, siguria, sundimi i ligjit dhe lufta ndaj korrupsionit mbeten prioritetet kryesore për zhvillimin e vendit. Një pjesë e konsiderueshme e të anketuarve kanë kërkuar që forcimi i zbatimit të ligjit të mbetet në fokusin kryesor të institucioneve shtetërore.

Në përgjigje të këtyre gjetjeve, Policia e Kosovës ka ritheksuar përkushtimin e saj për të luftuar pa kompromis krimin e organizuar, korrupsionin dhe çdo dukuri tjetër që cenon sigurinë publike. Institucioni ka premtuar investime të mëtejshme në ngritjen e kapaciteteve profesionale dhe rritjen e transparencës, duke shprehur njëkohësisht mirënjohje të thellë për përkrahjen e vazhdueshme të qytetarëve. /E.A/

Lajmet

Mbyllen tri qendra masazhi dhe shqiptohen pesë gjoba

Published

3 hours ago

June 25, 2026

UBTNews

Inspektorati Qendror i Mbikëqyrjes së Tregut (IQMT), në bashkëpunim me Policinë e Kosovës dhe Inspektoratin Qendror të Punës, ka ndërmarrë një aksion të gjerë kontrolli, duke realizuar 98 inspektime të përbashkëta në qendrat e masazhit dhe lokalet e muzikës në të gjithë territorin e vendit.

Siç njofton Ministria e Industrisë, Ndërmarrësisë, Tregtisë dhe Inovacionit, si rezultat i mungesës së dokumentacionit të nevojshëm dhe mosrespektimit të orarit të punës, janë mbyllur tri qendra masazhi, prej të cilave dy në Komunën e Gjakovës dhe një në Komunën e Rahovecit.

Përveç mbylljes së këtyre lokaleve, IQMT ka shqiptuar edhe pesë gjoba ndaj subjekteve të tjera ekonomike që nuk kanë prezantuar dokumentacionin e kërkuar ligjor gjatë procesit të inspektimit.

Nga ministria theksojn se me qëllim të garantimit të ushtrimit të ligjshëm të veprimtarive ekonomike, IQMT në koordinim me institucionet përgjegjëse do të vazhdojë organizimin e aksioneve të tilla në të gjithë vendin. /E.A/